東京大眾酒場 (已結業)

個陣見到依間餐廳叫東京酒場，所以就覺得好吸引，因為個餐廳環境都好特別，佢有好多燈籠係個頂度，形造到個氣氛好似去咗東京。佢啲野食都幾特別，而且仲好有係日本既感覺。我地可以係個menu睇完個關東煮之後，就岀去佢關東煮個count度，同店員講番關東煮需要啲咩，我地叫咗蘿蔔、雞蛋、魚餅、牛筋同埋福袋。佢啲蘿蔔好甜同埋好入味，最重要係關東煮個湯啲味道都好好。明太子雞翼比我想像中好食好多，因為我無諗過佢係幫我去埋骨，之後入面全部都係明太子同埋雞肉，真係好邪惡呀。一見到個美人鍋就覺得好得意，因為個名好搞笑，但我地都無諗入面有咩材料就叫咗。嚟到既時候，發現原來係雞湯同埋有半隻雞，同埋有好多菜、豆腐。蟹肉蟹膏甲羅燒，依個好特別，係配薯片，同平時食既有少少吾同。日本和牛串、免治雞肉明太子玉子燒芝士燒帶子燒雞泡魚

海老係最好食！手掌咁大隻，表面有少少海鹽，啲肉算爽口，好新鮮。帆立貝好大粒又鮮甜，上面鋪左層薄薄嘅芝士達到極致細膩嘅口感！雞泡魚干，香脆可口！蟹肉蟹膏甲羅燒係配薯片！非常新奇嘅食法而且都好多蟹肉。不過要趁熱食，凍左就冇咁好味。美人鍋大大碗仲會送烏冬！要煮一兩分鐘就可以食得！快捷又方便！啲雞係送雞髀！不過太多菜食唔晒，而且個湯底有啲鹹。。日本魷魚酥魚蛋喺香港第一次見！不過就冇乜特別。芝士薯餅有啲似可樂餅，中間甜甜地！飲品飲白提子同蜜桃梳打，幾好飲！

東京大眾酒場，係一間以日本居酒屋作為藍本嘅餐廳。餐廳嘅牆身畫滿咗日系圖作，仲有一部大電視播放住有啲年代感嘅動畫。廚房以半開放嘅方式呈現，有一邊係賣關東煮，俾客人可以親自揀選中意嘅關東煮，另外一邊可以睇到是日海鮮同埋廚師燒烤，旁邊仲擺放咗林林總總嘅日本酒，仲有餐廳自家製嘅酒。侍應非常親切，好似去咗一個日本溫馨小家咁。美人鍋($188)，最近美人鍋大熱，所以點咗黎食。美人鍋以健康為主，雞脾肉為主角，有大量嘅蔬菜作配菜。等15分鐘後，侍應仲會主動幫大家盛碗。先飲雞湯，清甜又有滋補嘅感覺~ 雞脾肉厚又嫩滑，因為冇加調味料，所以佢嘅鮮味都仲保留住。最後仲有烏冬，以濃郁嘅雞湯黎煮，味道一流。燒物方面，我地點咗和牛($28)、牛舌($32)、煙肉蕃茄($15)、黑毛豬腩($18)、大蔥雞肉($12)、胡椒柚子雞肉($15)、蠔($28)、秋葵($12)。燒物燒得非常香口，中意少少焦焦地嘅口感，而且調味唔重，原汁原味。日本魷魚($88)，真係物有所值！原隻上，塗上甜甜地嘅醬料一齊燒，口感爽滑，味道惹味。關東煮方面，我地點咗蘿蔔($12)、雞蛋($12)、竹輪($12)、福袋($18)、牛腸($18)。

