東坡豬骨粥 (已搬遷) 新店位置

My wife and I planned to have a quick dinner as we were quite tired, thus we just went to nearby to have a quick fix. 東坡豬骨粥 was located at Shanghai Street, near temple Street Jordan. Even though the stall is not that big, it offered a wide range of dishes such as porridge, steamed dishes, soup, appetizers, drinks and desserts etc. Herbal drink was cooling and sweet, good for this hot weather. Plum juice was refreshing and cooling, with strong plum taste. Boiled chicken with coconut soup – The so

同男朋友行行吓講起好想食東坡肉，突然抬頭就見到呢間東坡豬骨粥😂緣份真係話嚟就嚟，於是就入去食。/////一入去已經見到啲叔叔嬸嬸喺度等開餐，似乎係街坊飯堂，呢度除咗粥亦都有蒸餸同燉湯，有家的感覺。/////🧃鮮雞什粥 $48大大一碗粥，雞雜真係好新鮮，好鮮甜，令到成碗粥都好鮮味，唔需要過多嘅調味已經一啖接一啖咁樣食入口，粥水唔算非常綿滑，但有味道搭救。/🧃爵士燉湯 $68呢個湯犀利嚕！用11種材料燉成，包括花膠、螺頭、瑤柱、老雞、赤肉、海底椰、紅棗、雞腳、淮山、南北杏，最意想唔到嘅係竟然有哈密瓜!!!!!!!!!一塊塊嗰啲瓜就係哈密瓜啦，雖然食唔到哈密瓜味但係好搞笑😂燉湯好清，由於本身已經有好多材料，所以食材料嘅味道已經足夠，食唔出佢有其他嘅調味，應該好補。🧃北菇雞腳燉螺頭 $38兩款湯我比較推呢個，雖然材料比較少，但係一樣好足料，而且因為有北菇，所以鮮味即刻提升。/🧃豉汁蒸海魚 $45見到呢度有即叫即蒸嘅蒸魚食，而且仲送白飯油菜同埋例湯，只係$45 ，立即狗衝！今日條魚係池魚，蒸得啱啱好，好肉新鮮又嫩滑，啱晒我呢啲最鍾意食魚嘅人，呢個價錢食到蒸魚套餐，平過茶餐廳一大截，力推！

由細到大都好鍾意食粥，細個嘅時候通常屋企人煲，大個之後就多數出去食，自己煲比較花時間。今日食晏時候經過呢度，見到「東坡豬骨粥」個名幾特別，咁我都好鍾意食豬骨粥，就入去試吓。當然叫招牌「東坡豬骨粥」啦，再加一個「北菇蒸雞」連油菜。好快豬骨粥就嚟咗，豬骨醃鹹咗先煲，有啲鹹鮮味，豬骨仲帶少少肉，可以咬吓食吓；粥底煲得幾綿幾好味，食得出係老火粥，唔係好似有啲粥店磨碎咗啲米先來煲，慳啲爐火😆「北菇蒸雞」雞肉幾滑幾鮮味。

鍾意食野的我，其實都有野係唔太食，而呢樣野，正正係我媽最鍾意食，係咩呢？咪就係粥囉。今次來到東坡豬骨粥，係因為呢到有媽咪最鍾意的北菇雞粥，配上豉油皇炒麵和油炸鬼，媽咪就已經好滿足，因呢到的肉類食材全都採用五豐行新鮮肉類和走地雞去煮，所以雞粥真係特別清甜。雖然我唔食粥，但這店有我最喜歡的臘腸蒸雞，加6蚊仲可以要多條潤腸幾正，呢個蒸餸已經跟油菜和例湯真心抵，蒸出來d雞仲係好滑。我見得我有湯飲媽咪冇好似唔係咁好，所以我特別叫左椰子燉雞比媽咪呢！我係咪好乖呢 😁媽咪飲完都覺得清潤甜哂。最後我忍唔住仲叫左碗海帶綠豆沙，夠哂冰涼下火。

自從冇同父母住就少咗好多飲靚湯嘅機會，所以有燉湯飲嘅餐廳會令我心心眼😍。.🥘爵士燉湯 $68材料包括花膠、螺頭、瑤柱、老雞、赤肉、哈密瓜、海底椰、紅棗、雞腳、淮山、南北杏。睇見都覺得滋潤🙈。飲落清甜唔油膩，充滿家的感覺。加$5仲有白飯同時菜，好抵呀！.🍲北菇雞粥 $48雞粥比想像中大碗好多，雞件份量大約六件。粥底好鮮甜，除咗薑絲亦有唔少切段嘅蔥白。.🥢家鄉鹹肉糭 $20鹹肉糭當然唔少得鹹蛋同埋肥豬肉，同時亦有唔少綠豆蓉，中和咗油膩嘅感覺。.🥡古法蒸蘿蔔糕 $15呢度嘅蘿蔔糕真係好出色！蘿蔔同粉漿嘅比例大概係一半一半。白蘿蔔切成幼絲，清甜無澀味，亦令整體口感保持細滑。.🍵海帶綠豆沙 $18清熱消暑啱晒夏天食。綠豆起沙，海帶又夠厚，冇咩挑剔嘅餘地。.🐷東坡豬骨粥 佐敦上海街194號地舖

