東江客家小廚

營業中

休息中

整整一年冇見嘅老同事，絞盡腦汁搵地方相聚一刻，因香港食肆絶大部分限時又貴，終於搵到在新蒲崗食晚飯聚會。我們一行7人柯打了以下餸菜：🌟半隻東江鹽焗雞：沙薑調味唔錯，雞亦有鹽焗味。🌟脆炸原隻德國豬手：香脆、唔咸、唔硬、肉質juicy，還有酸菜鋪底，酸菜唔太酸唔太鹹,味道啱啱好。🌟招牌鳳梨咕嚕肉:調味酸甜適中，咕嚕肉大大件。🌟豉汁豆腐蒸白鱔：豆腐滑，白鱔味道一般，但勝在夠晒多件。🌟椒絲腐乳通菜：好大碟，好多菜，味道可以同一般酒樓媲美。🌟梅菜蒸鯇魚：勁多梅菜和大鯇魚，魚肉嫩滑，好味道。簡直冇壓力嘅一餐晚飯，冇限時，成為HK$633，每人都唔使一百蚊，我們叫咗三個飯佢話送嘅，唔怪得六點幾，已經坐爆曬人。

冬至做節同朋友們食飯喺隔離街市買咗啲海鮮過嚟加工，每樣海鮮都係收$100加工費，味道真的很不錯，比起茶樓食色香味俱全，價錢實惠。真的很讚！龍蝦伊麵是我由此以來，食完得最好味的一次！

這道炒飯的主角是鹹魚和雞粒，它們的結合為整道菜帶來了豐富的風味。鹹魚帶著濃郁的咸香，與鮮嫩的雞粒相互輝映，營造出一種獨特的滋味。鹹魚的鹹香和雞粒的嫩滑結合在一起，令人回味無窮。蛋和蔥花的加入為這道炒飯增添了層次感。蛋以其綿密的口感和濃郁的味道，與米飯完美融合，使整道菜更加豐富。蔥花的香氣則為炒飯增添了一抹清新的風味，讓整道菜更加香醇。這道炒飯的關鍵在於火候的掌握。炒飯的米粒應該保持鬆散而不油膩，並且每一粒都均勻受熱，使其散發出迷人的香氣。鹹魚和雞粒的味道要充分融入米飯中，每一口都能夠品味到其中的美味。

新蒲崗呢間東江客家小廚好抵食, 不論係常餐定其他, 碟碟都好大份我自己就特別鍾意茶餐廳麵餐嘅湯底,所以基本上每次都會嗌佢哋個麵餐. 一個火腿包片麵, 再加蛋同腸仔先係三十幾, 仲連埋包同嘢飲，真係好抵食!!!

新蒲崗這間隱世食店，環境其實麻麻地，不過晚上卻座無虛席，因為其賣點不是環境，而是家常便飯風味，坐滿的多是銀髮族，點幾個小菜，歎歎啤酒，別有一番情懷。介紹一下食物，這次點了1）沙薑雞，雞肉嫰滑。2）梅菜扣肉，扣肉不肥膩，梅菜入晒味，男士們喜歡👍🏻3）小炒王，腰果爽脆，蝦乾鹹香，每次來到也是必點食物。4）炸豬手，豬手炸到脆皮，啱晒小朋友。5）客家釀豆腐，這個感覺一般，試一次就夠。6）椒鹽鮮魷，魷魚爽脆，有口感！另外，奉送白飯，一定夠飽。

-之前食過鹽焗雞的外賣，覺得不錯-見有食評讚咕嚕肉好食，特意和家人來食-（已經夾了几舊）-是我食過肉質最差的咕嚕肉，極硬極實的僵尸肉-而且食親都是瘦肉！！-個漿炸出來都是硬、實一大半都沒食，實在難食-魚香茄子煲，好食茄子煲擺得几靚下面的更好食，更軟更入味；面頭冇咩味茄子煲就是油，但好食-西蘭花炒鮮魷，不錯西蘭花炒鮮魷，又是已經夾了几舊有蝦醬另上，冇影到鮮魷炒得爽脆，也有鹹味西蘭花有一點蒜味-推薦：鎮江鹽焗雞，茄子煲，西蘭花炒鮮魷難食：咕嚕肉

Let's see what kinds of lunch or tea sets here!? Set F is Barbecued Pork, "Char Siu" with smooth Eggs Rice. How it tastes!?The egg is soooooo large and smooth.the pork is also very yummy and thin 😋It looks colourful with some green onion!HK$48.00 is very reasonable. Fantastic!

一心想過嚟食客家菜，點知原來午市無乜選擇，只有標準午餐s。好在個東江炒米味道唔錯。而家一般茶餐廳剩係得星洲炒米、廈門炒米，食番個久違了的東江炒米，感覺如沐春風。東江鹽焗雞，味道喺現今世代來講，就真係喊咗D。雞肉當然入味，但係就比較靭⋯ 應該唔關餐廳事，佢哋出品係正常，只係我俾啲無骨海南雞飯，縱壞咗啫 🙃

27/9 去咗食呢間嘢 係呢間嘢拎餐具嘅時候 無啦啦走咗一隻好大嘅曱甴出嚟 活生生 跟住叫咗個阿姐過嚟幫手搞掂佢 結果佢直接用一張紙就包住咗隻曱甴 事後亦無清潔張枱 呢間嘢嘅價錢好貴 食物質素亦都唔係符合到嗰個價格 衛生情況真係好差 所以大家可以唔食就最好唔好食。

