東海堂 Bake‧ Drink (港鐵荃灣站)

營業中

休息中

27-3-2022 (Mon)同老公喺千色匯I期嘅東海堂買嘢時,佢見到有飯糰賣,東海堂竟然連飯糰做埋,佢前日(29-3-2022 Tue)放工後,又用佢男友人NT送嘅禮劵嚟買4個飯糰,揀咗日式肉鬆,日式吞拿魚沙律,日式炭燒雞肉同日式醬油三文魚腩.我哋喺噚日當早餐食,佢食頭兩件,我食後兩件.打開咗,紫菜仍脆,日式炭燒雞肉係有炭燒味,但唔係咁好食.味道:2.5分日式醬油三文魚腩就連啲飯都已被醬油染晒色,味道唔錯嘅.味道:3分而兩個味道都唔太鹹.上次食評係2020年8月27日刊登嘅呢篇: https://www.openrice.com/zh/hongkong/review/%E7%AB%A5%E5%B9%B4%E5%9B%9E%E6%86%B6-e3797900

東海堂首次聯乘《蠟筆小新》推出以甜品時光為主題的芒果味忌廉蛋糕、立體慕絲杯今天買了一對蠟筆小新的立體慕絲杯🍨因為賣相而吸引了我, 雖然我不是蠟筆小新的粉絲, 但造型真的非常可愛😍鱷山先生朱古力慕絲杯 Waniyamasan Chocolate Mousse Cup 小白芒果慕絲杯 Shiro Mango Mousse Cup 份量其實很少, 兩個味道剛好不太甜, 但勝左造型杯可以收藏作擺設, 喜歡蠟筆小新的朋友千祈不要錯過

前日(25-8-2020 Tue)老公放工,用埋最後一張餅咭買西餅俾今個月生日嘅爸爸,佢就買咗兩件同樣嘅嘢,啱啱$50.00.睇吓係咩嘢?原來係經典電子遊戲之人嘅食鬼,佢嘅造型其實只係一塊膠片圍住件西餅,再插一隻鬼嘅咭,非常簡單.老公話呢個係士多啤梨味西餅.食吓先,蛋糕好鬆軟,唔算太甜,中間就有士多啤梨gam,就係咁.其實東海堂蛋糕真係好好食,可惜政治原因…抵食係2.5分上次食評係喺2019年7月23日刊登嘅呢篇:https://www.openrice.com/zh/hongkong/review/%E5%89%B5%E6%96%B0%E5%A4%A7%E7%A6%8F-e3475839

疫情下，少了上街吃飯，每晚住家飯，愛人說今晚想吃甜品，出地鐵站看見東海堂有優惠，於是過去研究一下⋯⋯Deep Baked Cheesecake 深旨~看見這個名為 “深旨” 的芝士蛋糕，看樣子很有日本格調，芝士蛋糕，相信愛人會喜歡，而且是用餅咭加$5, 恰巧我的袋內有張早前朋友婚宴的餅咭，真的注定要帶它回家。Size 細細，啱晒兩口子作飯後甜品。從雪櫃中取出，打看即食夠方便。刀仔切開，估唔到質地又幾紮實，唔算太甜，就算四人分量，少少哋都夠食。老實說，餅咭價錢為$50, 再加$5, 即是$55, 以這個價錢來說，有如此質素，值得一試。

六歲的小妹妹生日，今日我哋為佢開咗個生日會 還送上一個她喜愛的蛋糕。熱情薑餅人樣子很可愛，薑餅人戴著聖誕帽子，手拿紅白士的，戴上大大的煲呔還有兩粿鈕扣，樣子非常可愛。除咗樣子靚之外味道非常不錯，濃厚朱古力的薑餅人慕絲蛋糕，慕絲濃厚綿滑而且不會太甜，內層有香脆可口的朱古力脆脆和朱古力海綿蛋糕，兩者混和一體 濃郁的朱古力香味散發出來，而且朱古力脆珠在口腔內吃到卜卜聲，小朋友超喜愛，一個生日會的靈魂生日蛋糕 又好看 又好玩 又好吃。蛋糕我在荃灣地鐵站購買的，店員服務態度非常好，讃。

