東京チカラめし

營業中

休息中

💡日本過江龍牛肉丼飯而家想食牛肉丼、豚肉丼愈來愈多選擇，呢間日本過江龍以親民價作為招徠，無論係日式牛丼、豚肉飯、定食同咖喱飯都即叫即製，大概十分鐘就有得食，賣相唔錯，最重要係當天竟然無人排隊，仲即刻去試下。🍽燒牛肉丼配炸雞無論係牛肉定飯嘅份量都算幾多，一個人都未必食得晒，牛肉薄片配上經典秘製醬汁，味道濃郁得黎又唔會鹹。牛肉上面配左菠菜苗做配菜，感覺都幾fresh。炸雞相信係日式野不二之選，次次都會叫，炸雞炸得香脆可口，入面似質仲保持到嫩口。 🍽餃子餃子都係煎得皮脆，咬開餃子內都充滿肉汁，而且size岩岩好可以一啖放入口，如果覺得唔夠味，仲可以自行加七味粉、醬油等等不同調味料來豐富口味。🍽沙律正正常常，不過都幾fresh，食個陣可以加小小柚子汁，味道會更佳

今日放咗工出旺角買啲野，一個人原本諗住簡簡單單食個丼飯就算，但入到嚟見到人地食鐵板餐又覺得好吸引😂❤️鐵板燒牛肉定食加溫泉玉子💰7️⃣0️⃣➕💰1️⃣5️⃣雖然即叫即整但上菜速度好快🙌🏻份量相當多😯肉同菜都係煮得啱啱好，肉唔會韌，菜唔會過淋👍 兩者非常夠味枱面仲有山胡椒同七味粉可以自己加，我額外仲加咗溫泉玉子🤭 要黎送白飯一流💯以主打丼飯嘅舖頭黎講，呢度除左有牛肉同豚肉之外，仲有咖喱，餃子定食同埋炸雞，選擇都幾多，性價比唔錯👍👍

喺旺角度搵野食，行到The Forest見到呢間好多人排隊就跟住排了，係知道係食牛肉飯，但入到去先真正睇menu，我地就係鍾意跟人排隊嘅羊群🤣 叫左一個鹽燒牛肉丼配餃子3隻($58)同咖喱吉列豬扒飯($60)。鹽燒牛肉丼都真係如其名，醬汁係鹹鹹的鹽味，無再多加嘅醬汁，所以牛肉同葱嘅味道會比較鮮明。枱面上有張notice寫住要撈晒碗飯先食，咁就粒粒飯都有汁，可惜鹽醬相對比較淡味，所以唔會有衝擊味蕾嘅感覺，下次試下燒牛肉丼，可能味道會再濃味啲。餃子就無咩突別，似普通冷藏餃子，個人覺得唔特別需畏加購。咖喱吉列豬扒飯有啲出乎我意料之外，咖喱夠濃味，偏甜，最尾有少少微辣，我以為咖喱唔係佢地專長，但都唔錯。吉列豬扒炸衣唔厚，而且唔韌，最憎食到啲豬扒會sip牙縫，但呢個完全唔需要擔心。今次兩個相比，我比較鍾意咖喱吉列豬扒飯，不過其他兩款都對得起個價錢，不次都可以試埋個燒牛肉丼。=東京チカラめし Tokyo Chikara Meshi//旺角奶路臣街17號The Forest 地下G8號舖//2802 3308=

呢間一直都好想試，每次都幾多人幫襯，好受歡迎。😂琴日收工收得夜，同同事見到唔多人就衝入黎食。😁環境都幾好，衞生都好，係坐得幾舒服既！🤩食物方面都好有質素，我同同事們都好鍾意呀！最重要係性價比好高！每人$60都夠飽咁食到個晚餐。🤑燒牛肉丼配溫泉蛋 ($58)我超鍾意佢個珍珠米，好好味，好鮮甜之餘仲好有口感。😋😋個燒牛肉好香口，質感唔差，牛味都夠。😁咁既價錢唔會要求太多，以呢個價錢算係高質，性價比好高。🤩整體評分：⭐⭐⭐⭐/5可以做飯堂，拍拖想慳錢又唔想成日食譚仔，呢間係幾好既選擇。👍🏻

食物唔推介，都幾唔好味下。炸雞太多粉，但味道尚算可以接受牛肉飯真係大伏，牛肉飯竟然少牛肉汁，啲牛又乾但環境都算企理，間隔都闊落，而且野食好快到整體而言有2/10。應該唔會再光顧。

