杏花樓甜品 (已結業)

星期二遲收工，唔想返屋企煮，去附近食肆開餐，諗起杏花樓(因之前一晚已去了大家樂，唔想再去)。鎮江骨菜飯︰鎮江骨甜甜酸酸，個汁幾好味，雖然都算淋，但再淋D就更好！鎮江骨米線︰米線好彈牙，合我意！雙皮奶︰夠奶味，滑D仲好！普普通通一餐，算係合格啦！

雙皮奶唔夠滑亦唔夠奶味綠豆沙稀而且味道怪怪的中環真係唔係食糖水的好地方... 唔會再去...

估唔到好普通o既下午茶可以難食成咁！甘草綠豆豆腐花 - 水汪汪,D豆腐花成PAT野咁杏仁露 - 完全食得出係用粉開出黎芒果涼粉 - 芒果唔靚,份量又小鮮炸魷魚鬚 - 粉槳厚過好多人o既面皮奇異果鮮奶 - $26,飲兩啖就無晒比咗幾舊水食垃圾，條氣點順???

Went here for dessert with my friend eventually after lunch and shared the dessert with her. Seriously, I didn't realize that the dessert here was so expensive! Even a 腐粥白菓薏米糖水 costs $20!!! Oh my goodness, that really shocked me!Anyway, we decided to go for 2 desserts to share between ourselves. We ordered the 雪蛤鮮奶 ($26) and the black glutinous rice with coconut (椰子黑糯米) ($23). I didn't really have the 雪蛤, but the rest tasted very nice. The black glutinous rice with coconut was excellent as

一直都好喜歡呢度ｄ羅白糕同鎮江排骨菜飯．今日柴娃娃d同事叫下午茶餐．貪呢度ｄ下午茶餐可以轉甜品，所以咪選呢度．呢度都有幾種價錢既茶餐，由$22至$31, 另外加$6或$12 可以轉甜品. 我點了羅白糕同一個海底椰雪耳羹．羅白糕有兩大件，呢度ｄ羅白糕好足料，又多羅白，煎得兩面香享的，吳油膩．下午茶餐來雪，很飽肚．海底椰雪耳羹一向都是我的favourite! 海底椰又夠淋，雪耳夠爽，椰汁及奶的味道又剛好．真係好．有時都想自己係屋企整下，但係諗下又要買料，有整得多，都係係呢度買黎食好過．Right??

20090301離開蓮香樓，帶著一眾臺灣同事再前往有著同樣如煙風情命名的“杏花樓”,不到八點,已經要等位子了,還好不用很久見到有新品推出,當然試一下,所謂“蓮子百合相思羹”，不求甚解，只見一碗深紅色的物事，也就這樣吞下去，不覺得好吃，倒也不會太甜，只顧著與同事們吹水，以及品評他們的糖水，都把自己眼前之物忽略了。臨睡之前忽然大悟，今晚吃下的明明是紅豆沙啊，怪不得叫“相思羹”，原來是取“此物最相思”之意。若以紅豆沙而言，並不算佳，起沙卻不夠滑，中等而已。倒是其他人的楊枝甘露、紅豆雙皮奶、山楂杏仁露等，頗得各人的歡心。對了，以前在這裡吃到純山楂露，也覺得不錯，念念不忘，想是少見之故吧，似乎不是那麽傳統的南方糖水。只是不敢多吃，那樣的酸能調成那樣的甜，需要多少糖啊~~ ：P

我同朋友0係中環食完野，想食甜品，發覺原來中環好似冇乜糖水鋪，一心諗住去IFC滿記，行行下天橋見到下面有間杏花樓就入去坐。其實我地都等左十五分鐘位。我地坐低左之後陸續有人等位，可能真係因為冇乜糖水鋪選擇啦！我食左芝麻豆腐花，芝麻糊好多，豆腐花好少，但都幾好味啦！我本身好飽，如果佢係好甜的話，我諗我會食唔落去，但佢唔太甜，都幾好。最怕糖水一味得甜味。朋友叫左芝麻湯丸，聽佢講話湯丸係用西米皮的！比較軟身，佢話幾好味呀！佢之前食完覺好味所以再揀同一樣野黎食，見到皮裡面有西米，又好通透。呢個皮係唔似出面食的湯丸咁可能有好厚既粉同太硬或UN。但真係坐唔耐，好快俾人收左吉左既碗，因為太多人等位。

7月26日, 食完daddyos之後行番落大街, 見到有杏花樓, 時間又早, 入去坐底食埋糖水先番屋企~::: 芝麻糊 (熱) ::: $17完全食唔到有芝麻味, 又好淡唔甜. 加上只係暖暖地, 唔合格….::: 紅豆雙皮奶 (凍) ::: $22都ok~ 紅豆好大堆頭, 細細粒煲得都夠淋. 但係好似甜左少少. 雙皮奶都夠滑~ 不過奶味唔多夠!如果唔係就腳應該都唔會黎, 環境嘈雜之餘食物水準又差. 寧願貴少少食上面soho嗰d西式甜品.

