村爺爺車仔麵 (已搬遷) 新店位置

行經砵蘭街，正值午膳時間，於是在附近找間餐廳，本想去村爺爺龍蝦湯泡飯，但人太多要排隊，所以去旁邊的村爺爺車仔麵。選擇多，價錢便宜貢丸、牛根、南乳雞奕沙嗲撈麵－幾乎吃不出沙嗲味，反之，蠔油比沙嗲味更突出，貢丸普普通通，牛根軟腍，南乳雞奕味香，但炸粉厚，唯一可取是其份量大。牛肚麵－牛肚切得大，口感較韌，麵用了大光麵，湯底清淡如水，重口味的朋友可能要加點辣椒醬。南乳雞奕麵－雞奕數量多，共五隻，麵和湯如牛肚麵一樣，都是普通和淡口。

第一次食呢間車仔麵，叫左米粉但好難食，有陣粟味，食左2啖食唔落😐豬腸未洗淨，入面有黑色一粒粒野🤮🤮🤮雞翼煮得太淋 一咬就散晒，份量不多味道好一般 🤢🤢🤢🤢🤢不會再幫襯。。。。。。

朋友想食平野，但又唔想太cheap.. 結果揀呢間豪華版車仔麵😎去到村爺爺，緊係揀龍蝦車仔麵啦! 揀左朋友超級推介既南乳雞翼，同埋自己亂揀既牛筋。先講個湯底，好好味，真係好重龍蝦味然後南乳雞翼好入味，不過略嫌不夠香脆。牛筋就一般般，太咸了。重點 ： 龍蝦，非常彈牙，也很鮮甜，不過如果廚房可以幫手拍碎啲殼會好啲，事關雖然佢提供左鉗同紙巾，但真係好難鉗碎開，真係食得好狼狽!不過總體黎講都好抵食，而且啲阿姐好好，我差唔多食左成個鐘，佢哋都無黑面.😂

午飯時間想食得輕盈D...所以由朗豪坊行下行下就落黎呢個村爺爺車仔麵, 鋪面好簡單幾張木枱櫈。好多款湯底同餸可以揀,開頭以為自己眼花,竟然比我睇到$58 有半個隻龍蝦 仲要搭兩個餸嘅龍蝦湯伊麵。上枱時 見到咁大碗麵真係暗喜左...個心真係嘩嘩聲...咁大隻龍蝦嘅車仔麵.即刻忍唔住要影相。 個湯係超濃龍蝦味,唔係好咸, 配埋個伊麵簡直唔敢相信眼前半邊龍蝦 加一份紅腸同雞翼尖都只係$58.另外當我會以為食龍蝦會好麻煩之制, 原來"阿姐"預備左個濕紙同鉗比我,好好呀....美中不足係 雞尖就 唔夠淋身。總括黎講呢個價錢 真係無理由喺油尖旺區食到呢個咁好嘅質素。雖然只係車仔麵, 但一定係豪華版嘅車仔麵。就算普通車仔麵都可以加龍蝦湯, 麵又大大配, 真心抵食。

Lunch time 經過好多次呢間村爺爺車仔麵,店面唔大 ,門口電視不停播廣告, 都冇入去食過,今日想食車仔麵就同同事去食啦。講真鋪位好細, 得十零個坐位 , 但估佢唔到原來咁勁, 入面貼滿曬明星黎食野相, 來頭應該不小。呢度先要門外點餸然後坐低比錢再慢慢食嘅。佢有個龍蝦湯伊麵餐 , 有半隻龍蝦 +2款車仔餸 , 只係要$58. 睇價錢以為好流, 食過就知會返轉頭。先講個湯-一飲就知係用大量龍蝦餚出黎, 鮮甜到不得了, 好濃郁,好好味, 絕對係可以飲曬一大碗。龍蝦肉都係爽口彈牙, 搵唔到彈嘅地方!個伊麵都煮到剛剛好, 好食過酒樓D 淋啤啤上湯龍蝦伊麵多多聲。咁嘅價錢， 咁嘅質數， 真係揾唔到第2間可以比。

