松記糖水店

營業中

休息中

今日去深水埗擺低架車去整，嗰幾條街就見到呢間松記甜品，我本身都比較少食甜品。但這間店鋪就都有去過的，入邊搵客人唔多因爲我都係中午去，雖然都係中午冇食飯但係都入咗去食甜品，今次都係叫芒果配綿綿冰，原本以為係祇有呢個，原來佢係有啲加兩樣嘢。同埋一個醬料我最後加左曲奇同埋紅豆，姨丈料就係焦糖，我覺得呢個甜品質素正常唔會太差，曲奇同綿綿冰都幾配搭，芒果嘅分量都比較多，紅豆加曲奇和綿綿冰味道都正常。配搭都正常，雖然都唔會特登去光顧的，但見到都會入去食下一次

之前一路食開幫襯咗好多年，自從疫情後已經好少幫襯😅，因為佢成日都唔開門近排天氣太熱🔥💥所以琴晚買咗兩碗外賣湯水一碗凍嘅芋頭西米露另外一碗楊枝甘露芋頭西米露～芋頭完全未熟😰，西米露都係未熟完全冇任何甜味椰奶溝水🤮簡直災難楊枝甘露芒果變壞又係成碗嘢好似溝水咁，無味😡全部食咗一啖就掉咗，簡直貼錢買難受😫真係唔明點解咁多年嘅老店而家會搞成咁，怪不得而家已經冇乜人排隊同埋幫襯😔永遠都唔會再幫襯

檸檬馬蹄露平時好少見糖水鋪有檸檬馬蹄露賣。難得遇見，即刻整碗過下口癮。入口就咬到爽脆嘅馬蹄，糖水伴有些少西檸雞嘅香氣。檸檬酸味啱啱好中和到馬蹄露既甜味，唔會話過甜。食落清熱生津，悶氣全消。

食完晚飯接糖水好似已經係香港人既大勢所趨。呢間松記糖水店雖然餐牌平平，但勝在價錢吸引，依然受唔少人歡迎。夜晚等位都需要20分鐘。位處地段相當易搵，食完行一行街非常方便。今次叫兩款糖水都比較常見，但食落甜度適中，加上環境乾淨，整體感覺唔錯。

同朋友喺深水埗食完飯就唔打誤撞入咗呢間糖水舖，分別叫咗幻彩明珠（$28）同埋summer（$31）每一碗糖水都包含咗唔少種類嘅水果，可惜芒果偏酸埋單只係$59，真係非常抵食😆

lunch食左個定食邊爐，因為係定食關係，唔包雪糕🥹於是，食完夜晚都係不敵條甜品癮，就同b🐷朝著松記糖水既忌廉奶水晶涼粉進發😚。1.雪糕三重心太軟 （4.3/5）$47B🐷明明話食佢念念不忘既忌廉奶水晶涼粉🤔但佢見到牆身幅心太軟相之後，突然話好想食心太軟😯 賣相方面，從相片可見，成碟野只有三樣野：心太軟，雲尼拿味雪糕同朱古力醬🤭但唔好睇小佢💥心太軟即叫即整！朱古力味好重但又唔會太甜！個cake食都好軟熟！匙羹一吉落去，流心朱古力即刻流曬出嚟☄️半羹雲尼拿雪糕，半羹心太軟，一齊放入口，哇！冰火交融既口感正到暈左係度🤤🫠。2.SUMMER (3.9/5) $40想嘜都食下既朋友仔，簡松記皇牌生果糖水SUMMER就無錯了😊糖水配料有：兩球雪糕🍨、芒果🥭、蜜瓜、西瓜🍉、哈密瓜、奇異果🥝、明珠同兩條黑白配🙊小編仲另加左$9水晶涼粉😚仲特登叫多忌廉奶💗 生果除左芒果唔當造，有點酸外，其他都很甜🥰雪糕有三款口味簡，小編簡左曲奇同雲尼拿味，雪糕硬度剛剛好，唔會太淋又唔會太硬，正！明珠其實係大西米，qq彈彈好好𡁻口😆水晶涼粉清清甜甜配皇牌忌廉奶食，好食到猶如上左仙境🥴。地點:長沙灣地鐵站A2出口轉右第二條

上星期喺新蒲崗樂園食左個好香滑的杏仁糊，今次外賣松記都一樣食杏仁露，但又貪心想食埋豆腐花，最後得到杏仁露拼豆腐花。兩樣野都白雪雪，就咁望以為得杏仁露。其實下面有好滑的豆腐花，豆腐花量多而且好滑，可惜冇豆香，得個滑字。令人失望的係杏仁露好重香精味，一啲都唔天然，似係茶記即沖的杏霜，係好多人聞都都怕的假人工味，而且質地勁稀，近乎係水狀，偏甜，真心唔會再叫松記的杏仁露。畢竟餐牌上咁多選擇，可以叫其他再試。