大前日（20-7-2019 Sat）晚，同老公食完飯後，諗翌日早同午餐，不如嚟東海堂買麵包吧，記得地鐵站呢喥有，於是行嚟，好彩都未閂門。由於有$50.00劵，咁我哋都揀吓甜品啦，最後買咗$8.50嘅4片庄女王小麥粉麥包，$22.00嘅赤莓慕絲切餅同$29.00嘅增量芒果大福。返到屋企，再夜一啲，我竟然有啲餓（真恐怖），咁就同老公食增量芒果大福，size大約係7厘米X4厘米，切開睇，唔係普通大福，而係有層次嘅，有新鮮芒果肉，芒果慕絲同海棉蛋糕。食吓先，糯米皮薄但仍有軟糯同煙韌口感;芒果肉甜而不酸;微甜嘅芒果慕絲滑，成個整體係唔會太甜同口感豐富，冇食傳統大福咁膩嘅感覺。味道:5分翌日中午，我哋就食赤莓慕絲切餅，睇到有草莓慕絲之餘，亦有草莓果凍，食落，味道清清地，草莓果凍食得出由新鮮草莓做成，而成個一樣係唔太甜，就算有咁多赤莓慕絲，感覺仍然輕盈。味道:3分最後嘅女王小麥粉麥包呢？一打開小麥味都好濃，口感味道一切都正正常常啦。味道:3分。上次食評: https://www.openrice.com/zh/hongkong/review/%E5%85%83%E5%AE%B5%E8%A5%BF%E

東海堂cafe野飲一向有返甘上下質素～今次岩岩撞正中午時段買一送一既《咖啡炭燒點子》中哂我心意！！所以緊係整返杯同妹妹一路shopping一路嘆啦！咖啡味。濃，好過好多連鎖店嫁！👍🏻👍🏻👍🏻👍🏻👍🏻點子。都係咖啡味既。唔會淡某某一味得個彈牙。正👍🏻👍🏻👍🏻👍🏻👍🏻以廿幾蚊買一送一真係抵到無朋友！就算依家無買一送一，我都偶然會買返杯，坐低慢慢嘆！環境都舒服好坐。唔會迫人走。可以hea到2.3個鐘👍🏻性價比高！佢既買一送一活動，就甘就吸納左我呢個《炭燒咖啡點子》迷啦～

途經荃灣地鐵站間東海堂, 見到有我最鍾意食嘅宇治抹茶黑糖竹炭蛋糕, 即刻買返兩件先, 因為唔係間間分店都有這款蛋糕賣嘅, 剩係個名都已經夠長夠勁啦。件蛋糕好大件, 周圍有好多 cream, 蛋糕嘅頂層仲加咗金泊, 係咪好名貴呢 蛋糕嘅中間好有層次, cream 嘅下ㄧ層開始係黑糖蛋糕, 抹茶蛋糕, cream, 黑糖蛋糕, 抹茶蛋糕, 最底層係薄脆, 而且件蛋糕中間夾雜住啫喱粒, 食落非常之有口感, 件蛋糕唔太甜, 加上抹茶嘅香味, 令人食指大動

大前日 (2-3-2018 Fri  正月十五元宵節)老公放工後,走o黎呢o度買西餅慶祝,佢買o左3件,我o地3個人食,分別係$12.00o既曲奇妙趣,同樣$20.00o既豆乳卷同鹿兒島紫薯卷.由於晚飯太豐富,根本冇人再食得落一件西餅,但臨瞓前,老公都攞件豆乳卷出o黎同我share.頂上面o個撮cream同鬆軟o既雞蛋卷分別充滿豆同蛋味,而中間o既豆乳凍,豆味淡啲,失色少少.味道: 4分到前(3-3-2018 Sat)晚食完飯,就攞埋另外o個兩件出o黎食,我就揀曲奇妙趣同老公share食,老公就同我爸爸share鹿兒島紫薯卷.曲奇妙趣上o既cream好甜,蛋糕係朱古力蛋糕,好似冇豆乳卷o既咁鬆軟,唔知係咪因為雪o左一晚呢?味道: 2.8分而鹿兒島紫薯卷,睇見顏色幾靚,老公食o左幾啖後,我就試食兩啖,我食唔到紫薯味,可能因為我o地食o個邊係冇咁多o既cream,而佢都有大前晚食豆乳卷裡面o既豆乳凍.由於呢個我食得唔多,所以呢個唔評分.上次食評: https://www.openrice.com/zh/hongkong/review/%E5%94%94%E9%8C%AF-e2862555

其實一真都對東海堂的甜品幾有信心，又靚又好味。衛生環境都唔差。不過今日之後，睇怕短期內都唔敢去買cake 食。本來都係想買幾件tark聽朝做早餐，點知拎到個盒返屋企(利申:住MTR旁)，老公為食想開嚟做宵夜嘅時候發現盒邊大大個鞋印。盒tark我買完之後就一直拎在手直都返到屋企放枱面。請問何來鞋印呢？真係百思不解。搞到老公都唔知食唔食好。

