東悅冰室 (已結業)

長沙灣區有很多茶餐廳，今次試下這間的午餐。雖然疫情有放緩，但仍然做緊抗疫價，外賣平過堂食，39元一份包餐飲，又不用另加盒錢。電話落單，去到餐廳有得取。我叫了菠蘿生炒骨飯和馬來炒貴刁。食物用兩個黑色的飯盒盛載，食具放在一個可愛的猫猫圖案膠袋內，很有趣。菠蘿生炒骨飯，排骨炸得不過火，雖是骨但也吃到啖啖肉，排骨沒有太多的粉漿包圍，酸甜汁濃稠合度，加上菠蘿和西椒、洋葱等配料混合一起，這個菜式十分開胃，飯的份量也不少，足夠吃飽。馬來炒貴刁，粗身的粉條配上蛋絲、蝦仁、火腿、韮黃、紅綠西椒、葱段等混和咖哩醬一同炒，吃起來惹味，雖然是有咖哩，但並不辣，吃時不感到油膩，同樣份量足夠。疫情下有如此平價又好吃的午餐算不錯。

寫文時是1月30，瘟疫週年，經濟衰退，離農曆新年不遠。很多公司和店舖都在今日裁員。外賣是買食物主流。此店的干炒牛河十分有鑊氣，即叫即炒。聽到厨房的爆炒聲持續5分鐘，炒得很有誠意，每條河粉都掛汁，被火充分洗煅。39元不收盒費用，送熱飲，真是便宜。熱烘烘得像堂食，大煙直升。洋蔥味爆滿，加上蔥段，是味蕾被收買的原因。河粉是長沙灣老店四喜供應，幼滑得很，只是略為油膩。勸君每月只食兩次。牛肉有6片，合水準，無渣不肥。熱奶茶是茶記應有的高水平，香濃而滑。中午至晚供應，有100種選擇，十分全面，半數是炒米粉、河粉、即食麵和飯。炒河有10多種！炒河份量足夠盛滿膠飯盒，30多元，豉香蔥甜！2001至03年的通縮日子恐怕再來。

在附近辦事，想找個下午茶吃吃，剛好看到東悅有老公喜歡的炸髀套餐，就決定試試。點了兩個下午茶餐，先來厚豬扒薯條，豬扒炸得夠脆，醃得夠味，但肉「嗱」得有點重手，不是我喜歡的肉質。要讚的是切開一件件小小的，容易吃也特別脆。凍檸茶茶底做得不錯，是整個餐的亮點。另一套餐是生炸雞髀沙律，沙律就是一般可想像的。生炸雞髀很失望，完全沒有味道，應該是醃得不夠時間，炸得剛好仍保留肉汁但脆漿個人覺得不適合炸髀。凍啡不錯。整體下午茶款式多選擇，飲品不錯，食物有待改進

今日中午諗住求其食個麵, 行過呢間餐廳裝修OK, 餐牌賣相又唔錯就入去試間舖裝修唔錯, 似餐廳FEEL, 但好多人要撘枱黎到好大碟野, 都OK喎1) 多土: 正常多士一塊, 牛油唔夠味2) 豬扒: 三塊, 咬落個面果層幾脆, 茶餐廳黎計幾厚3) 腸仔: 好普通既腸仔4) 炒蛋: 好大隻蛋, 幾滑5) 公仔面: 麻油另外上, 但餐牌照片有少少菜, 實物就無6) 凍啡: 普通杯裝, 唔夠啡味連凍飲HK$51, 公仔麵黎計比一般貴幾蚊, 但份量好足

呢間冰室其實係不計成本出餐既，樣樣野都整好大碟，材料亦落好多，但我食過佢地既所有肉類，除咗炸雞脾之外，樣樣肉都用鬆肉粉"嗱" 過，一食就食得出，真心希望改善淹肉方法！本來餐單包羅萬有幾吸引，唔好嗱得D肉咁緊要就好喇

前日Ed Sheeran concert 無啦啦因雷暴警告cancel左 所以係Disneyland 站出番市區都已經10點幾 咁夜諗唔到食乜好 就求其揾間屋企附近既餐廳醫肚就算 見呢間仲有開就衝左入去我同男朋友點左個二人餐一碟油菜 羅宋湯 西檸雞 同中式牛柳羅宋湯正正常常 帶點辣味 唔知係咪太肚餓既原故 九秒九就飲得一光二淨主菜終於黎啦西檸雞既肉質都幾嫩滑 但個sauce就有d artificial 中式牛柳個質感同味都不過不失

星期日和朋友到屋企附近食tea, 見到開左好多新食肆，呢間見個門面同餐牌都吸引，價錢算合理，又好似多選擇，就入去試試。我選了勁量雞扒一丁餐，一黎到見個賣相以為好美味，一食個雞扒，嘩！d 「拿」粉多到以為自己食緊番梘咁，拿到條利唔知點，仲奄到又咸又苦，個炒蛋又鞋霎霎，係個牛油多士叫合格。而我朋友叫左個炸雞脾薯條餐，落order 時佢都話要等20分鐘，咁我地都唔趕時間，都無所謂，但係最終係等左40分鐘個炸脾先黎，足足等多一倍時間，我係去食茶餐廳唔係食法國餐囉，炸隻脾即炸都唔洗炸咁耐呱🙄，好喇以為咩慢工出細貨啦，唉隻炸脾又係奄到一食好多「拿」粉，又係好咸，d 炸粉多到令人錯覺佢好大隻，其實裝假狗，係個薯角叫食得落口。總括係好失望同難食，同埋唔知佢點做茶餐廳，d野出得咁慢

