李家 (已搬遷) 新店位置

李家一直都好出名，所以每次想食都排哂長龍。早幾日早放工，所以去到唔洗點等位。我地兩個人，叫左一份雞同埋一份薄餅，我地叫左甜辣炸雞！雞既味道非常好食，而且好開胃，但係我覺得佢肉唔多，骨都算大！至於個kimchi pancake我覺得唔差，唔會話料太少🤤🤤🤤🤤

整體食物都很普通芝士雞蛋卷-有滿滿的拉絲效果，蛋味都重，整體不錯吃。燒五花腩肉-超級大伏。加咗鐵板只係為嗆頭，令啲肉更硬，超都超唔爛。半半炸雞🍗韓式炸雞應有嘅，夠脆，夠熱，肉質都夠滑。調味方面，原味較普通，甜辣味較惹味。

自從韓風飄左黎香港之後香港開咗好多間食炸雞嘅鋪頭李家一直都係我哋鍾意食嘅餐廳得閒口痕都會特別好想食今晚見涼涼地 就去左食熱辣辣嘅李家我哋叫咗一個辛辣麵 年糕餃子湯同埋原味炸雞一份個辛辣麵係好似韓國果種煮法係用呢個bowl裝住架好夠辣 仲有泡菜做配菜 真係食到lam lam脷年糕餃子湯係我最鍾意食嘅菜上菜嘅時候仲係滾㗎 啲湯好好味餃子入面又好足料 配埋啲年糕真係好好食最後就係主菜炸雞 🍗又唔算話特別熱氣不過兩個人一定食唔晒囉下次真係要叫埋一大班朋友先可以一齊食啦咁

黎 *李家* 食，就一定要叫炸雞，佢既炸雞加啤酒簡直就係絕配，最鍾意食就係雙拼炸雞原味加辣味嘅炸雞，原味外面好脆，裏面雞肉好juice, 辣味炸雞醬汁好惹味另外提提大家，佢嘅前菜酸蘿蔔同菜絲沙律，都有無限refill , 而本人最鍾意食佢既酸蘿蔔,食完真係好開胃如果鍾意飲酒嘅話，就可以叫一set 啤酒加燒酒，佢地以家做緊promotes啤酒配炸雞，係一流既配搭，特別係如果多朋友一齊去，佢裏面有一張正方形圍住既枱，好友gathering 幾正

朋友力讚呢度啲炸雞very good, 於是走嚟試吓，餐廳檯數唔算多， 但擺放咗好多雜物， 有啲淩亂! 附近有幾枱好大聲，仲以為入咗日本居酒屋happy hour?!咁樣唯有寄望食物喇, 我哋先叫一碟半半炸雞， 一次過可以試兩款口味， 甜辣同原味。 啱啱炸出嚟，超熱呀! 個原味都有少少辣㗎，甜辣就再辣d，感覺油份較多，唔算乾身，油膩咗d。聽聞佢個魚餅湯都出名，所以我哋都叫咗一份。 個湯份量都幾大，裏面放滿魚餅，不過冇乜魚味，粉多咗d。

李家一開業既時候多人排隊到要等成一個鐘，好彩宜家人潮過左，唔洗等好耐。黎到李家一定要叫甜辣醬炸雞，炸雞香口，食過咁多韓式餐廳，我覺得呢到既甜辣醬炸醬同韓國既炸雞醬最似～食炸雞一定要揀呢隻醬非常惹味～唔想食炸雞既話，可以叫芝士辣雞年糕。芝士辣雞年糕較爲重口味，比甜辣醬炸醬更辣，食唔到辣既朋友就要諗諗啦。除左雞之外，呢到既魚餅湯都超正！魚餅湯有少少辣，我食唔到辣既朋友都覺得呢個魚餅湯超好味！湯內有大量魚餅，魚蛋片同芽菜。一個湯大約可以分到5-6碗。（好味程度：👍🏻👍🏻👍🏻👍🏻👍🏻）

因爲有預約7:00晚餐時間不用輪候直接入坐人均180 食物份量大 芝士滿滿的 能做到拉絲的效果 份量分4份剛好半半炸雞 ，原味加甜酸 ，味道適中芝士辣海鮮炒年糕，一般 ，不推介。

中秋節兩三點同朋友行完海旁諗住去李家食宵夜 嗌左佢嘅辣炒芝士年糕雞肉 雞肉真係好難食好諧好硬仲有陣雪雞味 不過拉芝係幾好嘅可以拉到超高 聽人講佢嘅炸雞同蛋卷係最出名 但如果炸雞都係咁嘅肉質真係不了不了 重點係呢度服務真係好差 食到一半個女侍應話太多人迫我地調位 我同佢講個度隔離枱好大陣煙味好辛苦想坐遠啲 佢勁西面咁話下冇位喎 周圍都係咁總之你地坐過去啦就趕我地過去 我都明雖然實施左室內禁煙 但凌晨時分好多餐廳都有客人吸煙 但咁差劣嘅態度真係接受唔到 起碼都講句唔好意思啦 之後因為太大陣煙味我地頂唔順唯有叫另外個侍應叔叔俾個盒我地拎走 總結黎講食物差態度差 本身打算再黎試蛋卷同炸雞 但發現名不副實 中過一次伏我諗以後真係未必會再幫襯 或者考慮幫襯其他分店

