村上居酒屋 (已結業)

睇完戲想喺旺角食埋嘢先返屋企，行行吓就見到呢間居酒屋，見入面環境裝修都幾雅緻，就決定食呢間啦炸三文魚鱗：超薄脆，同平時打邊爐嗰d魚皮食落唔同，呢款係即炸，食落仲熱辣辣日式芝麻涼伴菠菜: 清新健康之選，菠菜夠新鮮 磯煮南非鮑魚: 鮑魚好入味，切片食好方便日本生蠔(真蠔): 超大隻勁肥美，食落好新鮮香蔥拖羅反卷: 新鮮既拖羅配上有芝麻既珍珠飯同香蔥好夾汁燒牛柳:肉質鮮嫩，表皮燒過可以鎖死肉汁炸河蝦:呢個有驚喜，好香脆可口，用來送酒一流清炒沖繩苦瓜：另一款健康食物，沖繩直送苦瓜好新鮮，淡淡甘味 日式炸豆腐: 豆腐超滑溜，外層就炸得好鬆脆，配上薑絲，蔥絲，蘿蔔絲夠特別自家製魚湯烏冬:呢款魚湯好鮮味，魚香撲鼻，絕非一般味精可比，烏冬掛湯能力高，好飲到連啲湯都飲晒

上星期放工同朋友去食飯，佢鍾意食日本料理但又唔食魚生，我搵左好耐，終於搵到間係旺角嘅居酒屋岩佢，村上居酒屋係地舖，門面幾大，行過實注意到。二人餐有兩款，基於朋友比較細食，簡左個份量少啲普通嘅二人餐。首先係蟹籽沙律，有蟹柳絲、青瓜絲同蟹籽，好清新好fresh。三款刺身分別係三文魚、油甘魚同帆立貝，好新鮮，魚肉肥美，帆立貝好清甜。特色卷物係葱拖羅蓉卷，份量都幾多。之後係天婦羅，有茄子、冬菇、南瓜、蕃薯，仲有差唔多成隻筷子長嘅蝦。本來係蒜香羊扒，但我地都唔食羊，所以轉左做蒜香豚肉，煎得金黃色好香，配上芥末醬更惹味。清酒煮蜆，份量都幾大，酒味唔算濃，個湯飲落有少少甜味，仲有鮮味。日式叉燒烏冬，小小一碗但食少先發現份量唔少好飽肚，湯底味道夠濃，而且烏冬好彈牙好滑。甜品係櫻花果凍，入面嘅櫻花係真係泥至日本！食落好香櫻花香，好甜。最後兩杯果味特飲，分別係白桃梳打同水蜜桃梳打。連埋加一總共$528。

今日喺旺角行街，煩惱緊午餐食啲咩，然後就發現大大隻招牌寫住村上。發現價錢都幾合理，咁就去試一試呢間日本餐廳。午市既時候會有午市定食套餐，咁我就選擇左火炙角切魚生丼餐。餐送到上枱時，整齊咁有齊晒沙律，面鼔湯，魚生丼同雪米糍。魚生丼內有大約兩至三種魚生，不過我就分得唔太清楚有邊幾種，除左三文魚😋但我可以講既係佢呢幾種魚生都係好食既，仲有少少火炙既味道。而且丼入面除左魚生外，亦有玉子，青瓜同三文魚子，唔會令到太膩。值得推介👍🏻

簡直垃圾 ， 非常不新鮮海膽係鮮黃色 非常可怕完全食唔曬 食到一半開始反胃開始肚屙 屙左三次先跑到去藥房買藥Never coming back here again.I am warning you.

