東海堂 (港鐵東涌站)

營業中

休息中

早上買啲生果已經係酸苦，完全食唔到，打電話過去叫我俾翻佢哋，唔明點解一早買都可以咁，定佢賣隔夜撻，撻皮又係散完全唔係完整，又濕又散，水準勁差早上買啲生果已經係酸苦，完全食唔到，打電話過去叫我俾翻佢哋，唔明點解一早買都可以咁，定佢賣隔夜撻，撻皮又係散完全唔係完整，又濕又散，水準勁差

想食飯後甜品，所以買咗兩件蛋糕💕北海道白朱古力芝士蛋糕呢款蛋糕係東海堂一向熱賣嘅蛋糕，濃厚嘅北海道牛奶忌廉加上甜而不膩嘅芝士蛋糕同埋蛋糕上面嗰啲白朱古力碎，仲有曲奇餅底，層次感滿分，但係感覺佢嘅忌廉越茶越越來越多，蛋糕淨係剩返細細一層🥲草莓藍莓忌廉夾心蛋糕呢款忌廉蛋糕係新出，特別在於面頭有草莓加，但係裏面就有藍莓忌廉夾心，一食就有新鮮嘅藍莓味唔會話太甜💕蛋糕同埋忌廉嘅比例都正常食完一件都唔會覺得太邪惡！

夏天特別想食甜甜嘅水果同甜品🍒🍉🥭🍋，東海堂最近就有韓國🇰🇷香印提子X巨峰提子🍇忌廉蛋糕，等大家可以一次過品嘗兩種清甜幸福🥰我揀呢款6吋香印提子巨峰忌廉蛋糕，size適合4-6個人食，忌廉蛋糕上擺滿當造嘅香印同巨峰提子，海綿蛋糕軟綿鬆軟，中心夾層有清新嘅草莓醬同粒粒白提子汁寒天，口感好似啫喱粒粒一樣～#東海堂 #アローム #蛋糕 #節日限定 #新產品 #新商品 #送禮 #新入荷 #hkcake #aromebakery #香印提子 #香印 #香印提子巨峰忌廉蛋糕 #香印提子草莓忌廉蛋糕 #透明系香印提子慕絲蛋糕 #水晶香印提子慕絲蛋糕 #香印提子草莓戚風忌廉蛋糕 #香印提子藍莓忌廉芝士慕絲蛋糕 #香印提子藍莓慕絲切餅

今天下午，太忙碌，只能快吃一個小食。下午茶的時候，肚子餓了，就到附近的東海堂餅店買一件芝士餅。這款蛋糕非常濃郁美味，每一口都能感受到芝士的香濃和蛋糕的柔軟口感。首先是蛋糕的口感，東海堂的芝士蛋糕柔軟適中，每一口都能感受到蛋糕的綿密和好reach的芝士味。而且蛋糕的甜度非常適中，不會太甜也不會太淡，讓人吃得非常安心，不會怕肥。除了口感之外，芝士蛋糕的芝士部分也非常濃郁美味，芝士的香濃味道讓人一吃就愛上了。而且芝士蛋糕的外觀也非常精緻。而且東海堂的芝士蛋糕還有多種口味可供選擇。

家人生日🎂，去東海堂買咗兩個蛋糕仔🧁🧁，諗住總有一款啱口味。一個係士多啤梨卷蛋糕🍓，另一個係3.6牛乳軟心戚風蛋糕🥛。兩個蛋糕質感都好軟綿，食落唔會嚡熠熠或者硬。忌廉十分香軟細滑，甜度適中，老人家👩🏻‍🦳🧑🏻‍🦳食都唔會太甜。我覺得兩個嘅好食程度相約，年長的比較鍾意食士多啤梨蛋糕，後生的比較鍾意牛乳蛋糕。士多啤梨蛋糕酸酸哋，食落比較無咁「漏」。牛乳味道十分香濃，感覺真材實料。整體來講，不錯！

又係yuu券換😂不過今次就唔使加錢，可以直接用9,900分換，相比起美心我覺得呢個就適合我多啲，一次食哂一個好滿足😍。🐒深旨芝士蛋糕💰$65首先佢包裝一啲都唔馬虎，感覺如果買去公司，2-3個女仔一齊慶祝都好岩佢係巴斯克蛋糕黎，食落口感綿密，芝士味都好濃，個人中意唔係太燶，呢個都岩岩好，我食晒成個都完全無膩既感覺😂所以就算係正價我都覺得幾抵買

媽媽生日喺東海堂買左個福願旋栗比佢，因為佢鍾意食栗子蛋糕🙊，同埋順便用左張餅劵，基於平時都唔會喺到買野。其實東海堂仲有第二款栗子蛋糕，但我地唔係太鍾意食蛋糕一半都係食緊忌廉，所以就揀左呢隻全新聖誕版。蛋糕面係好味幼滑嘅栗子茸，仲有3粒栗子作點綴，入面係清香嘅紅茶蛋糕，唔係食到悶嘅海綿蛋糕，栗子茸同紅茶蛋糕配搭都幾夾，不過就略嫌紅茶蛋糕不夠鬆軟乾身左d啦，所以口感冇咁好😬。夾層蘊藏左朱古力杏仁脆同栗子餡，餅邊又有朱古力碎，成個蛋糕食到多重口感唔會咁悶得一種味道。另外，呢款蛋糕唔會好甜，食完唔會好口渴想飲水。平時有得揀一定唔會揀栗子蛋糕，但呢個我可以，令我對栗子蛋糕改觀冇咁抗拒。

