村爺爺車仔麵 (已搬遷) 新店位置

$32 3送但有d要+$3話秘制果d送其實好普通冇乜特別份量好小麵好小（本人細食 但都唔夠）唔會再幫襯好一般好一般🥺🥺🥺隨便一間都好食過呢間好多多多多多🥺🥺🥺🥺🥺🥺

村爺爺車仔麵要先係外面同姐姐點咩麵咩湯底咩餸先可以入去坐。58蚊4餸(龍蝦湯),有2款湯底比人選擇，龍蝦湯同豬骨湯。平時豬骨湯底就食得多，我當然揀左龍蝦湯。入面坐位係四四方方的木枱木凳，小店風味。入到去坐底麵好快送上，收埋錢先慢慢食.驚喜位係店員好細心會將麵同餸菜分開碟上，唔會浸到餸淋晒，可以同朋友share黎食都得。餸菜就揀左豬皮，鹵水雞翼，冬菇，魚蛋。豬皮都幾入味，冬菇厚身不錯，個龍蝦湯底都少少龍蝦味。可能對龍蝦湯嘅期望過高, 因為隔離間村爺爺賣緊龍蝦湯泡飯...食後感唔算好特別, 但係如果唔係龍蝦湯, 個價錢又好似有D貴。飽肚都OK ge~

平日繁忙時間多數無位坐，預啱初五放假又過埋下午茶時段過行過旺角呢頭咪嚟睇下…竟然有位坐，就再次試下佢哋個龍蝦湯底先，因為佢主打呢個湯底，其他地方車仔麵好難搵到龍蝦湯底，今次食番都果然保持到水準，湯仍然好鮮味，車仔麵嘅餸都係夠晒入味，而食車仔麵我必定會叫嘅豬皮、魚蛋、牛肚、牛筋都係非常之入味，你哋看看圖中豬皮嘅顏色便知有幾入味，加上我比較喜歡佢麵同餸係分開上，咁就可以飲到佢啖龍蝦靚湯嘅真正鮮味，只係車仔麵中佢嘅價錢一啲都唔平民，但間中食一兩次又無防嘅

幾次行街經過見到呢間車仔麵都冇機會試, 今晚心血來潮想試一下。姐姐話有2款湯底 - 龍蝦湯同豬骨湯。貪得意試龍蝦湯。。。就出事啦。點埋幼麵, 紅腸, 雞翅, 魚腐同墨丸。龍蝦湯底溝得好烯好烯, 跟幼麵唔夾, 兩者彷彿獨立而存在响同一空間,麵又冇味, 惟有飲幾啖湯, 感覺怪怪。 紅腸好咸, 魚腐普通, 雞翼鞋口, 但墨丸ok。 食完好口乾, 好彩姐姐送盒飲品俾我。一個車仔麵4餸$61. 價錢唔係問題但我介意水準咁。。。。真心唔好食, 但服務的姐姐態度好好, 讚一個。

同細佬食lunch，提議去食村爺爺車仔麵，先點餸，再自己揾位，等姐姐送餐。細佬話剛剛瞓醒無胃口，但就點了龍蝦🦞伊麵配龍蝦湯底再➕4️⃣個餸魚片頭，魚腐，魚蛋同芝士腸，典型小朋友食嘅餸。(咁都叫無胃口😂)而我就簡簡單單，點了米粉，冬菇，蘿蔔，魚蛋配龍蝦湯。龍蝦伊麵，這配搭簡直係絕配，仲要有半隻竟蝦🦞，啖啖肉，細佬話飲得出湯底有龍蝦味，不太鹹，伊麵唔會淋到黐埋一舊，魚蛋有咖哩味，都頗彈牙。值得一提，店舖姐姐仲好細心提供濕紙巾和鉗，方便食🦞。雖然我的配料簡單，但冬菇炆得夠入味，味道不錯，蘿蔔清甜沒有渣，米粉吸收了龍蝦湯底，為平凡的米粉加添了濃郁的味道轉眼，我們已經食飽飽，滿足地起身離開

之前試過食村爺爺另一間食店，今日就食村爺爺車仔麵。首先要係出面點完想食既餸菜，之後就入店內比錢。有2款湯底比人選擇，龍蝦湯同豬骨湯。平時豬骨湯底就食得多，我當然揀左龍蝦湯。而餸菜就揀左墨魚手指條，通菜，豬皮，南乳雞翼。一般車仔麵店係放埋係碗麵上，但呢度係分開放。可以同朋友share黎食都得。豬皮都幾入味，不錯。墨魚手指條都幾彈牙。南乳雞翼，冬菇，牛筋都可以。湯底就見仁見智，我就一般般。

真心唔明，點解禁難食，仲可以有禁多like?????? 係咪因為一個「平」字，就可以將食品質素同個人標準降到禁低？？？？淨係個油面過「林」已經好唔like...接受近一夾就爛嘅感覺，個湯係淡而無味

