影片
更多
2021-12-30
439 瀏覽
粗茶淡飯——菜式造形大眾面，傾向粗糙，實而不華。粗枝大葉——鍋有大凹陷照用，隔板隨便放。粗聲粗氣——氣氛猶如置身室內大排檔，天花亂墜、觥籌交錯，落單姐姐時會大嗓門叫喊。粗口橫飛——隔離枱三字經組員不斷放送。能接受以上四粗，加埋門面有啲邋遢、格局有啲趕客，我都會挑戰我承受力，因為我突然好掛住客家菜……以客家釀豆腐尤甚…..不過同我食過嘅客家豆腐有出入，呢間東江係用煲仔菜啲煲上，用湯浸住。未至於「嚇瓜」我，不過就缺少咗嗰種煎香風味，豆腐亦缺豆香，有啲失望，只係叫做配菜津白（定娃娃菜？）係幾甜。食小炒我都忍唔住嗌茄子，因為在家煮唔會好似出面走油走到咁癲。呢味茄子牛仔骨煲見識到啲鑊氣，茄子腍得嚟邊緣有啲脆，少許燙燶，牛仔骨啱啱夠熟咬開冇顯生肉嘅紅，連骨筋位都可咬得斷，煮嗰個時間控制得好熟練。沙薑雞唔肥，肉滑，敗筆係沙薑醬，質似漿糊，唔點好過，本身已夠鹹。俾大分介乎😋與ok之間，😋因為隔離枱啲餸例如煎蠔餅、椒鹽乜乜啲賣相真係好得，只係自己枱冇嗌中。還好冇粗心大意（落啱單、上菜快），粗製濫造（見附近枱啲餸都極有鑊氣、份量十足、冒煙熱騰騰）「操」之過急……
粗茶淡飯——菜式造形大眾面，傾向粗糙，實而不華。
粗枝大葉——鍋有大凹陷照用，隔板隨便放。
粗聲粗氣——氣氛猶如置身室內大排檔，天花亂墜、觥籌交錯，落單姐姐時會大嗓門叫喊。
粗口橫飛——隔離枱三字經組員不斷放送。
能接受以上四粗，加埋門面有啲邋遢、格局有啲趕客，我都會挑戰我承受力，因為我突然好掛住客家菜……
以客家釀豆腐尤甚…..不過同我食過嘅客家豆腐有出入，呢間東江係用煲仔菜啲煲上，用湯浸住。未至於「嚇瓜」我，不過就缺少咗嗰種煎香風味，豆腐亦缺豆香，有啲失望，只係叫做配菜津白（定娃娃菜？）係幾甜。
客家釀豆腐
53 瀏覽
0 讚好
0 留言
客家釀豆腐
51 瀏覽
0 讚好
0 留言
食小炒我都忍唔住嗌茄子，因為在家煮唔會好似出面走油走到咁癲。呢味茄子牛仔骨煲見識到啲鑊氣，茄子腍得嚟邊緣有啲脆，少許燙燶，牛仔骨啱啱夠熟咬開冇顯生肉嘅紅，連骨筋位都可咬得斷，煮嗰個時間控制得好熟練。
茄子牛仔骨煲
$98
37 瀏覽
0 讚好
0 留言
沙薑雞唔肥，肉滑，敗筆係沙薑醬，質似漿糊，唔點好過，本身已夠鹹。
沙薑雞半隻
41 瀏覽
0 讚好
0 留言
俾大分介乎😋與ok之間，😋因為隔離枱啲餸例如煎蠔餅、椒鹽乜乜啲賣相真係好得，只係自己枱冇嗌中。
還好冇粗心大意（落啱單、上菜快），粗製濫造（見附近枱啲餸都極有鑊氣、份量十足、冒煙熱騰騰）「操」之過急……
張貼
