松記糖水店

營業中

休息中

有咩令到一個唔打食評既人都要打食評！叫左個楊枝甘路走奶， 講到明走奶，就梗係唔食奶架啦！！！返到黎未打開，已經見到成碗都白色，心知不妙！！全白， 淨係奶味， 了來了去都係白色！！死味， 想中伏，歡迎再光臨

好難食，黑珍珠紅豆沙(如圖1)，所謂嘅黑珍珠原來係阿麻子之類嘅野，無味！紅豆沙係我食過最稀嘅，好似溝水咁，成碗野係淡味到一個點。。。圖2係呢碗野食剩咗嘅樣，真係稀到呢～隔離檯有個男仔都order咗給黑珍珠類嘅糖水，望住佢食第一啖，面有難色，唔想吞咁呀陰公同場都有叫綠豆沙&雪耳燉木瓜，一般般～11月中，現場冷氣好大，趕客咁～真係唔會再食呢間，多謝曬！

次次去松記都係食summer,真係超值之選！$27 碗有雪糕、雜果再加兩條朱古力條，真係超抵食。生果好新鮮，有 芒果、奇異果、西瓜、蜜瓜同埋哈密瓜再加埋大西米，兩個人食加埋都係$54。

啲野係幾好食嘅姐係我影左呢幾樣都幾足料同好味嘅芒果汁係真汁入面仲有士多啤梨糖漿仲有大量芒果同紅豆另外嗰個木糠(啲friend)布甸都幾好仲有嗌個水果粉同芝麻糊so far都幾唔錯buttttttt🙂入位又呢又路企定定要你掃安心送中坐好位要調三次語氣都門西嘅🙂幾好食下次都要諗諗先😀係正嘅係串得起嘅不過我唔鍾意俾人串返屋企雪啫喱算🙃再btwsorry睇返先知藍店都幾藍嗰隻然後係成班屋企人去的not my choice🥲冇下次了🥲

今日食評有✍🏻 松記試食指數⭐️⭐️⭐⭐店舖衛生⭐️⭐️⭐侍應態度⭐️⭐⭐️((每項5⭐️為滿分)) ·元朗分店經常冇開舖我哋唯有跨區去食糖水每間分店的出品水準都有不同深水埗分店屬於好的水準·我哋點了1️⃣🥥凍海底椰紫米露加紫薯球🍠(+$9)⭐️⭐️⭐/5海底椰夠多片👍🏻紫米露太厚漿，稀番啲再多啲紫米更好每次必食紫薯球，凍熱甜品都可以加👍🏻2️⃣雜果刨冰🍧 ⭐️⭐️⭐/5雜果新鮮👍🏻刨冰正常👌🏻3️⃣🍉🥝summer 加紅豆(+$5) ⭐️⭐️⭐⭐/5加5蚊嘅紅豆唔抵，好少雜果新鮮👍🏻兩球雪糕都實的的，足料👍🏻4️⃣🍌香蕉雪糕窩夫🧇⭐️⭐️⭐️⭐⭐/5今日驚喜香蕉唔係新鮮，但係排得好靚，誠意之作👍🏻雪糕下加層cream，豐富口感之餘，亦都唔會俾熱辣辣嘅窩夫整溶🤩重點係窩夫，熱辣辣即整即出🔥·二人143·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

其實每個月得閒都會去食糖水，無他；因為真係又平又好食，食得同類款式太多，就試下好普通嘅芒果pancake，但係令人失望，太硬喇， 冇又香又軟熟嘅感覺， 浪費了個甜品。 同埋個雪糕入面嘅冰粒好多，好似食緊冰唔似食緊雪糕🤨👎另外，值得一提嘅就係當坐低嘅時候，有個喺度做咗好耐攣頭髮嘅阿姨，平時企門口多。帶咗我地去張枱度就將枱面嘅餘下食物(如果冇睇錯好似係紅豆)就咁數咗落枱底，坐落當然覺得唔舒服，其次就係衛生問題，疫情底下都咁污糟☹☹☹

位於長沙灣既呢間松記地點離地鐵站較遠，所以今次都係叫外賣食啦，畢竟要走過去都要一段時間～打個電話叫外賣就最方便啦～而佢整體既價錢都係唔太貴既，普遍都係$20幾至$30幾左右，價錢都算平民，而選擇十分多，中式西式都有，而今次就揀左個鮮果雪糕黃金酥（$35）外賣送過黎啦～首先佢將雪糕同個黃金酥分開裝左，以免個雪糕會溶，今次就揀左朱古力味雪糕同芒果，加埋朱古力醬，比較搞笑既係佢將件芒果擺左落黃金酥底，食果時就比較困難啦，而個朱古力味雪糕都幾好食，有啲朱古力碎粒，黃金酥亦脆，但個人認為佢比較薄啲，如果整得比較厚就更好啦～件芒果都夠熟多甜，夾埋一齊食個味道都夾👍🏻👍🏻總結松記既糖水都算唔錯，係可以再叫既一間糖水舖👍🏻

