松屋日本料理 (已結業)

以前一向都不喜歡日式放題，因為，1，食品水準好一般、2，點的不會來，冇點的就自己走上門、3，地方通常狹窄、4，沽清的食物唔會通知你，點咗唔唻大家心照。有了不愉快經驗，對呢類餐廳有戒心。其實之前都幫趁過尖沙嘴店，不過因為太多人擠在一起，印象麻麻。今次幫趁長沙灣店，印象改觀。串燒即叫即燒，正。泡菜及芝麻雞翼，都正盒裝綠茶任飲，食物味道唔錯，都是熱騰騰的端上檯，冇漏單，抵讚。

正 正正 首次寫食評!今天兒子生日,所以去了這家食評比較令人滿意的嘗試! (1)服務ok,食物合我口味,三文魚好新鮮﹐鮑片好味,香芒炸蝦卷正,枝豆新鮮串燒好多款,最正係羊扒,我吃了4件.金菰牛肉卷同蝦天婦羅ok (2)明太子雞翼略嫌鹹,翡翠螺有沙,雞腎略韌.希望改善 飲品 有多種選擇.啤酒(喜力)罐裝任飲 總括來講﹐下次都去這間!

朋友放假想找個地方食飯兼吹水, 首選梗係松屋, 價錢合理之餘食物質素唔差, 以前幫襯開尖沙咀分店, 但搬左去佐敦後只去過一次, 因佐敦分店現在得個亂字, 所以今次揀長沙灣分店,未去過不如試下啦!一上到去個環境唔錯, 地方又夠乾淨, 夠靜啱晒傾計, 又沒有個疑似老闆嘅人騷擾, 食嘢和傾計都暢快和開心D!三文魚好新鮮﹐鮑片好好味, encore左幾次, 牛油果軟殼蟹手卷和香芒炸蝦卷都唔錯。串燒 – 好多款都燒得剛好﹐味道亦不錯, 最正係羊扒和牛脷。番薯係紫心品種﹐好香好濃既番薯味。明太子雞翼﹐芝士年糕, 海蝦﹐雞腎, 冬菰係必叫。煙肉車厘茄比想像中好味﹐煙肉唔係燒到脆卜卜超級熱氣果隻﹐反而係好淋好juicy﹐連酸酸地既車厘茄一齊食好夾。金菰牛肉卷同蝦天婦羅都不錯。枝豆都幾新鮮﹐用黎餸酒就good晒!雪糕 – 有四種﹐芝麻﹐綠茶﹐紅豆同菠蘿。每款都不錯﹐但本人鐘意菠蘿多D。叫左三個round。飲品 – 差不多有十種選擇。啤酒亦任飲。總括來講﹐依間服務又好﹐侍應又nice和主動收碟同冇漏過單, 真係要讚下個經理, 管理得幾好。我同個friend都好滿意, 下次有朋友生日和結婚週年都黎依間分店先

中秋節.... 因為我同男友的家人都已經提早做左節......所以正日, 就得兩個人撐枱腳........週圍都好多人.... 男友提議去番長沙灣松屋.......貪佢靜靜地......成日覺得佢個門口好唔掂.... 驟眼看似係財務公司多d.......上次去這裡食放題.... 水準比尖沙咀的那間差好多......好多都係一面未燒過.... 但係另一面卻燒燶了.....但係勝在坐得舒服.... 可以悠閒d........而且經理同服務生的態度.... 全部都好殷勤有禮.... 抵讚....九時入座..... 大約只得4成滿座.......立刻叫了一大堆魚生串燒..... 四人桌都放滿.... 好滿足.......爐端燒.... 如果要逐串計錢.... 真係好肉赤......現在大口大口的吃..... 左一串.... 右一串......仲有啤酒汔水任飲..... 真係爽........今次燒物明顯比上次進步左好多......起碼無燶.... 同埋燒得火路均勻好多.......魚生貨式一般.... 尤其貝殼類.... 略嫌切得太碎.....但其中有一次.... 係好靚既三文魚腩.... 嘩

