東海堂 (青衣城1)

營業中

休息中

放工後又未夠鐘食飯，好多時都去呢間麵包店買啲野食。呢間店又多款，又新鮮。今次食呢個係「宇治抹茶紫薯飽」，外表係一個扁扁的麵包，上面有些黑芝麻，而且係綠色嘅。鬆軟嘅抹茶味麵包，一咬開之後，就係滿滿的紫薯，好靚好靚嘅紫色，食落口棉棉的，唔會話好甜，都幾香架！真係做下午茶☕️茶點一流

話說有次經過青衣城東海堂，聞到一陣超級香嘅味！原來係呢款牛乳蛋白撻啱啱出爐😂點忍呀🤷🏻‍♀️即刻買番個嚟食！中間個餡冇想像中咁飽滿，食落亦完全冇聞落咁香。雖然話用咗3.6牛乳，但食落都冇乜奶香味，相信引誘到我嘅嗰陣香味係嚟自個牛油曲奇撻皮的🤣不過呢啲撻趁熱食始終都唔會太差🙆🏻‍♀️其實我會鐘意食pie n tart嘅鮮奶撻多啲，但可惜之前成日買到嘅都只係微暖🧐.新鮮出爐嘅撻真係贏在起跑線😂

✏️抹茶若竹布丁杯 ($24)我一向對東海堂嘅綠茶甜品寄予厚望😆因為以往食過嘅綠茶系列甜品全部都好高質素🙃真心覺得係香港食綠茶甜品黎講性價比數一數二嘅🙉(話晒佢都只係連鎖蛋糕店🤔)所以今次都對呢個布丁好有期望🤪抹茶味尚算濃郁 但同佢哋嘅抹茶蛋糕比起上嚟 我覺得就係淡啲啲🤔食落質好幼滑 不過我覺得與其話佢係布丁 佢更加似慕絲🤔🤔但因為我自己其實係麻麻地慕絲 我本來expect係好似森永奶凍嗰隻質感嘅🤣甜度方面係屬於少甜😌怕甜嘅人士而且又鍾意食綠茶嘅可以一試🙃不過我諗我唔會再回購喇😛俾我揀我會想食佢地嘅抹茶蛋糕多啲😚

生日整天和家人黏在一起，去過主題樂園吃過晚飯，明明已分道揚鑣，但哥哥嫂嫂突然捧著蛋糕不知由何冒出，著實令人驚喜萬分。能許個願吹枝蠟燭，感覺更完滿。 莓‧盛放 $238淡淡粉紅色的蛋糕看上去有點少女味，外層用士多啤梨味海綿蛋糕圍了一圈，海綿蛋糕鬆軟，中間夾有士多啤梨啫喱、果醬和脆脆，除略嫌忌廉份量重手了一點外，整體味道酸酸甜甜不人工化，飯後吃上一大件也沒有甜膩之感。 大一歲別無所求，但願身邊的人健康幸福。

媽咪鍾意食紫薯，所以媽咪生日特登係東海堂訂左個沖繩紫薯蛋糕同佢慶祝。個紫薯蛋糕外層鋪滿沖繩紫薯忌廉，內層係朱古力蛋糕，仲夾有啲白芝麻忌廉 好香口。成個蛋糕甜而不膩。

媽媽生日，佢晤鐘意食太甜的蛋糕，而且想食海綿蛋糕底的抹茶蛋糕，咁我就諗到了東海堂新岀的小山圓抹茶蛋糕，睇佢廣告，有五六層咁多的餡，抹茶海綿蛋糕是主體，有芝麻脆米餅，抹茶慕絲，奶油只是少少，頂頂有麻糬同少少紅豆餡，口感真系好特別，抹茶味好濃，絕不是死甜，一個份量不算大，但已經好夠三至四人食。外型都算靚仔，糸抹茶cream 整成既頂，好好味的抹茶味，不虧系日本京都小山圓出品。麻糬的口感好Q,夾在蛋糕里食，感覺特別。

下午茶時間路過東海堂，商店附近都充斥着陣陣曲奇味，實在令人難以抗拒。本來對這個北海道3.6牛奶蛋撻抱着相當的期望，但事與願違，不單餅底柔軟不脆，十分鬆散，就連撻的奶味淡而無味，實屬一般。至於花上了九蚊是否划算則是各花入各眼了。

宇治抹茶黑糖竹炭蛋糕🍵🍰價錢：HKD$25/件💰抵食指數：💡💡💡（滿分為5💡）好味指數：💡💡💡💡（滿分為5）早前東海堂出既宇治抹茶系列深得我心❤️🤤 今日行過又忍唔住要買泥食下👅 層次十分豐富，有齊抹茶慕絲、抹茶蛋糕、黑糖慕絲、竹炭蛋糕、朱古力脆脆同寒天粒👻 面層既綠茶牆最濃，其他部分既綠茶味都唔算好突出🤫 偏甜，但係佢最底厚厚一層既朱古力脆脆最加分❤️💦 跟我一樣喜歡綠茶的朋友可以一試👣