這間在油麻地及佐敦之間新開的燉湯及粥店，除了有多款的燉湯、數款的粥及蒸餸等等，價錢超抵，三十幾有交易，新鮮蒸魚配飯都係$45。爵士燉湯燉湯用料十足，螺頭、瑤柱、花膠等等，材料矜貴，湯鮮且甜，原汁原味而且完全無味精。花旗參無花果燉生魚入口有淡淡的花旗參甘甜，紅棗味的甜香及生魚的鮮甜。北菇雞粥雞粥又綿又香，就算食到最後都依然線密，雞件份量十足，有差不多5-6件，還有雞比，雞肉咸味適中又夠嫩滑。豉油皇炒麵味道不過不失，炒麵都唔算油膩。古法蒸蘿蔔糕蘿蔔糕十分足料，每啖都有一絲絲的蘿蔔，味道清甜，蘿蔔糕很腍，唔似酒樓溝粉溝到硬晒，真係好耐都未食過咁好食既蘿蔔糕。

喜歡到處尋找一些小店, 吃它們的拿手小菜和特色美食, 每家都是將店主做得最好的東西拿出來, 我覺得很有意思。炸菜蒸牛肉餅+飯+例湯+油菜 $45好抵食的一個飯餐, 先來的是例湯, 霸王花湯, 全部都是湯水少湯料, 適合不愛吃湯料的朋友。即使例湯也用了心機, 不說我以為是燉湯呢, 又用相用的燉湯盅。牛肉餅口感軟嫩, 豉油帶出鹹味, 用來送飯剛剛好。東坡原味豬骨粥$39來這當然要試店家名物東坡原味豬骨粥, 吃一口粥比平常吃到的鹹, 原來是鹹豬骨粥, 粥底口感軟綿, 米都煲爛了溶化了, 有幾塊豬骨肉嫩可吃, 大大碗都夠飽肚。花旗參無花果燉生魚$48來這裡也要試試燉湯, 我喜歡喝湯, 出奇的這個湯是深啡色, 我沒預料到, 來到熱辣辣, 入口帶有花旗參的甘味, 感覺很滋補養生。

餐廳：東坡豬骨粥 (佐敦)地址：佐敦上海街194號地舖最近食好多台灣菜🇹🇼 同cake🍰，今次經過佐敦上海街果邊，見到有間新開嘅懷舊港式餐廳🇭🇰，打鐵趁熱就決定食清啲平衡下腸胃😎東坡原味豬骨粥 $39餐廳最著名嘅粥之一👍🏼，老闆話佢地每日都用新鮮豬骨熬製🐖，成碗粥綿得黎充滿豬骨香，而且仲啖啖肉，呢個價錢咁大碗都幾抵🤩爵士燉湯 $68好味嘅又點只淨係得豬骨粥呢😆就連燉湯都係花咗好長時間燉製🔥，燉湯材料非常足，有花膠丶螺頭丶瑤柱，仲有補身嘅雞腳丶淮山同南北杏，滋補養生又保健💪🏻，一飲落去就知落足心機同湯料去泡製🤤，推介大家試吓😍有粥有湯，又點少得港式小食呢👅，叫咗個家鄉炒米粉($12)同古法蒸蘿蔔糕($15)，炒米粉雖然有些少油膩，但浸落粥到食又真係幾夾幾好食，一個人嘅話淨係食碗粥同炒米粉夠飽肚呀😋，蘿蔔糕好大舊😂，切開見到一條條蘿蔔絲，不過唔記得咗走豉油，食到底就有少少鹹，個人認為唔落豉油就咁食都已經好好味。最後飲多杯唔會過甜嘅鮮豆漿就岩岩好😚老闆仲推薦我下次去試下佢地嘅水蟹粥🦀，鍾意食蟹同食粥嘅你，有機會可以去試下，食完不妨話我知味道如何呀😆

閒時會去佐敦上海街覓食，因為街頭實在有很多大大小小的食店，什麼類型的菜式也有，火鍋、粥品、麵食、小食、甜品、燒肉通通都有唔。今晚朋友就帶我來到這間主力「東坡原味豬骨粥 」的東坡豬骨粥店。雖然名字叫粥店，但實際小菜、飯、湯品、甜品都有齊，最適合一邊想要吃粥，一邊想吃小菜的我。先來嚐《東坡原味豬骨粥 $39》粥底綿，放涼都沒有變水。內裡的豬骨大件有肉，軟骨及筋位亦稔，粥味不會太咸。看到其他食客為這粥而去。另外小菜跟飯、菜及例湯，但當晚例湯售罄所以轉成豆腐。點了三款小菜：《金針雲耳蒸雞 $45》大碟。雞多有肉，味道較清，不油膩。《梅菜蒸肉餅 $39》肉餅口感實在，肉味清香有肉汁，梅菜偏淡。《花旗參無花果燉生魚 $48》大盅，味道香濃，無味精原汁原味，滋潤又補身。平時一人一個餐都已十分足夠，$50內有交易。東坡豬骨粥 (佐敦)佐敦上海街194號地舖