呢個時勢處處都好混亂，大角咀安然無恙，就去左呢頭食日本野！呢間餐廳有啲難揾，揾到利奥坊招牌，行入少少就見到㗎啦。今次特別啲，我按照最喜愛的食物排先~💕海老手掌咁大隻，表面有少少海鹽，啲肉好爽口，好新鮮！一定要試！💕Scallop佢啲海鮮係無得輸，好大粒，好鮮甜，上面鋪左一層厚厚芝士，達到咗極致細膩的口感～💕燒雞泡魚乾油脂清香，香脆可口！💕蟹肉蟹膏甲羅燒好新奇嘅食法，係送薯片！佢有好多蟹肉，真材實料！💕美人鍋超大碗，仲送烏冬！個烏冬煮1-2分鐘就得㗎啦！裏面好多蔬菜🥬個湯有鮮奶味，不過偏咸。啲雞全部雞脾肉，好入味~💕日本魷魚鬚魚蛋未食過呢款魚蛋，應該真係日本先有！不過條魷魚太幼身，所以吾算係必食推介💕芝士薯餅芝士味吾算好濃，不過係炸得幾脆，軟身清甜~如果吾想飲酒，個人推薦白提子和白桃梳打。吾洗飲可樂，忌廉咁悶！環境佈置得好有居酒屋嘅feel，啲燈籠好靚，好多人吃完飯都係到傾下計。而且open kitchen，見到好似車仔麵格仔，自己可以行出去慢慢選擇，又會推介當日新鮮的海產，睇實物一定好過睇menu啲圖啦！啲侍應生態度好好，又幫我地燒好曬，我比100分！！一定會再到此一遊，下次會試下飲酒

#東京大眾酒場餐廳環境闊落，裝修似足日本居酒屋既風情小編有一晚行過，發掘到呢間食宵夜既好地方勁大杯啤酒🍻都只係38蚊💗小編仲試左店主自家製梅酒同自家製桂花味梅酒分別在梅酒酒味較重，而桂花味梅酒較為清香可能果日太夜，好多食材都賣曬，所以主要揀左D送酒既小菜老師燒既串燒主要落調味粉，味道較重但唔同食材會有相應既調味粉好似牛肉係用鹽，豬肉用胡椒粉小編仲試左個柚子味既雞肉串，咸左小小墨魚咀同枝豆份量都算多，可以慢慢食

<東京大眾酒場>🍻呢間食店喺大角咀 環境以木枱櫈為主 牆身畫左一 d日本風既圖案 加埋半開放式既廚房 會見到店員燒烤 同酙酒 食物有好多選擇 好似串燒 美人鍋 關冬煮 日式小食 仲有唔同既啤酒 日本酒等等 好啱朋友食下野飲杯酒聚下舊👍🏻🍴和風薯條配啤酒 78 蚊🍻超抵既配搭 500 ml既 hooagarden配上炸薯條 薯條即時用紫菜粉 shake shake咸味剛好夠香 🥔配埋啤酒勁正🍴蟹肉蟹膏甲羅燒 68 蚊🦀🔥用蟹殼放住蟹肉同蟹膏燒 蟹糕應該醃得帶 d香咸 但不失蟹香味 蟹肉鮮甜彈牙 加埋燒到有 d焦香 幾好食👍🏻🍴美人鍋配烏冬 188蚊🍲美人鍋即係雞湯鍋 有好多香甜紅蘿蔔 🥕小棠菜 和椰菜🥬 軟滑豆腐 爽口冬菇同金菇 雞湯味道香濃 仲有落足料既嫩滑雞肉 🐤煲大慨15 分鐘就食得 材料盡吸雞湯 食到甘上下再將彈牙既日本烏冬放落去煲 十分入味😀🍴燒蕃薯 12蚊🍠黃燈色肉既蕃薯 燒得好香 好有質感 密度偏高 本身都幾香甜 唔錯 🍴燒秋葵 12蚊鹽燒既秋葵 好新鮮爽口 入面唔會燒到太乾 唔錯👍🏻🍴燒煙肉露筍串 18蚊🐷個煙肉偏煙靭 同偏咸 夠肥美 入面卷住爽口既露