今日同男朋友去開旺角朗豪坊，行到有點累想坐低食晚飯。男朋友被餐廳門外的日式裝修吸引，所以入去試試。餐廳內的環境令人覺得寬敞舒適，太肚餓所以我們先點了一些飯前小食，日式涼拌汁煮茄子，茄子配上惹味醬汁，令人食慾大增。蟹子沙律由新鮮的蟹子配上清甜爽脆的青瓜絲，味道十分配合。特上壽司，這個壽司拼盤最吸引是海膽軍艦，海膽非常新鮮鮮甜而且份量十足，而其他壽司例如蝦、帆立貝和各種魚壽司用的材料都是非常新鮮，正！這餐廳的燒飯團相當特別，飯糰表面有少少燶(有點像飯焦)，吃落口感非常有趣因為飯糰外脆內軟加上食材，真是一絕，並非每間餐廳都能做得到的。男朋友喜歡吃牛所以點了一份牛仔骨，肉味十分濃郁配上醬汁,正！好有鑊氣。因為聽到旁邊的食客說這餐廳的鯛魚奶湯是必要點的，所以便點了兩碗品嘗，喝第一口的時候已經知道他它是真材實料，嫩滑的豆腐配上魚味濃濃的魚湯，令人回味無窮，有喝完一碗再來一碗的衝動。加入燒飯團浸軟後吃仲正！

日本料理離不開刺身壽司天婦羅，今日很想試其他的日本食物。先來一個平時很少點的黑松露玉子燒，玉子燒重要的是不可過熟要帶軟綿綿感覺的，而蛋的質量不錯香味十足，還有淡淡的黑松露味。另外試了炸三文魚鱗，可能三文魚的魚鱗油份充足炸了非常香脆。左口魚刺身，魚肉爽而且感覺肉還在跳動，魚還是新鮮的好吃。清酒煮蜆，蜆肉沒有沙，而清酒非常香，真是想多要幾隻。鰻魚飯，鰻魚肉身非常厚，油份充足，最重要肉身沒有硬骨，白飯是用了日本珍珠米很甜很香很軟滑。水玄信餅，清香。味道: 好吃環境: 舒適衛生: 整潔服務: 殷勤抵食: 價錢跟食物成正比

二人餐$480蟹子沙律三文魚油甘魚帶子刺身刺身都切得好厚好大塊，新鮮得來都好有魚香味。葱吞拿魚腩蓉卷中間葱吞拿魚腩蓉嘅份量都算幾多，中間係青瓜小卷，有4個小卷份量都ok。天婦羅盛分別有蝦，冬菇，番薯，茄子同埋南瓜，炸粉好薄，做到外脆內軟，裏面都仲係好多汁，餸汁用嘅蘿蔔蓉一啲都唔吝嗇，好大大一覺。蒜香豚肉腩因為我哋唔食羊扒蘇嘅關係，餐廳幫我地轉咗做豚肉，外圍煎到硬硬地，有少少燶，令到成個香味出晒嚟。而且豚肉嘅肉味好出，豚肉3層好分明，肥瘦適中。清酒煮蜆清酒味都幾濃，鮮肉好沙，而且煮完之後冇縮水得好利害，肉質都仲係鮮甜多汁。日式叉燒烏冬用咗到庭烏冬，好彈牙，細細碗但係似一碗迷你嘅拉面咁，湯底好濃郁，配菜好足。櫻花水玄餅一朵真嘅櫻花係入邊，賣相好精緻。

出到去旺角行左一輪，又到左食晏晝嘅時間啦，見到有間日本餐廳好似唔錯，午市餐價錢合理，而且都幾多野食。我叫左個特上壽司定食，所有午市都包沙律，湯，細烏冬，甜品，所以都好夠飽。壽司定食嘅款幾多，起碼有六款以上。海膽都唔錯呀，唔會腥，反而幾creamy幾鮮甜。三文魚係肥美嘅，唔會有筋，好食。帶子幾厚切，幾鮮味。個烏冬雖然話係細碗，不過其實食落都唔算細，都幾大碗嫁。味道都唔錯，係我最愛嘅豬骨湯底，上面有啲竹筍好爽口，不錯。甜品係雪米糍，不過佢由於佢係連成個定食一齊上，所以要盡快食左佢先得，否則會有少少溶。整體黎講，成餐飯都係滿意嘅。

