松記糖水店 (已結業)

坊間越嚟越多形形色色嘅糖水店！！可能好似D人咁講食甜品有另一個胃啦！！所以好多人都會飯後食甜品！！先會覺得為食嘢畫上完美嘅句號！！其實我個人平日比較喜歡食西式蛋糕！！今晚想轉轉口味！！去左牛頭角得寶花園嗰間松記買糖水番屋企食！！今晚我叫左個芒果奶凍！！一打開盒蓋巳經好有驚喜！！大大粒多多嘅芒果肉鋪滿整個奶凍！！一啖食落口！！芒果新鲜香甜！！奶凍好滑好滑！！不過賣$33, 好似就有D貴咁！！不過一間糖水店有成二百款嘅甜品任你揀！！夠哂誠意啦！！温馨提示: 甜品買到番屋企後放入雪櫃雪一陣先好攞出嚟食！！會更加好味道！！特別係夏天這個季節啦！！

晚上我自己一個人去牛頭角嗰間松記度食糖水，嗰度某啲人態度真心覺得唔好、冇禮貌之餘，仲要擺到明當人透明。我本人並非需要什麼熱情嘅招待和服務，但係嗰間松記某啲人好似愛理不理、讕係有性格咁款個喎。嗰日人少少我揀咗個靠近廚房嘅邊邊位坐，我睇完餐牌之後想落單，於是向個侍應揮手，仲大聲講埋「唔該」，我好明顯見到佢望到我，但係個位侍應仲要扮睇唔到，讕係好忙咁款完全唔想理我,但係嗰日明明冇咩客人。咁都算啦,食食下野睇緊手機個陣，突然之間有另一個侍應行過黎無啦啦大聲叫我讓個位出黎！？？？佢嘅態度好似命令人咁款，語氣仲要理所當然好無禮貌咁，嚇到我呆左，都唔知發生咩事，後黎我先睇到佢想拼台比其他客人，但其實在那邊隔離台明明就有張空台可以拼的，真心想問佢係唔係盲嘅我真係想同嗰個臭串侍應講聲：我唔係唔肯讓啊，但係你都要講咩事先得噶，我叫聲你大爺好唔好呀？你做侍應想扮高冷扮有性格都要講聲咩事先至叫人讓位噶！其實我真係唔明，我唔知係咪我份人懦弱嘅性格去到邊度都係咁，我去食個糖水姐，大佬，點解都好似要俾人蝦睇，睇佢面色咁。😵😵😵😵😵😵好，反正又係賴自己反應太慢,所以又俾人當老陳咁點。

完美的聚會當然係以甜品作結!!今次去九龍灣揾食係人都知淘大有好多糖水鋪數數下都成5，6間但是懶得行就搵左得寶最出個間松記食老字號不過不失，唔會有驚喜街坊生意純粹過下口痕

一路以黎都好鐘意佢嘅芒果滑冰，我飲過嘅芒果沙冰都有一陣濃縮果汁嘅味，但係松記嘅芒果滑冰係真係新鮮芒果嘅味，真心推薦！(不過就千其唔好去九龍灣呢間)我飲左芒果滑冰已經飲左幾年😂(因為係屋企樓下)，俾左嘅錢應該有$1000+(無誇張 芒果滑冰一杯$30) 講翻態度問題，既然我飲左咁耐，我都認得d人啦，店員大部分都態度好差！！(好似除左一個瘦瘦地嘅黑髮阿姨)有次我同朋友去個度食糖水，夜晚9點幾，咁食糖水傾下計可能槽左d，個個啡色頭髮阿嬸就行過黎鬧我地：「同學！可唔可以細聲d啊！」真係好rude嘅語氣+凶狠嘅表情…嚇到我同同學即刻噓聲，快d食完快d走。其實宜家諗番，我應該即刻鬧爆佢！咩態度啊！我地宜家係消費者仲要受你氣？同埋個陣夜晚咁多人，又唔係得我地槽，又唔見你鬧d大人？！淨係識蝦學生！認住啡色頭髮個個阿嬸！無見過佢有一次好態度！(其實佢係咪覺得自己係老闆？唔係點解咁囂張？！)最后令我決定真係永遠都唔幫襯係前幾日又去買嘅時候，個日我病左，戴住口罩，咁我可能沙住聲咁話要芒果滑冰啦，又係個阿嬸就又鬧我啦喎：「講大聲d？」真係好rude個隻仲要超大聲！我都係唔怕煩去淘大個度食糖水好過去呢間度受氣啦

