李公館

營業中

休息中

♥️荔枝樹🌴第一次連皮食荔枝😍荔枝樹造型幾可亂真，上枱時真係嘩一聲！打卡指數爆燈🤩❤️‍🔥彎彎荔枝樹枝，有顏色鮮艷既鮮花又有雀仔，好有意景🥰荔枝外層是薄米通，無論賣相定咬口都極似脆既荔枝殼。整粒荔枝點上白色的汁，一咬極有荔枝爆汁的效果，應該是荔枝汁，荔枝肉其實係墨魚，食落又彈又清甜，視覺味覺皆享受，妙絕！餐前小食：炸片頭：香口野又彈牙酥炸墨魚咀：墨魚咀煙韌香脆，送酒一流醬汁厚切茄子🍆最like醬汁，有層次🍲杏汁豬肺湯：功夫之作，感覺唔算太滑，但有滋潤感覺主菜：🦑海苔香酥鮮魷：廷續墨魚咀的香脆，不過鮮魷淡淡肉，厚身咬落更有鮮味🦐大頭蝦兩食~黃金頭/豉油皇身：賣相極吸引，黃金蝦頭惹味多膏，頭抽蝦身淡淡肉🍲米皇煮皇帝蜆 ：蜆好巨型，米湯好醇🐥茶燻雞：雞滑入味🦀籠仔糯米蟹飯：兩大籠香噴噴，蟹肉清甜糯米飯煙韌，有秋冬煲仔飯feel🍶話梅花雕鮑魚: 上枱煙霧彌漫好浪漫，花雕話梅又甜又醇有d似黃酒，配爽口鮑魚，美味🍳🥩🌶麻辣安格斯牛肉炒蛋：賣相普通，食落蛋好滑，安格斯牛夠厚但滑，麻辣好惹味

✨茶香燻雞皮脆 肉都算嫩滑 茶燻味淡淡的 啱晒我地口味有時燻味太重 食兩嚿就會厭✨冰鎮咕嚕肉外層冰凍脆皮 咕嚕肉 肉質嫩 唔會乾味道酸甜適中 生果 罐頭生果冇特別✨碧綠活剝蝦餃皇蝦餃皮 偏軟帶黏 蝦 新鮮爽彈✨原蝦鮑螺片燒賣皇鮑螺片 普通 帶少少鮮味蝦 大隻爽彈燒賣 多豬肉 偏實口感✨抹茶金粒流沙包外層淺綠色既普通流沙包𥚃面流沙餡 唔係好稀嗰種 口感係幼滑 但都會食到細細粒鹹蛋黃食物唔錯 菜式選擇比較少環境可以 空間感一般 但都算坐得舒服服務唔錯 樣樣都做到足價錢合理

超水準的中菜，像魔法師帶我們漫舞於銀河今晚在灣仔李公館吃中菜。聽說有新菜色，清空腸胃，下午茶都免了。是對新菜式的期待❤️第一道菜上枱，為食四人組，嘩聲四起🤣🤣🤣⋯⋯蠔🦪⋯⋯這個日本刺生級蠔——-清蒸！一口吃下，這種爽脆，夏天的悶感全消，剩下在蠔殻的汁像奶，是盛夏的溫泉！一滴也不可錯過。比生蠔更多了一種甘甜，熟度剛剛好，生熟之間的矛盾感在口中打轉😆其實吃法國菜的速度是品嚐美食的好方法，第二道出現，又是啦啦隊📣吶喊助興的時間，每一隻花甲像張開咀在說話，我就叫它：花甲的吶喊🤣🤣🤣😋❤️我未曾食過這種花甲….公的🤣🤣🤣原來花甲是有分公乸的？！甜甜鮮鮮，十分脆，淡淡的醬料配上些微芫茜，一粒接一粒地狂吃，停不下來。這種鮮甜帶我走到海洋的深處，呼吸著海水的氣息。未想離開水域，從海走到河🤣❤️😎下一道菜：大頭蝦兩食，炸蝦頭，併豉油皇蝦身，濃濃的蝦羔喚醒味蕾！幸福的感覺就是這樣，食…吞…笑超級牛魔的我們，遇到這條巨大，氣勢迫人的牛肋骨，誰能抗拒（附一碟牛肋骨的配汁，一定要沾汁，汁不太咸，卻是牛肋炆煮出來的精華）牛肉的味道發揮到極致，筋及肉的平均，它不是用濃郁的醬油，是蔬菜的清甜加上牛肉的原有香味，遊走在肉香及

