李強記煮意 (已結業)

住了土瓜灣那樣久，開了好多不同食市，但可以令我特別出街食晚飯的店舖真的不多選擇，而這間李強記煮意 用實力做出驚喜，值得推介。李強記位處人流不是多的美景街，聽老闆娘講他們舊時在沙田一間超細面積的店舖開店5年，專做開外賣盆菜同車仔麵，那時街坊問他為何不做小菜？老闆有這實力！所以就搬了來土瓜灣開了這間小菜小炒茶餐廳。當晚見都老闆是一個有要求的人，就算是一間小店，他都著住白色廚師服。環境清潔，老婆娘話她們店每個月都做滅虫，保持店舖衛生。講了那樣久，要講食物，店中有小菜，當晚叫了幾樣小炒，在等的過程中不斷聽到廚火中的爐火聲，上菜快手，碟碟有鑊氣。這處的小炒不輸酒樓質素，酒樓價錢但送白飯同飲品，不用茶介加一，這處真的是一個街坊實惠價錢小店，絕對值得推介。

朋友介紹話ok就過嚟試吓，一入到餐廳，干淨整潔，小清新嘅感覺，叫左3樣嘢，芥蘭很新鮮，椒鹽鮮魷有大排檔嘅火候，最意想不到係酸菜魚都有得食，仲要唔錯，魚片新鮮嫩滑，湯底濃郁，酸得來唔太辣，啱晒香港人口味整體唔錯，會再嚟

呢間係土瓜灣🚇嘅茶餐廳🥢夜晚仲有酸菜魚🐟食，而且價錢💰十分之大眾化。入邊裝修☺️簡約，十分之整潔🤩光猛，又有唔少卡位🪑。例湯🥣幾夠火喉，而且入邊有唔少渣🤤。乾炒🐂牛河炒得夠乾身🔥鑊氣十足。牛肉🐂嫩河粉滑，配埋佢哋自家製嘅辣椒🌶️油都幾好味😋。🥬酸菜魚🐟好惹未，唔會太🌶️辣，而且十分之多魚片。🐟魚片冇骨鮮甜又🥰嫩滑，酸辣味層次感豐富😋。而且入邊啲🥬酸菜都幾好味☺️又唔會太過酸。🧄蒜蓉🔥炒時菜🥬份量足👍，蒜蓉味好香好開胃，白菜🥬爽口又鮮嫩。

今日北角過海去土瓜灣，搵完朋友聚舊，專登順便周圍睇下，一心搵個好地方食個靚晚飯。阿仔話好想食炒小菜晚飯。行咗一陣開始落雨，咁啱就行到呢間「李強記煮意」。餐廳門口擺放了餐牌，見到都有不少家常小菜，加上店鋪裝修嶄新，相信應該新開張不久，見環境不錯，一於就試下。入坐後發現原來都有不少街坊食客。店員介紹晚飯小菜套餐，包白飯，加$3可以加凍飲。最後選了阿仔最愛《魚香茄子》（$68）同埋《啫啫雞煲》（$88）。兩個餸即叫即煮，魚香茄子十分夠鑊氣，茄子煮得好好，色澤好靚，保持到茄子嘅紫色，肉碎咸香又熱辣辣，真係色香味俱全，送飯一流。啫啫雞煲用沙煲上檯，仍聽到沙煲被加熱後的「炸炸」聲，啫啫雞嘅香味撲鼻，即刻急不及待要食，不過真係要小心燙嘴。雞肉嫩滑，配上冬菇、乾蔥頭、洋蔥、青椒配菜，味道調得恰到好處，最後清曬所有食物，一舊都冇剩。小菜套餐，除送白飯，亦有免費例湯。今晚係紅蘿蔔排骨湯，啱曬冇時間自己煲湯嘅打工仔。而兩個餸份量亦十足，味道相當不錯，想品嗜一下有鑊氣家庭小菜，飲番啖冇味精靚湯，有機會大家一定要嚟試下。

午餐時間經過土瓜灣，見到李強記煮意門口有人等位，就一齊排埋一份店員好有禮貌，而且新裝修，所以環境好乾淨衛生生炒牛肉飯 $46夠曬鑊氣既生炒牛肉飯 ，飯底炒得夠火喉夠乾身，牛肉好淋，加入翠肉瓜粒一齊炒，幾特別，仲好大碟，唔掛得午市坐滿人，仲要排隊等位蠔仔肉碎湯飯 $45蠔仔新鮮肉肥，咬落鮮甜爆汁，而且數量都唔少，加入冬菜提升飯底鮮味，肉碎粉量都好多，好大碗好夠食凍飲加 $3晚市有小菜，酸菜魚，麻辣小龍蝦，下次試下先

這間李強記煮意除了粉麵飯外，更有鑊氣小炒，特式小菜，還可以自帶海鮮來煮。這裡的小菜大份抵食。琵琶豆腐（$88), 混合鯪魚肉，豆腐，冬菇等製成，炸得口感嫩滑不鬆散，沒有太厚的粉漿令到豆腐死實，很好送飯。啫啫雞煲（$88), 夠鑊氣、熱辣辣。雞件煎香，夠嫩滑，配上冬菇，乾蔥，十分惹味。椒鹽魷魚鬚（$108), 薄薄的粉漿，炸得香脆乾身，惹味的椒鹽配爽口彈牙的鮮魷，沾上香醋，減輕油膩感。上湯娃娃菜，$68 大大碟。

之前食過李強記盤菜，知道師傅以前係新同樂大廚，今次佢開舖一定一家大細嚟幫襯，果然寶刀未老無令我失望一家三口叫左四個餸，首先係翠塘豆腐嘩…成煲餸勁大，五六個人食都夠！豆腐勁嫰滑，加上蛋白，蝦粒，翠玉瓜粒，撈飯食一流，呢味餸清清地真係老少咸宜之後就係椒鹽鮮魷，師傅整到炸漿勁薄（睇相都見到），鮮魷又靚又大隻，隻隻漲卜卜，配上炸蒜，小小辣，勁新鮮惹味必試—不得不提呢味餸-蜜餞燒風鱔將條鱔分開五六條串起，鱔勁肥美厚肉，一咬落去啲蜜糖係口入面爆出黎，師傅亦將條鱔燒到勁香口，真係食到停唔到口食咁多香口野梗係要叫返個菜咸魚炒芥蘭芥蘭新鮮都唔駛講，基本上乜材料都新鮮咬落去鮮甜多汁，一啲渣都無加上咸魚既香味，同芥蘭配搭好好李強記煮意近偉恒昌，鄧土瓜灣人幸福，又多間正野食誠意之選