松記糖水店 (已結業)

今晚吃完晚飯，就和舊朋友一起吃甜品。雖然經常都看到松記，但今次真的第二次吃。想了很久，沒有特別想吃的，最後都決定點了一個雜果西米露。因為menu上有幾個都很相似。*雜果西米露（$45）雜果有芒果、蜜瓜、哈蜜瓜和西瓜，都是夏天的水果，很有解暑作用；雪糕的味道可以四選一，而我就選了曲奇味；底部就是西米露，西米、忌廉和芒果汁。雪糕重忌廉味，而且有很多曲奇；略嫌水果不夠甜不夠juicy；西米粒粒分明，而且軟身，再配上忌廉和芒果汁，很有罪惡感。

本身係松記summer fans, 次次都要加兩球曲奇、朱古力雪糕！其實summer 又$18食到而家個價點解都仲食佢？因為貪佢夠多款。水果底的白珍珠好咬口，加埋芒果醬酸酸甜甜好開胃！生果方面較失色，芒果唔太甜，甚至可以叫酸，西瓜蜜瓜冇咩味。不過勝在食2球雪糕加黑白配夠甜

糖水真係香港人唔可以缺少嘅一部分吖！特別係熱天，熱辣辣嘅天，如果可以係室內吹著涼爽嘅空調，歎一碗甜甜嘅糖水，真係比神仙我都唔做吖！松記係我比較鐘意嘅糖水鋪之一，同聰嫂一樣，價廉物美，值得一來！雪糕楊枝金露，我最最鐘意嘅雪糕，＋買香甜嘅芒果，彈牙嘅小丸子，香濃到不得了吖，柚子粒又脆脆地，爽吖！！糖不甩比較少食，因為我對d糯米消化唔係幾好，不過我幾鐘意糖不甩嘅，雖然好甜又好快膩，不過糯米糰霖滑又有嚼頭，成隻都卑薑糖水煮入味，再去碌碌香噴噴嘅花生粉，好食到流口水吖，我依家發覺我手上嘅粟米好冇味吖，好像食糖不甩！幻彩明珠，麻麻地，各種水果嘅大團圓，酸酸甜甜，水果夠新鮮，透明嘅小丸子夠彈牙，不過就係覺得唔夠甜。

端午節後，天熱愈來愈熱，夜晚出街都係一身汗，柑太話不如去食野，我話不如去食糖水啦，於是二人行到松記，囉飛等左兩分鐘就入座，入面依舊人多到震，肩碰肩，背貼背情況和平日一樣。點左綿冰消暑，再點多客湯丸冰火一下。芒果益力多綿冰。芒果未唔重，反而偏向甜味多，似是益力多甜味蓋過芒果味，而OREO餅碎及乳酸味爆珠似乎係失敗配搭，完全無法將芒果同益力多綿冰味道提升，只怪自己選錯配料，但綿冰分量充足，益力多味綿冰又軟滑，整體仍然不錯。朱古力綿冰剛剛相反，朱古力味極濃，似在吃雪糕一般，入口整實，但內裡即化的感覺極佳，乳酸爆珠將朱古力的甜味提升而沒有令它過甜，分量之多，好像吃一個二人份的雪糕般，出乎意料的佳品。之前一同點的湯丸在綿冰吃到一半的時候到達，外表看來似是貢丸(!!)但內裡卻是奶黃心，咬一口發覺沒有流心，但奶黃味仍重，如果可以將它煮到內裡變成流心奶黃的效果，味道相信一定會有所提升，而薑湯水的薑度一般，入口不算太辣，如果有凍甜品伴食的話，不妨將它全部喝光。

香港成地都係糖水鋪，不過見見都有自己嘅特色，呢一間松記糖水都係連鎖，所以有好多鋪位。坐叮叮系銅鑼灣落車跟住路牌行。點咗三樣野，有雪糕楊枝甘露~~幻彩明珠~糖不甩。三樣甜品食咗100蚊松啲。雪糕楊枝甘露~~除咗原本嘅清爽口感之外，因為有雪糕令到楊枝甘露增加咗甜滑嘅口感！！幻彩明珠~~對於系出邊唔系成日買生果嘅我嚟講，今日真係補充咗唔少vitamin。生果同涼粉嘅搭配爽口~~糖不甩~~新鮮出爐熱辣辣，仲癡著有薑味嘅花生碎，真係香甜軟糯

甜品時間揀左松記，9點令平日出面已經有2張檯等緊，自助登記機放左喺門口，自己登記有檯叫你，等左10鐘就有檯，入到去啲檯都幾密，不過都ok,又唔好叫好多野，打開MENU睇你有咩配搭先，我就睇中summer，入面有新鮮水果，西米，Grass Jelly, 芒果汁同兩球自選雪糕，雪糕當然要綠茶同綠茶，冇錯兩球都要綠茶，我至愛，嘩~上檯青BB，見到都開心，水果新鮮，雪糕夠凍，果然係Summer最佳之選♡