目仁奈刺身目仁奈十分肥美，魚本身油份豐富，魚味濃郁，入口即溶。嚐一口魚肉鮮味而彈牙，嚐出原汁原味的鮮甜，難怪如此身嬌肉貴。燒北海道魷魚筒魷魚筒香滑有嚼口，外香內軟，新鮮美味，咬落去鮮嫩。魷魚香濃， 出奇地柔軟, 亦保留了水份，我們都吃得津津有味。豚肉蘆筍卷蘆筍經烤過仍新鮮爽脆, 配合了烤好豚肉可以增強那口感，美味的豬肉和籚筍交織一起吃感謝好捧日本真蠔真蠔保留鮮濃味道, 及有淡淡海水味, 肉質飽滿，蠔肉柔靭，食下感十分鮮甜, 口感清爽。牛肋骨從油脂比例含量就知道是上等，是我平常吃燒肉時最愛點的肉塊，比起滿是油脂的肉，我比較偏愛肉感多一點的，他們的牛肋骨不會太油，吃多不會膩口。這是我最喜歡的牛肋骨，真的神級美味辣酒煮螺口感超爽，滲出淡淡鮮味，口味清新，辣酒更提高鮮味，值得一讃。

旺角都有好多呢類型-一間可以食多款式的日本居酒屋，不過我又唔想食放題，想食精少少就揀左村上居酒屋。入到去兩人都有卡位坐正!侍應會留意個杯中有冇水，會幫你加茶。當你食咗一碟例如沙律之後，沙律醬鋪滿成個碟，佢會幫你換過一隻新碟食第二款菜。到食鰻魚飯佢會俾個碗同匙羹你，有啲餐廳會忽略咗呢樣嘢，真係由得你攞隻碟去食鰻魚飯，唔係唔得，不過好難用匙羹“筆”起囉!炸三文魚鱗 三文魚皮就食過，三文魚鱗真係第一次食呀! 鹹 鹹鹹地作小食。野菜沙律加咗芝麻醬的沙律係特別好食，而且亦都有啲醋的味道。冷奴 豆腐好滑。天婦羅蝦反卷天婦羅好新鮮，外邊個飯仲有少少炸漿，特別!白身魚薄切 左口魚幾近透明色，再配埋個柚子蘿蔔汁，味道一流。雞骨腸 係帶骨雞肉味的腸仔，廚師切成兩份，又有錫紙包住個尾部，食用時唔怕沾污隻手。燒芝士年糕 芝士味超濃，年糕好煙韌。日本醬油燒粟米 粟米雖然唔係超甜粟，不過個醬油加咗落去好惹味。自家製餃子 外面個皮煎得脆脆，入面係一啲菜和肉。黑松露野菌玉子燒 一切開中間全部都係菇，所以黑松露味更加濃。清酒煮蜆 蜆雖然唔係好大隻，不過都幾鮮甜。鰻魚飯鰻魚醬汁味好濃肥美。

食物質素好差，好好好難食，價錢又唔合理！服務態度差到爆，尤其個身形肥胖女經理！態度差到爆。仲要以為自己好啱咁嘅黑面樣！今人感到不愉快！叫少少嘢食就睇唔起人！好冇禮貌咁用不有善嘅眼神，望著我地。其實係未諗到食咩啫，叫住一兩樣先。就用鄙視嘅眼神望住我地，跟住同其他同事講。仲要大大聲話返個客轉頭！！！去呢道食野會受氣，食得唔安樂。唔好去食！總之一句到尾千其唔好去食！！棧你會受氣。淨係識做遊客生意嘅咋，覺得你哋啲香港人唔係人嚟。如果想受氣可以去試試！

日本真蠔蠔肉厚薄適中, 不會單薄, 輕輕一切，蠔肉已切離蠔殼, 能將整隻蠔滑入口中, 多麼的享受, 蠔味濃有點creamy ,又有點甘甜,淡淡的蠔味在口腔中流動, 層次豐富。豚肉蘆筍卷豚腩肉質軟嫩多汁、色澤鮮明、香味四溢。他們以豚肉包住蘆筍，經過烤燒，香味四溢，肉質富脆口感，又有焦香味，一等一享受。目仁奈剌身最令我印象深刻的, 是裝擺得像劃一樣。深海池魚白中透亮, 紅潤亮麗, 肉質肥美爽甜, 口感層次豐富, 魚鮮味突出, 相當吸引，口感一流。薄如紙的目仁奈顯示出師傅的刀工一流, 魚肉雪白薄透, 近皮有粉色, 店員提供小小一碟酸汁可加上蔥, 以魚肉蘸上此醬汁, 味道和目仁奈超搭的, 再細味魚肉, 魚質軟腍細嫩滲有油香, 魚味輕柔清爽, 令人回味無窮!牛肋骨牛肋骨脂肪適中肉質較有嚼勁和鬆軟之間，牛味濃郁。這裡的賣相也好，看上去油令立的有光澤，熱辣辣的香味四溢，燒得幾好，吃起來幾件也是美味可口，牛肋骨的品質質素佳，水準非常高。炸河蝦赤蝦甚有光澤感, 的肉質緊實, 蝦味鮮香, 口感亦相當爽口, 好像食薯片一樣。辣酒煮螺慢慢從螺中取出，單是賣相已經十分吸引， 彈牙有嚼勁，肉十分厚身， 鮮甜美味，

