松坂壽司麵食鐵板燒

營業中

休息中

放假諗住同屋企人過嚟開開心心玩返日，竟然會遇到服務態度咁差嘅人。我哋喺昂坪玩完諗住去食嘢，然後去咗呢間餐，入門口前有個菲律賓籍嘅員工比我哋餐牌睇，然後我哋睇到太貴，但本身都諗住選擇入嚟食之後佢見我哋擰轉身，就即刻將個餐牌大大力擺喺我隻手度。仲要講粗口。但因為實在太肚餓，最後都入咗去食嘢。但相反啲樓面好好服務態度，叫嘢食都起碼5分鐘就出咗。個刺身擺盤都好靚。雖然出邊個菲律賓籍嘅員工令到我地非常之嬲，但食完啲嘢就消左氣啦。

難得一日上大佛，天氣幾好所以留耐啲。諗住食飯，右手拎住個電話睇menu之際，有個著黃衫嘅職員立即飛奔過泥以身護menu，話唔準影要影就影海報What?!首先我只係拎住個電話，而最估唔到嘅係佢個menu上面真係貼唔準影相，真係笑咗出嚟不如唔好放menu係到啦，唔俾睇唔俾影，行埋去睇都唔得👎

帶家人來看大佛，昂坪風景真不錯，心情大好，不料食飯踩雷，這家店態度非常差，老闆不會好好說話，老闆應該是不差錢，根本不想好好做生意。看到附近就這家中餐本來想支持下沒想到這樣，還是去鬼佬那邊吃吧。價格已經不便宜，還這麼不會好好說話，態度還差，真是無語了。建議想歷練下不同爛人的可以試下這家店，絕對讓你驚艷，非常值得修行！估計老闆也是來幫助大家歷練的大善人，值得體驗。不過建議可以嘗試下直接和老闆溝通！會有奇效！

放假就想岀外走走，自通關之後，到處都人頭湧湧，所以就想去戶外唞啖氣。想去大嶼山行吓又唔落大澳，昂坪係一個好選擇，除咗去食齋，唯一有嘢食嘅地方就係昂平市集。不過呢度嘅食物就唔好對佢哋有太高期望。自有次發現松坂嘅食物都唔差之後，基本上每次去昂坪都係走去食嗰間，食物嚟講其實就係日本嘢，份量都算大份，其中有個牛肉他他手卷都值得推介（今次冇食），不過佢哋嘅服務就越嚟越差（可能佢係多客啦），岩岩去果次就發現入面嘅員工完全冇禮貌，個疑似男老細就西面串人，下次去昂平我寧願食門口嘅雞蛋仔

叫了個牛扒定食，$188，普通生菜切絲，見到吾想食，個牛扒食個陣己有少少酸，好多筋，咬吾到，好鞋，味道非常差，因為太餓，又唔平食了落口又吐出來，諗住食白飯，飯又唔熱又吾好食，唯一飲了個麵豉湯，$188 飲了個麵豉湯，一餐廳冇乜人食，見門口d服務員笑笑口又招生意肚餓就唔諗咁多，預咗吾好味但冇諗過難食及求其到咁，中伏到－個點，真係好失望，其實旅遊景點點解要整到咁難食又唔平？？人生第二次負評希望唔好咁多人中伏而己！！

總結：間餐廳真係勁cheap 勁無良😡😡今日大年初三，去大嶼山會一會大佛，因為屋企人有老人家要食飯，而餐廳只有一家合適，沒有選擇之下就簡左食依家餐廳。係門外見見價錢都偏貴，但都預左呢d地方會貴出平少少。我自己叫左個飯牛柳粒飯要$168，唔包野飲。等左陣就上菜，啲嘢食份量又小，得六粒牛肉，又鹹到死，唔好食之餘填唔飽個肚，地下勁多垃圾勁污糟😕😕本身無期望都算，但賣單個陣個收銀同我地講要加20%服務費，賣單成$200蚊。貴到痴晒線。重點由頭到尾無人講過頭加20%服務費，得最後收銀個位有粒細細粒寫（好似50蚊紙銀碼數字咁細），後面其他客賣單都同我一樣呆左😡😡😡間餐廳真係勁cheap 勁無良😡😡，人地髮廊都會係餐廳大大隻字寫新年加廿蚊，估唔到第一次黎有咁既回憶，係大佛既餐廳原來咁無良😡😡🤬🤬

今日叫左三個餐，一份吉列豬排番茄湯拉麵，味道可以，一份吉列豬排豬骨湯拉麵，味道可以，一份鐵板雞排定食，味道都可以，環境比較迫，如果系定食例如加個沙律或者蒸蛋會比較好

今日由東涌行山入到昂坪,路程大約三個鐘,去到昂坪市集,想揾嘢食補給吓,但部分食店關門,選擇唔多下,揀左呢間日本料理醫肚,呢間店主打刺身,拉麵,鐵板等套餐,餐廰唔算大,但坐得幾舒服,加上入到去唔多客人今次就點左個花錦角切魚生飯（$138）,個飯有幾款魚生,有三文魚,吞拿魚,元貝,希靈魚,全部刺身切到細細粒,容易食,幾款魚生味道唔錯,仲有兩件玉子,一條蟹棒,仲有蟹籽同三文魚籽,當中三文魚籽味道濃郁,係成個飯嘅精椊,只係個飯稍稍乾身,下次加多些醋會更好仲有個餐包一碗麵豉湯,湯味夠濃但偏鹹,另外加多$29飲杯凍檸茶,可以解解暑食完成個餐覺得價錢稍貴,但都尚可以接受

