村爺爺龍蝦湯.泡飯.燉湯專家

營業中

休息中

.又黎到村爺爺啦！呢間好食到即使要排隊都一定要食到 男朋友大愛呀❤️佢既湯底足料 我今次食鮑魚花膠干貝蟲草花魚頭湯飯佢個湯係好好味 又香甜 飲多2啖都唔會口渴 無味精之選鮑魚爽口彈牙 仲有大大個魚頭 肉質鮮味十足🫶🏻個飯倒落啲湯度變泡飯 吸晒湯底👍🏻應該無人會覺得唔好食！.另外點左店家推介既墨魚手指拼魚腐墨魚手指外脆內彈 無聽錯呀 入面係彈牙架🥰魚腐既皮都炸得好鬆脆🤤好正.男朋友就食真龍蝦泡飯 有半隻新鮮龍蝦架😍啖啖肉 仲有好多海鮮 魷魚 帆立貝 青口 元貝等等足料到呢 真係覺得店家會唔會虧本🥹.夏日炎炎配返2杯水果梳打👍🏻消暑又解渴

今日同朋友行油麻地，經過呢間餐廳，個名叫「村爺爺」幾特別，吸引左我注意，我地停低睇佢門口有啲明星去幫襯既相，電視播緊影帝推介既片。睇到佢主打係龍蝦湯，花膠雞煲，幾吸引，開始肚餓既感覺，於是就排隊等位。等左陣，好快都有位，服務員帶我地入去，服務態度幾好，鋪頭唔算大間，但座位都算闊落，唔會同隔離枱既人太近。我地分別叫左「鮑魚花膠螺頭雞煲翅」、「鮑魚花膠蟲草花魚頭湯」、「墨魚手指拼魚腐」、飲品就即磨日本炭燒咖啡同埋熱情果梳打。上菜速度都算快，兩煲都好足料，每煲都有圓肉，瑤柱粒，花膠，鮑魚，「鮑魚花膠蟲草花魚頭湯飯」個湯底一啲都唔腥，好濃郁，忍唔住飲左幾啖湯，鮑魚size對比呢個價錢係可接受，有半邊魚頭，都唔腥，我將成碗飯倒落個煲度，飯連湯一齊食，另外，熱情果梳打唔會太甜，份量都幾大杯。朋友果個「鮑魚花膠螺頭雞煲翅」，我試左幾啖個湯，無諗到有螺頭都唔會咸，味道適中，亦都好濃既花膠雞湯味，有成半邊雞，啲雞都幾嫩滑，仲食到有幾排翅，真係性價比高，真心推介，朋友話杯炭燒咖啡唔錯，最後個小食亦都好好食，墨魚手指好香脆，炸魚腐亦都同其他餐廳唔同，唔錯。朋友話下次要再黎，試下果個龍蝦湯，期待😋😊

上一次食村爺爺已經係上年既事啦，時間過得真係快，今次去依然都係要喺門口等位，好彩等咗15分鐘就可以入去，咁耐冇食質素依然保持，值得一讚👍🏻墨魚手指魚腐湯泡飯呢款泡飯揀咗龍蝦湯，龍蝦湯底勁足料，好多海鮮，呢個完全係海鮮湯泡飯，兩大隻青口、勁多蜆肉、魷魚，仲配埋生菜🥬，最鍾意墨魚手指🦑同魚腐炸過，好好味😋自選生滾湯泡飯自選系列可以揀兩個餸加一個菜，我選咗黑毛豬片加鮮牛肉同白菜仔，揀咗蟲草花螺頭雞湯底，呢個湯真係非常鮮甜，好似老火湯一樣，雞肉同蟲草花都好多，一碗入面雞牛豬齊晒😂

有日好想食龍蝦\(≧▽≦)/男友搵到依間都幾出名既海鮮泡飯餐廳見到隻龍蝦太吸引所以我地兩個人叫左同一個飯一人一碗唔洗搶𝐡𝐚𝐡𝐚🦞🦞🦞🦞🦞🦞🦞🦞🦞殿‧海鮮龍蝦湯泡飯 𝐇𝐊𝐃𝟏𝟎𝟖🍲一上碟就見到好大隻既龍蝦(半隻)仲有好多膏肉質唔會腍同梅 仲係好彈牙😋泡飯入面仲有大大隻既青口 蜆肉 帆立貝同魷魚🦑個泡飯湯底已經煮到有龍蝦味但唔會過分濃郁生菜🥬既份量都幾多完全吸曬湯既精華個湯應該無落味精 無叫野飲飲曬成碗湯都無口渴💪🏻食完成個飯係大滿足呀！！！環境比較擠迫但依個價錢黎講係無得輸了～