雖然韓流不斷，但一個追開日流嘅人對韓式嘅嘢真係會不感興趣！不過，身邊喜歡韓流的人也很多，今晚聚會也不得不迁就一下。一入到店裡，人客不多，燈光暗暗的撥着一些kpop的音樂，環境個人就覺得一般般。朋友先下單了，點了一半的原味雞、一半的辣雞。一來到見到辣雞上淋滿紅紅的辣椒醬🌶️ 一開始很怕它很辣，但是吃落去甜甜辣辣的的，好好食，而且雞還是脆脆的！原味的雞本身都有一點點辣，比辣味的皮要脆，可是就沒辣味的香！後來朋友再叫了一些特飲和啤酒，拿來伴雞真的不錯哦～

凌晨都營業的地道韓國店，平日想黎食晏就要2pm後，想早啲就要去佢其他方店。黎左兩次都食必食蛋卷同半半鷄 (原味炸雞+甜辣炸雞），千叮萬囑老闆少辣，但基於“唔辣唔好食”，老闆是不理會你的 😂😂。不好辣的我永遠都要邊飲水邊食鷄。炸雞一食就感受到同Kxx 嘅分別！多汁同脆口，甜辣醬帶酸，雖然好辣但都令你不停想食😋芝士蛋卷！外表吸引，一切就見到芝士拉絲，原來芝士 + 蛋係絕配，但要趁熱食，否則冇拉絲效果。茄汁醬*芥末醬則令蛋卷更好看，同有調味作用。三個人其實叫兩碟食物已經很夠。 朋友一看有芝士辣鷄炒年糕便指未飽要叫埋。我地再一次叫老闆高抬貴手，少少少少辣。最後老闆應承，呢個真系好少辣。呢個芝士好重手，芝士味超級濃，鐵板令佢冇快凍左。除左芝士、年糕，仲有彩色椒、蕃茄、洋蔥、雞肉。如果佢冇少辣，我應該食唔到呢個餸，少辣更令彩色椒更入味同香甜；年糕好好咬口；配料以肉更好吃，同感覺多啲蔬菜健康啲😍(自我安慰中～)價錢中等，嘢食好大份，點嘅菜人頭減一便可。閒時一大班朋友黎食都不錯。不過佢得一張大枱，其他四人卡位，宜先打黎留位👍

店門是全黑玻璃 遠看以為沒營業😂跟朋友點了半半炸雞真的名符其實跟在韓國吃的一樣香脆比起近年崛起的炸雞店還是它比較好雖然是閒日 但店面也是滿座我們吃完也快快地離開會再來吃💓

李家自韓風最開始出現之時，就已經出現了。多少年來，無論是哪家分店，堂食還是外賣，都吃過很多次。酥炸魷魚鬚+年糕湯套餐 $150這個是第一次點的。先上的是酥炸魷魚鬚。魷魚鬚吃得比較多，卻很少是一整條這樣上的，光是看著已經讓人垂延三尺。把魷魚鬚剪成小塊便可以馬上吃，點上沙拉醬就可吃。魷魚鬚非常香口又脆，讓我們馬上就把整碟吃完了。這個套餐還包含年糕湯。年糕湯味道濃，也帶辣味，分量多，很容易就吃飽了。蜂蜜蒜蓉炸鷄 $180這個是每次來李家必點的。直到現在，質素依然很好。雖然總是覺得吃炸鷄不是太健康，但每過一陣子總是會心頭癮起。

芝士蛋捲真的是分量十足！芝士有拉絲，啖啖芝士不可謂不邪惡😈😈 蛋味不算十分香濃，蛋捲也不算十分嫩滑，但勝在調味不俗！面頭的蕃茄醬和芥末醬真的是畫龍點睛之作，令蛋捲的味道得以提升。嘩！芝士辣炒年糕🧀 無限芝士之旅😂 可以理解為甚麼我吃了兩三啖已經漸有飽脹的感覺嗎？韓式辣醬辣中帶甜，香濃惹味，配合大量拉絲芝士，真的是十分邪惡，好像一頓飯便吸收了十萬卡路里🙈🙈🙈下次來真想試試最出名的炸雞🍗 （據說這裡差不多是香港最初以韓式炸雞而聞名的小店！）

叫咗原味+辣味 落完order先整 上到枱熱辣辣 原味都有少少辣 辣味就算有醬都keep到好脆 極好味 係我人生中食過最好食既炸雞!!!!!!!啲服務質素都好好 小菜仲無限refill很好

尖沙咀係勁多韓國野食~我覺得李家整得最傳統嘅一間韓式炸雞不店內環境就坐得一般,比較擠迫炸雞來了...有手套提供...唔怕整污糟隻手佢有比一碟蘿蔔同椰菜絲雞既口感...外脆內軟...正..係值得一去既炸雞店