去買揚州炒飯外賣，餐牌上寫38塊錢，非要收我40塊，我以為是外賣盒的費用就沒問太多。結果拿飯的時候，店員又跟我說加收一塊錢餐盒費。回家打開一看，連筷子和勺子都沒？！真是黑心，再也不會去這家店了！那個店員也非常不熟練，連點餐都很慢，根本不熟悉餐廳裡面到底賣了些什麼菜，我就點一個飯，他按了好半天才找到揚州炒飯在哪裡。我覺得就算去的人少，熟悉餐牌和操作收銀的屏幕這個是基本技能！最後揚州炒飯味道也很一般，怪不得都沒什麼人光顧。

老公話帶我去長沙灣試呢間茶餐廳老公話佢以前間中都嚟呢度食咁好啦，我就試吓睇吓佢有幾好味先首先來講餐牌見到呢個雪頂金磚係好吸引嘅不過決定食咗主餐先佢有個二人套餐，可以揀兩個餸我哋叫咗一個魚香茄子煲另外一個係秘製泰皇骨套餐仲包左一碟油菜仲有湯餸同埋飲品送添其實就咁聽包咁多嘢都已經覺得好抵點知佢送上枱個刻，嘩勁大碟😱佢先上碟油菜，好新鮮爽爽聲㗎然後雖然魚香茄子冇乜魚香味，而且又過份多汁，不過當普通肉碎送飯都唔錯😅而秘製泰皇骨就類似咕嚕肉咁不過啲肉就大件好多😱真係超大件我同老公平時就算麻麻哋好食嘅嘢都會食得晒，因為唔想嘥但呢度啲份量大份到我哋覺得好食都食唔晒😱其實佢個份量四個人食都得所以個雪頂金磚已經放棄🙈唔係講笑我覺得個凍檸茶好好飲個茶底非常之正👍🏻唔苦唔䜧

長沙灣區近年不斷有新樓入伙，好多新餐廳亦隨之進駐本區。作為長沙灣居民，有新餐廳緊係要試一試佢，今次就黎到位於元州街長發街嘅 「東悅冰室」 。餐廳門口睇一去，入邊裝修的確幾靚，餐牌係本區黎講叫做不過不失，價錢屬於中檔水平。餐廳內嘅空間比較細，但坐位尚算舒適。要試一間茶餐廳嘅水準，必定要先試佢嘅早餐。參考之前嘅食評，發現佢嘅扒餐大件夾抵食，滿心歡喜決定一試。點知意外就開始發生啦，兩位女侍應唔知係無做過樓面定係根本無心做，落單憑自己嘅記憶，一個餐都可以問完再問，堅持唔寫低，結果落到錯晒。再黎，門口一有客，就要求食緊野嘅客左調右調。我明白樓面細，想同時做多幾台客，賺多少少嘅心理，但無理由位都無，仲嫁硬要塞人入去。另外，兩位女侍應亦都明顯唔識得點樣同一時間去應付同招乎咁多客，單又落錯，野又出錯，再不斷要求食客調黎調去，亂過打仗。好彩，廚房不負所望，食物嘅味道都叫做中上，分量亦都足夠，可惜廚房得一個爐，繁忙時間大家預咗無半個鐘都唔會有得食。總括而言，餐廳食物不過不失，但等食物嘅時間太長，樓面嘅情況更加係不能接受，如果唔係個裝修，應該唔會食第二次。

非繁忙時間 叫個常餐 等半粒鐘 問侍應話要等幾耐佢問我話你叫左d咩 我心諗你用電腦落單你問返我轉頭 有沒搞錯 谷氣之下走左去去對面冰室食 一句唔好意思都沒聲佢地做野慢 亂 d單又唔跟近d入面已經唔係爆場 都可以搞到咁都唔知點經營落去 一個字：差😡以後唔會再去呢間垃圾冰室

同老婆係屋企附近搵食，今日就搵到呢間東悅冰室，門面都算幾靚，但估唔到入面其實幾細，得挛七張枱。我叫左個雞扒公仔麵，老實雞扒係煎得好香好好味～外脆之餘，d肉又唔會煎到乾哂，都仲幾有肉汁。整體感覺唔錯！係會想再食～不過份量就比較細碗。老婆叫左個常餐，沙嗲牛麵d沙嗲牛就少得可憐～包、煎蛋同腸仔就中規中矩。整體黎講，食物方面，係絕對合格。不過衛生情況好似一般。後門無閂，係用餐位置可以望到後巷，都好影響食欲。

而家啲冰室越開越多，尋日朋友係長沙灣就食左一間新開嘅冰室，晏晝超爆，要等一陣先有位，今曰我就去試下，環境幾舒服，不過唔算大，食左個雪頂金磚，真係超正，好厚嘅西多上面放嘅係雪糕，西多炸得好靚，真係成個金磚咁，夏日炎炎食個雪榚真係正，之後見到隔黎枱食隻炸脾又係好大隻，下次一定要試下先得，見個餐牌都幾多野食， 常餐係用出前一丁麵，都好有誠意，估唔到長沙灣依啲老區都有依啲新派冰室，如果可以大間啲會更好，起馬唔洗等位先。