每次經過油麻地，都見到村爺爺👴🏻大排長龍今日落雨，雖然人流減少，但都要排隊等咗大概10分鐘之後就可以入去啦泡飯選擇種類真係好多，花多眼亂啊不過嚟到見個個都係食龍蝦🦞梗係要試吓啦{真}村爺爺龍蝦湯 $138泡飯分湯上，好大隻龍蝦啊🦞龍蝦湯好足料，先飲一啖湯，鮮味十足🤤🦞龍蝦好多膏肉質爽口彈牙又多汁湯底有好多蜆肉、青口、帶子，啖啖都食到海鮮配料，好豐富啊！白飯浸落龍蝦上湯到，索哂湯嘅精華，好正！豬求其龍蝦湯泡飯 $68一啲都唔求其啊😂配料十足！有齊豬肉片、豬膶、豬肚同豬大腸等等湯底好香濃豬骨味，用料十足墨魚手指拼魚腐 $32老闆推介叫款小食即叫即炸手打墨魚滑炸脆後，十分香口🤤仲有炸魚腐，真心正！點埋甜酸醬，味道冇咁單一☺️菠蘿梳打 $16石榴梳打 $16先上果汁，另有玻璃樽雪碧配解渴又消暑🤤

村爺爺龍蝦湯.泡飯.燉湯專家 網地址: 油麻地砵蘭街72號地下電話: 63956703=====================成日見佢大排長龍，專門食湯泡飯架。今日準時放工，6：45去到排左15分鐘入得$88松茸螺頭煲雞，有半隻雞，真係真材實料。仲可以加$15 有埋飯同油菜。個湯料多，個辣椒豉油點雞肉好惹味，完全是媽媽的味道口湯是無飯家庭恩物，平時3餐出街食，更加唔好講話煲湯飲啦，湯水有益滋潤。$68 極上海鮮龍蝦湯泡飯好出名，有海鮮料，有蜆肉，青口，魷魚，龍蝦頭，大堆頭架食材，湯好甜真材實料 湯味道偏鹹，預撈埋飯或做成湯飯咁食。湯飲到一滴不剩。

香港專門食泡飯嘅餐廳唔多，所以一想食泡飯就會去村爺爺👨🏻‍🦳逢晚市去到門口都會有條人龍，而最近一次去，老闆會喺大家等位其間落埋單，見你猶疑不決嘅時候又會俾下意見，呢方面都幾貼心!⭐️南乳雞翼龍蝦湯泡飯 配半隻龍蝦 $60+$48 (7.8/10)企鵝妹嚟左幾次都係叫呢個組合，龍蝦湯雖然賣相唔算好靚，但飲落去會感覺到幾濃郁嘅龍蝦同海鮮味，但又唔會死鹹，飲完佢地d湯都唔會覺得好口渴，絕對係白飯小偷! 而且個湯好足料，有巨量蜆、青口、魷魚、同生菜等等，每次食到最尾都仲有好多蜆凈🤣而加錢配嘅龍蝦，對上一次去雖然都好鮮味，但對比之前食就較為失色，之前會食到有橙色膏同好爽口嘅龍蝦架!🦞(如果唔加龍蝦成個餐真係好抵食!!!)南乳雞翼大大隻，醃得剛好夠入味，炸粉唔會過口，忍唔住一隻接一隻食!⭐️熱情果梳打 跟餐+$12 (8/10)呢杯野飲係老闆嘅誠意推介，所以試一試巨。上枱超級大杯，杯會放住熱情果果汁，另上枝裝雪碧，酸酸甜甜幾解渴😍🐧企鵝妹食後感:成個感覺係一間親民小店，環境唔大，坐得有少少迫狹，同埋通常出面有人等位所以食完都會即刻走😌但感受到店家烹調湯底同食材嘅用心👍🏻，而且全部都「大件夾抵食」好