上到嚟昂坪360🚊環境好清幽⛰️正當要搵食之際心諗唔知係咪淨係得齋食🥕就見到呢一間舖⛩️呢到可以坐室內或者室外，今次揀咗室外今日天氣唔熱，有dd涼風🌬 坐室外好舒服。餐牌都有好多選擇，一般飯湯麵都有。今次揀咗胡麻冷麵🥗可以清淡d之餘唔洗食到個人熱辣辣咁🥵上菜速度真係略慢不過上到嚟係慢活嘅節奏所以都無所謂😁麵嚟到了，睇落偏細份，不過食落夠肚嘅！冷麵係有火腿🐷、青瓜絲🥒、奄蘿蔔絲🥕、鳴門卷絲🍥同埋雞絲🐥加胡麻醬整成嘅。食落清清地 最重要夠凍！🧊好開心！你地下次可以嚟試下😁

平日去昂坪市集，門口姐姐熱情介紹。佢話睇下餐廳入面滿座，都係本地居民；入到去發現其實係維修天壇大佛既建築工人🙃算啦，都坐左入去。🍴牛肉西冷扒照燒定食 $158 😔 非常勉強算正常厚度，但呢個價錢而且要加一，會期待厚多少少+無咁韌😒 白飯細碗+唔夠熱🥲🍴行運雙龍捲 $168 🈴 等左好~耐，友人食完定食先上我個捲。等待期間，連店長都忍唔住問我地係咪嗌左一個餐😒 純粹講個捲係OK，蝦係新鮮炸既😌☕凍/熱奶茶 各1杯 🙂 最正常 + express (尤如店名) 救番呢餐飯但整體✴️11點幾近午飯時間入座，陸續有客人入座，廚房應該要準備/安排得再快D，接連聽到有侍應同客人講壽司要等😬💸加一服務 😓 其實似茶餐廳💰只收現金 / 八達通

限聚令下未能參觀天壇大佛，繼續向前走到心經簡林伸展一下，最後拆返 360 歇歇休息。兩口子包晒整個廣場及所有餐廳，眼觀四周空無一位遊客，只有餐廳員工及清潔工人，格外寧靜舒適。路過四眼後生仔落力推銷又大讚成個市集我地餐廳最好食，唔食就走寶喇！好好好，我就坐低試試吧，還掂巴士還有段時間才開出。Asahi 啤酒，罐裝啤酒跟生啤無得比，而且唔夠凍呢。青檸梳打，酸咪咪帶少少甜，夠凍醒神，但太細杯一啜無晒。辣豬骨湯紫菜餃子拉麵，迅間送到熱騰騰！賣相已給我不妙的感覺，非常港式拉麵的畫面呢。百份百即食拉麵的味道，百份百即食濕拉麵的質地，極似莜麵。辣豬骨湯粉係我食過的即食湯粉味道一模一樣，湯汁堅夠濃夠辣，忍不住飲多兩啖，額頭有少少冒汗。廿成熟烚蛋，蛋白蛋黃都太老啊！現成外購餃子餡料包得鬆散空盪盪，餃皮滑而略硬，厚身不彈而鞋鞋的鳴門卷片。遊客區價錢高一點實屬正常，整體色香味入得口唔難食。

天寒地凍，行完山之後都差唔多5:00先去到昂坪市集，喺昂坪落返東涌之後又冇嘢食喎，於是就喺嗰度周圍搵嘢食，附近嗰啲大排檔士多，可能因為新年嘅關係，一碗公仔麵兩個餸要$50，於是我就行咗昂坪市集睇吓有咩嘢好食。呢間舖頭嘅人都好有心，亦都可能因為冇乜客嘅關係，好主動咁去推介佢哋嘅嘢食，特別特別特別係，消費滿$100就有一張由昂坪番東涌嘅車票，價值至少30，因為我去嗰日係公眾假期。所以二話不說，就入咗去食嘢，店員服務態度幾好，刺身飯嘅質素都唔錯，仲叫咗個牛肉拉麵，不過啲牛肉就一般啦，志在食到餐飯又有免費車坐，都算係一個超值嘅選擇。

黎到昂坪，對食物質素就不能有太大要求。 今次午餐點了叉燒拉面，蒜香牛柳定食，雞肉炒烏冬，鰻魚炒飯。因為只是普通lunch set，所以唔單一比評語。 大體上味道正正常常，唔會有太淡太咸，味道正常水平，但唔會特別好食或唔好食。服務方面，侍應服務態度好好，好積極及有禮貌，值得讚許。環境方面，雖說是乾淨，但比較迫，不過以呢個地方，中等價錢，都不能要求太多。總評，一間正常普通既餐廳，不會有伏味，但無驚喜，只是為去昂坪玩，而中途醫肚，都可以試下。

同友人坐昂坪360，一到步就去覓食，見到呢間話係唯一一間明火煮食就決定試下！環境日式，四周都有宮崎駿動畫嘅相！野食方面:👉🏻咖喱吉列豬排奄列飯$128咖哩正常發揮，吉列豬都脆皮嘅！不過奄列蛋唔滑就好失色！👉🏻辛辣三文魚炒飯$128炒飯都乾身，不過食唔岀好辛辣！👉🏻西冷牛扒照燒定食$158等左超過20分鐘。。。味道尚可，牛扒嘅肥瘦比例都唔錯！無lunch set，又唔包野飲，味道亦唔算岀色，所以覺得唔係好抵

有隻米奇老鼠吸引我去看餐牌點了雞扒拉麵，牛肉咖喱蛋包飯我要求雞扒拉麵個雞扒另上雞扒個皮脆卜卜咖喱有層次，不過有少少辣價錢合理侍應熱情招呼，態度非常好唔錯！💛💛