杯中物

營業中

休息中

去到旺角行街，一定系好想食小食啦！結果，就去咗一間賣章魚燒嘅鋪頭。估唔到仲有$15蚊5粒，真係好抵呀！等咗一陣，佢就即刻整俾我啦。麵粉唔算太多，上邊嘅紫菜同埋醬油都係算多。章魚彈牙，好味！

經過旺角有少少肚餓知道旺中都有幾多黃店，就入嚟尋找下有咩好食因為琴日去到齊柏林已經收咗檔，食唔到薯條既關係部長我今日成日都好想食薯條見到呢間黃店有薯條就幫襯下芝士肉醬薯條 $15平心而論，15蚊咁既份量嚟講係多但味道方面真係好劣薯條即炸都可以唔脆，軟林林即炸都可以唔脆係令人好難理解啲肉醬係有陣UP味，似係放咗好耐既肉醬係難食到失去食慾，食咗一半都冇已經丟咗部長我覺得黃店唔係拎免死金牌難食會照批評，不支持盲撐覺得質素有問題會提出，有改善就可以繼續幫襯

一日一黃店 旺中篇 抵食小店仲有義診服務呢間店本身已經貼滿餐牌 近期仲見到（和理醫）係守護孩子既好鄰舍北區教會fb出左個義診post（我都搵番cap左出黎）黎醫生睇得出幾有心 同埋創新 唔知仲有冇下次義診呢？但杯中物 fb page就冇做過表態既.講番野食如果學生仲有學生餐十幾蚊仲送野飲 勁抵呢日食左⭐️章魚小丸子$15 5粒先講價錢 👍🏻絕對超抵 👌🏻份量合理👎🏻但醬汁 可以比多小小（唔夠可以自己加）店員見我係到唔知搵咩 有禮主動問我 幫我落沙律醬 加分👎🏻但我問有冇紫菜 佢話今日用哂 減分👎🏻入面章魚細粒 因為得粉 口感比較漿口.之前食過呢間炸物 係唔差既但是日 章魚燒圍番價錢 水平真係唔高沒有比較 唔有傷害 之前葵芳食果間太高質相比下呢間好多位可以改善 加油.#杯中物 (旺角)地址：旺角彌敦道688號旺角中心一期1樓F87B號舖.⭐️評分：味道：2/5環境：-/5服務：-/5抵食：4/5

行行下街肚餓添， 聽聞旺角中心好多嘢食， 而且有好多款揀， 行咗幾間終於行到最入嗰間小食店，佢有好多款食物揀。，除咗有唔同味道嘅撈麵之外仲有我地至愛嘅炸嘢， 我哋揀咗香芋炸甜薯波同埋炸雞柳，每樣都係每10粒15蚊，好抵！炸左出來唔會太油，最喜愛嘅係甜薯波裏面係香香嘅芋頭味外面係煙煙韌韌嘅甜薯加糯米粉！另外可以有好多唔同嘅醬料畀你家例如沙律醬，芝士醬，香茅粉，孜然粉，辣粉等等，炸雞就是麥樂雞嘅質地， 佢本身上面加咗孜然粉，所以都十分香口！ 15蚊食到呢啲嘢真係好抵下次想試埋佢嗰啲撈麵應該都幾好嘅！

㕵中就出名多野食既，近幾年係1樓開左個立食緊，入面好似得呢間仍然可以屹立不倒做足幾年，佢就係杯中物啦🥰今次叫左幾樣野食，分別係綠茶麻糬，炸薯波同埋一杯冰涼又解渇既薰衣草青檸汁。10蚊有5粒綠茶麻糬，綠茶粉好濃郁，但略嫌麻糬唔夠煙韌，如果中意不停咬咬咬既你就可能唔太適合啦🥺不過薯波真係超出我預期，以為佢係一粒波既你就大錯特錯，佢係扭紋形狀嘅薯波，所以炸出黎特別多脆口既邊位，再加上碎粒芝士同芝士汁，有晒多重口感🥰食晒6粒就岩岩好！配埋酸得黎易入口既薰衣草青檸汁，我既減肥大計又要推遲啦😎

今日同個讀緊中學既細路行旺中肚餓黎到呢間杯中貓 間鋪鋪面好壯觀好多menu我驟眼睇我諗至少起碼超過50款小食我地叫左炸雞粒 炸魷魚蘇 同炸薯條呢度大概50幾蚊 盒裡面係三款小食既份量每樣索價$10幾蚊 雖然價位好低 但份量奇小如果你合埋眼拎住呢盒裝住呢三款小食既盒唔望到裡面有野 你可能會以為自己渣緊一個空盒小食係即叫即炸 唯一可以讚既位係夠熱 調味係零技咁 同埋可能因為款多同鋪細 都唔算非常多人幫襯佢 只可以講佢出得慢 見都有幾個人好似我地咁等極都未拎到野食其實太多選擇提供 反而好難做得好 拎住佢提供既拎得就震個個通知野 都十幾分鐘先有得食 小食鋪黎講算慢 雖然鋪面同排隊裝置特別有安排比較有心思 但應該花多啲時間起食物同飲品方面差啲唔記得講 最伏係加$買左杯青檸同哈蜜瓜味飲品 真係好難飲 影都唔記得影 難飲到即刻想係咁飲水 個種感覺係只要飲到啖水就好似拯救左我地咁