第二次到李公館，食物質素依然保持水準。平日都很多人，所以一定要預先打電話📲訂座。我們選了套餐，肉絲炒麵及石鍋胡椒雞。另外，也點了湯。湯非常好飲，令人有再三回味的感覺。肉絲炒麵有點淋，不像其他地方的肉絲炒麵，上碟時候十分脆。不過，整體都是很好吃的。肉絲很多，廚房半點也沒有偷功減料。石鍋胡椒雞，上菜時非常熱。胡椒味道很出色，可以看到雞上大大的胡椒粒。而且雞的份量也不少，很適合幾個人一同食。店內環境舒適，即使兩個人，亦安排一張大的圓桌。店內沒有限制用餐時間，三五知己可以慢慢一聊天，特別適合一家人食飯。茶位偏貴，每位14元，另收加一😮‍💨餐廳若不太繁忙，侍應的服務態度還是不錯的。

因為疫情嘅關係，好耐都冇去過李公館飲茶🫖~ 而家疫情最近有所回落，可以同朋友喺度相聚一下，嚟呢度嘆茶真係不二之選呀！因為李公館嘅荔枝茶真係好好飲，剛剛見隔離枱叫菊花茶☕️～ 喜歡新鮮感嘅今次想試吓.. 天時暑熱飲啖菊花茶～中和下熱氣感先.. 幾好唔錯。。原來這裡除咗飲茶之外，聽侍應講，夜晚呢度有晚市，等我下次同朋友嚟試吓先。這裏的侍應也很健談..服務很不錯，主動替我們添茶呢！

惹味厚切茄子食落口一d都唔油同唔會一pat野咁 醬汁食落好香,兩者加埋好惹味值得一試👍🏻碧綠活剝蝦餃皇皮厚度適中 足料D蝦夠彈牙🤤抹荼金粒流沙奶黃包真係做到流心既效果😍好味😋食過好多間既流沙奶黃包 都唔係流心呢間中菜館性價比高 點心好有特色唔同普通酒樓食既點心服務態度好 環境闊落 舒服👍🏻下次會試埋佢既晚市👍🏻

今天是母親節，看見OpenRice 介紹依間餐廳，以為很好，我仲特登訂位。但是真係想不到這間飯店的食品水準是這樣差的，碟碟餸都係暖。炒班球的魚塊可以是不熟！叫佢重炒後，D魚都只是暖的！好差好差的一頓飯!以後不會再來李公館食飯。

之前試過呢間餐廳既點心，最近終於有機會試到佢既晚巿小菜，估唔到小菜比點心更驚艷，如果話點心係行穩陣路線， 咁小菜會係低調得黎味道有驚喜既果種。1）馬來喇沙煮卜卜蜆：呢個組合好夾，比足料，蜆肉鮮甜，但湯底偏濃味， 建議食左較清淡既小菜先食佢，最後忍唔住包起剩餘既湯返屋企煮面食2) 黃金脆啤梨：可愛既賣相，外層似脆口既墨魚餅，咬落感受到佢既彈牙，內心係d 脆口既蔬菜，配埋個wasabi 沙律醬，都幾刺激味蕾。3) 惹味厚切茄子: 本身極唔like 茄子， 黎到個樣亦無咩特别，食落就覺得佢成為左今餐飯既亮點，令我重新認識茄子，茄子既挺身質感同秘制既醬汁配搭起黎就有剛好既感覺。4）籠仔糯米蒸蟹飯：都幾大份，有三至四人份量，上菜時會擔心好淡味咁，因為好似飯既比例好多，不過揭開個蟹蓋後發現勁多調配好既蒜蓉，撈落d 飯一齊食， 係每啖都食到蟹既鮮甜，又有蒜香滲出黎，糯米飯又唔太乾唔太濕既口感，每個細節都平衡得宜， 絕對係encore 之選。（後尾先知仲有個海蝦version，有機會再試）5）蓮蓉西米焗布甸，銀耳椰皇燉桃膠： 以一款唔多地方order到既焗布甸，同埋一款好潤既糖水作結，超滿足。總結：餐