🐂牛魔王龍蝦湯泡飯 ($68)呢碗泡飯上碟嘅時候非常細心，會將飯同湯分開，唔會浸到啲飯淋晒，可以比客人調較軟硬度，抵讚👍🏻湯飯份量非常足料🤣超多牛肉😍每一舊都好大塊好有牛味，食落好滿足🤤龍蝦湯底唔會太鹹，食完湯飯飲埋湯都唔會覺得好口渴🙈仲有唔少生菜同勝瓜好健康🥒抵食之選🤓🐥花膠螺片雞煲翅 ($68)呢個雞煲翅限量發售，只限堂食🙈花膠超滑😍隻雞都勁大隻，肉質嫩滑啖啖肉🤤仲提供即棄手套俾客人拆雞肉食，好貼心😍另外加咗響鈴，浸落湯到食正呀！😆🥥椰子螺頭花膠雞煲 ($78)加咗椰子嘅雞湯更濃郁，呢煲隻雞一樣咁大隻，好食！😋🍹熱情果梳打/ 石榴梳打 (跟餐加$12)呢到嘅梳打都好有心思🙈會將梳打同果汁分開上，比客人自由分配比例，味道唔會太甜，飲落好fresh😍推薦🌟

呢間舖頭好耐之前有喺網上睇到推介話幾好味😋同埋個價錢好抵就可以食到咁大個龍蝦🦞仲有半隻雞tim😂（好期待）今日終於約埋朋友一齊過去食，地址唔會好難搵，去到就已經見到要排隊，好彩唔算多人，排左15mins左右就已經有位，排隊期間店員要我地先落單，因為製作過程需時，呢個明白嘅。我地都叫左椰子花膠竹笙干貝雞煲，諗住$78呢個價錢已經包埋飯，跟住轉米線/米粉/公仔麵唔洗加錢，入到去就咁睇個環境還可以，店員落左單拎黎睇，嘩！點解多左每人$15嘅，問清楚原來係➕$15先有飯同菜，送熱飲，凍飲➕$3，仲有其他特飲➕$10最後都諗住➕$15無講清楚可能我地都無睇清楚啦，睇啲生菜🥬咁靚試下啦，夾夾下見到入面有報紙📰😩😫😫好彩唔係🐛

次次經過砵蘭街都見呢間餐廳排哂場龍🥺仲要成條街咁多餐廳，唯獨呢間勁多人排隊🤩今日唔趕時間就排埋一份，終於有幸嚟到呢間熱門餐廳食野啦😌😌🥢螺片鮮雞魚腩龍蝦湯泡飯 $68馬上就嚟試吓佢哋嘅招牌龍蝦湯泡飯😚龍蝦湯色水會同想像中有啲唔同😛老闆解釋佢哋係完全真材實料，拒絕色素拒絕味精😌所以飲落啖啖龍蝦鮮味唔油膩👍🏻雞件量多又夠嫩滑😋連同螺片鯇魚腩同場爭艷鬥麗🤤白飯另上，可以按個人喜好調節軟硬度進食泡飯💕🥢鮑魚花膠蟲草花雞煲翅 $128半邊黃油雞大件夾抵食🥺連埋蟲草花煲成起膠雞湯煲👍🏻價錢親民得來仲可以食到鮑魚同埋滋潤花膠☺️心靈滿足之餘仲大大滿足咗胃口🤤我自己就覺得整體份量太多啦😝可以考慮兩個人分享一個升級套餐，例如試埋雞湯泡飯，又係另一番滋味😆😜🥢墨魚手指配魚腐 $32等緊上菜嘅時候，為食嘅我哋都要冒着食唔晒嘅風險🤣嗌多個小食大快朵頤一下😆手打墨魚滑經過脆炸之後十分香口👍🏻如果點埋甜酸醬就似乎微微中和返個香酥油膩感覺😋🥂熱情果梳打、🥂石榴梳打 +$12@1夏日炎炎最好就係嘆番杯精選特飲😌村爺爺最近就推出咗全新嘅夏日特飲俾大家品嚐😍😍一嚟就俾大大杯清爽飲品震懾😙入面已經裝好鮮榨果汁😗加入埋全新玻璃

鮑魚花膠蟲草花雞煲翅 $128以呢個價錢來講 無論係雞煲定係其他餸菜份量都好多又抵食😌 首先有一隻圓轆轆嘅鮑魚 入味清甜 充滿誠意！花膠住得好軟身 易咬入口 份量仲好多添😋😋蟲草花令到雞煲嘅湯更加清甜 做泡飯真係一流！想每一啖飯都充滿着啲湯汁😝隻雞好大隻 老闆話湯攤凍咗嘅話就 可以將雞肉絲出嚟食 啖啖雞肉 多汁厚肉 好味！🤤餐廳仲配左兩對手套同埋啲醬汁都非常細心㗎！牛魔王龍蝦湯泡飯 $68牛肉嘅份量好多 牛肉唔會好韌 味道都唔錯 個湯好飲濃郁 仲有生菜添唔怕食得太濟 成個餐送飯真係好一流～另外 仲加咗兩杯特飲一杯係熱情果梳打一杯係石榴梳打 🥳上菜嘅方式好特別 一杯係本身生果嘅飲品 所以甜味比較重 餐廳就配左七喜 屬於鹹味嘅等你自己調製呢一杯梳打😊 想鍾意甜啲或者酸啲嘅朋友就可以自己配搭！做法幾得意😎嗰日係食夜晚大約七點幾嘅時候 客人都非常多😲 要等一陣先至入到去 但係員工同老闆都好親切 仲會服務同安撫下啲客人 做事又細心親切！仲推介我哋食唔同嘅菜式同埋食法添！有機會要再試😃😃