今日黎到充滿回憶的旺角中心，行行下街見肚餓就梗係掃街啦，見到呢一間鋪仔細細但名符其實五臟俱全的小食店，門口既餐牌真係數之不盡，而且款式多多，價錢仲好抵食，真係個一刻想食咩就可以隨便叫！拉絲芝士魷魚棒 $10首選既必食推介，今次揀左呢個韓式小食-拉絲芝士魷魚棒，見到拉絲芝士已經忍唔住流曬口水啦！濃濃既芝士配合上魷魚餅，十分彈牙，重點係10蚊已經有一大條，真係食多幾支都唔會心痛！芝士薯波 $15由於太愛芝士既關係，所以繼續點了呢一個炸芝士薯波。一咬入去，超香脆，入面則係好綿滑既薯蓉，香濃又脆口。綠茶麻糬$10@5食完鹹野自然想食返d甜野中和反。估唔到呢間小食店都有得點綠茶麻糬，所以就諗住試下。點知食落充滿驚喜，外層的綠茶粉裹得好足，入面麻糬煙煙硬硬，有種Q軟既感覺，而且甜度適中！下次路過會想試埋其他款式例如串燒或者瘋薯條等！

今日去左旺角中心行街，行街行到口痕，就去食個下午茶啦！旺中多左好多小食店，我見到有間小食店大排長龍，就去買黎試下啦。餐牌好豐富，小食多到眼花撩亂，我都心大心細唔知食咩好啊。我叫左一杯冰凍飲品，降下溫先。藍色飲品，薄荷味非常高，果味唔算太突出，薄荷入口清涼透心，的確好降溫好滿足。我叫左炸薯條配炸魷魚酥。薯條即叫即炸，金黃香脆唔會好油膩，入口咸香。最欣賞炸魷魚，入口爽口彈牙，唔會太乾太鞋口，外層炸粉又唔厚。

喺旺角瘋狂購物 , 買野買到好肚餓 , 要小休一下, 就嚟到旺角中心搵野食 !旺中有好多小食店 , 見到呢間特別多人 , 又好多選擇 , 就揀左呢間啦 !點餐後, 店員會比個號碼牌你 , 當佢響嘅時候就可以攞嘢食 , 好方便 ~四款炸物 ($20)有雞肉洋蔥圈 , 芝士年糕 , 芝士薯波同一口芝士 全部都係即叫即炸 , 熱辣辣出曬煙 , 好新鮮 , 食炸野最緊要夠脆 ! 特別推介一口芝士 , 外脆內軟 ! 凍青檸汁 ($5)飲品 $5 咋 , 好抵 , 好 fresh !! $5 有杯飲品仲想點 😂😂 食店外有枱 , 方便食客立食 , 食飽又可以再去血拼 ! $25 有野食 , 又有野飲 , 真係快靚正之選 ! 😁😁

旺中便宜的小食店！食物款式種類多～花都眼亂啊！等取餐器閃燈就有得食啦！天婦羅蝦餅$15/3塊，芝士沙律、甜酸醬、BBQ⋯好多口味可以選擇！餓底撈面$18，鋪滿芝士漿，食完一定會飽！所以叫做餓底拉麵！三重芝士芝心雞球拉麵，流心雞球好食！串爆雞腎買一送一$16/4串！好抵食！原本$16得兩串，現在買一送一！有十幾款醬汁選擇！比較特別有芝士龍蝦汁、芝士芥末、牛油果醬！凡購物加$5有一杯飲品！有利賓納同埋清新檸檬好味！大大杯飲品只售五蚊！清爽啊！一個人不用$30食到好飽！

最近轉了工作地點在九龍區，所以去了很久沒有去過的旺角中心Shopping想不到中學時買衫的地方已經變化如此之大到了立食區選了這間超級多選擇的小店作晚餐(別人掃街都掃很多間，但這間真的太多選擇了，😂下次再試其他幾間)它的餐牌已經完全擋了店面，只有一個小口位置讓你點餐點完餐有號碼牌會召喚你^^這時可以周圍行逛一下，不用站著等~食物齊啦～蝦餅好足料，不過我覺得有點太咸，如果喜好濃味食物的人應該會很喜歡串燒超級推薦!雞皮燒得又香又不乾，是我暫時來說吃過最好吃的雞皮平時最愛雞軟骨的我也無視了雞軟骨，直衝雞皮😍韓式炸雞粒~ 芝士甜酸辣醬🤤食完一件又一件，雞肉好滑提子偏向我喜好多(味道)，但如果說外觀還是荔枝較吸引我，漸變色真的很美😍

