松記糖水店

營業中

休息中

这家店深夜和朋友一起去的，门口很多等外卖的，好在店里有位置，就是位置特别挤，他要求一个人至少点一份甜品，我们三个人就一人点了一份，几十的价格一份量很大的甜品，同样价格有的店只能买到很小一份，感觉非常实惠加满足，味道没得说，很赞就是了。

一個字：伏。兩個字：勁伏。經過見到間松記，心諗分店應該都唔差啦，話晒松記都幾好味幾出名，就諗住入去試吓啦點知抱住個期望入咗去，就坐低叫嘢食啦，點知個服務員黑口黑面，第一感覺已經唔爽，啱啱入到去坐低問佢拎個餐牌姐，都要黑口黑面，算數，食糖水重要啲，仲要落漏單問佢仲要同我哋講，啲嘢冇得轉。我好疑問地問佢，我哋兩個人食叫咗兩份，你呢一份冇落到喎！然後佢先至再加一張單……落漏單唔肯認超級難食，芒果又酸，好似壞咗咁，西瓜又係，個西米又硬，應該未熟，食落感覺好似擺咗好耐咁，勁難食，個碗有少少痴痴立立的感覺，環境衛生唔乾淨，唔會再去

今晚係太子食完飯唔係咁飽，經過依間松記，諗住入去食返個飯後甜品。我叫左個榴槤水晶涼粉，我朋友叫左杯西瓜滑冰。一黎到碗榴槤水晶粉，我即刻被果球榴槤嚇壞咗,份量少得可憐半球都無，唔係質素差到咁呀？我即刻同店員講，我之前食開都唔會得半球都無，個店員幫我去廚房嘗試換過球，點知廚房回覆份量係得咁多，無換到就原碗返出嚟。真係激到我一肚氣，旺角太子糖水真係可以有好多選擇，但咁無誠意嘅甜品，真係今生今世唔會再有下次。bad list

🌝好心你唔係台式黑珍珠你就寫出嚟或者貼幅相出嚟整咗啲咁嘅嘢叫做黑珍珠搞到我買咗啲自己唔鍾意食嘅$45得個得咁少 啲雜果得四舊 只有西瓜同哈密瓜 呢個叫雜果？而且啲芋圓一啲都唔彈牙根本就係啱啱解凍嘅一個粉團係就係真係好有芋頭味簡直覺得自己食緊成個芋頭但完全唔好食 好硬打返電話去問係咪比錯外賣佢話佢冇比錯 我哋啲珍珠唔係台式珍珠上面嗰啲黑色一粒粒就係㗎啦我真係聽到頭都大埋唔怪之得嗰度冇咩生意 睇嚟係我俾錢去買教訓🤦🏻‍♀️🤦🏻‍♀️

松記好多年歷史，嚟親唸唔倒嗌咩，我都會嗌哈囉 Hello，因為這個是招牌之一，又咩都有，有黑珍珠、涼粉、椰汁糕、咋喳、紅豆、腰豆等等，加埋鮮忌廉同芒果汁，口感十足。但覺得可以用一個大d的碗，未開始食已經滿到漏汁，放隻匙落去都要好小心，好難搞。友人嗌左一個芝麻薑湯湯丸，湯丸煮得剛剛好，天氣轉涼飲番d薑水暖下身都幾好。今日平日晚上7點來到，可能大部分人未食完晚餐，無咩人。舖頭有d殘舊，餐牌有點污，有待改善。

唔想講太多直奔主題，叫了一個丸子芒果西米露➕芋圓，朋友叫了丸子芒果紫米露，芒果酸就算了，但還有點爛是什麼意思？生意不好就可以將貨但不就價嗎？丸子不煙韌也就算了，咬在嘴裡像是吃了一顆不熟的麵糰😡特別➕了的芋圓也是一樣的口感！45蚊份迷你糖水對於一個鐘意食糖水的人，我都食唔曬啦！算罷了！永遠唔幫襯就是啦！

太子分店水準不一，今次叫個外賣自取返屋企食，我嗌左個金枝玉露+黑珍珠。用匙羹一畢心裡頭第一時間話「咁稀嘅！」外賣就算左貨不對版，點知食緊果陣，食到一舊舊未搣得唔夠爛柚子而食食下居然仲食到芒果皮 真係咩胃口都無晒

好耐無夜晚係街食糖水了，個日同朋友食完晚飯後，就去松記食糖水。 我已經好耐無去松記，記得以前有香芋味綿綿冰，唔知係依家無左定呢間分店無呢。我點左summer，雪糕要oreo同士多啤士味，再另+$6芋圓。不過佢送上枱既時候，我同朋友都呆左呆，覺得好似好細碗咁，幻想應該成碗好滿咁🤣 定係我地真係太耐無食呢。雪糕好味!大西米都好味，煮得好煙韌👍水果都新鮮同甜，但就細份左dd咁🙈我朋友都點了summer，2球雪糕都配oreo廿味。