我之前唔知道原來九龍灣呢邊都有一間松記，你問係咪好【隔攝】?又唔算，但除非你咁啱行過或者有朋友知道先會黎食。是日黎九龍灣睇戲，食完飯點都要搵甜品食一食。今次叫左“南北杏海底椰燉雪梨”，我唔太記得實際上呢道甜品個名，熱食黎嘅，應該係餐牌上唔難搵。呢道甜品滋潤得黎唔會好涼，啱晒我地女士食。就算剛來完月經食都唔會有影響甜品唔算好大碗，作為飯後甜品剛好。食個陣發現原來呢道甜品一啲都唔算甜，甜度應該係以裡面嘅糖冬瓜造成，當然唔排除有另外加冰糖的可能性。🤔但食得出真係燉左好耐（點完之後隔左幾分鐘就到）。味道只有淡淡甜味，基本上食裡面的雪梨同糖冬瓜都已經冇晒味，海底椰就依然有自身的味道。味覺上層次感雖不豐富，但有滋補的感覺。如果平時唔太喜歡太甜嘅朋友，即管試試。我自己有時都好怕食完飲完好甜嘅野，之後成個口甜到笠，要飲清水過口。而呢個真心推薦，食之前最好等佢攤凍少少，因為都幾熱，若然唔食開熱食甜品的飯友，就唔好勉強。另外男朋友點左個芒果雪糕+班戟。佢話想試下新野，平時佢必叫係榴槤班戟。（有興趣可以睇我之前的食評）賣相都唔錯芒果雪糕好香芒果味，有些少似維記雪糕，奶味重。我覺得有種似熱情果雪糕個種香味，算

全店職員嘅面口真係令我唔想食 但屋企人想食糖水就算 服務態度有幾差唔講 d糖水又淡味 番薯糖水冇薑味 番薯唔甜 芝麻糊勁稀 不得不讚切Summer d生果嘅師傅 可以到d生果咁簿 但係d西瓜密瓜就勁大舊 d大西米份量又越來越少

牛頭角得寶商場「松記糖水店」，原本我一度把它幾乎忘記了，後來翻查手機的媒體庫，才發現先前在「松記糖水店」兩度試食都曾經拍下照片留為記念。既然我都曾經拍下照片，連店外門面都有照片，相請不如偶遇，那麼我還是在此發表一下我對「松記糖水店」甜品的意見。其實牛頭角淘大商場一帶，都有不少糖水甜品店，直至走到得寶商場竟然仍有驚喜發現。我在「松記糖水店」店外曾經看過他們的餐牌，留意他們有甚麼特別的甜品提供。結果我發現，他們多數都是售賣傳統中式糖水涼粉，刨冰不是沒有，只是他們賣的都是台灣的雪花冰。但是，究竟台灣的雪花冰，跟近年韓國大熱熱賣的韓國雪奶有甚麼不同呢？不也是同樣一大堆刨冰在碗內嗎？我在西貢的甜品店也吃過刨冰，但感覺始終只是台灣雪花冰，而完全沒有韓國雪奶的感覺啊！怎會完全沒有分別？說實在，台灣雪花冰，亦即台灣刨冰的主要製成刨冰材料都是水，然後靠後天淋上的糖漿調味。這種刨冰的原理，跟日本流行的刨冰有點相似，靈魂在於調味的糖漿身上。又或者，如果在製造刨冰的原材料刨冰上，加入牛奶成為牛奶味刨冰，又能不能夠做到像「韓國雪奶」般的美食呢？我曾經在「松記糖水店」試食過，但最還是發現「松記糖水店」賣的都只是台

此乃大伏🤦🏿‍♀️🤦🏿‍♀️🤦🏿‍♀️🤦🏿‍♀️話說成日聽松記松記終於有機會一試第一次幫襯見到喱個檸檬芝士木糠布甸佢話係推介 我平時又幾好檸檬嘅野 所以就滿懷希望嗌左啦點知🤦🏿‍♀️🤦🏿‍♀️🤦🏿‍♀️🤦🏿‍♀️🤦🏿‍♀️🤦🏿‍♀️🤦🏿‍♀️佢係雪到超硬身 一切就散仲帶點酸味但又唔係來自檸檬天然的酸 好怪好怪餐牌張圖嘅餅乾碎變左粟米片碎🤦🏿‍♀️食左一啖已經推左比同行者ko🤦🏿‍♀️完全食唔落🤦🏿‍♀️原本晚餐後打算食埋個甜品做完美句號點知比佢破壞原本美好心情🤦🏿‍♀️我以為係九龍灣分店嘅質素問題啦之後從朋友口中得知無人會係松記嗌木布的點都好 我都唔打算再試🤦🏿‍♀️芝麻糊也很稀🤦🏿‍♀️

叫左summer 得勁少芒汁同奶明明不嬲奶浸滿半碗超乾無汁綿綿冰一啲都唔綿又無汁明珠又係勁乾無汁無諗過松記都可以甘難食木康布甸硬挖挖 雪到過哂龍好失望 差左好多下次食金滿堂許留山好過

