東京街 (美星樓)

營業中

休息中

周時也會到太子買🐱罐罐，今日買完罐罐，打算去始創中心，途經此店，上網睇吓，網民讃食物新鮮便宜，見到海報上各款壽司手卷，丼飯，垂涎三尺，於是拿起點心紙選擇，雖然有壽司定食套餐，我選擇逐件叫，試吓我喜歡的壽司🍣是什麼味道，揀左八件我的致愛壽司，店員好有禮貌，示意食物即叫即整，所以要在店外等候，十分鐘後我的order就拿到了，趕快回家試食，賣相非常ok, 魚生新鮮，平民價錢，高價值壽司，令好多人也可以吃到，真是幸福😝

之前做野無時間吃飯，過左午市都下午茶，朋友話係附近點定壽司，之後買係自己車吃，唔洗高風險，話晒當時候日日百約宗數字，自己車大家隔開少少坐吃感覺好我D今次無因為去附近睇醫生經過於是買番屋企同家人分享。D壽司係即點即整，所以小提示係，打電話落左單先去自取。佢一個個SET，俾你選 一人前，盛，3-4人 普通，3-4盛 ，好似可以左加，我好懶選左三個餐，三個人share, 實有飯好飽。火燒系列我最愛，火燒玉子有Mayo （BB沙律）個味好夾。第2火燒蝦，因為會少少蒜蓉個味好出。呢次失策唔記道點海膽。手卷無叫，因為要等多15分鐘番到屋企係紫還好，唔係一PATPAT濕。同埋外賣佢都包得幾好，又俾足鼓油芥辣。

東京街散叫壽司壽司定食2火炙拼盤B (3-4人用)價錢💲: $5-25/ $68/ $178好味程度😋: 4.3/5服務🍴: 3.5/5環境🗾: / (外賣店)性價比🥢: 4.5/5回頭率😚: 4.3/5-外賣壽司除左出名的千之味之外，其實仲有間💛係太子的外賣壽司都幾出色架，我自己都食左2次啦😝佢就係叫東京街，個位仲要超方便。-壽司由$5起去到$25最高級的。普遍$5-$15就夠食架啦😙最普通的三文魚，蟹籽，火炙三文魚，皇帝蟹棒，北寄貝就$5-$7，其實真係算幾平🥳如果想再抵食啲就可以叫佢地的餐盒，例如我特別鍾意火炙，我就會叫壽司餐盒，佢$68有成10舊火炙壽司加加州卷😍真係平到傻左😱 -講下我有啲咩大推先！1️⃣火炙和牛壽司，佢有黑椒蒜香同柚子胡椒味，2款都幾好，好重油脂咁，好香牛味2️⃣ 皇帝蟹棒壽司，佢用上好大條個啲蟹棒，好鮮甜，仲啖啖肉3️⃣火炙美奶三文，諗下沙律醬同燒三文魚，點會唔夾🤓4️⃣火炙芝士帶子，佢的帶子鮮甜厚肉，無論有冇燒過都好正，仲要加埋芝士🤩5️⃣火炙左口魚邊，不嬲的最愛🥰 但❌炸天婦羅大下🍤 特別外賣涷左粉漿又厚。但其他都幾好，一定好過x鮮😂

68蚊 食到你飽～ 雖然無一排5舊個款甘外脆內軟 但勝左夠多 又食到個味 醫到肚仔 係性價比👍🏻我見到員工由2人增至3人 再增至6人 在小小的工作環境工作 真的敬佩🙏🏻 希望你們之後能在附近找一個更大的舖位 可以舒適地工作👍🏻加油！

去隔離街買狗糧，順便搵吓附近有咩平平哋嘅外賣好食，無意中發現咗呢間東京街。門口唔起眼，係好細間嘅外賣店，門面睇落去好伏，因為好細嘅店面迫左幾個小朋友店員打理，然後門口企左一堆人，望真啲原來有d係等緊隔離歇腳亭。不過見佢食物價錢咁平，而且OpenRice上面嘅評價唔錯，即管比次機會佢～叫咗一個火炙三文魚帶子赤蝦丼$68，同埋火炙壽司set 2，都係60幾蚊，總共有12件壽司。我唔仔細講有啲咩壽司，睇圖吧，因為每一舊都好好食，亦都夠新鮮。鰈魚好肥美。魚生飯亦都一樣，帶子甜又肉厚，火炙赤蝦落咗牛油蒜蓉燒，非常之有誠意。總結來講性價比超高，下次經過都一定會買！