暫時全港三間分店嘅日式丼飯店，旺角呢間經常經過，好多時都大排長龍，相信全因佢性價比極高，$50幾一個飯仲要幾好食，座位都闊落，難怪咁多人願意等🍚燒牛肉丼(配溫泉蛋）💰$58見多數人都揀呢款，都係呢度signature之一，牛肉份量好多，唔好睇佢顏色較淺，其實枱有醬油、洋蔥酸汁可以倒入牛飯到一齊食，可因應自己鐘意去調味，我自己鐘意落七味粉一齊食多啲🍛咖喱吉列豬扒飯💰$60超大塊吉列豬扒，炸得香脆唔係太油膩，日式咖喱微甜唔會太辣，非常多汁，能夠撈晒全部飯一齊食🚩東京チカラめし (旺角) @chikarameshihongkong 📍旺角奶路臣街17號The Forest 地下G8號舖

呢幾年少左牛肉麵選擇，當想食牛肉飯嘅時候，呢間黎自日本嘅就當然係更吸引我眼球！每次經過都長龍，今日早d黎食點知都要排😂😂😂應該真係好高分今日想狂食牛肉，order 左重量燒牛肉飯，真係好多牛肉，好入味，好滿足，都只係$78🥹🥹朋友試野菜豚肉定食，又ok喎！唔會有豬「蘇」味，菜都炒得幾香，仲有salad跟😌兩個女仔都試埋小食，叫左炸雞同餃子，咁呢度signature 唔係佢地，中規中矩就ok食個快飯，又想要d日本野，呢度係個好選擇，要排一陣都ok😛😛

八點幾依個時間有啲尷尬真係好難好嘢食。咁啱見到門口有幾個人排隊，就屬試下。入到門口裝修都係偏想簡單，但係座位頗適應。店員好快手俾左Q code,可以自行對比價位Q code 落單👍任意選擇。鹽燒豚肉丼（配沙律)崮 53鹽燒豚肉丼配溫泉蛋）蛋 58豚肉味道比較偏淡需要配合店內醬汁配搭，肉嘅份量好足夠 ，占左成碗嘅1/3。飯計較濕軟，如果唔鍾意可以落Oder分開另上。餃子定食＄45一共有八隻左右，有啲似水餃、唔會煎得好濃，小朋友都啱食。

這間日式丼飯餐廳，晚上每次經過，都見到好多人排隊的，估唔到，早上11點多便開門，見到有位唔駛排隊，提早食個午餐先。仲有窗口卡位坐😬。我點咗：🍱鹽燒豚肉丼配溫泉蛋$55豚肉份量都好多，油脂分佈平均嘅豚肉以洋蔥🧅、黑椒、鹽等烹煮，最後加上京蔥，鹹鹹香香，肉嫩多汁，加埋溫泉蛋、珍珠米一齊食，十分滋味😋。🥬泡菜$12加咗碟泡菜，加埋落去我個豚肉飯裡，令口感更加惹味。🌿大紅袍烏龍茶$16大大支冰冰凍凍烏龍茶。我食完飯出嚟，已經開始見到有人排隊人龍…

放工同同事行過 The Forest, 見到一個好搶眼嘅橙色日文招牌，原來係食丼飯既地方。見到要排隊，應該有啲質素！快啲試下先。排左10分鐘就坐低了～環境乾淨企理、員工做野好快手，所以翻枱速度快 😂講下野食先：1) 燒汁豬肉丼飯連唐揚炸雞 - 大一上菜，同事話：嘩！咁大碗既！本身已經好足料，加大份量真係幾澎湃😂😂呢碗飯唔止賣相靚，味道都好正宗，又夠熱辣辣！ 炸雞識食一定係落辣醬2）生薑炒豚肉定食呢個生薑炒豚肉就有啲家的味道，我相信一個大男人都一定食得飽！食飽埋單，出到黎見到條隊仲長左，都係早食早享受 😎😎因為港女唔食牛，所以冇試到大名鼎鼎嘅牛丼飯。 但係港女覺得呢一間好食過果間三隻字果間連鎖店。用餐時見到其他人叫鐵板定食，望落去好滋味！所以下次想會食佢既咖喱飯同鐵板燒😍😍