雖然旺角有好多好嘢食，不過我都係鍾意食日本菜所以今日揀咗間日式餐廳試下呢度嘅裝修都係走日式風格，座位夠闊幾舒服午餐都多選擇，有拉麵、飯、壽司、刺身等等而且全部都係定食，有跟沙律、麵豉湯等等想食好啲嘅，仲有啲靚嘅刺身飯可以揀刺身壽司定食呢個定食好豐富，除咗刺身同壽司，另外有麵豉湯、沙律同細烏冬刺身同壽司全部都係大大件，肉質新鮮又夠厚，所以食落有口感烏冬食落爽滑，沙律新鮮，呢個定食都夠飽又抵食特上壽司定食呢個同刺身壽司定食有少少似，不過壽司嘅種類就多啲精緻啲我試咗一件海膽壽司，食落新鮮冇腥味，同樣質素唔錯燒牛肉拉麵定食呢個定食相對刺身壽司，價錢較平，但冇諗過質素同分量一樣咁好燒牛肉大大碟，仲有三文魚刺身同壽司，成個餐只係六十幾蚊真係好抵食原本已經覺得呢餐飯好抵食，點知原來午市做緊推廣，五人同行一人免費可惜今日唔係五個人嚟食，見到咁抵，下次會再叫多兩個朋友一齊食飯

最近比較少吃日本菜，心思思有件事，二話不說要老公陪我去吃些有特色的料理。這間食肆，店裡店外的佈置都相當日系又美觀，我個人很喜愛，感覺很乾淨舒服。今晚點了一個很豐富的二人餐，完全滿足我的要求。不得不說頭盤的蟹羔玉子非常好吃，蟹羔滲咗入玉子，入口陣陣鮮甜味，真的很想再來一客。頭幾款都以刺身為主，全部都很新鮮又有份量，就好似赤貝刺身爽口鮮甜，好食到一個點呀！銀鱈魚西京燒，燒得很香，魚肉很滑很滑，有入口即溶化的感覺。套餐仲有杯飲品，我點了巨峰提子流打，最近天氣好熱，凍飲必備，有汽勁爽，最重要唔會太甜呀！

今日阿仔又要去朗豪坊度睇巴士， 睇巴士之前我哋喺附近搵下有咩食， 行到砵蘭街附近， 見到有間居酒屋， 有做午市定食， 睇個餐牌覺得ok所以入去試下， 見餐廳其實有一個五人同行一人免費嘅優惠， 但係我哋當日得四個人所以享用唔到， 餐廳內裝修都幾有日本風， 座位主要以卡位和半卡位為主。燒牛肉拉麵定食呢度嘅定食配菜都幾多， 有沙律，魚生， 卷物， 仲有雪糕糯米糍， 幾抵食， 味道方面沙律菜夠爽口配日式芝麻醬， 三文魚刺身夠鮮味， 燒牛肉燒得夠香口， 唔靭， 個燒汁味道唔錯 ，唔會過甜。銀鱈魚西京燒定食銀鱈魚燒得好有焦香味， 肉質幾嫩滑， 點少少蛋黃醬配飯一流。壽司刺身定食呢個定食配咗沙律，拉麵 ，麵豉湯， 拉麵和麵豉湯都正常味道， 壽司有三文魚， 油甘魚，立魚， 帶子， 刺身有油甘魚和三文魚， 雖然係壽司定食但係就魚生料都唔馬虎， 切得幾厚， 幾新鮮。總括呢度嘅午餐定食都幾抵食， 幾啱附近嘅打工仔一班同事落嚟食飯。