一行3人,,,睇戲之前諗住去食放題朋友話想試下食松屋咁就去左食5:30去到開波...基本上無乜幾台所以完全唔洗等我地幾乎樣樣野都有叫....剌身其實算新鮮不過師傅切到好似一粒粒咁三文魚直程有少少散....唔記得咩貝就幾爽口既鮑魚片我覺得似素鮑魚囉鯛魚一開始未解哂凍食都ok...放左十分鐘就已經勁腥壽司就算唔錯飯唔太大舊唔會太飽...而且個調味做得好好甜蝦都算幾新鮮不過個吞拿魚沙津卷就嚇親我地外層係一d粉紅色唔知咩既東東....至於燒物基本上調味幾好食物未去到好味..但不過不失啦牛舌我地點左幾轉...因為算成晚比較出色既一味雞腿菇都幾新鮮..可以推薦而炸物真係似用水煮熟再加少少粉炸兩炸就比你食咁完全唔覺得香口好味真係叫左一轉已經唔再叫其他食物都令人失望肥牛金菇都唔太好味就真係無話可說枝豆仲要似街市短身貨色...用水煮熟、上碟雪糕亦未別特別維他貨色啦....不過不失結果未食夠兩個鐘已經走左總括黎講以148加一既價錢去食一餐種類少、味道一般既放題我去食回轉壽司都可以抵食過佢

星期五見放假又見到廣告松屋有個Happy Hour 時段, 由5:30-7:30, $138一位, 於是同老公近近地去左新開係長沙灣果個死位道松屋試下呢個時間既好處可以慢慢食又唔多人, 服務都好好, 換碟換得好快又無物漏單, 刺身款唔多勝在都算新鮮, 至於燒物有時好鬼咸有時好鬼淡, 第一次叫既天婦羅好鬼多油, 懷疑佢D 油溫未調好, 但低其實D 蝦都好新鮮, 第二次叫果D 正常好多加埋一每人$152 都OK, 可以一試

當日黑雨, 約咗個friend在松屋吃放題, 5:45便到達, 7:30埋單, 吃了二小時, 有很大的驚喜!環境方面 : 出乎意料, 不擠來擠去, 經理還給張卡位我坐. 服務方面 : 很有禮貌. 不論是經理或侍應都一流, 收碟又快, 值得一讚! 食物方面 : 出得很快, 沒有漏單. 刺身款式比較少, 也沒有貴價刺身. 雖然味道一般, 但因為是厚切, 所以有口感, 加上有鮑片, 補返數. 推介 : 鮑片, 翡翠螺 燒物及炸物 : 很熱, 感覺是即叫即燒/炸, 不錯. 天婦羅炸粉不算厚, 可以接受. 羊扒好吃. 牛俐麻麻, 沒有味. 牛頸脊不錯. 最哀冇芝麻雞翼, 侍應介紹明太子雞翼, 但味道一般. 這裡竟然有豬大腸串燒, 很好吃, 本人吃了二串. Yummy! 推介 : 羊扒及豬大腸.飲品方面 : 不錯, order 熱柑桔寧蜜, 甜味適中. 總括來講, 以$150 吃到這質素的日式放題, 非常超值. 有時間會再去.

呢個鋪位又係一個死位，由五十嵐開始就不斷的易手，轉了四至五手，轉到頭都暈。今時今日，到了松屋日本料理。環境沒什麼特別，不在此長氣，單刀直入談食物。放題形式，刺身、壽司、天婦羅、炸物、串燒等等，任你吃個夠。反正是任點任食，由朋友話事，叫咩我食咩。先刺身，三文魚是厚切，但未算鮮甜，中規中矩；鮑片要好一些，幾爽口，不韌。若刺身屬中等水平，壽司就是不濟。飯糰握得不好，吞拿魚非常差，不單唔甜美，甚至有渣；魷魚幾韌，欠缺鮮味。天婦羅也來幾款，炸蝦、蕃薯、茄子，炸得鬆脆香口，不會油膩，後兩者我覺得不錯，可惜蝦肉有點霉，太浪費了。至於餃子，皮又厚又硬，過份乾身，我唔欣賞。再來是腐皮蝦，外皮韌韌的，蝦總是霉的，不行了；炸廣島蠔，色澤不錯，可是粉漿是厚得過份，蠔細得離譜。翡翠螺幾大隻，厚肉，又幾爽口，可以接受；枝豆一向是我喜歡的食物，爽脆清新，我吃了不少；炒什菜則稍嫌太油。串燒自然少不了，牛舌爽而不韌，味道好；鵪鶉蛋香口，口感實在；粟米有少許燶，幾吸引；紫心蕃薯，又甜又軟身，也好吃；幾款串燒，均吃得過。最後就是雪糕了，有香芋、綠茶、芝麻和菠蘿四種口味，我只要了最後者，貪其清新，雪糕裡頭有粒粒果乾，更有層次