週末同朋友一齊喺旺角，午飯時間要食嘢，大家都諗住簡簡單單食一餐，飯又得麵都好，咁朋友話不如去食丼飯，我話我好少就咁食丼唔知邊度有好味嘅😅，咁朋友就二話不說，掹咗我去呢間餐廳😆我叫咗 $48 嘅「燒豚肉丼」，另加 $45 嘅「燒牛肉」，諗住嚟個大滿足😆，仲叫咗一樽 $16 嘅 綠茶😆「燒豚肉丼」要咗細嘅，不過飯量都幾多，夠晒我食😆；豚肉🐷肥瘦適中，日式🇯🇵煮法帶微甜，幾好味；另加嘅「燒牛肉」🐂肉質幾軟熟，煮法似乎同豚肉差唔多😋，亦都係帶微甜，食得我幾開心😆朋友叫嘅嘢都差唔多😆，簡簡單單又一餐😋

每次經過都覺得好香，諗住入去試吓，嘟左安心出行，又掃左針卡，顯示左我符合疫苗通行證嘅要求，唔係揸住紅黃碼餐廳職員指，我電話嘅安心出行並非更新版本，需要update返最新版本，要俾佢望到個藍色先入得我指出，法律上冇規定食客一定要更新安心出行個app，反而係餐廳一定要更新去檢查食客嗰個QR code，而職員一直堅持要我更新應用程式先可以入去食飯感覺好無奈，明明法例都冇規定我一定要update，我攞住一個未update嘅安心出行去食飯根本就冇錯

今日中午前去到旺角唔知食咩好，之後去到前中旅社附近見到佢依間牛肉飯，今早冇乜人就試吓，見佢舖頭有兩個門口正門係一級樓梯，後門係有車枱，輪椅係方便後門入去嘅，所以就決定食呢一間牛肉飯試吓😍入到去今次真係有驚喜，今次一同三人叫咗三個飯1.鹽燒牛肉丼配溫泉蛋佢嘅鹽燒牛肉味道好好 加上溫泉蛋火腿麵簡直係好似去返日本食嘢咁樣😆2.鹽燒牛肉丼配炸雞兩件飯同第一嗰個都係一樣，但係佢嘅炸雞都炸得好好食唔會揸到硬晒肉質好好3.芝士燒牛肉丼佢嘅芝士超級多仲有拉絲既效果可見得佢嘅計時係有幾多！！！三個丼都係正常Size都已經好夠飽！可以Encore🤣味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 附近幾條街都有少量嘅錶位

今晚OT到7點幾，仲有大把野做😭拿拿臨想食啲好食又抵食嘅快餐。行過見到呢間東京チカラめし 快餐，感覺唔錯就入咗去試下😋入到去，餐廳周圍嘅突然間比我一種置身在日本新宿嘅感覺，想當年疫情前成日飛去日本自由行😭😭，行街行到夜麻麻就係去食呢啲日本快餐。坐低左之後，叫咗個重量級燒牛肉飯，同埋一啲小食。個牛肉飯真係好重量級！好多牛肉又多汁，就嚟滿寫啦😍！撈飯超好味😋而日式餃子🥟多汁好食，炸雞嘅肉嫩滑，外面脆朴朴添，oishii 呢！❤️❤️呢個牛肉飯唔貴又足料，真係性價比高👍🏻

放工又去咗旺角 The Forest 地下 睇波鞋，順便排下隊嘆返個牛肉飯，東京チカラめし*座位濶落舒適，店員送上 qr code，可自行點單，即叫即製，大概十分鐘有得食，賣相唔錯。鹽燒牛肉丼(配餃子3件）$58還可以加埋小食，主食丼飯以外，還點了小食，每款價錢都經濟實惠，性價比高，多點幾款，就係咁鹽燒牛肉丼配餃子，鹽燒牛肉軟滑肥美，裡面仍封存著肉汁，蘸點燒汁，味道口感都挺不錯。加上份量十分鋪滿了碗日本米飯，朋友食得十分滿足！而餃子都係煎得皮脆，咬開餃子內都充滿肉汁！餃子一口size 方便食，點埋特製醬汁更能帶出餃子🥟的鮮味。鹽燒豚肉丼（配唐揚炸雞2件）$58除了牛還有鹽燒豚肉丼，鹽燒豚肉也不錯，相比超燒牛個肉質較彈牙，我給它很高分數。哩個就配了唐揚炸雞，件炸雞外面炸得十分香脆，入口雞肉嫩滑軟熟！總括而言，好有日式風味🇯🇵 邪惡又美味日式牛肉丼飯，丼的新選擇，性價比很高！東京チカラめし (旺角)旺角奶路臣街17號The Forest 地下G8號舖