東記咖啡茶餐廳

營業中

休息中

去過不少熟食中心, 有大埔墟, 渣華道,  香車街,  既然現在身處深水埗, 當然要試試這區的北河街熟食中心.這個在街市樓上的熟食中心, 要上去還是有點竅妙, 必須經升降機才能到達2樓的熟食中心.   上去以後, 發現可能要由於其他食肆都是做夜市關係,  有些店還未開門,  我則選了近入口附近的東記, 解決是日的午餐 .看見那用白板筆寫上的午餐菜單, 挑了魚香茄子飯. 那是由於我不是吃魚的食客, 否則蒸魚會是一個不錯的選擇.   因為不管你叫的是蒸魚、冬瓜火腩還是魚香茄子, 都是均一價錢, 盛惠40元.  另外, 在現今凍飲加2元的世代, 店舖的凍飲亦只是停在加1元的時空.估計食物是點過後才做的, 因為一般大多吃過的魚香茄子都是預先煮好, 再淋在米飯上面, 但這裡卻是米飯一碟, 茄子分開另上.   放進口的茄子還是有點燙,  茄子咬下去很鮮,  配上當芡汁的鹹魚粒及肉末, 可咬到當中鹹魚粒的鹹香,  說實在, 味道相當不錯.   接著, 隨餐跟上的南瓜湯端上, 特意用上"南瓜湯" 而不是"例湯",  是因為這道湯水絕不是一般的例牌, 真材實料的南瓜, 紅蘿蔔充滿整個湯碗, 湯水亦不是普

原來自己年多前已經來過, 睇到食評先記得, 這天是差不多11點才上來, 阿姐話做埋呢個早餐轉午市, 隨意叫了個"A”餐同一個"三文治餐" , "A”餐正如阿姐話齋最抵食呢個餐, 其實自己未回魂睇錯以為係多士餐! 所以心諗$27個多士餐重叫抵食?! 到佢攞碗通粉埋嚟我重話唔係, 好彩太座在旁提醒, A餐咪通粉囉才如夢初醒, 好大碗通粉之外, 上面放了幾多火腿條重有好多下嘅生菜, 呢D咪叫抵食夾大件囉, 再加埋煎雙蛋同多士才27蚊, 這份量無話可說了! 太庭的腿蛋治亦絕無欺場, 厚厚的炒蛋, 方包合乎一般標準, 唯獨是盛茶杯嘅碟就破損得比較厲害, 唔影響杯茶嘅只係可以有盈餘的話咪換咗佢囉, 雖然自己都算半個環保份子,

來到深水埗，當然想尋找平民級隱世食店，得知北河街街市熟食中心有一極多好評的越南菜便衝去了。在點越南菜的同時，又想食下茶餐廳下午茶，所以就叫左側邊的東記，要左個吉列豬扒拼薯條，職員在下單同時仲要即刻俾錢。另一間的越南菜到左兼食完，佢個吉列豬扒拼薯條都未上枱，速度認真慢，但食客又不多。也罷，更離譜是只有一舊豬扒係吉列，其他豬扒都只係塊煎豬扒，這根本與商品不符呀！有圖有真相！薯條炸得死實，完全無味無道無口感，實在失敗！

這三樓熟食檔前陣子裝修咗一段時間, 重開番都係以前那些檔口, 除咗地下乾爽咗同燈光光猛咗之外, 其他沒有變, 是日隨便選一間來下午茶, 公司治, 只售27蚊係有原因嘅, 因為佢用的餡係炒蛋,午餐肉&厚切蕃茄片, 所以公司治只係個稱呼唔使太在意! 唔難食嘅, 同奶茶都配合得到,另一個係星米, 呢個有點強差人意, 炒米出來無什麼鑊氣, 所以微辣都唔覺,蝦無味唔在講啦, 似乎乾柴义燒都是必然的了, 幸好還有些青椒絲同芽菜絲, 下次還是叫回湯麵吧, 奶茶都算有茶味但唔突出囉! 只要不抱期望自然不會失望!

很久沒有見過這麼平的早餐了，好像回到了十年前的光景。食物美味的水平其實和一般的茶餐廳分別不大。凍飲不需要加錢已要讚了其實要加一元其重中之重就是方包可轉多士或菠蘿包！又不用加錢！我這次就轉了菠蘿包，熱喇喇的菠蘿包......試過就.....我不能忘記你...........

晚上要長征到天水圍的客家飯局，為了讓因病起而失去了食慾的自己能夠提起一點勁，就選了在附近鑊氣最夠的東記作為今天的開胃飯。既然要醒胃，當然不會是濃烈又死沉的味道，西炒飯簡單得來又帶點酸酸甜甜，是這刻最佳之選﹔而女友則要了個下午茶餐的火腿腸仔炒飯。今天的西炒飯頗有水準，飯粒乾身粒粒分明，茄汁剛好包著每粒米飯，茄汁的微酸與菠蘿粒的甜混合後味道十分醒胃，如此價錢($21)絕對收貨了。而女友的炒飯基本上跟我一樣，只是沒有菠蘿、茄汁和蕃茄粒而已，而且也是抵食($13)之選呢。食完後，食慾也得以為之一震，好的茶餐廳就是如此令人著迷呢。

有兩層樓高的樓底，數以十計的座位，十足的冷氣，我不是指甚麼酒家，而是在說位於深水埗北河街市三樓的熟食中心。在這裡有很多茶記，味道較好而水準穩定的，就是東記~來這裡用膳的客人，大多數是中年和在附近居住的人仕。光顧這熟食中心的客人，大多是因為價錢便宜之餘，還有就是它的環境。或許有人會指街市的熟食中心衛生麻麻，環境迫夾等等。其實來這裡不用擔心甚麼的，因為這兒比九龍城街市的熟食中心大上數倍，樓底也高出一點點，做得最好的是這兒的空氣調節，就算有客人"偷雞"吸煙，煙的味道很快便會消散了。順帶一提，因為這兒的地方實在很多，絕對適合一大班朋友來一起用膳。東記有兩類食物較有水準，一是炒粉飯類，另一方面就是下午茶餐炒粉麵飯的鑊氣比得上海防道的英發，味道好之餘材料亦不算失禮。而下午茶餐則而價廉物美為主，一份西多士跟凍奶茶才$17，在加價大勢之下，已經是便宜之選。茶味濃，奶亦滑，西多做得一絲不掛，簡單而味美，一切都實而不華。街坊生意的店總是令人感到份外親切，在冷冰冰的社會中顯得這裡更加可愛。