椰皇西米露湯圓 出名鍾意食椰皇嘅製成品今日嚟到松記就叫咗個椰皇黎食佢係成個椰青送上黎 同埋係新鮮整嘅入面嘅椰奶比較甜 同埋冇乜椰香味食落去西米露都比較林 椰皇嘅椰子肉都算淋身湯圓係超級淋 完全冇口感甜度我覺得有啲甜 整體嚟講唔值呢個價錢

食咗松記十幾年以前每次經過都人山人海門外企嘅人係企滿門口今日咁啱經過就去買外賣入到去人少仲有位以前真係好少見啲啊姐面口好生面口今日買咗楊枝甘露及幻彩明珠講真真係冇諗過啲芒果會酸甜品店冇理由唔識揀芒果幻彩明珠啲珍珠又少啲奶唔知點解一嚿嚿講真真係幾難食我同太太都覺得差咗好多同以前差天共地之前去過太子分店差但深水埗一向出品ok估唔到今日都咁失色其實人客數量已經反晒質素相信大部分街彷失望之極希望遲啲可以回復正常啦

山長水遠渣車去長沙灣店外賣左碗幻彩明珠走涼粉，諗住呢間食開，質量有保證。上次去太子分店中伏後，都知松記質素唔係間間都好。但呢幾次，唔知點解幻彩明珠無左忌廉汁，芒果汁又勁少，連大明珠都只得幾粒，成碗嘢真係好難食，一碗唔甜既糖水，得生果浸住加左水既蘭香子，可以想像到有幾難食，最慘係仲要特登渣車去買，買左碗垃圾返黎，真係嬲到著燈，幫襯左十幾年，間嘢越做越差， 已經唔係第一次，再比機會都係咁，失望，以後都唔會再幫襯。

松記糖水店（Cheung Sha Wan)出名主打平價糖水嘅松記 一向到夜晚都好多人堂食外賣🥡 小編久違嘅糖水夜又來了～😚😚⌖ 鮮雜果西米露💰$28雜果款款新鮮 尤其係芒果🥭同西瓜🍉都好甜 只係奇異果🥝有少少酸 哈密瓜🍈同埋蜜瓜都正常 海量西米露不過味道偏淡 好靠生果嘅味道 如果有多啲忌廉奶會更好🤨🤨 ⌖ 海底椰紫米露（冷）💰$25海底椰真係好多 夠抵食！ 😛 不過今次調味上似乎失準了 比平時食甜左好多🥵 食咗一半甜到唔想繼續食。。原本紫米露加上忌廉奶都好夾 但真係太過甜 下次都係帶返熱嘅希望會正常啲🙏🙏⌖ 薑湯奶黃湯圓💰$19薑湯超濃 奶皇有五粒 可惜唔係流心嘅🥲 算係不過不失 想養生暖下胃為都可以試下～😌☻ 回頭指數：6.5/ 10 #Fatshit_ami #Desserttime #長沙灣美食 #港式美食 #食好細 #香港美食 #中式甜品 #港式甜品 #港式糖水 #雜果西米露 #海底椰紫米露 #奶皇湯圓

一心想食榴連甜品就叫了這個（榴連雪山），來到我們都勁失望，留落只是普通的雪糕西米露，以前我都喜歡去松記食糖水，現在水準差了很多很多…不會再去還有現在沒有木糠布甸更加不會再去

懷舊甜品已經係越來越少They have a lot of HK style sweet soup n dessert 糖不甩 only: around $30 保留着傳統的味道 黃糖與花生 配搭非常好👍🏻

以前無為意松記有賣芋圓，原來又幾好食！.芋圓有芋味，口感幾好。上面個球唔係雪糕，係紫薯泥，口感細滑，味道香甜。第一次食到，又幾特別.埋單$27，只係專賣芋圓連鎖店嘅一半價錢，今餐好滿意 ❤️

呢間糖水舖食左好多年，由一間開到幾間分店，講真以前係好食及抵食，不過依家真係差左，唔知係咪疫情擴散，昔日大排長龍都唔見左；外賣回家慢慢食😛幻彩明珠$26超級經典，一大碗什果：西瓜🍉、芒果🥭、蜜瓜+涼粉，西米、珍珠只賣$26相比其他甜品店確係抵🤩不過今次失準，珍珠未煮冧就俾客，超硬超難食😖哈囉$23⋯⋯又係好抵食，必叫之選😚底下是喳喳+涼粉+西米、杏仁豆腐希望下次嚟，可以食返以前之水準🥺