東海堂 (已結業)

我在鷹君中心上班，難得當天lunch hour有時間就買了一個西餅上公司吃，我就買了一個宇治抹茶黑糖竹炭蛋糕切餅，雖然造型不錯，但味道卻比以前差得遠。那是因為我已太久沒有光顧東海堂才試一下。還記得以前在未婚前經常與妻子到銅鑼灣逛街，特意到銅鑼灣波斯富街或怡和街分店購買他們的特色麵包、蛋糕及西餅。隨著東海堂在2000年代初期業務開始擴張，加上2008年被美心集團收購，已經成為一個低廉的麵包店。現在我們兩夫妻也寧願到英皇麵包（A-1）購買麵包或者到Chateraise購買蛋糕及西餅。

餐廳通常標榜營養早餐通常都係麥皮雞蛋牛奶，但寧願訓多十幾廿分鐘嘅我，有時就會買呢類三文治返公司咬住做野，再飲杯豆漿或者牛奶，咁就有DHA、纖維、蛋白質、澱粉質。吞拿魚雞蛋三文治 - 半份係吞拿魚同埋兩片青瓜，半份係蕃茄蛋。雖然預先整好令到件三文治無新鮮嘅包咁鬆軟，而且味道麻麻。但我呢個打工仔以$14黎講，呢個水平都可以接受嘅....。

蛋糕款式層出不窮生果,朱古力,芝士都係熱門口味🍊🍋🍌🍍🍓🥕🍆🍏🍇🍋東海堂最出名嘅, 相信係不同水果造型既蛋糕系列而且賣相美觀, 係唔少少女影相 擺社交平台嘅好選擇今次公司同事生日, 亦都好自然地選擇東海堂價錢合理,水準合格不過途中蛋糕比以往推出士多啤梨系列稍遜。。。🍓🍓🍓第一就咁睇圖以為外圍嘅係粉紅色棉花糖最尾發覺佢其實係粉紅色海綿蛋糕老老實實粉紅色蛋糕唔覺得有士多啤梨味🍓面頭所謂雜莓其實只係得士多啤梨同藍莓我個人覺得會唔會三種會或以上先可以叫雜莓呢?😂好彩水果大粒多汁, 但係蛋糕部分今次就麻麻地。。。cream依然都係smooth, 唔係太甜適合女士食用但係好突出嘅生果味就唔覺啦期待其他款式蛋糕推出快啲有新突破啦

又到左同事離職既旺季，我都因而有幸試到新款西餅。 最近留意到東海堂新出左藍莓蛋糕，主打足料鮮藍莓同藍莓醬，我都想試好耐但又冇人生日買唔到，今次有機會試到個迷你版喇。藍莓撻面頭鋪滿藍莓醬，份量多到近乎湧出黎，仲放左幾粒新鮮藍莓，味道唔會太甜，感覺好清新健康。 好欣賞藍莓醬係好天然既果味，絕無人工添味劑既感覺，可以想像中同系列既藍莓蛋糕同樣高質。藍莓撻內層其實加左層海棉蛋糕，呢個組合我一向好怕，因為個質感唔夾。 但神奇地食個撻既時候係完全感覺唔到舊蛋糕，撻皮上亦加左層朱古力保持脆身，好滿意。

灣仔早餐實在太多選擇, 連7仔同東海堂都有得買即整早餐同三文治!本身諗住去東海堂買個包食, 點知排排下隊見到有新鮮整起既三文治, 所以忍唔住買左一份~配埋果汁(見到個牌話買早餐加$7) 就perfect池喇! 其實唔知本身賣幾錢~ 埋單連埋芒果汁盛惠$29! 即係個份三文治$22?以外賣早餐黎講, 貴左D喎!蛋都幾香滑幾厚身, 不過塊午餐肉薄左D喎! 味道都係正常~ 但未至於好好食~同地鐵站小店既三文治早餐 (平平地$15連飲品) 其實味道差唔多~下次去東海堂都係買個包就算喇~

以前細細個食西餅，都係食牛油蛋糕、果撻等等，而家d西餅真係靚好多，岀到咩款式都有。而東海堂既蛋糕都好有心思、而且外表都好靚，連熱烘烘既紫薯製品都有得食，等我試試先。沖繩紫薯朱古力切餅 $18首先，紫色花紋外表造型，面層鋪滿左香濃沖繩紫薯忌廉。入口啖啖都係濃濃而且有質感既紫薯。中間係配以朱古力蛋糕，朱古力味雖然唔濃，但係質感鬆軟。而夾層的沖繩紫薯忌廉及香滑牛乳慕絲層層相間，真係啖啖香甜唔膩，感動味蕾。