繁忙時段，餐廳嘅服務仍然幾好。上湯灼菜心：$40/48分數：2.8/5有啲硬，本人唔太鍾意。惹味厚切茄子：$34/38分數：3.9/5味道質感都唔錯，個汁配搭得好好。奇味椒絲牛柏葉：$30/34分數：3.5/5開頭正常，可惜食到最尾有啲鹹。櫻花蝦蜜汁叉燒腸：$34/38分數：3.8/5個皮幾薄，叉燒係一粒粒嘅，唔會一大舊，幾容易咬，加埋啲櫻花蝦幾特別。瑤柱海皇灌湯餃：$45/48分數：3.8/5味道唔錯，最緊要唔會太鹹。銀耳椰皇燉桃膠：$40/48分數：3.3/5正常，唔會太甜，感覺唔太多料。總結：坐得幾舒服，食物整體ok，服務都唔錯。

自從疫症後無晚市都無咩點出街食飯，呢個新年已經食第三個盆菜啦😅講真諗住盆菜都無咩特別好食，估唔到李公館呢個真係好驚喜😋足料好好食👍🏻👍🏻遠遠都揸車去灣仔拎果然無失望😌個個食到讚口不絕👍🏻👍🏻由其是鵝掌👍🏻在座食家大讚👍🏻👍🏻👍🏻超膠質感夠哂淋身之餘又唔會爛好好味👍🏻👍🏻👍🏻我地選左鮑汁湯底好香，其實好想試喇沙湯底架，但又唔係個個鍾意有辣喎😅李公館飲茶晚飯都好食，估唔到做盆菜一樣有水準，保留傳統之餘仲加入啲新元素抵讚，逆市下真係要有heart💪🏻加油（附設朋友制勁勁生炒糯米飯）

天氣凍, 唔知點解好想食點心係OpenRice搵左好耐, 發現李公館原來平日晏就有點心食, 而且又唔係好貴<櫻花蝦蜜汁叉燒腸>大食妹好耐無食過滑啫啫嘅腸粉, 於是嗌左份櫻花蝦蜜汁叉燒腸腸粉皮唔會太厚, 但質感比較軟身櫻花蝦同叉燒都幾多, 但裏面竟然有芫荽<咖喱芝心海皇角>李公館嘅咖喱芝心海皇角好特別外皮係咸水角果隻糯米皮, 皮薄餡靚, 咖喱味濃<原蝦鮑螺片燒賣皇>飲茶當然要食返啲大路野原蝦鮑螺片燒賣皇口感彈牙唔油膩<碧綠活剝蝦餃皇>碧綠活剝蝦餃皇餃皮凍左少少, 但依然食到蝦嘅鮮味, 高質<醬皇蒸鳳爪>醬皇蒸鳳爪都唔錯, 味道啱啱好, 唔會太濃而且鳳爪指甲都剪得好乾淨<奇味椒絲牛柏葉>奇味椒絲牛柏葉口感爽口, 但相對其他野食, 味道比較普通<黑糖蜂巢蜜糖糕>黑糖蜂巢蜜糖糕係大食妹推介大家黎到一定要食, 蜜糖味超突出, 口感軟糯煙韌

🍁 點 心 系 列 ($42-$22 不等)•點心癮起，本身諗去食點心放題，但睇咗幾間都係一般般，點心得幾款，其餘都係小菜粉麵多，加上又未必食到晒咁多嘢，所以都係揀返散嗌嘅餐廳開心啲😆2點後入座有優惠價，蝦餃燒賣就冇平，其他款就平咗$6-$3左右，慳得1蚊得1蚊😂碧綠活剝蝦餃皇($40)係綠色皮，都幾特別，餃皮厚薄適中，入面有成3隻蝦😍原蝦鮑螺片燒賣皇($40)上面鮑螺片同蝦，好足料好彈牙，同蝦餃一樣必食💯蟹子百花釀魚肚($36)都好中意，魚肚好入味，啲魚滑大大舊，如果蟹子多啲就更好🤓黑芝麻金粒流沙包($23)撕開係有流沙感，正常發揮，整體味道偏淡咗啲啲🤔黑糖蜂巢蜜糖糕($22)好中意呢個！煙煙韌韌，黑糖嘅甜度啱啱好，好想再encore🥺川粵水煮牛肉腸($36)呢個就好一般，腸粉唔算太厚，但個辣完全食蓋過咗牛肉味，搞到好似食齋腸咁，下次要試脆脆野菌腸😢椒鹽墨魚嘴($42)係有驚喜嘅一個，啲炸皮超薄，墨魚嘴好爽口好新鮮，份量都唔少，係椒鹽味唔太突出，但整體值得食😚