黃金蒜香炸雞粒份量好足，一盒大大盒，全部大大粒！炸雞粒外皮炸完好薄，唔洗膽心好厚粉或者粉多過肉。 so far啖啖肉，喜歡食雞肉既我都幾like呢個炸雞粒，雞肉好軟熟，唔怕痴牙同難咬。三重芝士薯波醬汁落得算足，除左有芝士醬之外，仲明顯見到有一絲絲既芝士磨左落去做醬。薯波好飽滿， 入面填滿薯蓉，好幼滑，唔會有薯仔青味。新鮮食時外脆內軟，脆皮唔會好重粉味而且好薄。芝士肉醬大阪燒 新鮮熱辣出爐，上面既木魚起度liu黎liu去，令成件事望落好吸引。醬汁好均勻咁淋左起大阪燒上面，啖啖都好夠味！冰玫瑰青檸汁第一次無需嗌少甜少冰，都可以飲到一杯甜度同冰量適中既飲品。漸進既紅色好靚。建議欣賞完之後撈勻杯野飲令味道更加特出。玫瑰味道好出， 一路飲一路覺得似層相識既感覺🙃

今日同朋友喺旺角附近，就去左旺角中心呢個立食區掃街。揀左杯中物食，個名夠特別。我地叫左章魚小丸子、雞軟骨、芝士雞柳撈麵，仲一人叫左一杯飲品。要讚下啲店員，佢非常有禮貌。等一陣就有得食啦。章魚小丸子（$15）一份有四粒，每粒都食到章魚，熱辣辣，味道唔錯雞軟骨（$20）一份有四串，每串都有孜然粉喺上面，味道好夾芝士雞柳撈麵（$18）：芝士味剛好，唔會太膩飲品：菠蘿利賓納汁，石榴青檸汁，幾好，唔會太甜，好啱夏天飲，夠哂解渴。

旺中自從引入左多間小食店後，我覺得呢個場既吸引力係大左。行行下街有D口痕，可以好方便搵地方醫肚，而我就去左一樓立食區搵野食。去到立食區見到有幾間小食店，其中最吸睛既莫過於呢間貼滿哂小食相片既「杯中物」。呢間店主要賣炸物，就咁睇都至少有30款以上，真係花多眼亂，總有一款岩你心水。「韓式炸雞粒(半份)」🧀🧀🧀🐓🐓🐓味道有3款選擇(三重芝士、芝士甜酸辣、甜酸辣)。我揀左三重芝士，分別有熱熔左既芝士醬，再灑上芝士粉同芝士碎，芝士味超濃呀👍🏻，趁熱食可做到拉絲效果，芝士迷絕對不能錯過!雞粒外層粉漿不會過厚，內裡仍然juicy。有驚喜。「雞軟骨串串(4串)」🐓🐓🐓🐓我點左我最愛既雞軟骨，同樣可以自選調味。我就揀左紫菜粉。雞軟骨並無沾上炸粉漿先炸，而係直接炸，反而可以食到雞軟骨既爽脆，再加埋調味，非常惹味。係度惠顧任何食品，只需加$5就可以有一杯指定飲品，而飲品選擇都幾多款。今次試左呢杯好夢幻既「冰藍橘青檸汁」，酸酸甜甜，唔錯。雖然係小店，但食物製作認真，每個order都係即叫即做，所以等既時間比較耐D，而佢都好貼心咁俾一個Pager客人，咁就可以邊睇衫邊得野食都唔怕啦。呢度每樣小食都係10幾蚊起就

小店人情味 好耐冇掃街啦 上次見朋友分享左旺中美食城啲美食今日嚟到旺角依家執多咗好多小店，最吸引我就係呢間門口擺咗好多相全部都係炸物，我見最多人排隊，就揀呢間啦。同朋友兩個帶咗一份杯中寶物$20!係$20！真係$20，入面有齊10樣嘢，痴線平到喊，有即炸熱辣辣，個芝士年糕仲同朋友兩個爭食添！章魚小丸子都冇失望，建議大家攤凍少少先食因為真係好熱，我最怕啲整定好耐擺定喺度！正芝士薯條不嬲一流。 分量多！個人認為全九龍區CP值最高嘅薯條。食到呢度口渴渴，同朋友仲叫咗杯利賓納同埋新鮮檸檬青檸特飲！咁熱嘅天氣下解暑一流。