係大角咀要揾美食，我諗利奧坊地下嘅東京大眾酒場值得推介。裝修好有日本feel，而且好多人幫襯！美人鍋係必選抵食項目，因為材料極之豐富，有大大塊雞件，娃娃菜、小棠菜、豆腐、紅蘿蔔、金菇、冬菇及烏冬，食材非常健康，雞肉嫩滑無比，湯底清甜，加上蔬菜煮稔之後，更加提升鮮味，絕對飽肚又滿足。串燒種類繁多，師傅夠細心，將材料燒得啱啱好，尤其是大大隻的日本魷魚，烤得香噴噴，入口即時感受到魷魚嘅鮮甜味。另外，燒梅子紫蘇雞肉串及胡椒柚子雞肉串，亦有特式，令你感受不一樣的雞肉味道。仲有之後嘅燒秋葵、燒粟米及燒蕃薯，别有風味，因為清甜粟米及香味四溢嘅蕃薯可以中和味蕾。餐牌上有一款叫靜岡綠茶可樂，飲落係會慢慢品嚐到微微的綠茶及可樂味的汽水。 同埋仲有，完熟桃子梳打，淺粉紅色，睇到少女心也重現，味道淡然清新

好多年冇去大角咀，行過利奧坊，見到間東京大眾酒場，即時想試試。舖內日式風格裝修幾特別，入口見到有關東煮，好多款式，立即點咗牛筋、牛腸、魚餅、蝦餅、日式魚肉包心燒賣及蘿蔔，味道清甜好好食。如果喜歡關東煮的朋友，不妨一試。坐低後，餐廳有杯清雞湯供應，鮮甜可口，再叫咗一支特濃綠茶，冇糖分夠健康。餐牌列出四款燒物，有牛肉、豬肉、雞肉及蔬菜類，急不及待點咗多個串燒。先有野菜盛合，內有雞髀菇、冬菇及金菇，大大份，菇味一流。再有日式海螺串，細細粒但有鮮味，香口脆爽；日本和牛串鮮嫩多汁，燒得啱啱好，加埋燒牛舌，夠厚身又有咬口，跟住雞中翼醃味香濃，燒烤之後，香味更加突出，滿足食肉嘅要求。最後仲有燒露荀及燒南瓜，香甜消膩，感覺清新。

原來大角咀都有隱世美食，今晚朋友帶我去到利得街利奧坊的（東京大眾酒場）居酒屋，最驚喜就係見到一個盛載關東煮的大器皿，好像回憶到前兩年在東京街頭小店內食的感覺。美人鍋，材料有厚切嫩滑的雞髀肉、鮮甜翠綠的蔬菜 、鮮菇、金菇菜等，店員話要等十五分鐘後先可以食，時間一到已急不及待，試下這個清新健康的美人鍋。炭燒生蠔，蠔肉飽滿鮮甜，當然是要encore。燒牛舌同海蝦。海老就係老虎蝦，肉質比海蝦仲更加結實同鮮甜。超大型的關東煮，有拾幾款可以出去點自己喜歡的食物 ，當中有我最喜愛的豬腸、福袋、牛腸、魷魚鬚魚蛋、羅白等，可食清甜的味道，如點些辣醬，更能帶出惹味的口感。

這次來到位於大角咀的「東京大眾酒場」一來到，服務員拿了一杯湯給我們一邊飲一邊點菜～環境不錯，之前網上看過食評好似都唔錯，今日終於可以黎試下 😝首先，點了些串燒～- 牛舌串 $48- 雞軟骨串 $28- 雞肉串燒 $36- 露筍 $30好好味，再追加牛舌和煙肉蘆筍卷串 😝- 燒雞奕 $30/隻呢個好好食 好多蟹肉蟹膏， 再配些薯片食 好正 呢個一定要試 👍🏻 $78魷魚不錯- 海膽木魚醬芝士 $75刺身盛合 三款$168玉子燒 $78 整體食物質素高，價錢合理。唯獨串燒價錢有點貴特別推介牛舌，貴 但好味 😝