最近天氣真系好熱，應該飲多D糖水啊、湯水啊補補水分先得！所以今日就去咗間糖水店歎糖水，味道都幾唔錯嘎！當然，除咗糖水，都系要食D小食嘅，唔食D小食，等兩下點行街shopping啊，哈哈！所以我地首先點咗碟糖不甩，其實佢就系一個好easy嘅小食，糯米粉做嘅，滾兩下糖粉，就可以食啦，好簡單但超好食！然後我點咗碗雪糕楊枝甘露，好甜好好味，西米露剛好可以降火，雪糕系芒果味，我最中意食嘎啦！最後我地點咗D水果，入邊有好多唔同嘅水果，西瓜啦、芒果啦、椰果啦，搭配起身無得彈啊！

朋友話我食cream嘅樣真系可怕啦，cream味越濃我越開心，但我朋友話cream太油膩，都唔明我點解咁中意食，哈哈我先系覺得佢地點解咁奇怪，cream明明好好食啊~今日我地去咗間糖水店，我點咗我最中意食嘅好多cream嘅甜品！然後就系榴槤班戟，佢嘅皮好薄，而且粉味不算太濃，因為有D店嘅班戟皮唔系好好食，我覺得呢間嘅班戟皮整的唔錯!而且裡面榴槤飄香，有奶油，好掂嘎！鮮芒果脆脆金磚，上邊有好好味嘅酥皮，加上芒果呢D水果，更加吸引人，而且最重要嘅系cream超足，我非常之滿意~雪糕咖啡木糠布甸，布甸上邊系一D餅乾碎，朱古力味道，加上雪糕，一流嘅搭配！

在松記吃糖水見到好多人都點，見佢外型咁可愛就試下，雖然我不愛好芒果，濕毒，原來又幾好味，雪糕微甜剛好，而pancake 皮名薄，咬開係啖啖芒果蓉同cream，對它另眼相看。芒果好食當然下次試埋榴槤，D24榴槤好香好滑，質感軟滑適中，不會太乾有渣，配合內裡忌廉一併吃簡直是人間極品。

糖水文化可謂香港人獨有，三五知己總是在晚餐過後，要另覓一個「吹水」地方。松記...算是糖水店數一二的名食店，在各區有不同分店，銅鑼灣橋底的這間，我是第一次光顧。門口有自助取票，印象未試過其他糖水店舖有此服務，還以為星期五晚上會大排長龍，幸好差不多5分鐘能入座。其實餐牌都可不用看，十次有九次，都是點上情有獨鍾的.....「SUMMER」!名字好記之餘，最有代表性就是有兩條圓柱朱古力餅條插在正中，吸引之處可揀兩球雪糕(曲奇/芒果/抹茶/朱古力)，是日選了首兩款曲奇+芒果，質地算滑，曲奇味有少許餅乾碎有咬口，不太甜; 芒果香味濃郁。另有新鮮清甜生果作底，有西瓜、哈蜜山、芒果，配以QQ口感的明珠，加上少許花奶，相得益彰。

松記新店加裝了自助羅位機，選擇人數，然後就會有飛仔出甜品選擇有很多，總有一款會合你心意我點的SUMMER，選配了曲奇+朱古力雪糕上面有兩條朱古力餅乾條，沾少少雪糕吃有一瞬間覺得自己回到小時候生果有幾款，芒果都不會酸，加上淡奶有點奶味為甜品加分，下次可以叫多奶整個甜品可算是包羅萬有，滿足你好多個願望~朋友的檸檬芝士木糠布甸，眼看就見到雪糕一大球，我沒有嘗試到，不知道味道如何

吃完晚飯來松記吃甜品等位等左一陣點左芒果西米露,朋友點了曲奇雪糕黑珍珠紫米露芒果西米露芒果清甜, 椰子汁香滑曲奇雪糕紫米露喜歡曲奇雪糕, 有少少曲奇碎, 好味道紫米露好飽黑珍珠有少少口感不錯松記價錢經濟實惠味道又不錯

食完飯，朋友想食中式糖水由汽仔行去銅鑼灣 都諗唔到又見唔到有所以去左松記松記搬細左 但排隊既人都好多我地2個都叫左腐竹蛋糖水 我加左大西米唔係好鍾意甜既我 我都覺得個糖水無咩味個蛋都唔太好食失敗左黎呢到 最好都係食返西式甜品會好d

同事farewell, 食完飯意猶未盡, 整埋個糖水完滿作結。我點左今枝玉露, 聽講佢同楊枝甘露吾同在用既吾係西柚, 而係沙田柚,不過就吾太討好, 因為沙田柚有苦味, 加上佢冇雪糕幫手, 吾夠甜整體成個甜品變左帶苦味咁。但佢裡面既馬蹄真係好靚, 粉粉地又爽爽地, 恰到好處~試左啖個fd個綠茶河粉, 覺得''早知叫佢個個拉''既感覺。><

松記大舖搬細舖後既第一次幫襯 ,水準依舊不改。 我食既係凍楊枝甘露加雪糕, 雪糕味道可以揀, 不過就美中不足地冇雲尼拿揀 ,所以揀左芒果, 味都夾既~最抵贊係佢芒果 ,平時店係細細粒既 ,松記則係大大片的, 又厚!!! 好抵食~