兩口子食生日飯想搵間特別啲嘅中菜館，呢間人氣館子地方雖小，但裝修優雅簡潔有氣派。我哋預早訂咗兩隻5両大閘蟹，蟹肉結實鮮甜，蟹膏濃郁 Creamy😋，跟埋杯薑茶，有助溫熱驅寒。話梅凍豬手，豬手皮彈牙、筋軟滑、肉嫩口，濃郁話梅甜酸味，開胃小食。話梅花彫鮑魚上枱時充滿仙氣，因為盛盤下放了乾冰，店員灌入清水之後，鮑魚就好似置自雲霧中，客人未食先興奮🤪。石鍋馬拉盞炒芥蘭，芥蘭香甜鮮嫩，但略嫌炒得太淋，沒有了口感！茶香燻雞半隻，份量算大，雞皮脆薄，但肉質略嫌唔夠滑，可以話係鞋，茶味亦唔濃。招牌菜之一冰鎮咕嚕肉，大大碟冰埋藏著炸過嘅咕嚕肉，以冷熱交融效果令外皮更酥脆。但可惜炸皮太厚，面層糖漿太甜，食了兩件巳經感覺很膩。豬肉無肉味，肥瘦不勻稱，有點失望😞！半打壽包亦需要預訂，特色在於放棄傳統蓮蓉作餡料而改用紫薯蓉。紫薯蓉香滑唔太甜，健康有益。

同朋友上李公館食太太的生日飯第3餐。謝謝老闆的安排的紫薯壽包~我也是第一次吃~事前我也不知道...真的很驚喜。最重要很好吃。紫薯輕味清甜～沒有蓮蓉的霸道甜味～我習慣食壽包係摵開一半至食。一摵開係紫色真係未見過。小菜也照舊有水準。冰鎮話梅花雕鮑魚：呢個阿女最鐘意...因為有煙玩~又好食，鮑魚有點話梅酸酸的很醒胃，再有一點花雕酒的香味。翠塘海明珠：蒸蛋白做底有菠菜茸做汁上面還有鮮甜的帶子。口感突出！黑醋咕嚕脆豚肉、很香的陳醋酸味。蒜蓉粉絲蒸蟶子王蟶子非常大隻。十分滿足、西蘭花炒龍躉球、黃金柚子咕嚕肉，雖然一晚叫兩味但因為太太鐘意食咕嚕肉所以叫了兩味不同口味的咕嚕肉、櫻花蝦豉油王炒麵多了一種海鮮咸香令炒麵不平凡。今晚隔離仲坐咗舊同事喺隔離。食完飯繼續過隔離枱吹水。😁👍👍👍

秋風起，又係食大閘蟹嘅時候，噚晚一家大小去咗李公館食飯，估唔到李公館嘅大閘蟹隻隻都好肥美，爆晒膏，我哋一共食咗13隻，連阿女都話好多膏！仲有個蟹粉蘿蔔糕，上枱時仲聽到熱辣辣嘅「吱吱聲」，蘿蔔糕上佈滿蟹粉，食落啖啖香濃嘅蟹粉味⋯⋯而個白蘿蔔卜卜蜆好鮮甜，同外脆內軟嘅冰鎮咕嚕肉，大人、小朋友都好鍾意，一件不留，睇得出佢哋用心製作！老火湯嘅杏汁豬肺湯，超得！個湯有杏汁味，豬肺好乾淨，好好味！又係一滴不留