大大話都有4-5年無食過杏花樓, 不過唔係呢一間, 係尖東個間.咁耐無黎, 都係叫返香矛豬扒菜飯, (午市套餐$44) 唔要餐飲+$6跟個凍椰汁西米露等等等...等到全枱其他五個人既野都齊哂都未有, 不過個阿姐都醒, 見我零丁一個吉左就問我差D乜, 等多3-4分鐘就有啦. 食到剩返3-4成個阿姐仲識得自動幫我追個甜品去左邊, 算係補到飛.味道同以前差唔多, 香茅漏左係個餐牌度, 可能係返叮既問題掛. 菜飯有少少咸, 可能搞唔均啦. 椰汁西米露就要扣D 分, 椰子味啖無問題, 不過唔知點解會有奶粉味呢.整體黎講簡唔中黎都OK既

唔好講笑, 星期五晚度度都full, 失落完flying pan之後諗住去chocolux度慰藉番下d味蕾, 但又full晒唯有去杏花樓la。舊果間杏花樓同CWB果間都一向好好水準, 但呢間就好唔掂bor一人一個糖水再加一個小食:雪丸黑(米需)米: 個黑(米需)米係一pat既? 仲要唔係一堆黑(米需)米, 而係糊仔咁, 應該加左d生粉/(米需)米粉撈埋d椰汁又好似溝左水, 無味ga! 唉...攪咩呀楊枝金露: 試左一少啖, 正常但絕對唔係好食木瓜雪耳: 無試但katrine話okXO醬炒腸粉: 夠熱都唔算油, 但少少XO醬味都無都係無下次

晚上又成八點幾先放工, 開心地終於同老闆埋好一件事, 不過出到去, 8點, 始終要食. 上山找找.平時都有Serve午餐, 晚餐的甜品屋, 即管來試試. 有一個焗飯套餐. 點了一份牛脷焗飯, 原本是黑椒的, 但可以改, 改做番茄牛脷焗飯.焗飯要等, 只好打打電話, 玩玩電話. 端來的焗飯, 賣相比起快餐連鎖店們好, 芝士夠厚, 惟炒飯不夠味. 牛脷有好幾塊, 大大塊, 沒想過味道也是超快餐連鎖店水準.太飽, 沒有吃甜品, 不知何時會再來. 有機會...再食.

以前佢仲響Lan Kwai Fong 0個邊我好like ga，食物好味，價錢划算，$40 都唔洗有埋甜品。搬左去閣麟街都係第一次食，係食lunch。12:50pm 去到等位，籌號120 (2位)，明明聽到佢叫118 (2位) 跟住就skip 左，去左121 (2位)，同佢講，佢就不斷話唔知，佢只係跟佢手上張紙叫。你唔需要不斷講唔知發生咩事，只需要跟返我個籌就ok la，係咪?叫到籌唔等於有得坐，入到去，原來只係企響一張未埋單但個樣似就食完的枱旁等。地方又窄人又多，我地等人0既無咩位企，被等0個個亦都唔好意思，俾人望住晒咁食。結果，我地等到籌號121 都坐低左，我地都未坐得低~等到人地走，明明睇住個女仔想起身，個嬸嬸仲衝埋去隔離張枱執野，咁d 位又好窄，個女仔就唯有繼續坐，等佢執完先走得，咪我地3 個等佢一個law。食左蕃茄肥牛米線，肥牛一d 都唔肥，個感覺只係將一d 普通牛肉切到好薄，d味好似煲湯d 牛肉咁，一係佢就真係肥牛，但over cooked law...個湯都ok，蕃茄好明顯係臨「畢」落碗先烚左一烚，咁生，個感覺係d 蕃茄同個蕃茄湯好似係互不相識咁。甜品係燉蛋，hmm...

自從零六年十二月開張以後已經很想去前身是甘棠第的孫中山紀念館走一趟。年三十晚放假，終於有時間走一遍，也勾起對這前偉人及其同僚事蹟的敬仰。看完沿著鴨巴甸街往下行，經過了嘉鹹街可能是全中環最舊的百年老鋪，行至閣麟街，見到這間杏花樓。簡潔的裝修，一坐下先來一杯燙熱的清水。要了奶茶，咖啡，日式炸豆腐及蜜糖雞翼。轉眼侍應便拿上食物，簡簡單單，沒有花巧，卻新鮮熱辣，本來不餓的肚子也開始想吃東西，發覺這間主賣糖水小店的小食也過得去，不過奶茶口感不及茶餐廳般濃滑。至於這餐廳的主打甜品，此次沒有嘗試，留待其他食家品嘗後給與評語吧。