松記糖水店

營業中

休息中

講起食甜品嘅話第一時間通常都會諗起松記原因主要都係有兩個第一價錢抵 第二大份先雜果杯杯冰入邊係有芒果哈密瓜西瓜蜜瓜紅豆刨冰上面有好多芒果汁如果食完飯想食啲返後果可以選擇呢個松記嘅涼粉入口比坊間嘅更加彈牙依家出邊買到嘅都好仙草feel偏淋另外松記雪糕都好好味 比起其他鋪頭食到嘅雪糕係比較粘身

難得男朋友話請食糖水，於是又去咗松記因為當日只係食咗下午茶當晚餐，食得早又食得少，就點咗一碗椰汁渣咋+芋圓，志在好味又飽肚糖水好快上枱，實物同餐牌上嘅圖片相符，一如既往地足料！就我所見，渣咋應有嘅豆類都有，而且夠份量，唔會稀流流，每一啖都食到各種豆類，再加上椰奶淡香，口感層次豐富~自家製芋圓依然大粒，煙韌有咬口，尤其鍾意地瓜芋圓，食到微微蕃薯甜味，好食！松記甜品款式多，有傳統糖水又有新派甜品，而且水準穩定有保證，所以我先會一再回頭幫襯~期待下次再試另一種甜品！

以前住深水埗 想食糖水必去松記難得經過入去想當年朋友叫了 雪山$21 我叫了芝麻糊$15雖然知物價上升 加價無可避免但朋友那碗雪山 眼看還可以西米露加雪糕 以為夠甜點知無咩味因為西米露都幾稀 好似加了好多水花奶都唔夠 要問佢地攞不過雪糕依舊好味再來就是芝米糊一開始不錯但唔知係唔係我無攪底個底好似漿糊咁 一粒粒癡底之後我想問佢攞一杯細水飲 店員好無禮貌咁答我’無水喎‘其實無就無唔洗’喎‘我最後埋單 大家記得人地唔收毫子的 包括五毛 否則收錢時會話你的對於食物我覺得還可以只是態度...below average la食糖水都係想甜點 開心點但見到班店員 下次都係轉場好了

今日行過長沙灣，見到松記糖水，就諗起原來我都有好幾年冇入去食啦！咁就等我去食返碗湯圓先！順便睇下水準有冇差到！餐牌上，多咗好多新款糖水當然，舊嘅糖水，依然有保留六寶湯圓 $21依舊保存有紅豆，花生，奶王，芝麻，但薑湯。。。比起以前淡咗好多，完全冇薑味鮮雜果鴛鴦涼粉 $32好老實。。。賣相真係。。。有點差但生果尚算新鮮！總括。。。唔知係未因為香港糖水舖越開越多，所以有比較呢？定係松記質素差咗？但我記憶中嘅松記以前係好好食，質素又好。。。希望佢地可以做返好d, keep返個水準啦！話哂都開咗咁多年

松記， 好耐無食。 以前係松記食開西式糖水 還可以的，試中式就真係不太好了，不可再。 雖然價格算是便宜，但沒有腐竹了 ， 一點也沒有，全部都是溶了嗎? 所以食落去就好似飲水咁。其他都是朋友叫的，我就沒有食的，不過都是普普通通吧，不過不失吧。因為糖水中一點腐竹都沒有了，朋友的腐竹糖水好像飲水一樣，所以不提議點呢個吧。蛋就沒有甚麼特別吧，還算是可以的。環境方面算比其他松記好一點，沒有那麼迫。如果計我今次這糖水味道，真是失望了。總結西式會好一點。。

提到松記甜品，相信大家唔會陌生種類繁多嘅甜品選擇、有一定水準質素嘅味道，同埋收費合理嘅價錢，都係一再吸引我幫襯嘅因素今次點嘅係紅豆沙豆腐花+芋圓紅豆沙唔會過甜，豆腐花好淡，配埋紅豆沙一齊食啱啱好而且豆腐花本身好滑溜，一入口，基本上直接就可以吞落肚不過我更加欣賞松記自家製嘅芋圓大大粒，又煙韌，食落好有口感好滿足~而且甜品份量合宜，比起某啲所謂有名氣嘅食店好得多松記質素好，CP值高，我會一直幫襯，試多啲唔同款式嘅甜品~

有好耐一段時間冇返過長沙灣，以前見松記晚晚都坐滿人，門口等位等外賣既多到出馬路，仲有好多車專登車黎食架。今晚專登同2個朋友由旺角行返長沙灣食，竟然唔使等位!Summer 一向都係我既必食之選，但同日晏晝先食左雪糕，咁就乖乖地食幻彩明珠算啦！同以前一樣既份量，不過今次d芒果酸左少少，西米同珍珠依舊有咬口，涼粉好似切細粒左，其他水果都好新鮮!我個碗有奶，朋友A就走奶!朋友B就揀左咖啡木糠布甸配綠茶雪糕，但佢話覺得麻麻喎!