蛋糕賣相好靚好得意，椰子造型🥥唔會太假同太人造色素，行街經過想試好耐。襯friend gathering 買左個食，細細個，五至六個人食岩岩好。每人都試到，又唔會太飽。係蛋糕盒攞出黎，大家望到個樣都幾驚喜，因為真係幾cute cute, 但插左蠟燭🕯️之得仲驚喜！因為蛋糕面有一層椰子蒟蒻，一郁支蠟燭就震下震下咁，其實係插唔穩架😂切開左，蛋糕中間有芒果醬🥭，淡淡地味道唔係好出，可能怕太芒果會搶左椰子味瓜？😂成個蛋糕都重椰子味既，外層啡色既椰殻其實就係椰絲！奶凍個layer都滑既！整體個蛋糕都ok，雖然無平時牛乳蛋糕，或者忌廉蛋糕個種奶香濃郁，不過叫做外型特別，同少見既椰子味🥥！值得一試🤪

幾間連鎖都推出左父親節蛋糕，終於響東海堂搵到個岩心水～le個法國朱古力，懷舊唱機造型蛋糕真心正到暈，超重朱古力！朱古力控真係唔可以錯過，代仔女送畀老公既，佢超驚喜～個造型又掂！仲有脆脆底，一啖有幾種質感，口感好rich~今次個蛋糕真係有驚喜，雖然而家幾間連鎖都變哂美心集團、但佢地都推出唔同既造型蛋糕，都有好多選擇，同佢地都有質量保証～而東涌le間東海堂響閘內，原站進出2.8拎蛋糕可以call佢響對面atm閘外交收，幾甜心服務,唔駛入閘拎丫ma,下次見岩蛋糕應會再試！仲要提早訂有83折！唔錯唔錯！

新工作地點，遇到好多認識嘅女同事，大家都識於微時，今次難得相聚一齊訓練，大家都好開心，今晚有人好窩心買了蛋糕慶祝，晚上夾齊在員工餐廳🍴一齊食，巨峰提子啫喱蛋榚（$238）🍇🎂打開紙盒，賣相好靚，啫喱好有動感，影晒相後切件，上面啫喱微彈牙幾滑，難得提子味唔假（食過或飲過太多味道好假嘅巨峰味食品）下面嘅慕絲軟滑，夾雜朱古力脆脆，口感有層次，味道又唔會好甜，酸酸甜甜好味！希望大家合作愉快！一切順利！

放工經過東海堂，見到啲蛋糕，所以就買咗三件。買左綠茶卷蛋、芒果蛋糕同埋白朱古力芝士餅。綠茶卷蛋既毛士都好食，不過最奇怪入面嘅夾心係芒果啫喱，如果係紅豆會好啲。芒果蛋糕就一般般芒果有啲。白朱古力芝士蛋糕🍰最好味，唔算好滯。

今日喺東涌放工有啲肚餓，喺東涌地鐵站見到有間東海堂做緊麵包特價優惠。原來六點半之後東海堂麵包會係買2送1。我揀咗兩個咖喱牛肉包同埋一個腸仔包。好好食！大家不坊放工試下！

望著老公跟我的大肚腩，盡量不想往家裡堆放零食，有時候家裡某些零食是朋友買來的，一些如薯片、話梅、雪條確是自己抵不住誘，買回家裡存放的，這些一般會被封為熱門零食，因為不消多久，兩個大肚腩便會令他們消失得灰飛煙滅、不留一粒渣滓！承認自己十分喜愛抺茶，尤其是頭號愛人 — 抹茶雪糕，不過偶然碰到一些外貌吸引抺茶產品，不管是餅乾、朱古力，也會買來一試！濃厚•宇治抹茶の王冠 (小) HK$148每次經過港鐵站的「東海堂」，眼睛不其然便會掃射到那幾款綠色的抹茶蛋糕，其實心裡已暗暗地考慮了多時，趁當天下午乘港鐵回家，決定滿足小小的慾望！在宇治抹茶の王將、濃厚•宇治抹茶の王冠 ( 1.9磅)、濃厚•宇治抹茶の王冠 (小) 和濃厚•宇治抹茶卷之中，選擇了小的濃厚•宇治抹茶の王冠。第一取其份量較小，第二又較濃厚•宇治抹茶卷稍富複雜性。由於我倆也不太愛甜，蛋糕出現在家裡的情況可謂少之又少，凡事物以罕為貴，這兩隻小鬼急不及侍圍著蛋糕，啟動等食模式，實在搞笑得很！抹茶忌廉手工也算不俗，唧花紋路來得流暢自然，抹茶色澤亦不會太假！由於蛋糕不大，大致可分為四小份。切開後，可見抹茶忌廉與抹茶蛋糕相間，比例接近一比一，深色

自從月中出關後出街食飯見朋友都頗密所謂甜品打人牙骹軟有兩晚蒲完街當然識趣地東海堂喺分別買幾件甜品回家做手信啦haha~蜜瓜布甸$16味道不算濃郁布甸都夠滑~栗子卷蛋$16呢件麻麻哋蛋糕未做到鬆軟栗子味亦鬼鬼祟祟的~本來想買那件栗子切餅可恨被捷足先登~嗚嗚蜜桃撻$16桃都頗香甜撻皮不夠鬆脆好一般囉~ 另一個晚上終於買到飲恨的栗子切餅比起卷蛋好吃千倍富有栗子香甜且滑溜$16對得住天下haha~北海道牛奶芝士蛋糕$20呢件係云云中最小的一件cake但又係最好味連不愛吃芝士蛋糕的車爸爸也忍不住先吃掉它好味成點大家可想而知,北海道牛奶cream香滑可口芝士蛋糕更香而不膩就連餅底亦脆卜卜真係好誘人~最後係士多啤梨蛋糕$16士多啤梨算香甜整體合格~