東海粥店

營業中

休息中

第一次嬲到寫食評 今晚第一次 嚟呢間舖頭買外賣 攞咗返屋企 已經係非常肚餓嘅情況下都食唔落 皆因 一打開盒豉油王炒麵已經聞到濃烈酸臭味 有垃圾桶嘅味道 唔敢食 再試盒炒米粉 點知盒炒米粉就油冧冧 食到一半一口都係油 再開盒腸粉就一pat嘢 外賣將豉油倒埋一齊做咩嘢 啲豉油同腸粉溝埋咪一pat嘢 豉油正常都搵個透明兜分開裝 又或者袋裝豉油 我叫佢要皮蛋牛肉粥 佢就整咗碗皮蛋碎牛粥 連碗粥都係油冧冧 啲油係咪唔使錢 收嘅價錢唔係貴 價錢都好平民 都唔係想有啲咩高質嘅要求 但真係非常難食 咁樣寫食評 只希望 鋪頭能夠檢討一下

記得細細個去粥鋪食即蒸腸粉係有個師傅運用佢嘅鐵砂掌徒手打開熱氣騰騰嘅蒸爐，拉出一個用竹織成嘅淺盤，上面鋪一張棉布，快速倒入米漿推回蒸爐等一陣再拉出來，鋪上其他材料如叉燒/牛肉/鮮蝦，然後摩打手地捲成條狀切塊上碟，最後再淋上鮮味無比嘅甜豉油。熱辣辣嘅腸粉皮，滑溜煙韌米香撲鼻，加埋甜豉油齋食都正🤤今日係佐敦附近搵早餐食，行過路過見到呢間粥鋪有即蒸腸粉，即刻勾起我嘅食慾😈叫左個豬膶蒸腸粉，其實都幾冒險，豬膶整得唔好又腥又臭又鞋就大鑊。好彩😌佢地整得幾好。腸粉皮無令我失望，豬膶加左薑絲去闢味，蒸得無過火，仲係脆口嫩滑，甜豉油都好好味👍🏻不過個環境就一般，老鋪始終d嘢殘舊有漬，介意就唔好去喇😉

某日路過入左呢間粥鋪，因為貪佢坐位算闊落，而已望落都幾乾淨。個餐牌勁多款選擇，好多粥品，左選右選 選左個雙併，仲有 蘿蔔糕炒麵炒米。我叫了一個雙料 皮蛋 艇仔粥 $25 加 牛脷酥$10佢個粥大大碗而且好足料，入面好多皮蛋同鮮魷 ，好惹味，係啖啖都好夠料👍仲有好多碎牛，大大碗又足料讚💯至少牛脷酥，一上枱就有陣油壓味，食落口都幾油，有小小想反胃。同埋入面唔算紮實，反而偏向似油炸鬼既感覺，同埋唔知係咪低糖版定點呢? 食過無平時帶有既少甜，呢個牛脷酥唔好味。仲叫多杯豆漿$7，不過係好細杯，茶記裝水裝茶既杯。整體還可以，因為粥好好味，下次可能試油炸鬼。

☀️晨早流流係佐敦揾早餐食，係地鐵站附近發現左呢間粥店，內裡幾光鮮。🌞早餐套餐 $28有碗粥配齋腸，炒麵，炒米皮蛋瘦肉粥🔥係生滾粥熱辣辣，🌟口感好綿亦夠滑不過瘦肉味道有進步空間😮碗粥好大碗，再加一碟齋腸，我係食唔曬，份量好大啊齋腸😛皮好薄，又夠滑，唔錯上碟時只落左豉油，其他醬自己自由去加炸兩🥰呢碟推薦🥰試過係有啲粥鋪食既炸兩係皮又厚，😣入面又淋曬。😚呢間炸兩既質素好好，皮夠薄，咬落去入面仲脆架！開心不過呢碟唔係早餐套餐入面，係另外加叫既炒麵.🧐本來一向對粥店都無咩大好感，食完呢間感覺良好😋

一間佐敦區新開粥店買，鋪位仲要係地鐵站旁，正環境光猛舒適，好大好多枱，衛生情況好好，食得開心先黎個豉油皇炒麵，炒得乾身均勻，味道岩岩好，冇記錯$13好抵食齋腸粉唔係平時果種豬腸粉咁款，而係好似巢皮腸粉果種，有少少煙煙韌韌，份量唔細油器全部$10，價錢正常，不過佢好似冇用筋粉，唔係平時果種煙煙韌韌，而係似炸過嘅蛋糕，呢個真係輸左。。。至於鹹肉糉係唔錯，唔會好淋好濕，係實淨，餡料足，好味油炸鬼。。。幾粒大嘅未搓勻嘅粉粒仲係度，真係食唔到，但係食得部分係好食，冇索好多油得閒食碗粥同腸粉，呢間就腳乾淨又平民，岩晒窮L嘅我走食幾餐

行過附近想食粥就走左入去，叫左個魚腩滑牛粥，牛肉唔老，魚腩大舊，最重要係d骨唔係斷晒，可以輕鬆拎出黎。加豆漿$7，不過唔建議，因為好細杯，環境方面，乾淨。靜靜地食一流