話說我同屋企人今日晏咗嚟哩間餐廳食早餐, 啱啱一坐低咗之後等咗好耐先至有得落order, 原來今日得一個人負責出餐同執枱, 收銀處嗰個就喺度緊守崗位, 冇人埋單嗰陣行開一陣幫手落order都唔得嘅! 成間餐廳得一條友負責落order, 間餐廳咁樣嘅服務效率執咗佢好過la!!!🤬🤬🤬🤬🤬🤬

本身自己唔係住喺呢一區，所以好少會喺呢區食野，咁岩呢次係朋友介紹之下，去左位於新蒲崗嘅東江客家小廚食野，可以講，呢間小廚雖然裝潢唔起眼，但一定可以媲美其他大酒樓。東江客家小廚美味之處，係鑊氣夠，味道夠，係出面好多中餐館已經食唔返呢個味道！此外，東江客家小廚可以客人自己帶食材去比師傅加工烹煮，但當然會收返小小加工費，不過加工費亦都唔會好貴。今次我哋買左龍蝦，蟶子，鮑魚仔，花甲同肉蟹黎加工，再係東江小廚到order多幾個小菜，分別係原隻德國咸豬手，蒸白鱔，小炒皇同豉椒炒味腸。龍蝦：師傅加工成龍蝦伊麵，呢碟龍蝦伊麵好足味，味唔會太重，適合一家大細，而且仲大大碟，好抵食。蟶子：師傅加工成豉汁爆炒蟶子，蟶子炒得唔老，好好味。肉蟹：師傅加工成薑蔥炒肉蟹，肉蟹爆炒得十分入味，又夠鑊氣！花甲：師傅加工成豉汁炒花甲，我係東江客家小廚食返細細個喺屋企食花甲嘅味道，十分回味～鮑魚仔：師傅加工成椒鹽鮑魚仔，小小微辣，酥脆，炸得唔會太老太硬！小炒皇：小炒皇加左韮菜花落去炒，除左食到肉之外，仲可以食下菜原隻德國咸豬手：一個字，讚！絕對冇得輸！本身德國咸豬手係原隻唔切的，但店家好用心，今次有幫我地切片，超細心！蒸白

细仔仔收到消息，吾打抗疫針者，將會被禁止進入食店進食，佢知肥爸，是一個長期病患者，不適宜接種疫苗，故在2O21年12月31日，大除夕夜，因恐防日後無得陪肥爸在街外食店用膳，佢連女朋友也不陪，而和肥爸及靚媽，食這餐2O21年度嘅，壓軸晚飯，為了讓仔仔可以早D陪女朋友過除夕，所以我揀選咗呢間，在住處附近的客家飯店，食客家菜迎新年，當晚我們三人，合共點咗五個小菜，以客家咸鷄及蜜椒金薯牛柳粒，最有驚喜有A+質素，炸大腸和客家荳腐亦有B+水準，至於個西蘭花炒鮮魷就強差人意，衹值B級水平，總結此店小菜收費相宜，更附送白飯及例湯，侍應呀姐亦招呼週到，難怪當晚未到18：30此店就出現爆場現像。

粗茶淡飯——菜式造形大眾面，傾向粗糙，實而不華。粗枝大葉——鍋有大凹陷照用，隔板隨便放。粗聲粗氣——氣氛猶如置身室內大排檔，天花亂墜、觥籌交錯，落單姐姐時會大嗓門叫喊。粗口橫飛——隔離枱三字經組員不斷放送。能接受以上四粗，加埋門面有啲邋遢、格局有啲趕客，我都會挑戰我承受力，因為我突然好掛住客家菜……以客家釀豆腐尤甚…..不過同我食過嘅客家豆腐有出入，呢間東江係用煲仔菜啲煲上，用湯浸住。未至於「嚇瓜」我，不過就缺少咗嗰種煎香風味，豆腐亦缺豆香，有啲失望，只係叫做配菜津白（定娃娃菜？）係幾甜。食小炒我都忍唔住嗌茄子，因為在家煮唔會好似出面走油走到咁癲。呢味茄子牛仔骨煲見識到啲鑊氣，茄子腍得嚟邊緣有啲脆，少許燙燶，牛仔骨啱啱夠熟咬開冇顯生肉嘅紅，連骨筋位都可咬得斷，煮嗰個時間控制得好熟練。沙薑雞唔肥，肉滑，敗筆係沙薑醬，質似漿糊，唔點好過，本身已夠鹹。俾大分介乎😋與ok之間，😋因為隔離枱啲餸例如煎蠔餅、椒鹽乜乜啲賣相真係好得，只係自己枱冇嗌中。還好冇粗心大意（落啱單、上菜快），粗製濫造（見附近枱啲餸都極有鑊氣、份量十足、冒煙熱騰騰）「操」之過急……

同女朋友去街街，行過新蒲崗，可立中學對面好大間茶餐廳，我們兩個都有些飢腸轆轆，互望了對方一眼便達成共識，挽手步入。 落完Order後好快就上菜，十五分鐘都不到全齊了。我們總共叫左薑蔥枝竹魚腩煲、豉汁炒蜆和東江鹽焗雞三個菜。 佢個秘制薑蔥魚腩煲好正，d豆卜吸收曬d魚汁，好濃薑蔥味 仲有個豉汁炒蜆好夠火候，d蜆粒粒都好飽滿多汁，可惜一碟唔夠喉。最勁既係最後既東江鹽焗雞，老闆娘介紹既招牌菜，食過絕對唔係雪凍既雞，點下沙薑油碟簡直就係送飯神器！ 食咁多都係二百幾蚊咋

來附近的考評局辦事，看見有間餐廳幾好，就入去試下，估唔到十分好食下午茶餐非常抵食，質量都好好雞翼好嫩，唔會鞋，推薦大家西多士亦好大份，同行兩個人叫兩個餐都已經好飽