已食了十幾年，今下午買外賣不知是外賣還是和堂食不同，份量只有1/3 , 奇異果又硬，水準下調，而價格卻上升～是租金太貴？幫襯了十幾年，以前一條街幾間松記，現在卻差了～有點失望❗️

食完飯心思思想食甜嘢，朋友就介紹我去食松記。呢度啲糖水又平又抵食，性價比超高！朋友叫咗呢個Summer $27 仲有得配兩個雪糕，又有生果，小丸子，曲奇，夠晒滿足呀我就叫咗個檸檬芝士脆脆木糠布甸 $22多得姐姐提我呢個布甸好硬，要小心食，最後係切到切唔到，直接成個放入口咬檸檬+芝士味都好突出，推介

夜晚11點幾 想REU食多個甜品就來呢度以甜品店來講松記選擇又多menu都好多頁有綿綿冰 傳統糖水 芋圓 包羅萬有D食物又平好多傳統糖水都唔到20蚊 真係好抵食我個木糠布丁都係17蚊如果加雪糕都只不過係25蚊個姐姐好好人提左我個布丁好實 3次！！我就睇下有幾實哇 真係好實要好大力用叉劈開係難切d 但個味道我又中意wor呢個木糠布丁其他我同事吃的甜品D甜品大家都話好評！證明松記各款甜品都handle到！呢個價錢我可以再食多幾次！！！

平時一般糖水店食個涼粉都要30幾蚊，今日經開長沙灣，就食個平價糖水。叫左個雜果涼粉同埋杏仁合桃露。個涼粉好多鮮果，芒果夠甜，而且落左好多芒果汁同奶，凍凍地好食。其實呢個甜品只要生果阿新鮮就無得輸，都唔明點解好多間啲生果都勁乾身。個杏仁合桃露唔算好甜，杏仁味好重，不過撈完個合桃露就立即唔係好覺，下次都係單味甘叫。個店仲有好多特別啲糖水，款式好多，奶凍，pancake，仙草凍。中式都好多選擇，有豆腐花，紅綠豆沙， 燉品，湯圓。平平地都不失為一間可以常食嘅甜品店。

平日放假正Teatime 想食啲嘢但唔想咁heavy, 於是試吓久遺嘅幻彩明珠貪佢多水果其實好耐冇食我叫了走忌廉奶，因為唔食得奶類嘢所以呢個幻彩明珠只係得芒果汁本身係可以免費配埋忌廉奶同淡奶嘅有5種水果：奇異，西瓜，蜜瓜，哈密瓜，芒果除哈密瓜外，其他都勁甜蜜瓜好香，有蜜瓜味芒果個樣一睇就知道熟晒又係好甜此外，涼粉細細個成日喺街市買嚟一大磚一家人分依家冇啦，唯有食吓呢個，過吓口癮有著淡淡草味嘅清香滑溜呢個唔是大西米口感好似珍珠煙煙un un 的非常有口感仲有啲粒粒好似奇亞籽嘅物體呢碗走忌廉奶嘅幻彩明珠，好清新下午茶一流價錢$22，外賣加$1

期實平時都而且會同朋友黎松記食糖水消暑，但係食過甘多間始終都係本店水準保持得最好 。今次就同媽咪食松記，媽咪就叫左雪糕涼粉，因為媽咪係涼粉迷，平時都會自己整涼粉食，呢間會好食過其他分店係佢啲涼粉5會苦，真心5明點解食其他分店會食地苦苦地。而我自己就叫左雪曲哈囉，第一食呢款糖水，不過松記本店生果9成幫襯 生果都5會酸，呢點值得黎幾次都得 👍🏻。

〄📍松記糖水店- 好耐之前我同朋友過嚟食叫咗朱古力雪糕配大粒西米露呢間糖水店嘅甜品性價比幾高西米露都好彈牙好咬 朱古力雪糕朱古力味濃我印象之中好似係20幾蚊一碗 唔太甜 幾好食😋佢嗰度甜品種類都幾多選擇～ 下次如果再去嘅話會想試吓其他口味🤪如果你係甜品控嘅話 不妨可以嚟試吓呢間！✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ . 5

今日happy Friday 有半天假放平日，就是想去幫襯啲平時要排隊的店行到長沙灣就松記啦～～～睇吓冇人排隊嘅松記係點先平時夜晚經過，店外總有好多人等外賣或排隊等位但原來平日下午係好正㗎，座位任坐完全唔洗同人迫感覺同夜晚嚟完全唔同唔洗食完急急腳走近期愛上養生嘅中式糖水整返碗應該可能可以烏髮嘅芝麻糊先佢有得揀熱或凍，都係$15我點了凍睇睇～滿到瀉好滑有光澤個芝麻糊好香，稀稠度適中唔會水又唔係漿糊咁食得出佢唔係用生粉水去較稠度細心睇仲睇到粒粒磨碎了的芝麻微甜，而且加咗鹽，讓味道平衡，唔係死甜同區嘅芝麻糊，我暫時未搵到平過佢松記平，但係好吃已經翻兜過好多次佢其他嘅養生系列好似唔錯平日嚟真係唔同可以慢慢食食完坐吓先走完全好relax，侍應又唔洗咁趕