東京街已經唔係我第一次食。 說實話, 由佢好耐之前告急 只係打算去幫襯支持下, 到一試難忘, 之後一有機會就借D依去買黎食, 佢真係性價比超高。12件壽司 $68蚊, 仲要件件都大大舊, 唔係爭X size。而且每件壽司上面既配料又唔係hea 你, 有帶子,有左口魚, 大家食開壽司都知呢D料係咩價錢, 你去出面大件夾抵食既 銅鑼灣/ 東大街既 隨您X意都真係做唔到 $5.7 @ 有呢個CP值~~ 係...我係D好睇CP值既人, 有D餐廳收你 $500@ 但D薯條係凍既, 個環境點好都冇用, 係咪? CP 係price–performance ratio, 好講你比既$$ 係唔係值回票價。SOR...講得有D遠...但如果你繼續睇我D食評, 我係以CP值 & 自己既味覺黎比分.我鐘意呢到既火炙壽司, 因為佢唔係一般既火炙, 而係有D 壽司加左芝士, 有D有美奶滋~ 你可能會覺得浪費左件壽司或者件刺身, 呢個就係重點,佢地火炙得岩岩好! 唔會過火,  比較肥美, 魚油多既魚類好似左口魚咁燒完係另一個層次, 再加上好細膩既芝士同埋佢既焦香~ 真係好滿足。個Set有2件唔同既油漬三文魚, 油漬

👨‍👩‍👧‍👦💕母親節一家人食飯，平時都會買啲有食過嘅！今次膽粗粗試間新嘢 #東京街。由於想買60幾件，所以早一日打左去落單，店員好有耐性咁接單同複單。壽司比想像中新鮮，魚生同飯團大小適中。我哋係會再食嘅！由於叫左唔少款式，我揀幾款有印象嘅分享下：🦪【北海道帶子】$13⋯⋯肥美厚肉嘅生帶子，起初擔心佢太薄，佢完全見得人丫！。🍣【呑拿魚】$9⋯⋯比想像中大片，可以點。🐚【象拔蚌】$7⋯⋯哩個有少少細片，質地都幾爽口。🦐【泰式生蝦】$5⋯⋯本來唔想叫蝦，個見佢5蚊一件，叫左5件試下，佢都算厚肉，肉質彈口，可以一試。🐟【左口魚】$9⋯⋯平時食壽司有左口魚裙邊我都會點，佢嘅左口魚係有嗰種油脂味，又爽口，好食。😋【海膽一板】$118⋯⋯味道甘香，有啖啖嘅鹹香，值得推介！

番工見老闆係咁讚呢間黃店好味又抵食，搞到我都心思思想試下👉🏻👈🏻放工就即刻衝左去買🏃🏻‍♀️呢間店係無堂食嫁，但可以企係門口食或者外賣🧐除左會有張紙比你揀壽司，門口亦有個櫃放左前食($20-$28)，三文魚刺身($48)，海膽($118)同壽司盛($18-$88)比大家選擇！另外仲有多款手卷($15-$58)比大家揀添！仲有仲有，佢仲有派對份量既壽司拼盤同飯餐定食比大家選擇👍🏻👍🏻👍🏻🍤吉列炸蝦壽司盛 $18/盒極力推薦！原本諗住拎到番屋企成半個鐘一定會淋哂，點知！食既時候都仲係脆嫁痴線😍炸得非常出色🤤平得黎又大大件，扺食呀‼️👾怪獸鰻魚壽司 $28/件聽個名好得意，結果就叫左件黎試下！點知原來都係世界級😍😝鰻魚汁份量超夠👍🏻鰻魚份量更加夠！件鰻魚仲多過啲飯，完全係怪獸Size，唔掛之得叫怪獸鰻魚壽司啦🤪🔥火炙壽司系列 $5-$25/件每次食壽司，唔多唔少都會叫一兩件火炙既，火炙壽司燒一燒過比較香口🤤今次自己一個食都叫左四件，因為實在太多選擇太吸引啦🙈特別要試火炙左口壽司，左口魚勁嫩滑！仲有仲有~火炙三文魚醬油漬都記得要嗌！$5咋😵抵到爛啦❗️🍣壽司;軍艦 $5-$28/件多款壽司最平$5，