週六中午走到油麻地，先祭五臟廟，才繼續行程。路經>>>村爺爺車仔麵<<<，被其龍蝦伊麵吸引，也就決定了用膳地點。 點餐區在門口，餸菜擺設方式，就如傳統的車仔麵放在眼前。跟廚房姐姐落單過後，便可自行入座，侍應送來麵食時，隨即付款，吃後便可離去，爽快俐落。 殿．龍蝦湯車仔麵(HKD58)最搶眼之處，在於其半隻龍蝦；配搭特濃龍蝦湯伊麵，是龍蝦fans不可錯過的組合啊！此優惠套餐需另加兩款餸，所以追加爺爺推介的南乳炸雞翼和炸墨魚手指(各HKD10)。 不消一會，先是兩款餸上碟。爺爺推介果然非凡之選，雞翼炸得香脆，南乳香入味非常，無需額外調料，已是惹味無比。炸墨魚手指以薄薄一層腐皮包裹，把墨魚肉打至起膠，並加入粟米及葱粒等蔬菜，口感彈牙細滑，一試難忘。 再來是龍蝦伊麵。龍蝦肉質爽口，蝦膏香濃；以侍應送來的蟹鉗破開，更易進食；餐廳也細心一併預備濕紙巾，減省不必要的狼狽。 伊麵軟稔可口，放在熬足廿二小時的上湯之中，立時食指大動！ 來一罐汽水作餐飲，只需HKD6；玻璃樽裝也有供應啊，還有大與小瓶的選擇哩。

因為屋企人食過泡飯，評價高今次黎試下，但泡飯太多人排隊改食車仔麵，可以直接入不用排隊3個人都點了殿．龍蝦湯伊麵配半隻龍蝦$58,再加兩個餸（$6一個餸），餸同龍蝦麵分開上。這點很好，因為餸的汁、味道不會影響龍蝦湯味道。半隻龍蝦都有一隻手咁大，未計頭，入面都多肉而且係爽口。唔係梅肉，都算新鮮。以$58黎講，真係幾抵。而龍蝦湯底唔算濃，只食得出淡淡龍蝦味。我果碗係米粉，米粉都可以吸到少少湯的味道。而餸就一般，沒有特別。 如果唔想排長龍，食村爺爺車仔麵都係一個好選擇

好耐之前黎食過，但食唔到有龍蝦個款，今次再黎食終於俾我食到了！完全冇失望！⭕️半隻龍蝦 配河粉首先講龍蝦，好重咸水味，真係勁新鮮☺️😳好彈牙好好味，又有膏，好大隻，抵食！個龍蝦湯好鮮甜，唔會過咸，配上河粉很不錯⭕️半隻龍蝦 配伊麵龍蝦同龍蝦湯照樣甘好食鮮甜！但呢個龍蝦湯配伊麵好食好多！但係會油小小，但個口感係會夾好多⭕️蘿蔔，南乳炸雞翼車仔麵既配料，係會分開上，仲有沙嗲or麻辣醬簡😍蘿蔔冇渣，好鮮甜，都算大件。南乳炸雞翼，10蚊2隻，都算大隻，同超香南乳味唔係hea既炸雞翼！⭕️豬紅，豬皮份量幾多，豬紅唔腥，豬皮唔太好就冇食朋友既😂😂🙈🙈但朋友話真係冇毛又入味☺️

I was waiting for my next appointment at Yau Ma Tei and before that, i planned to have lunch first. While walking along the street near MTR, i saw the poster outside 村爺爺車仔麵. They offered lobster noodle set at very reasonable price, thus i decided to try it. It was located at Hamilton Street, just 2 minutes walk from Yau Ma Tei MTR.They were currently running a promotion right now, offering half lobster with e noodles at a cut down price of $58. This offer is only applicable if we ordered additio

而家新推出老人優惠，所以多咗好多老人家幫襯，但收錢個阿姐態度勁差，當老人家好似隻狗咁鬧，叫個伯伯轉枱，未問已經攞晒人d野過去隔離枱，大大聲叫呀伯坐呢度啦你！唔好阻住我張枱，個阿伯原來攞溜咗自己個膠袋，個阿姐仲鬧佢攞溜野呀擺到做乜！之後兩個婆婆入嚟，佢就鬧檢查左長者咭未！要排隊點餐先好入嚟坐！牆上面已經寫好你哋唔識字咩！其中一個呀叔食完走時問佢地，腐竹係自己炸定出去買㗎，如果自己炸最好要咁.....（教佢）個女人即刻掉野鬧佢，你唔鍾意食咪來囉！我食左15分鐘，無人個客無比佢鬧過，找錢俾我都飛落我張枱度！