今日去咗佐敦買野，搞到下午兩點幾肚餓，見到呢間新開嘅「東坡豬骨粥」，決定入去食個快捷方便午餐爵士燉湯加入左花膠、瑤柱、淮山、螺頭、老雞、哈密瓜、海底椰、紅棗、雞腳、南北杏等等材料燉製而成，湯呈深歇色，湯頭好濃郁又鮮味後方嗰碗係蒸餸另附嘅例湯，火候十足，味道相對上冇燉湯咁濃郁，比較清甜滋潤古法蒸蘿蔔糕蘿蔔糕有一大磚，口感腍滑，仲有好多白蘿蔔絲，勁鮮甜！蒸比煎更健康，能夠品嚐到蘿蔔糕嘅原汁原味東坡原味豬骨粥粥底加入新鮮豬骨熬製，頗鮮甜～另外加咗生菜絲同榨菜粒吊味，鹹香有風味！豬骨肉味都幾濃郁呢金針雲耳蒸雞配白飯雲耳、金針同雞件嘅份量都好多，雞胸、雞腿、雞頸、雞翼尖，各個部位樣樣齊。餐廳採用新鮮走地雞，肉質嫩滑有彈性，鮮雞味濃！金針仲吸收晒蒸雞嘅精華，佐飯食一流

今日收工同女朋友行完屋企附近既油麻地果攤，之後梗係搵野食啦～途中見到「豬骨粥」三個大字，咁岩好耐沒食過粥，咁當然要試試佢🤓一入到呢家小店，就見到好多上左年紀既食客係度食野，能吸引到呢班成客，真係好想知道呢間小店有咩「魔法」呢😯東坡豬骨粥$39豬骨粥大大碗，細食朋友都可以同人分一半食。佢地個粥煲得好軟綿綿咁，調味得宜，入口啖啖咸香豬骨味😋而且真材實料，仲有兩大舊豬骨你食，正啊！爵士燉湯$68呢個湯又係真材實料，店主用左螺頭、老雞，海底椰等十多種材料燉的，飲落去甘中帶甜，而且仲有好多湯渣食。連一向唔係幾係街飲湯既女朋友都飲左大半捧場，所以我地都好推薦大家試下🙌北菇蒸雞$45 雖然等左幾個字先食得，但店主即叫即整，蒸雞個時間掌握得幾好，食落去口感岩岩好，而且佢地採用走地雞，所以食出來味道特別新鮮👍唯獨香菇食落有點點酸味，否則呢個蒸雞十分出色👌蝦皮蒸水蛋$39熱辣辣，蒸得好香滑😙，略嫌多左小小醬油係面🙈總結：十分用心做的港式小店，食物質素其高，價錢都十分公道抵食，絕對推薦大家來試試啊！😁

最近，佐敦新開了一間蒸飯燉湯專門店。簡單的裝修，但有出眾的食物質素午飯時間， 我點了一個爵士燉湯，是全場最貴的食品。 內含超過十款材料，簡直可以稱為包羅萬有湯。雞脚， 蜜瓜，瑤柱，螺肉，老雞，海底椰等等都可能在湯裏面找到和吃到。真材實料燉出來的湯，非常入味完全沒味精花旗參無花果燉生魚湯色澤濃郁，煲魚湯一向都攰功夫，所以通常在外品嘗。此湯魚味濃， 沒有腥味 .臘腸蒸雞飯臘腸肥美，雞嫩滑外，還誠意地配上椰菜， 非常健康。

耳仔發炎滴咗一個星期藥水，盡量都食得清淡啲，好在恢復咗堂食，OT完行過見到呢間新開嘅粥店，正合我意。雖然話係粥店，但坐低一睇，粥嘅選擇唔算多，反而蒸餸嘅選擇唔少，價錢相宜，仲包埋油菜同例湯。另外仲有幾款燉湯、糖水、小食同飲品，選擇非常多元化。難得有燉湯飲，當然唔可以放過，爵士燉湯材料豐富，有花膠、螺頭、瑤柱、老雞、赤肉、哈密瓜、海底椰、無花果、雞腳、淮山同南北杏，超級足料。燉湯嘅湯渣仲多過湯水，真材實料，味道鮮濃，而且飲落一啲都唔油膩。先生嘅椰子燉雞味道同樣鮮甜，而且感覺清潤。雖然冇爵士燉湯咁多湯渣，但雞湯亦算係非常足料，一啲都唔吝嗇。水蟹粥大大碗，一送上枱就已經聞到好香嘅蟹味，原隻新鮮靚蟹煮粥，自然色香味俱全。雖然話係水蟹，但非常好肉地，食落似肉蟹多啲，肉質結實，味道鮮甜，連粥底都格外清甜。豉油王炒麵鹹淡適中，炒得乾身而且唔會油淋淋，唔錯。粥店食物價錢合理，而且質素唔錯，特別係水蟹粥，非常足料，以後放工想食粥又多一個選擇。