之前去東京食過串燒，好掛住當地嘅食物，所以就去呢間餐廳懷念一下，店舖嘅裝飾好有日本特色，掛滿左燈籠自己可以出去揀關東煮嘅材料，點咗蘿蔔、蝦餅、魚餅、燒賣、牛筋、牛腸，每樣都滲滿醬汁，好鮮甜美味我哋今晚揀咗好多串燒，好似呢樣係蟹肉蟹膏甲羅燒，可以將熱辣辣嘅蟹肉放上薯片一齊食，好特別，而且蟹味濃郁點左新鮮嘅海老，佢大大隻啖啖肉，食得出好有鮮味，配上少少鹽已經可以牛舌肉質鮮嫩，只需輕輕加上調味粉或者鹽，已經夠美味，因為燒得好香明太子玉子燒嘅蛋好滑，加上明太子嘅香味，配搭好好而大蔥雞肉串就充滿大蔥嘅香味，可以平衡蔬菜同肉嘅口感明太子雞肉串同雞皮串都燒得相當香脆，雞皮串雖然油份較重，但燒完之後食落脆卜卜，好惹味芝士煙肉焗大啡菇亦係邪惡之選，因為芝士味好濃，加上煙肉再配合鮮嫩嘅菇，燒完之後仍然保留好多汁如果想食清淡啲可以叫一個美人鍋，因為裏面充滿蔬菜🥬，亦有雞肉帶出鮮味，裏面仲有烏冬，一定夠飽肚，清清地可以平衡串燒嘅肥膩感覺我自己好推介呢支靜岡綠茶可樂，因為夠特別，平時嘅餐廳好少見，其實好似係綠茶充滿咗氣，再加上汽水嘅味道，夏天飲一流，夠解渴信州白提子梳打亦都夠清新，酸酸甜甜好開胃職員嘅服務態度好

與友人相約多時,滿分期待到東京大眾酒場共進晚餐,環境有如置身日本小店, 首先我們點了關東煮, 牛根蘿白都非常入味, 而家熱呼呼上菜的確令到胃口大增, 再上菜的是蟹肉蟹膏沙律, 分量確實大有驚喜, CP值很高呢, 四個人分都可以食到兩小碗, 而且味道還不錯, 沙律菜都好新鮮!這頓晚餐最期待的一定是蟹肉蟹膏甲羅燒, 係好濃郁既蟹味, 而且燒完一D都無乾既感覺, 配上薯片都係一個好特別既配搭, 出乎意料地夾, 真係大叫左一句好好味呀!!!!另一個重點就係放左係美人鍋物上面, 鍋物入面既雞 焗左十五分鐘都竟然無好鞋口既感覺, 仲好嫰滑, 而且湯底仲好好飲, 唔知係咪真的有美容既功效呢?總括來說, 這頓晚餐好滿足, 環境很好, 服務都不錯, 係同好友相聚既好地方!

最近經常同老公出動周圍搵嘢食，諗起大角咀呢個地方有好多人隱世美食嘅餐廳，咁樣我哋就喺大角咀度周圍行吓啦，結果我哋無意之中發現起咗一座豪宅，佢地個地下商場叫做利奧坊, 先經過一間酒吧，再行前少少就見到東京大眾酒場。先俾佢地店面吸引，因為我地都好耐已經冇去過日本旅遊啦，我真係好懷念佢哋既居酒屋，所以係一試心態之下就入咗去試吓一入店內，職員即時很熱情上前招待，雖然我哋只係得兩個人，但係都安排左一張四人枱比我地坐👍🏻店內裝潢好有日本風情話，仲播埋日本電視節目添一坐低，店內經理（我諗係😅）即時介紹左佢地既主打菜，有美人鍋，關東煮及串燒, 再逢上一杯雞湯😋關東煮係自己行出去由自己點order, 跟住師傅就會夾起你想食既野放落個大碗內美人鍋，雞肉好滑，最後會跟埋烏冬吸收D湯既精華蟹肉蟹膏甲羅燒，Highly recommend, 好鮮甜好有蟹味👍🏻清酒煮蜆，每隻蜆肉都好鮮甜肥美辣酒炒花螺，辣汁好野味，佐酒一流🍺炸雞套餐，有大杯Suntory啤酒加炸雞🍗槌，雞肉外脆內嫩😍