今晚已經食過晚飯，同屋企人再食糖水。本身唔係住係九龍灣，唔知邊頭有糖水食，見有間松記糖水就入去喇，應該正常的！但係相反，我只係叫左腐竹蛋薏米糖水，係好普通嘅糖水。但第一啖飲落去似係煉奶開嘅水一樣，又或者似係奶粉開嘅水😡😡😡真係唔知講咩好！我最後都冇食到，成個過程坐係到傾計。而另外一樣係芒果紫米露，屋企人話都係正常好多，相比我果個。服務就冇咩，幾好。但食物質素就......Ps 希望你地會改善啦🙄

今日食完飯執左得寶下面嘅松記食。一行八人有兩個點左芝麻胡，唔香唔滑又太甜！另外兩個點左紫米露都係太甜。仲有個點左「鄧」蛋，正常無咩特別，至少唔會過甜。亦有個點左桂圓蓮子蛋茶，都係一般。自己點左呢個檸檬芝士木糠布甸+雪糕，個雪糕係正常野，至於個布甸，硬到一切就散曬同彈走！而且檸檬味好唔平均！有啲位一食入口勁酸。。勁想放棄！仲要$29...呢間野真係唔會再幫襯

叫左個芒果豆腐花，真係去百佳買盒百福仲好食過佢，完全冇豆味，芒果雪到壞哂已經開始變味。跟住叫個鮮果waffle就更加嚴重。全間鋪頭只有我地一枱客，廚房師傅就不停傾計，咁都整左三個字。聲稱即叫即整，但個waffle黎到唔熱，然後用刀都切唔到，叉即使用力亦吉唔入，非常非常實，咬落去直頭係漏氣餅乾嘅質地，硬到不得了。叫個侍應埋黎，更加賴該waffle係中央工場製，唔關佢地事，然後更加同我講waffle係咁樣脆，問題你個waffle唔係脆，係硬。店員一副唔憂做嘅姿態，懶懶閒。提提大家，其實行過少少淘大，有四間甜品店，非常多選擇，無必要係度食松記，難食又受氣。

因為早食飯呢，所以仲有quota食埋個糖水，見到餐牌有勁多選擇，對於有選擇困難症嘅我嚟講真係幾難選。叫咗雪曲哈囉，雪糕話有得揀味，餐牌又冇寫有咩揀，店員又唔講，咁真係鬼知咩，最後求其揀左曲奇味。落完單唔駛90秒已經嚟到(新光速餐?)駛唔駛咁快呀。不過好細兜，幾啖食完，啲細細粒嘅奇亞籽口感唔錯幾正。但幾啖嘢收35蚊? 唔抵囉，超唔抵。同附近嘅金滿堂比，後者好好多啦～

喺九展睇完演唱會，返到地鐵站先10點幾，決定同炭星人食個糖水～淘大雖然好多選擇，但炭星人堅持要去得寶花園嘅松記，無關乎好唔好食，純粹想多謝呢間店喺大火嗰幾晚都keep 住送糖水比班消防員，咁熱嘅環境，飲到一碗透心涼嘅糖水係好舒服嘅事，實在要多謝附近一眾老闆咁熱心，不斷提供能量比班消防員，所以我地都實際地支持下，黎幫襯佢地哈哈哈哈😆松記出名平靚快正，每一間分店如是，平均都只係$30-40/碗，實在係佛心價格。比起開喺旺區嘅糖水店，$60價錢有$20都去左租金度，食完又要快快腳走，實在唔得暢快。海底椰紫米露$27⭐️⭐️⭐️⭐️⭐️五星滿分！特登撈起比大家睇佢有好多海底椰，煮到好爽口，本人實在太喜歡海底椰啦😂又低卡又飽肚又好咬口，睇見咁足料真係巧開心(=´∀｀)人(´∀｀=)味道方面呢，就係正常紫米露，加左好多椰汁所以好滑，食落有紫米嘅香，勝在材料夠足，所以帶到紫米露嘅椰香精粹😆黑珍珠馬蹄露 $27⭐️⭐️⭐️⭐️⭐️每次去松記必點！甜而不膩，馬蹄好爽脆，片片馬蹄又易入口，加埋黑珍珠滑嘟嘟嘅口感，好過癮😆 想食返清淡d 嘅糖水，可以試下呢個，清熱又解膩～今次去松記，唔洗點等位，weekend 有時都要等一陣先

在九龍灣附近吃完晚飯, 總是要象徵式的吃一個糖水才覺得完滿來到松記點了個曲奇雪糕楊枝甘露, 曲奇雪糕裡的曲奇份量充足, 雪糕味不錯, 接近dyers 雪糕的口感味道, 裡面的柚份量也不少, 但是多數都偏酸的, 不喜歡酸的朋友叫前可以考慮一下, 至於芒果肉也足充, 但芒果味不會很重, 中規中矩, 所有配起來吃還是很不錯的, 很豐富的口感環境乾淨清潔, 感覺舒服