每年新年都見到東海堂會出蛋卷, 但年年都係望完廣告就無左件事, 今年見比上年貴左好幾十, 唔理啦. 都係快d買黎試, 咪下年我都會心思思的. 今年出左兩款, 一款係宇治抺茶蛋卷一款係紫薯蛋卷. 個人係綠茶控, 尤其睇到係丸久一山園的綠茶, 更加係必試. 咁個紫薯要唔要試呢? 一去到發現一盒要$128. 用現金就平少少$118. 但買兩盒原來$198. 好吧. 人的心理就係咁... 貪小便宜 所以買晒兩盒.同事一見到就話想試, 好吧. 反正都係自己食. 一個人點食得晒咁多. 一盒接近$100的蛋卷. 裡面有廿條, 成$5條. 究竟咩味道呢? 先黎紅薯, 一打開就聞到紅薯味. 但一食落口出奇地淡味而且重有少少"林". 天啊... 點解同想像中差咁遠. 同事都異口同聲話好淡味喎... 係囉, 連我呢個平日已經食好淡味的人都覺得佢淡味. 咁大家可以想像一下係幾咁淡如水.....心諗個紅薯蛋卷超失望... 開埋個綠茶..呼... 好彩你無令我失望. 唔知係因為個紅薯味太淡, 所以一開個綠茶蛋卷, 已經聞到好香綠茶香味. 重點係呢盒脆好多, 究竟係剛才個盒紅薯過左氣定係咁? 但明明六月先到期架喎.

今日同事last day, 買左東海堂既西餅請我地食當係散水餅Tiramisu中間芝士味濃郁， 外面層朱古力粉苦苦地，中和返d 甜味。而底部海棉蛋糕都唔太濕， 有咖啡味，但Rum 酒味唔濃芒果西餅上面係2片新鮮芒果，之後夾住一層cream 同芒果味既慕絲， 海棉蛋糕份量係成件西餅既一半。 岩中意食偏向傳統蛋糕既人。朱古力中間都係夾住層慕絲。 我中意食tiramisu 果個多d同事話朱古力味都濃，但就有d 漏曲奇會食到一粒粒曲奇碎， 但稍甜。中間夾住係朱古力蛋糕。

終於等到同事生日，食到佢喇！！ 個綠茶cream 好豐厚，夠晒滑，濃味得嚟又唔會太甜，有甘香亦未至於苦，拿捏得好好，讚！綠茶海綿蛋糕夾有紅豆同黑芝麻醬，亦不錯，不過個cream 較濃味，佔嘅比例較重，同海綿蛋糕一啖食嘅時候，cream 嘅存在感強烈好多。食完，搵到理由買返個返屋企自私食！！

東海堂去年首次推出甜味冰糉，一共有八款，分兩個系列，各四款：夏之冰糉有芒果、紫薯、草莓和黑糖。夢之冰糉有蘋果、柚子蜜、芝麻和綠茶紅豆。是夜，小妹一次過品嚐了五款的冰糉 - 草莓、柚子蜜、綠茶紅豆、芝麻和紫薯，後兩者食味甚佳，至今仍教小妹回味萬分。冰糉的皮如菓子般晶瑩剔透，入口Q彈煙韌細滑，冰冰涼涼，適合夏天享用，也較為輕盈清新。紫薯冰糉乃五款中餡料最多，且紫薯蓉細滑香濃，味道極為突出，甜而不膩，啖啖甜美，教人一吃傾心。芝麻冰糉中的芝麻蓉質感較為乾身，結實在粘在一起，吃下，啖啖芝麻天然的香味，芝麻味香濃且突出，真材實料之作。綠茶紅豆乃冰皮中混入綠茶粉，故冰皮呈淡綠色，惜綠茶味淡。冰糉內的紅豆蓉口感味道僅屬一般，紅豆味不算香濃，中規中矩之作。新出的草莓冰糉乃五者中最甜膩的，餡料估計上了草莓果醬，有草莓果籽，甜度稍稍偏高了少許。柚子蜜冰糉不過是以柚子蜜餡料，咬下帶柚子果皮碎，富咬口和嚼勁，味道也蠻清香的。

年輕的C，恰如一隻小綿羊，討人喜愛。是晚飯聚，碰巧是其生日，F買了一個蛋糕，給她一個驚奇.....蛋糕上，以白朱古力薄片裝飾，簡單精美，不太賣弄花巧。蛋糕由鬆軟蛋糕，幼滑忌廉和甜膩白朱古力製成，咬下，甜膩膩的，頗為溜滯。每人一小塊，已教人吃不消！ 不知怎的，F總愛買白朱古力蛋糕。。。。。。

