東方小祇園 (已結業)

大約臨近七姊誕時候買到...當我路過見到就買下來...味道無咩特別甜甜的...像粉團一件...一咬即散..是回味的味道!!!有紅黃白色..都只是顏色..味道沒有分別的.我還是比較喜歡白色的...感覺無色素好D...另外也有買雜錦齋...OK啦...上次買好似加了價!!!

由灣仔行去銅鑼灣是CM和我很喜歡的秋冬活動。見到搭巴士和步行都經過無數次的東方小祇園，終於令我停步。食完burger，想食些甜食清清舌頭，酸酸甜甜的山楂糕便最適合不過了。從呀姐手上接過膠袋，打了個突，真的是「凍糕」~ 山楂糕入口清甜帶微酸，咀嚼得仔細點，會食得出有點點山楂的「渣」，蠻有趣的；口感非以魚膠粉製作那種彈牙，但咬落去夠挺身利落，食完口腔很清新，沒有食完一味死甜的甜品的膩，很得我心。馬豆糕質感同樣滑而挺，充滿椰汁味，馬豆都夠軟腍，份量適中(太多太少都不鍾意)，相較平素食的，煉奶味顯得不濃，甜度亦剛剛好。遲些再凍點，再來買凍糕，於寒風下拖著CM溫暖的手食，一定更爽~

放工有時行過都會買些小食, 水準依然, 很新鮮, 又多選擇, 份量夠, 又唔貴 昨天大約7:00行過, 有兩三個人在買野食, 平時都見很多街坊幫襯, 本想食鮮竹卷, 但唔見, 賣晒啦, 好多時都賣晒 , 未食過叉燒, 最少買6蚊, 都有十多件, 抵 , 蜜糖剛好, 又唔會甜到要飲水沖淡, 又唔算多油, 食落外面少少硬, 似真叉燒, 不錯啊, 酸齋, 砵仔糕, 紅豆糕, 芝麻糕好食......., 還有煎堆, 蘿蔔糕, 燒買..........很多款啊

是一個家庭聚會，每人買/煮一點東西，作為是晚的三代同堂大食會。放工仲邊有時間和精力去買餸，我家既代表自然是叫外賣。老媽字靈機一動，走去東方小祇園買些齋菜。是晚又蒸魚，又燒味，又薄餅，但估唔到全晚最受歡迎的竟然是芋頭魚。確實，外層是做得鬆化，不會太油，若然芋香可重一點會更出色。然而，這個水準的出品，醮上滋味的酸汁，已經唔差，是吃得過的。另有些什齋，如炸腐皮、齋鵝、麵筋等等，煙煙韌韌，酸酸甜甜，幾醒胃的，同樣成了搶手貨。

位於灣仔有間齋舖名叫東方小祇園非常出名，尤其是他們的點心糕點和齋鹵味，每當中午放工，或是初一十五都擠滿了客人。但據說堂食比較昂貴，所以未曾嘗試，有時外賣回家與家人問嚐，今次美豬蓮一行二人決定堂食一次。一推開大門眼見一面冷清，只有幾個老侍應在寒暄和一位中年漢在用饍，心裏有點慌，有點想打道回府之時，美豬蓮的為食本性又再次佔據了身軀，於是二人便坐了一張較近門口的四人枱。美豬蓮今次硬着頭皮點了四款小食，包括春卷、粟米粥、紅豆糕及當然必叫的齋鹵味。過了一會，食物隨即送到枱上，先吃熱滾滾的粟米粥，發現用料確十足，除了爽甜的粟米外，還有甘荀絲、草菇蓉和雲耳絲等，不會有水汪汪的感覺。再來一碟齋鹵味，這家的齋鹵味也是種類多多，包括炸腐皮...製的齋鵝、白滑的齋雞，濃甜香辣的齋鴨腎，酸甜的駿齋，鮮味的豉油齋，香濃的咖哩齋，煙韌的齋鮑魚和最似樣的齋叉燒。當然，美豬蓮不是款款都愛吃，幸得友人同美豬蓮的口味不同，所以全碟齋鹵味也能吃清。兩款點心也是用料十足，春卷皮較厚，但仍然脆口，餡料爽口，味道可口。紅豆糕亦是四方大件，紅豆算多，味道就一般啦。不過按美豬蓮的意見，外賣比堂食好，因為齋鹵味堂食價會貴五元。第二，當