去親日本旅行都好中意去居酒屋,冇得去旅行唯有係香港搵間格局似D既餐廳當去左.................... 呢晚黎到大角咀, 好想食日本野又見到呢間餐廳既裝修同埋播既歌都幾有FEEL所以就入左黎食! 一入到餐廳店員就SERVE左雞湯俾我地~我地一路飲一路諗食咩~有野落下肚冇咁肚餓! 店員都有同我地講到關東煮係係出面自己揀, 有樣睇易揀過就咁寫~我地揀左白蘿蔔、玉子福袋、牛腸、豬腸、蝦餅,佢會配上辣醬俾你點黎食, 辣醬同埋D 關東煮真係好夾!點辣醬簡直就係畫龍點睛! 點完食落好惹味!店員係你揀完上碟之後都會俾D湯你, 用黎浸住D關東煮就冇咁易凍!!!!!!!!!! 不過個湯就唔岩飲,咸左D~都係飲番雞湯! 我地仲用左個美人鍋, 入面有半隻雞、娃娃菜、金菇、小棠菜、蘿蔔!上枱之後店員就話等大約15分鐘食得,仲周不時過黎幫我地睇火!呢個鍋都有好多菜, 食完都覺得好健康! 雞都好滑, 岩岩熟個陣食就PERFECT! 另外我地都有叫串燒,分別係甲燒蟹肉、豬腩肉串、煙肉露荀卷、玉子燒、枝豆同埋芥辣八爪魚~ 每樣都好好食,串燒燒得岩岩好! 前菜類別送酒真係一流!我地分別叫左SUNTORY

平時去開奧運，通常都係喺奧海城食嘢，今日就行遠左少少，去到大角咀依度覓食，竟然比我見到一個新商場喎，咁就緊係食我最喜愛既日式居酒屋啦！剛坐低，先來碗熱辣辣的雞湯。關東煮:好簡單咁樣落完order，店員就拎咗一大碗關東煮尼喇，我地嗌咗日本蘿蔔、雞蛋、竹輪、酒場板燒魚蛋、日本魚肉包心燒賣同埋豬腸。個湯十分清甜，蘿蔔索哂d湯既味道，好食！豬腸都幾有咬口，同埋十分入味，值得一讚，不過個雞蛋同竹輪就較普通，冇乜關東煮既特別感覺。-Shake Shake薯條（咖喱牛肉味)&串燒: 我地今日嗌好多串燒呀，有日本和牛、牛舌、雞皮、雞軟骨、芝士免治雞肉同明太子玉子燒。全部都好好食，和牛肉味濃、牛舌牛味濃郁，口感十足！明太子玉子燒有明太子既咸味加上玉子燒既甜味，加埋上面既mayonnaise咁既醬，配合得好好，好幸福既感覺🤤🤤至於shake shake，平時去開麥當勞食，今次見到居酒屋都有得shake，緊係要試下d新奇既味道啦。一試，咖哩牛肉又做得幾似樣喎，加埋粗身既薯條，口感十分特別，唔錯。-燒魷魚乾:濃濃既燒魷魚香味，加上蛋黃醬，味道更加豐富，作為送酒小食十分滿意👍🏻-清酒煮蜆:淡淡既清酒味，同蜆肉係