推介大家經過太子/旺角，必定要買嚟試下呀💕雖然舖頭細細，但壽司、卷物、刺身、丼飯應有盡有！壽司最平只係$5件，而且全部即叫即做，夠哂新鮮😋🍣辣味八爪魚軍艦（$5）抵食又好味八爪魚好足料💯辣辣地再點埋Wasabi ，夠哂過癮！🍣三文魚腩壽司（$7）腩位都只係貴$2，三文魚控必叫❣️入口魚脂豐腴，刺身夠厚身，絕對物超所值👍🏻🍣原隻北貝寄壽司（$15）非常難得有原隻北貝寄壽司喔😍北貝寄爽口鮮甜，一d都唔韌，超正！🍴海膽刺身（$118）呢個價錢，認真唔貴！重點海膽夠新鮮夠甜，入口即溶就連我嘅心都溶化喇🥰💕另外值得一提嘅係壽司飯包得非常扎實，用筷子夾嚟食都唔易散呀👍🏻

日本精選美食，呢間位於太子-旺角警察對面。起依幾個月來生意都受影響但老闆理解年輕人既有良心壽司店。小店裡面有好多款式而且全部都係即叫即做👍🏻👍🏻👍🏻而且價錢都吾貴。手足行開就幫襯下。真係好抵食又好味，材料新鮮。1️⃣軟殻蟹手卷 $282️⃣火灸芝士大赤蝦手卷 $28⭐⭐⭐⭐⭐⭐⭐⭐⭐⭐⭐⭐⭐味道 : 8.3/10價錢 : 8.8/10環境 : 8.7/10回頭度 : 9.0/10人均消費：$5-36⭐⭐⭐⭐⭐⭐⭐⭐⭐⭐⭐⭐⭐東京街太子水渠道30-32A美星樓地下5號鋪

呢間壽司外賣店係太子最近生意唔好但老闆無同手足割蓆大家經開去支持下啦喇💪🏻超抵食最平$5/件‼️-🔹加拿大海膽手卷($45)不得了🤩大大pat海膽鋪面海膽好新鮮 味道鮮甜食到底都仲有🤗超級足料壽司飯量中等🙂-🔹皇帝蟹棒壽司/赤貝壽司（$7）蟹棒加沙律醬特別好食🙊-🔹蔥花吞拿魚軍艦/吞拿魚壽司（$9)吞拿魚軍艦口感軟綿綿⭕️-🔹牛油帆立貝/蒜香牛油大蝦/油甘魚壽司（$10 ）有牛油嘅壽司款式都值得推介🥰好香大蝦仲堅係大隻 👏🏻-🔹芒果花之戀壽司（$15）唔會出事嘅組合🤣甜香芒果配三文魚

買過很多次，仍然回味無窮！良心小店，驚喜的美味！刺身新鮮，有即做的壽司、手卷、刺身範圍等等。有其他炸物及亦有少量預先準備好的壽司刺身。絕對值得一試！再期待下一次幫襯！

Now新聞係9月太子多示威活動果段時間有訪問過東京街老細活動對佢既生意影響。「主要都係禮拜五六日比較多，咁通常都係禮拜五六日果時⋯六日有影響囉。影響就唔係話十分大既，主要係去到夜晚果段時間，佢地先開始黎既時候，人客比較少左啫。其他時間都無咩問題。我諗啊都少左三四成既，咁始終都係為左市民爭取啲野既，唔可以完全怪晒佢地。無辦法既呢啲野唯有各自努力囉。」講得出各自努力，我諗都係兄弟啦。行過幫襯下你先！$35 蟹糕蟹柳手卷啲蟹糕味道濃郁，蟹柳佢包到落啲飯底，唔會話食完頂果層下面就全白飯，咁先係手卷架嘛！

#支持良心餐廳三文魚手卷$18呢間野一直都想去支持下 終於有日經過可以買個手卷嚟食🤪我覺得質素算係唔錯三文魚都俾得幾闊綽 幾新鮮最難得係紫菜都係篇脆身嘅 仲有飯嘅份量唔算少 下次有機會會再去幫襯

「東京街」這日式外賣小店，位處旺角警署對面。雖然近月飽受催淚彈影響，生意額跌了近三至四成，但老闆接受Now新聞訪問時表示「理解年輕人的行動，不會怪責大家」。難得你咁明白事理，我無理由不來幫襯支持吧！一出太子站，轉個彎就到「東京街」，鋪位雖小，但招牌很搶眼很易找。小店提供多款壽司、手卷和丼飯，價錢經濟實惠，抵過去連鎖壽司店！丼飯即叫即做，大概5分鐘搞掂，快靚正！三文魚腩帶子熟蝦飯，只賣68元，就有齊三大塊厚身三文魚腩和兩粒大過五元硬幣的帶子，非常抵！加上熟蝦、玉子和蟹柳，以及混了青瓜粒的飯，材料非常豐富！下次再經過，一定encore！