今日帶女朋友食車仔麵，行過見到村爺爺做緊 32蚊 一面豬骨湯底。呢度係舖面揀好餸面先坐入去。先付款再慢慢食。特別之處是麵同餸分開上。叫左芝士丸墨丸牛肚粗麵墨丸是劣質 ，似粉團多d 粗麵亦不是雲吞麵舖果種粗而滑的，有種未煮透的感覺。但呢個價錢不能要求太高。女朋友就叫左拉麵底，質地都彈彈地。叫左豬腸，豬皮，蠔油冬菇。因為湯底太淡，叫佢比左個沙嗲汁。加左之後的確增色不少。推介蠔油冬菇厚肉地又煮得入哂味。但豬腸煮得太耐冇曬彈性。豬皮同樣入曬味，好可惜完全食唔番豬皮應有的口感。總括來説，32蚊3餸一麵無隱藏收費不過不失啦!

今日同男友經過油麻地，看到大大的招牌，村爺爺，然後想起是出名加入龍蝦食材的車仔麵檔，當然要試試。我們這次沒點龍蝦，想試試傳統式車仔麵呢。我們點了米粉底，豬大腸好入味，而手打鯪魚餅很有咬口，另外，欣賞地方是麵餸分開，岩曬我呢類重口味人士，呵呵，可以避免味道溝淡！另外，男友點了牛丸、炸墨魚條條同魚皮餃，還有韮菜，男友表示牛丸很夠味，而且肉質彈牙！墨魚指又是新鮮之作，想不到這裡雖然是以龍蝦出名，但普通車仔麵都咁出色！

之前上Facebook介紹好出名嘅龍蝦湯，今日去咗食龍蝦湯伊面，咁首先要喺鋪頭門口嗌餸，叫咗個龍蝦湯面有龍蝦半隻咁就要你叫多兩個餸，叫完先入鋪頭等食。伊面嘅份量唔錯，由個碗嘅size就可以睇到，多過正常份量首先是飲一啖龍蝦湯，比較鮮甜冇乜化學嘅味道，都算唔錯。至於唯一要批評嘅一點，就係個湯唔夠濃郁，比我expect嘅嚟得淡，可能溝左水，咁樣我寧願麵同湯嘅份量少啲，咁樣客人就可以食到更濃郁嘅味道。隻龍蝦方面，蝦肉比較乾身，可能啲精華都落晒碗湯度。至於配菜方面，我就叫咗魚片頭同埋豬紅，兩者叫不過不失咁啦。賣單就七十幾，我諗個定價都比較進取少少，下次未必會考慮。

村爺爺車仔麵和大排長龍的龍蝦湯飯是一家。eh！這家不需要排隊，也有經典的龍蝦湯底，58HKD配四款菜。因為我是晚上去吃的，湯底應該煮了很久了，所以料的香味大於龍蝦的鮮香。另一款豬骨湯30幾HKD，3款菜可選，我倒覺得比較輕甜。有三種醬可以選擇，沙爹、咖哩，麻辣汁，這也是它和其他的車仔麵不同的，將湯底和麵區別開菜和醬，即可攪和在一起也可以分開慢慢吃，都可以。另叫了兩瓶汽水，這一餐共100HKD。總體來說還不錯。

我咁大個人，未食過如此難食嘅車仔麵！服務差都算，但佢係惡劣！叫咗幾個餸難食到無辦法擺入口！完全無味嘅湯底！落咩調味都補救唔到，我實在無辦法再食落去。嬲到我要開個account 同大家講，佢真係經典。唔好再中伏，TXB，八卦雜誌全部都呃人。

那天下午又不太餓太飽，便到油麻地附近處一家小型食店叫村爺爺車仔麵裡吃嘢。那是散叫自選配料型式的麵底，而我該次便叫了油麵龍蝦湯底，配了則叫了燒賣、炸魚蛋片、腸仔、龍蝦丸及芝士丸等配料。成碗麵吃落滋味十足，湯濃味，麵條爽滑，餸配料咬落質感方面煙韌兼嫩滑，味道好！食過都番尋味。店鋪門外更裝設電視宣傳機，真與時俱進。

點菜時呀姐又亂態度又差，明明得2,3個人買野，都搞到咁亂，又鬧客，價錢又貴 58蚊4餸(龍蝦湯)，味道亦都好普通，無咩特別，但真係要好好改善下d呀姐既態度同流程。

一間好餐廳除左味道之外 最最最重要係待客態度！食過村爺爺泡飯 諗住呢間車仔麵一定都唔差 但食完 我永不錄用！點餐時間 啲阿姐侍應已經好無禮貌 間餐廳既menu甩甩漏漏 第一次唔識嗌 唔出其啲阿姐竟然兇番我轉頭 問多兩句 好似欠左佢咁 嗌到一半 真係超想走人點左碗4餸龍蝦湯油麵 味道同村爺爺泡飯差天共地 湯底好淡 料一般且唔多一碗咁既野收我58蚊 俾多幾十蚊食到原隻龍蝦啦喎 定價會唔會唔岩既不是名店 又不是隱世小店 我唔會黎啲咁既餐廳受氣 食野最緊要開心