松記糖水店 (已結業)

今日諗住同朋友黎食糖水，全間舖都唔夠人，我地未落單已經見到好多枱人話唔食走，咁都試下啦！我地7個人嗌左7碗野，有碗追左4次單都仲係講錯其實唔夠人咪早啲收舖囉⋯⋯系度漏晒單，個個食客都食得唔開心。我同朋友都唔會再黎食嫁啦！

今日我去買腐竹糖水加奶黃湯圓同幻彩比珠糖水外賣。番到屋企我嗰碗腐竹糖水係酸架而且腐竹糖水嘅腐竹散到一嚿嚿完全同平時唔同。另外，幻彩明珠糖水嘅水果好粉狀而且勁少花奶和芒汁(PS.我要求多花奶同多芒汁）佢淨係得一半花奶同芒汁。尤其幻彩明珠糖水嘅水果之中的奇異果最奇怪，好粉狀好似變左。我最嬲啲事係打去松記講糖水變左，之後佢同我講：「一係你番黎間店換或者退錢。」我同佢講：「依家夜晚11:00，你叫我番黎換？」之後佢同我講：「咁你留低電話號碼，明天比番新嘅糖水比你。」我心諗想食個糖水都咁難，以前松記做嘅糖水好出色相比依家真係好垃圾！唔止淨係依間做得差其他分店都唔好食。

送女友回家，紅過糖水店，就入內一試。叫了兩碗傳統中式糖水，一碗紅豆，一碗綠豆。糖水份量係足夠的，不會太稀，這點但得稱讚。但味道方面，紅豆可以接受，不會太甜，而綠豆就有椰奶香味，比紅豆好味，但和以往相比，味道沒以往般好。但店鋪很闊落，坐低談天消磨時間一流。

琴日同女朋友去完街9點10點，諗住食埋個糖水先翻屋企啦，諗住松記糖水咁多分店，會穩陣唔會難食，老實講之前食過佢嘅湯圓係唔錯，雖然未去到好好食，今次叫咗個西瓜滑冰同檸檬芝士脆脆木糠，遠睇見到杯西瓜滑冰都唔對路，正常深紅色，杯野係淺粉紅色，一飲甜水味加小小西瓜味，大佬你賣成29蚊杯都整到無心做，檸檬芝士嗰個招牌 檸檬清潔劑味極重，雪到硬到食冰咁，食緊檸檬香精冰咁。見到成個鋪頭都係18-20歲嘅後生女做包括廚房，係咪應該要搵翻個有經驗嘅人睇下廚房呢！？不會再光顧多次！

今日下午一個人悶悶地，又想食甜野，就去左屋企附近間松記，諗住叫碗芝麻糊食，點知真係令人好失望，味道唔夠濃之餘，好明顯見到係用粉開，唔係即磨既，因為碗裏便有一大舊凝固咗嘅芝麻粉不過算啦， $23碗，又唔可以要求太高既！只係以前食過寶琳嘅松記，印象中好好味，次次都要等好耐先有位，點解牛頭角依間搞成咁。。

呢間松記糖水店，我已經分别幫襯過銅鑼灣、長沙灣、佐敦及觀塘。今日途經牛頭角，所以咪入去試吓啦！店舖很闊落，裝修以簡單整潔為主，座位寬敞，使食客坐得舒適。糖水及甜品的種類繁多，價錢大眾化，係抵食糖水店之選。今次我揀咗鮮奶燉蛋及合桃杏仁露，燉蛋夠熱，但唔夠滑，食到尾出哂水及比較稀。合桃露尚算不過不失，但睇得出杏仁露並非即磨之餘，用杏仁粉開也欠缺專業水準。因為冷熱水控制不當，會出現如漿糊般未熔的硬塊。正正是敗筆之處！可能今次只係小店一時失手，希望日後仍然能夠保持一貫的水準！

呢碗芋圓仙草珍珠雪糕既配搭好正😋芋圓同珍珠食既時候都仲係暖粒粒 番薯同芋頭味都好出 仲要係軟綿綿😃仲有紅豆口感唔硬 仙草凍個味唔會太重令到似涼粉味 唯一嘅問題就係個曲奇雪糕.. 唔知我咁岩得咁橋定係點 兩次點呢一個曲奇味嘅雪糕 都會食都有榴槤味😭 但係我好憎榴槤...希望佢哋可以洗乾淨啲個雪糕挖..因為真係有客人唔鍾意榴槤陣味😥

平時同朋友聚會食完晚飯有好多說話都唔係好夠時間說完，就會搵間甜品店食個甜品再繼續，呢間松記就係九龍灣德寶，勝在夠多選擇，有中式甜品又有西式甜品如心太軟等，迎合到唔同朋友的需要～