逛完街, 朋友話想食齋就帶我食呢間嘅齋. 雀巢百合榆耳 - 大部份齋鋪都唔係咁常有榆耳, 呢度重係足本添, 而且有鑊氣. 正! 八珍豆腐煲 - 一般嘅豆腐煲, 但係都ok! 碧綠千層 - 千層即係炸腐皮, 不過腐皮係一層層炸既, 加埋冬菇, 用白菜墊底, 好味!

When I go for vegetarian food in Wanchai, people will assume it is this restaurant, however I finally found out this was the one they were mentioning about.It seems popular in Wanchai for the local chinese, but it didn’t really appeal to me to try, but today I was slightly hungry, so just grabbed a quick snack to try.I got the char siu roll, looking abit like a sausage roll.I thought the pastry was slightly too thick in proportion to what was inside, the intimation pork was slight hard and a bit

今天又完成半段港島徑(山頂至黃泥涌水塘), 然後搭的士去最近既灣仔試下市區既東方小衹園!店內只有數張枱, 不知道有沒有樓座呢? 我們叫了齋卥味(小), $30, 酸齋 + 齋腎, 凍冰冰, 酸齋不太特別, 齋腎略硬, 我仍然覺得最好食既齋係寶蓮寺! 另叫了酥炸雙併 (香芋酥卷 + 蜜瓜炸鮮奶), $58, 前者在大澳店吃過, 回味無窮, 但同一家族既店鋪真係差好遠, 呢度唔鬆化, 炸得死實, 腐皮厚, 又唔覺芋頭香, 後者就鬆炸啲, 不過蜜瓜味淡淡的, 最後叫多一碗竹笙北菇粥, $28, 連我這個淡味怪也覺得沒有味道, 鹽也沒下多粒, 粥底亦唔綿!同一個家族, 卻有不同的出品, 大澳店用料認真, 腐皮薄薄, 製作認真, 服務也較親切友善, 我真的找不到灣仔店的優點, 下次想食唯有行鳳凰徑!

細細嗰嘅時候,初一十五阿媽都會帶我來哩度食齋。我鐘意哩度多款色，炒粉麵飯都有多款選擇。另外外賣点心都有好多choices,不過如炸嘅点心凍左後就唔多好味。食物水準一路保持得好好。

由於齋菜為了張菜餚既賣相﹐質感&味道變得吸引同看起來更似肉食﹐很多時都用了不少色素﹐味精﹐油炸及多油鹽來烹調。所以很少食那些疑似肉食既齋菜。最多都係食雜齋。路經此地就買了一盒試試 - $25 。酸齋﹐咖哩齋﹐豉油齋各有兩舊。而其他例如﹕齋叉燒, 素鵝, 素雞&齋腎就只得各一舊。本人覺得呢度既雜齋比出面好﹐因唔會有好多杰撻撻既醬汁,味道亦比較清。達到想食得清而得健康既目的。但$25盒就唔係咁值。

在悶熱既天氣下, 周圍的高樓成千的空調係街上行一陣就頂唔順, 已經滿頭大汗經過東方小祇園在玻璃櫥窗見到一件件不同種類既涼糕想起之前去長洲伯伯賣味美的糕點 (OR入面找不到所以無寫)即刻買了山渣糕和紅豆糕(@$3.5)同親愛的share山渣糕：親愛的話山渣糕唔係成日有得賣架！ 食落口質感唔太“林”，有山渣味，凍凍酸酸的，好適合係夏天食紅豆糕：唔太甜，有好多紅豆，好似食緊紅豆沙既固體版, 哈!