今日同朋友途經砵蘭街見到村爺爺泡飯，加上又未食午餐，所以心血來潮即刻沖咗入去幫襯 🥰 因為海鮮泡飯真係好正。餐牌大概同以往差唔多，不過自己每次都只會叫殿海鮮龍蝦湯泡飯，因為自己超鍾意食海鮮。😋落完單無耐就好奇問侍應姐姐，究竟真盛村爺爺龍蝦湯泡飯同殿海鮮龍蝦湯泡飯有咩分別，因為貴咗 $30 蚊，原來係多咗花膠同螺片。殿海鮮龍蝦湯泡飯 ($108) : 超多海鮮嘅泡飯，出面食一定無咁足料，就算足料都唔會咁平食到。泡飯有半隻龍蝦、帶子、青口、魷魚、蜆肉、生菜等食材，龍蝦爆膏之餘湯底超級鮮甜，將白飯倒哂落去個湯度等佢慢慢吸收湯汁，好味到暈。🤤

又去到油麻地「搵食」，過咗晚上十點🕙，選擇並不多，行到呢一度，記得好耐之前記低咗，不過一直又係無試到🧐.環境衛生唔算太企理， 據說係要排長龍先可以入座，人氣旺盛，但等候良久先有人安排到座位🥹。食店主打係龍蝦🦞湯底嘅食物，見到牆上面貼滿好多報道宣傳介紹嘅訪問，相信應該會有驚喜🧐。.———————————————————————————.🥢真。魚腩海鮮雞件龍蝦湯泡飯🦞🍚 $112💬果然係好大碗，好足料，有半大隻龍蝦🦞，好多膏、肉又彈牙，質素唔錯；兩大舊鯇魚腩🐟，唔太入味頗多骨，雞件亦都有好多，普普通通🥹，勁多蜆肉、青口同藍青口，喜歡嘅應該好滿足；龍蝦湯唔係西式嘅濃稠感，係帶有龍蝦🦞味嘅上湯，感覺都幾唔錯，泡飯係幾夾，整體來講不過不失😅

今晚突然好想食湯飯就擇左呢間主打湯飯的餐廳 個名都夠親切所以想試下🤣🤣🤣放工後就即刻去啦但6點30到 已經有幾個人係前面排緊隊啦證明呢到人氣唔差啦同行一個叫左牛魔王 一個叫左殿海鮮2個都係龍蝦湯底 呢個殿海鮮 唔食得都睇得起碼有個龍蝦頭扮到下野仲有大量唔同海鮮 係唔錯😍🥰d飯食落去岩岩好 唔會太硬加落湯到就好吸收湯的精華性價比都高 呢碗野先 68蚊🤣🤣🤣咁多海鮮wor其間都聽到老細係咁問下唔同customer食成點會R下水吹會重視客人意見呢點我都幾欣賞牛魔王就無咩太大特別啦因為入面牛的部份就不過不失啦但呢到位置就唔會話坐得非常舒服以小店來講都係野食 同性價比來取勝

前幾日同朋友去咗油麻地、本身我哋book咗一間樓上cafe,但途經砵蘭街、我朋友介紹前面有間勁多人勁多人排隊食嘅龍蝦湯….. 我本人比較重口味鍾意食濃味嘢😂 所以聽完之後我就話不如去望下 有無人排隊🙈🙈🙈 結果、因為距離lunch time 仲早、所以喺門口等咗5分鐘就入得因為我未食過、而又想試更多款…所以我同我朋友嗌咗一個龍蝦湯、一個花膠雞湯、仲要記得配米線🤣🤣掛汁一流龍蝦湯第一啖 ，真係令人反白眼👍🏻花膠雞湯就不過不失正正常常所以習慣重口味嘅我會比較推薦龍蝦湯！另外特別介紹飲品方面、店主推介熱情果梳打！真係唔會太甜好好味👍🏻👍🏻👍🏻我覺得如果唔使排隊嘅話我會再嚟🤪🤪🤪