東京大眾酒場 (已結業)

好多年冇去大角咀，行過利奧坊，見到間東京大眾酒場，即時想試試。舖內日式風格裝修幾特別，入口見到有關東煮，好多款式，立即點咗牛筋、牛腸、魚餅、蝦餅、日式魚肉包心燒賣及蘿蔔，味道清甜好好食。如果喜歡關東煮的朋友，不妨一試。坐低後，餐廳有杯清雞湯供應，鮮甜可口，再叫咗一支特濃綠茶，冇糖分夠健康。餐牌列出四款燒物，有牛肉、豬肉、雞肉及蔬菜類，急不及待點咗多個串燒。先有野菜盛合，內有雞髀菇、冬菇及金菇，大大份，菇味一流。再有日式海螺串，細細粒但有鮮味，香口脆爽；日本和牛串鮮嫩多汁，燒得啱啱好，加埋燒牛舌，夠厚身又有咬口，跟住雞中翼醃味香濃，燒烤之後，香味更加突出，滿足食肉嘅要求。最後仲有燒露荀及燒南瓜，香甜消膩，感覺清新。