同以前完全唔同,d味道，質素，連雪糕球都唔係多味道選擇，仲要去到個陣(ard 10 點幾夜晚)，涼粉又冇，綠豆又冇，連要個綠茶味雪糕球都冇，好差，員工應該起客入舖個陣同客講好多野冇唒，而唔係入到去叫咩冇咩

一向有食松記糖水，但這一間每食一次就發覺越來越差，食過黑珍珠糖水淡而有少少怪味，太稀....食過涼粉又無加花奶，食過番薯糖水有少少苦等等...好失望..唔會再食了...因為我多數叫外賣、所以沒有拿去退回，我覺得佢啲糖水已經唔係平，但員工做出來啲糖水有怪味，花奶加水所以好稀同淡，又或唔記得加奶，好無heart,已經比多幾次機會，但都唔好食，呢一區有好多糖水鋪，唔會再食松記了，好失望☹️☹️☹️☹️☹️

適逢去九龍灣行街，行到累了就找地方休息一下，於是去了想試好耐的松記食糖水～之前路過都見到好多人棒場，今次係下午去☀️唔使排隊就食到了❗️————————🔹Summer $33 📍7/10呢個係每次必食，因為它份量多同平💰裏面有好多種生果，有芒果、蜜瓜🍈、西瓜🍉和奇異果🥝，仲有大粒珍珠！加上芒果蓉和花奶，再配上兩大球自選雪糕，真係好豐富😍今次叫左綠茶和曲奇雪糕，但冇乜特別～生果亦略嫌唔夠凍和唔夠甜，有點失望🙃🔸檸檬芝士脆脆木布+雪糕 $32 📍6.5/10之前喺另一間分店食過木布，好味到令我念念不忘，今次決定要翻尋味！可惜一見就覺不妙⚡️木布由透明膠盒裝住，所以一看就知餅乾碎落得唔夠多，忌廉和餅乾比例不均，賣相很差😐成個木糠布甸亦雪到超級硬身，一切就散，還帶點人工的檸檬🍋酸味；面上甜甜的粟米片碎亦不能中和過酸的木布😔幸好芒果雪糕不錯，不是平價雪糕的水平😆

今日同朋友早左少少食飯，於是去松記食個糖水，可能時間有啲早，所以吾洗排隊直接就有位我地叫左三份甜品，平均價錢都係$33～40，價錢便宜而且質素都算吾差我覺得雜果涼粉同summer都普普通通，平常味道，最好味係芒果綿綿冰我地加左oreo 同爆爆珠，禁熱既天氣食冰，成個人透心涼好爽

松記糖水既味道唔係話好好，但勝在選擇多，西式，中式同台灣糖水都有得揀。難得同外國交流生一齊去美荷樓住一晚，所以夜晚就帶佢地係附近搵野食。出黎既時候已經九點幾十點，好多鋪頭都關門了，唯有去食糖水啦。我地個個都叫左唔同既野食，我叫左個紫薯芋圓仙草加芒果。芋圓講真質素就一般，唔夠煙韌，紫薯泥食落都唔夠香甜軟滑。仙草就係普通既仙草，整體黎講不過不失啦。唔係特別好味，但都唔差。夏天熱熱地食一碗仙草凍都幾爽既。

近排天氣咁熱，真係想食返啲凍野解一解暑。結果去完淘大行街就去左位於九龍灣得寶商場既松記糖水啦。因為都係下午時分，所以入到去客人就唔算多，啲staff都係係度食緊飯休息緊。所以坐落都算係幾舒服。黎到松記就緊係食佢地既綿綿冰啦，老實講佢地既其他甜品就真係無咩特別，不過綿綿冰就好ok啦。 我地今次叫左個綠茶綿綿冰+可可脆脆+紅豆。如果你地幫襯過其他舖頭既綿綿冰都會試過用隻匙跟一壓就成個綿綿冰扁哂。但係松記既就唔會啦，係好足料既。所以就會食到好濃既味道，食完唔會好似食左陣風咁。至於配料就無咩特別啦。

淘大食完飯，行去得寶松記食糖水，因爲覺得呢間好食啲咁，又坐得舒服諗左好耐都諗唔到食咩，於是周圍望下見到季節限定既「黑糖薑母燉花膠」，一於試下。黑糖薑母燉花膠 $50點果陣店員已經特別注明製作需時，需要等20min！呢個燉花膠真係好正，當然唔好諗佢果啲係咩花膠啦，$50 都唔會話俾啲靚花膠你啦不過佢果陣薑味真係超濃郁，黑糖味又唔太甜，仲有幾粒芋圓，我就最鐘意超重薑味，真係冇得頂，正！一試愛上，下次一定要再來飲！