天氣凍，又作病，晏晝個餐想食熱野，就想試下呢間粥檔。餐牌有粥品，有湯飯，價錢都算平民化。見佢有個套餐，碎牛粥加腸粉或蘿蔔糕都係30幾蚊，就試下。個粥底都算綿滑，有一大pat碎牛比你自己攪返開佢。牛肉味道正常，點都係碎濕濕架喇🤣🤣🤣🤣不過唔太咸，岩我口味，慣左食得口味清淡。腸粉就鋪頭自己整，食到有啲米香，不過唔夠滑，但個人覺得份量同質素都係唔錯嘅。因為午飯時間，人比較多，同台嘅都有人嗌粥，舊蘿蔔糕都幾大舊，坐我對面嗰個男仔都差啲食唔晒。坐我隔離嗰個女仔叫咗個湯飯， 40幾蚊，嗰隻碗同隻湯碗係冇分別嘅，啲材料好似唔駛錢咁，超級大碗，一個女仔邊會食得晒呀😂 所以我就覺得湯飯係幾抵食嘅初初以為佢啲蘿蔔糕係送過嚟嘅，點知我臨走俾錢嗰陣時，見到個師傅自己喺度整，咁我就覺得下次可以再嚟試吓🙂

夜晚10點幾，喺附近上完堂，想搵個地方食晚飯先返屋企，但又想食得輕怡啲……行緊去地鐵站時，望入內街發現左呢間粥店，最後揀左食粥。碗艇仔粥剛剛黎到嘅時候，啲碎牛肉仲係半生熟。等左分零鐘，碎牛肉熟晒，可見粥底滾熱辣，而且食起上黎個粥好綿。足料抵食

今日途經上海街見到呢間粥店啲粥款好多，就停低咗睇兩眼，睇睇下發現幾抵食，所以就入咗去幫襯。餐牌既粥款好多，大大話話都有 60 款左右，而且重有生滾湯飯、小食、腸粉等等，最後叫咗荔灣艇仔粥。荔灣艇仔粥 ($22) : 其實本身對 $22 蚊咁平既粥唔會抱有太大既期望，不過上枱後帶來了不小驚喜，竟然又大碗又多餡料 ; 有碎牛肉、豬皮絲、魷魚絲、花生、蔥花、薑絲等，而且份量都幾多下，粥底亦好綿。👍🏻 👍🏻 👍🏻 👍🏻

佐敦餐廳食肆太多選擇，今之黎到呢間試下，地址都易搵到，不過就有啲遠。粥品既選擇都好多選擇左買外賣，右邊ee落單，叫去對面姐姐準備，右邊ee收埋錢，已經有外賣到手。快！叫左魚片瘦肉粥$25好足料~腸粉$13外賣加1蚊

今日病病地都想食粥，又凍又寒冷的天氣，最適合食粥。餐牌都幾多粥款、更有湯飯，小食幾多，腸粉有即蒸的！服務姐姐哥哥都幾友善幾好，好客有交帶。我喜歡食魚，魚腩是我的最愛，所以點了一個生滾粥魚腩肉片粥、炒麵及即蒸蝦米腸粉。（生滾魚腩肉片粥）熱辣辣生滾又大大碗，有香蔥有薑絲好多肉片、好大片，好軟腍好香滑；魚腩好滑好香，但好多少骨，食時要小心。但食完少少咸同少少口渴（蝦米腸）好滑好香蝦米腸，好香好美味！可以落不同醬汁（甜醬、麻醬、辣醬、芝麻）好正好味（炒麵）雖然唔多料，但唔會好油膩又唔硬，味道唔錯

我叫左皮蛋瘦肉粥同一碟炸兩。可能係因為個粥底一早煲好，所已一分內已經有得食，仍然覺得比其他粥舖快得多。粥底係夠杰，口感方面都未算好綿身，可已接受吧。味精都唔少，食完有少少口渴。炸兩份量超多，雖然外皮不算好薄皮，亦唔算好滑口，但以份量取勝。

晚上途經佐敦, 見到這間粥店, 入去試下. 叫左個皮蛋瘦肉粥, 加碟蝦米腸. 點餐後發現腸粉是即做即蒸, 感覺好好. 皮蛋瘦肉粥足料夠棉, 但略鹹. 蝦米腸好多蝦米, 腸粉質地厚實但唔滑. 整體黎講是足料抵食既小店.

星期日晚懷住「聽日又要返工」既心情黎到呢間我成日幫襯既佐敦小店食今個星期既最後晚餐介紹返呢度有粥品同埋湯飯食，全部都係性價比極高既食物選擇！諗再陣最後揀咗佢地既湯飯食湯飯既餸揀咗魚腩、貢丸同埋滑雞🤤 另外佢會有幾款菜比你揀放埋落個湯度上枱。睇住佢喺廚房落料、煮好每位客人岩岩落order既湯飯/粥品就知呢度係用心制作出品👍🏻湯飯入面既餸會好新鮮，而餸同飯既份量亦都好多，細食既朋友要小心唔好叫多咗食唔晒啊😏

好少係出面食粥，同事話呢間粥舖幾好食，價錢又平，所以黎試下😆舖頭都係果d舊式小店，店員都係上左年記，落單時直接向門口廚房大叫，唔洗1分鐘就黎野食🏃🏻‍♀️選擇非常多，有湯飯、粥餐、炸兩、腸粉、炒麵，仲有我最鍾意既蒸蘿蔔糕😍今次叫左個粥餐，艇仔粥+蘿蔔糕+豆漿艇仔粥🛶好綿，熱騰騰，好多料，唔會話好重口味，唔錯蒸蘿蔔糕略嫌唔夠蘿蔔味，食唔到蘿蔔絲，粉多左d，不過份量好大齋腸係我朋友個餐的，正正常常下次試下佢個湯飯同炸兩，見好多人食