個皮好散，應該隔咗好多日。咁簡單既班戟都做得咁差真係好失望。另外朋友點的芋圓，又係散，同店員反映冇反應，雖然最近生意差，但如果唔保持食物質素只會更差。雖然我唔會再幫襯，但都希望貴店認真檢討。

2月21日晚上11:30 買咗兩碗幻彩明珠外賣，返到屋企打開一望，嘩，外賣碗都只係裝得三份二滿，食第一啖，淡味到爆，發生咩事？望真d，得d花奶同糖水味，鼓起勇氣再食多啖，點解冇芒果味嘅？搵晒兩碗糖水，一粒芒果肉都搵唔到，連芒果汁都冇，發生咩事？睇下有咩水果， 得西瓜，哈密瓜，涼粉，加d珠，係咁多，咁樣收我$35蚊碗糖水？我試過咁多間松記，呢間肯定係我食過最差嘅一間，一定冇下次，亦勸大家都唔好晒錢幫襯。

同好姊妹👭🏻係附近食完雞煲, 👧🏻話想食甜品, 所以就周圍行下睇下食邊間好, 行過見到松記, 大埔分店已經食過好幾次, 覺得都幾唔錯, 於是我地就決定試下e間分店😊 我地叫左兩個綿綿冰🍨, 落單後10分鐘到就有得食啦, 仲係咁大碗, 正!😆豆腐味綿綿冰🍨豆腐味都幾濃郁, 口感鬆化, 入口即溶, 入面仲有好多益力多味爆爆珠同雜果啫喱, 甜甜酸酸好好味😊芒果益力多雙色冰益力多味比芒果味更出, 同樣口感鬆化, 份量亦非常多, 幾抵食!😋

服務太差，食芒果仙草凍，只有芒果系凍，其他配料一d 凍都無。服務態度又差，同個個女仔和肥仔伙計講點解吾凍，當然佢答，系甘架啦。千奇吾好再去食。呢種服務態度完全吾得。朋友食珍珠綠豆冰，系完全一粒冰都無。系要同佢講先幫你加冰。呢d 服務咪叫無奇不有。

每年臨近新年的時候，旺角花墟便非常擠迫，今天我也湊湊熱鬧來到花墟買年花。逛了差不多一個鐘，已感覺疲倦，於是便決定在花墟附近找間食店坐下抖一抖。最後來到了太子道西松記糖水店。這裡甜品選擇很多，有中式的也有西式的，有熱的也有凍的。我們二人各選了一個熱食的甜品。薑湯芋圓地瓜圓 ($22)這款是此店推介甜品中的其中一款。薑湯味道適中，有甜有微辣，容易入口。芋圓的芋頭味不濃而地瓜圓亦欠地瓜味，兩者只有甜味，但可取處是吃起來非常煙韌。海底椰馬蹄露 （$30）這甜品顏色悦目，黃色的蛋花加上清爽的馬蹄片，討人喜歡！海底椰雖是微硬，但仍清甜。整體而言，這甜品的甜度可稍為淡些。

忙裡偷閒走一走花墟，扮下佛系少女。手捧束花，悠悠走進糖水店“松記“。感覺傳統糖水配上今天的自己會有點土，最後點了-芒果脆脆金磚。微胖的職員哥哥，窩心地提醒了一句：大概要等10分鐘。場內播住好耳熟能詳的音樂，不會悶到哪裡去金黃脆皮，內裡有鮮甜芒粒，配上滑捋捋的甜奶油，一口一件。再放入一口朱古力雪糕，真的要高呼一句：今日好充實丫。多數香港都在忙碌中過活，一個普通打工仔的午飯時間都只有一小時，而我就花了45分鐘左右，去品嚐一個甜品，感覺有點奢侈

前幾日去開旺角食飯，食完時間仲早，就諗住去食下糖水，於是就諗住就腳咁去搵間松記食下。 旺角依間松記都幾多位，而且可能我地算早，都有位。 點知叫完之後，食落口就覺得後悔。 我叫左個芝麻糊加芝麻湯圓。 湯圓就仲係好味，咬落去D芝麻流哂出黎，但係碗芝麻糊就唔多ok，甜味比較多，無咩芝麻味，又溝左水咁。 我朋友叫左個summer ，但係我朋友就話差左好多，最後都係食剩左。 不過都比另一位朋友的好，佢叫左碗合桃糊，佢話只係得甜味，最後食剩大半碗。 係旺角咁大競爭下，希望之後會有改善。