剛剛吃過了吞拿魚飯，又焚化了海膽手卷，沿著灣仔道慢慢步行回去公司。沿著灣仔道便一定會經過一齋店 - 東方小祇園，公司內的茶水間靚姐曾跟我提及此店原是在大嶼山的小店，到後來因為受食客擁戴而為了方便食客，才在港島開設分店。這刻的我當然食不下更多食物，不過還是可買一些糕點回去跟同事一起吃過痛快的下午茶。一件厚厚的糕點只需三個半大洋，便宜非常。最後買了十件回去，味道分別為：山楂、紅豆、馬荳、馬蹄和黑芝麻。山渣糕味濃且清新，十分醒胃。 (有同事說味道仿似山楂茶般)紅豆糕起沙帶有原來香味。 (非常多豆)馬荳糕椰香荳有口感。 (愛椰汁者必選)馬蹄糕爽而清甜。 (最快吃光的味道)最後黑芝麻糕陣陣香味。 (味道慢慢的滲出來)所有的糕甜度剛好，沒有過甜。經過急速冷藏後，在炎炎夏日中吃著冰凍糕點，一流之享受也~

今年情人節食齋團口號- "一生人總要齋一次!"第三年情人節同班團友一同食齋,在Status上仍是"It,s complicated",所以合乎資格參加.否則就會遭受到惡毒的咀咒.上年在功德林,打破"唔係淨係有拖拍,先可以情人節去北京道一號呀?"之定律,人地花一千幾百先有海景伴餐,我們只須付出一百幾十.擺明醒眾人一記耳光.今年地點,就在灣仔道東方小祗園.吃齋也是那幾味,這夜的菜式有:百花粟米羹齋拼盤祗園上素六根清靜南乳齋煲蜜豆炒魚翅瓜五柳仙班鮑片豆腐西檸鴨黑松露炒飯黑松露炆米紅豆糕魚翅瓜其實不似魚翅,口感近乎蘿蔔絲或者沙葛.用蜜豆來炒,整個菜的口感單一地爽.六根清靜,用麵筋為主題,加上菇同菜去炒.小弟混身酒色,想樂得六根清靜?難矣.記得年多前大旅行內的齋局,同條芋頭魚點搏鬥.今次又要再面對.這味五柳仙班,外層酥化,入面的芋頭,口感平滑.要我再整條吃?可免則免.連這等齋店也有黑松露菜式供應,就來兩味,一個炒飯,一個炆米.兩者皆充滿誘人的黑松露醬之香氣.在情人節吃齋,好味與否是其次,最重要的是背後的堅持,信念.沒有情侶在身邊,在這個有異性,無人性的日子,也要活得有尊嚴.步出門口未幾,已見到有

i tried this serveral times and i found that the quality and the attitude of the ppl there are getting worse......

素食系列﹝五﹞還記得，以中式素食而言，以前的灣仔，有兩大牌子，分別是佛海齋廚及東方小祇園，以水準計，前者絕對優勝。但自從多年前佛海齋廚結業後，灣仔區的老式齋舖，就只剩下東方小祇園。Openrice堂堂大飲食網，竟然連這間聽聞是全港最有歷史的齋舖的資料也未有，罪過罪過，又再加回。吃了多年，這裡也是老樣子，貫徹「重師傅」「足油水」的路線。以往這裡的雜齋也做得頗有水準，吃雜齋，我只喜歡吃三款，分別是齋紮蹄、齋燒鵝及酸齋，不同味道口感的三款齋，吃過便大概知道齋舖的水準如何。當這裡的齋紮蹄也做得實的的，齋燒鵝又做得油而沒有層次，如說要推薦，仍然有三，魚翅瓜便是其一。魚翅瓜說是外國引入，記憶所及，這裡是第一間引入為餐牌菜色的地方。端午過後，初夏之時，正是魚翅瓜當做，可炒可包卷可放湯，就來一碟金菇魚翅瓜蘭花。魚翅瓜與金菇同煮，打個重手的醬油茨，淋在灼熟的西蘭花上，雖然那杰杰的茨汁是個人而言最害怕的，但吃中式齋菜，此品難免。魚翅瓜有清甜的瓜味，而從來也不覺它似魚翅，反而無論是外觀與口感，都比較接近粉絲多一點。加上吃落爽脆的金菇同煮，是不錯的組合。這個菜色，盛惠58蚊，幾清爽，油份及味精都不算重，也適合