悶熱的工作日收到快遞叔叔捎來的禮券趁著午休 溜出來兌換驚喜一打開盒子 姑娘們就尖叫了哎呀 好可愛 全場爭相和兔子拍照….(對 給她們拍完照才能給我靠近兔子……= =!)Melanie物語Chocolate Mousse Cake朱古力慕絲蛋糕 $188Miffy兔 圓鼓鼓的模樣它沒有嘴 可是嘗它的味道 卻很不錯 (好殘忍的說…)動手了(謝謝美女借手來拍)切開來表層 朱古力慕斯中間 朱古力脆珠和布丁層底層 朱古力海綿蛋糕入口香濃的巧克力味 又有脆脆的口感中層的布丁添加滑溜溜的甜美整體的層次豐富不單調 也不會過於甜膩一會會就被清光了 ^ ^另 Miffy系列 其實還有白臉Miffy $188 和 方形的草莓牛乳慕斯蛋糕$188而外加$35 即可換購 My Miffy Mug一隻(原零售價$108) 

五月，其他部門陸續有同事升職或調遷，來來去去，司空見慣，小妹也無甚興趣一探究竟。不過，有散水西餅吃，就關小妹事了﹗一看見東海堂雪白無垠，一旁繪有雪地曠野景緻的餅盒設計，小妹不禁想起電影《情書》中主角在雪地裏大叫的畫面，浪漫中又惹人無限的遐想。 一盒有五款凍餅味道，分別是芒果之丘、香芋啫喱之丘、曲奇妙趣之丘、意大利芝士之丘和朱古力之丘。一層幼滑忌廉，一層鬆軟蛋糕，層次分明，造形精美。香芋啫喱之丘可細分為三大層次 - Q彈的啫喱，香滑而不甜膩的香芋忌廉，鬆軟的朱古力海綿蛋糕底，三者配搭恰到好處，口感也蠻豐富。意大利芝士之丘由浸了咖啡酒的海綿蛋糕、朱古力芝士慕絲和朱古力海綿蛋糕底，最後灑上唂咕粉而成，工序遠較一般凍餅為多為繁，口感層次也自然更為豐富。蛋糕鬆軟、慕絲柔滑不在話下，淡淡的芝士香、濃郁的唂咕粉、幽幽的酒香，以及濃香的咖啡味，更教人回味。三件凍餅中，一哥之位，非其莫屬了。妙趣曲奇之丘，卻叫小妹大跌眼鏡。原以為加了曲奇碎，一定會蠻具脆口。誰知，咬下看似粗嚡、白中帶黑點的忌廉，全無餅碎脆口的質感，只是融化了的朱古力而矣，超級失望﹗一半忌廉、一半朱古力蛋糕，忌廉相對較多，一陣不甚討好的粉奶

情人節到除了上篇不會凋謝的拉糖玫瑰花今日再來推薦另一款浪漫好禮哦物以稀為貴女孩子都喜歡”特別的”心意吧？這份坐飛機來的白色草莓來自日本靜岡據說全國只有10個果園可以成功培植而現在 不用去到日本就有新鮮空運來的甜蜜！東海堂 推出白い草莓蛋糕 $438(為保證草莓的新鮮度 只限期推出哦)拆開盒子 先看看主角吧白草莓顆粒飽滿 水靈靈的剔透白嫩的色澤里透出粉咬一口 果肉柔軟 清甜的汁水淌出那…..到底和普通的草莓有什麽區別呢？原來一般的紅草莓 甜度約在10-12度而經過20研發出的白草莓 甜度可達14度在這樣特別的節日 當然要與另一半 從口甜到心~再看看蛋糕的全貌真身是蛋酒慕絲蛋糕打開盒子 就有蛋酒的清香飄出置頂 是薄薄的白朱古力碎片捧著四粒白草莓再是 夾雜杏脯肉和提子乾的海綿蛋糕蛋糕濕潤 質地輕柔因為有特別甜度的白色草莓 一點兒也不怕蛋糕的甜美搶走滋味最後看看盒子的外包裝人靠衣裝 好的禮物當然也要有漂亮的外在Be My Valentine 恋の禮盒是我超喜歡的Tiffany Blue用純白的蝴蝶結 細緻的綁住她的心情人節 你準備好了嗎？注：白い草莓 (又名蛋酒慕絲蛋糕)只限於2月11日至16

雖然不是甜人, 但每次正餐後來點甜甜的是正常吧懶人貪方便, 又來到東海堂, 隨便選了一件榛子千層酥 (HK$16)表面的榛子粒下的份量滿多的, 而中間夾有2層海棉蛋糕中央的便是千層酥吃起來不算很香脆, 但跟蛋糕都幾夾而且吃起來不算乾, 中間的忌廉不是很多, 當中亦夾雜了不少榛子粒口感來說是幾豐富的以這個價格要求不太高的話, 其實也是幾滿足的了.