又有隊員調職，又係食散水餅嘅時候，連鎖店白色紙盒包裝簡潔企理，蛋糕款式多，已經出咗聖誕節🎄主題甜品，以甜品杯同水果撻為主，賣相都好靚，每件都有透明膠紙包邊唔會乾！沖繩紫薯甜品杯🍮（$22）賣相靚，透明膠杯都幾大杯，每層層次分明，紫色薯蓉好香滑，牛奶🥛布甸彈牙軟滑，朱古力蛋榚鬆軟，味道唔會太甜，每種味道分明，每種味道又好夾到，滿口都蕃薯🍠味！好味！大連鎖餅店都有好味嘅選擇！祝隊員新職位一切順利

話說今個月係大foodpig🐷嘅生日月份 而朋友們都好有心 知🐷鐘意西瓜野 所以買左東海堂呢個西瓜蛋糕幫🐷慶生☺️ 平時講西瓜蛋糕 第一時間係諗起悉尼果個 但其實兩者都好大分別🤔 首先係外形方面 呢個係模仿真西瓜🤓 幾打耳😂 而饀料方面 呢個就冇夾住成塊西瓜肉 但都有mix埋啫喱嘅新鮮果肉喺中間🍉另外最頂層都有西瓜啫喱 不過就冇果肉 西瓜味都唔係話好重 反而喺嗅覺上 一打開就聞到香香嘅西瓜味😙 不得不提食底層嘅脆脆好似食緊佢另一款蜜瓜蛋糕咁😂 雖然整體都算好食 但都冇驚喜🤣 算係不過不失🙂 不過以壽星身份食就有種份外滿足嘅感覺😋

老婆大人之前生日，要氹氹佢開心，咁就去東海堂買個蛋糕俾佢。最靚既，當然係草莓蛋糕。佢有好多款，啲名都多到記唔到。乜乜戀人個啲。咁揀個最多草莓、又外型最靚既就無死！有啲金薄，睇起上黎更加高級。舖上咗好多草莓，多到好似就黎跌晒出黎咁。而且每一粒都係日本運到的草莓，一定係夠晒鮮甜。估唔到切開之後有驚喜！入面係啫喱、流心的蛋糕。仲有好幾層，每層都有唔同質感同味道。女人就最愛呢種啦～～ 我食過又唔太甜，都唔錯～

作為士多啤梨+粉紅色控既我，見到東海堂推出左最新既日本赤莓系列，即刻忍唔住買返一個返屋企食啦。赤莓甜心其實即係草莓果凍mousse 蛋糕依家啲蛋糕好多時中間有一層都係脆脆黎既，所以切親最後都會散哂唔靚。但呢個蛋糕由於佢最底層先係脆脆而上面係mousse and jelly，切起上黎就靚好多啦。呢個蛋糕主要係mousse 同果凍組成既。每一層既配搭都係草莓製成 如mousse ,海綿蛋糕，醬等，食落口感非常豐富，成口都士多啤梨味，大滿足

今曰朋友生日🎉，知道佢鐘意食蜜瓜，同一直想試東海棠蜜瓜蛋糕🎂，所以前一晚訂咗個俾d驚喜佢呢。😁只睇外型已好吸引，已好想快d食。味道好清新，d蜜瓜粒超清甜😋，再配理一層脆米，非常夾，我同兩個朋友已好快食晒食個蛋糕了😁

聖誕節...我們這一家習慣食個蛋糕慶祝...2016年一樣唔會例外...不過...買就唔一定買一個好聖誕 FEEL 既蛋糕...因為...多數好睇唔好食...睇賣相買...中伏既機會係好大...栗之奏鳴曲...出白東海堂...唔好誤會...我唔係東海堂既代言人...一切皆因恰巧...繼純黑可可...東海堂推出的栗子蛋糕又合我心意...栗子蓉嘟花佈滿蛋糕...賣相普普通通...唔算好突出... 栗蓉食落唔會話死甜的味道...食到有栗子味...唔好以為我講笑...栗子蓉有栗子味唔係必然...我食過好多款栗子蛋糕...栗子蓉沒有栗子味...只有甜味...中層忌廉食落有啖啖粒粒栗子...豐富了每一口口感呢...栗子蛋糕來說...材料十足...可惜...頂頂的栗子就甜左少少...一咬會有糖心流出來...唔知係唔係浸過糖水呢???不過...栗子奏鳴曲值得再買...

蛋糕唔一定生日食...偶然買個蛋糕氹下家人...一家人一齊食...齊齊 SWEET SWEET...東海堂廣告...吸引左我買來一試...所以話呢...MARKETING 一定要有...話說剛推出的時候...不是間間分店發售...想食一定要打電話去留...某天十點打去已經 SOLD OUT 了...要打去第二間...幸好...留到 LAST ONE...純黑可可只需存放室温... 蛋糕濕潤...又軟又滑...朱古力味超濃超純...重點在甜味不會過火...不過...一件起兩件止了...因為食多...喉嚨就有點乾的感覺...如果食的時候...有一杯咖啡襯托相信會更加好... 食落啖啖濃郁朱古力味...甘味會慢慢滲出...味道沒有令我失望呢...雖然...建議室温食用...不過...其實雪凍食...我就覺得有另一番風味...食落較為厚實...朱古力味依然香醇...有點像...MCCAFE N年前的 MUD CAKE...想當年...我經常食呢...