龍蝦加車仔麵呢碗村爺爺車仔麵真係做得好出色，先唔講佢嘅特式龍蝦湯底同埋伊面，佢普通嘅餸都煮得比其他車仔麵嘅好味，我叫咗三個餸，三個餸都好正！最喜出望外嘅係豬腸，普通一條豬腸周街都有得食，佢呢一條比較肥大，咬落去好有口感，比一般的比較厚身，會粗一些。其次就係冬菇，冬菇好厚，但係食落去好淋，佢應該浸左一段時間先有咁嘅效果，另外仲有陣陣嘅香菇味，不錯。仲有就係牛筋，呢一間唔會話好淋好淋，食落去會有返啲口感，都要咬兩咬先可以吞。份量都幾多下。當然，重點要講一講佢哋鋪頭推薦嘅龍蝦湯底，竟然有半隻龍蝦隨着車仔麵附上，真係第一次食車仔麵都可以有龍蝦入邊，服務員仲好窩心咁俾埋個鉗我哋，可以鉗爆啲龍蝦殻，龍蝦食落去都幾彈牙下，唔會話好縮水，以呢個價錢絕對係超值，湯底更加唔使講，差唔多比我飲晒咁滯，因為真係好好味，好重龍蝦味，會令你不停飲不停飲，好好味啊！

假期中午係油麻地揾食， 見村爺爺sell佢既湯底淆足唔知幾多個鐘仲不含味精， 就一於試下啦！ 老公要左龍蝦湯底， 食得出有用蝦殼淆湯， 但味道偏淡， 我媽煲既湯濃好多， 整體唔係好夠味。粗麵太淋無咩口感， 麵底有點細， 令人有點失望。我果個要左豬骨湯底， 加錢轉出前一丁， 個豬骨湯底一樣係偏淡口， 雖然話無味精係會淡啲， 但真係唔夠味。 出前一丁亦煮得太淋， 浪費左個出前一丁， 佢會俾返包味粉你自行決定落唔落， 都算均真。魚肉春卷細細條， 味道ok既， 但唔算香， 牛腩算合格， 諗得黎唔會柴， 不過仍然有進步既空間。牛肚ok, 夠諗， 但又係淡口。 呢度既食物份量偏少， 相對黎講價錢較貴。假期中午時間都唔係好full, 睇黎係做平日學生生意。 我都係去返d舊式車仔麵檔食會比較岩口味。

第一次食咁豪華嘅車仔麵，真係好滿意！首先依度可以揀嘅湯底同面嘅種類就好多，我梗係揀左最特別嘅龍蝦伊麵湯底啦！嗌果陣都冇唸過真係會有隻龍蝦係入面，上左嚟之後先發現原來真係有半隻！仲要都幾大隻！所以唸都知 個湯底真係用龍蝦嗌嘅，好足料，所以飲一啖都覺得好香。為左方便大家食隻龍蝦，食店仲會提供埋鉗，都好貼心～隻蝦好多膏啊！正中我心意！同平時食車仔麵唔同嘅係，依度會將d餸同麵分開。依度嘅餸嘅種類都特別多，仲有響鈴添！我一共揀左四樣餸，牛筋，豬皮，響鈴，同魚皮餃，樣樣都好好味！

名不虛傳的超濃龍蝦湯底,每一啖湯都係濃濃的龍蝦味配上油麵,令每一口都覺得好滿足,雖然其他車仔麵配料不是出眾但重要的是仲有半隻龍蝦慢慢剝食完個麵之後一路剝龍蝦,一路飲埋D湯,真係十分滿足

咁岩去開個頭做野，就試下先，之前上過電視，話又平又抵份量又大！食車仔面有樣野好，就係餸多款，面又多，什麼都是自己選擇，而且快靚正！岩晒小編又多心又趕時間的選擇。車仔麵通常必食油面，不過竟然發現有手打烏冬，雖然要加錢，但是已經見到有別於其他車仔面。餸就選擇了：生菜生根同南乳雞翼！南乳雞翼都是南山村個間最岩小編口味！其他菜式還可以！醬汁方面就沒有其他車仔面的自家秘方！都是正常都有醬汁，不佢地好細心，會提大家要走腩汁就要講喇！