前日(2-9-2017 Sat)同老公返返o黎荃灣,經過東海堂,就用$50.00禮劵換定麵包尋日朝食,我同佢揀o左$21.00o既合桃蛋白拿破崙,$9.50o既芝麻銅鑼燒,$7.50o既芝麻片裝蛋糕同$14.00o既芝士條,咁就補$2.00.尋日朝我起身梳洗後,就先食合桃蛋白拿破崙,見到佢o既合桃份量唔少,切開先,已經感覺到面上o既蛋糕層好軟熟J,有驚喜.切完食得, 蛋糕鬆軟,正;合桃仍脆;但忌廉甜o左啲,就只差呢樣要留意.味道: 4.8分然後食芝士條, 芝士條一包有5條,一食,感覺幾鹹,口感OK正常冇問題.味道:3分之後老公起身食佢o既芝麻片裝蛋糕,我又試食一啖,呢個都係甜,但唔算太甜,食到芝麻粒同味道,蛋糕口感鬆但唔及合桃蛋白拿破崙o個層蛋糕.成個感覺係固體芝麻糊.味道:4.5分最後o既芝麻銅鑼燒呢,當我反轉佢睇食用日期時,至發現原來呢個係紅豆銅鑼燒,我明明o係芝麻銅鑼燒o個格攞,點知佢o地都係亂擺一通=.=”.紅豆銅鑼燒o既紅豆蓉仍粒粒分明,甜度適中,成個都唔太甜,正常OK o既.味道:3分抵食係2.85分

是日朋友仔一年一度牛一大日子，放工拿拿臨趕入荃灣幫佢慶祝！到荃灣站先醒起未買生日蛋糕，行過咁啱見到東海堂，啲蛋糕又幾靚仔就買左個，希望朋友鍾意啦😌最後揀左呢個芒果·味惑！雖然有好多抹茶、西瓜、蜜瓜、柚子呢啲期間限定口味，但考慮到壽星女口味，揀左佢鍾意嘅芒果～講返個蛋糕：最上層係芒果粒同少量士多啤梨同藍莓，可能因為係夏天，芒果都夠甜，無咩酸味。至於第二層，買個陣我仲以為係芒果，原來係芒果啫哩😆有少少失落感。再落就係芒果慕斯蛋糕，食唔係幾到沖繩芒果蓉，但都算好食唔漏唔太甜。整體就係有少少鬆散，但連鎖麵包舖應該都係咁上下質素。睇落靚仔四正，食落又ok，最緊要壽星鍾意P.S. 匯豐信用卡有折！

今日(3-5-2017 Wed) 佛誕公眾假期,同老公去男友人JT屋企食午飯,我o地用餅咭o係o度拎西餅去,由於JT太太唔食得含奶o既食物,而且唔鍾意食杏仁類,所以我o地都就住佢,揀o左$22.00o既赤莓之愛語,$20.00o既極上沖繩黑糖栗子撻,$19.00榛子千層酥,$20.00o既粒粒芒果千層酥同$20.00o既赤莓之確幸.我o地o係佢o地屋企食完飯坐一陣至食,JT揀極上沖繩黑糖栗子撻,JT太太揀o左赤莓之確幸同粒粒芒果千層酥,我老公要赤莓之愛語,我要榛子千層酥.我o地開餐喇,我o既榛子千層酥榛子脆,軟熟o既海棉蛋糕有咖啡味,成個唔甜,cream唔多,所以覺得唔膩.老公o既赤莓之愛語,佢冇留半件俾我,我只食一啖,cream滑,士多啤梨味唔太甜,OK.其餘o個三件我冇問佢o地好唔好食,不過佢o地好滿足.

一早參加馬拉松比賽，早餐唔可以食太飽，經過地鐵站順道在地鐵站內嘅麵包店買個麵包，地方唔大，麵包架上放滿已經包好透明膠袋嘅麵包，我揀樣最穩陣嘅！揀好去櫃臺用八達通比錢，一分鐘攪掂走得！吞拿魚包（$8.5）估唔到咁細個，好迷你，咬落無麵包嘅彈性，因為實太薄太泡，入面一個大洞，餡料根本無力填滿個大洞，吞拿魚餡雖然滑但比好少，所以食完好似無食！好適合跑步前食！空氣包一個！店員爽手順暢！好快完成買賣手續！女仔食3個都唔會飽！價錢完全唔值！

抹茶癮發作去左東海堂買左杯宇治抹茶飲🍵茶味吾算太濃，適中啦～飲落帶點甘香🙂而甜味就系混合黑糖水晶一齊飲而帶出嘅😊所以吾會好甜！水晶好有咬口😀好Q彈，而且黑糖味濃，咬起上黎好香😝相比起珍珠，就吾會飲完好飽濟😌肚仔仲有位置食到其他小食～～