好耐冇嚟松記，以前多數夜晚嚟，往往等位等半小時以上，今日下午嚟，完全唔使等位。今日叫咗兩個甜品，一個係鮮果涼粉，另外一個係湯圓（包括芝麻、花生、奶黃三種口味）鮮果涼粉的芒果同西瓜好甜，其他嘅水果就一般。松記嘅湯圓一向好好食，係我同老公嘅至愛。今次嘅湯圓亦保持一貫質素， 即叫即煮，十分好味，可惜個湯就唔夠薑味，如果重啲薑味會仲正。順便一提，呢度嘅員工好有禮貌，值得一讚。下次嚟松記，都係下午嚟好啲，唔使等位嘛。

事隔一日，又返嚟松記食糖水，但係今次真係信錯咗自己！琴日諗住食完之後好好地，所以先返嚟再食啫，點知今次出嚟個效果咁強差人意。今次係同朋友食，叫咗兩樣野，首先係細個最鍾意食嘅幻彩明珠，其實呢個呢就冇乜特別嘅，都只係一啲水果啊，加涼粉啊，加啲芒果汁啊，普普通通不過不失啦。但係跟住嗰個就真係失望啦，就係咖啡木糠布甸加雪糕，我又衰嘅其實個姐姐已經睇咗你一個木糠布甸真係好鬼硬，要慢慢食。我就係唔信且，想試吓，估唔到係硬得咁緊要，真係俗語都有話「硬過你條命」。無諗過一個木糠布甸搞到咁嘅質地，有少少嚇親。不過都好彩，佢勝在夠平，食多次都唔肉赤嘅。下次都係叫返中式傳統糖水穩陣啲！

食完晚飯，又點少得要去食碗糖水呢，咁先可以畫一個完美嘅句號㗎嘛！今次去到元州街嘅松記，真係夠晒懷舊！全部中學嘅中學雞回憶出晒嚟啊！細個嘅時候最鍾意無凍不歡，反而大個咗可能要養生，所以鍾意食返啲熱野！今次我叫呢個係叫綠寶湯圓，佢係薑湯+6種不同嘅自家製湯圓，你唔好睇佢好似得四粒，其實因為有兩粒已經落咗我個肚啦！綠寶分別係奶皇、綠茶奶皇、紫米奶皇、紅豆、花生，當然梗係唔少得最晒功夫嘅芝麻湯圓啦！我個人覺得都幾好食，係有一樣野就係唔夠甜囉！睇開我食評嘅你，應該都知道我唔係一個10分嗜甜嘅人，如果我都話唔夠甜水你就知真係好淡架啦!可以甜啲呢就會好啲。

看到長沙灣有一家，就想去試試，後來發現好像之前有吃過，味道一般般，不知道為啥會那麼多人說他好吃呀，好奇怪，我應該不會再吃了，好難麻煩要自己過去，沒那麼吸引人就是啦

正值超強颱風「山竹」襲港嘅前一日, 盡快採集物資迎戰颱風之餘, 梗係去食啲好嘢先。 行行下呢到深水埗長沙灣呢間松記糖水鋪食個甜品。<珍珠紅豆仙草冰>有啲涼粉, 有啲珍珠, 好香紅豆味。是紅豆冰嘅夏日清涼版。<Summer 配芒果雪糕及曲奇雪糕>賣相堂皇又熱鬧。有姿勢有實際, 雪糕及芒果都好味道。食完仲有少少飽肚感, 當係一個「下午茶」嚟食都不足為過。<家鄉糖不甩>傳統美味。糯米煙韌軟糯, 香口美味。冇得彈!全部價錢都算好「貼地」, 好親民。

食完個好好味既大排檔”萬發”之後，就梗係要食埋甜品，咁先夠滿足咁嘛，雖然長沙灣一帶有唔少甜品舖，但係Openrice搜查結果中，”松姐糖水”係平民價錢中既第一位，所以就決定試一試。呢度既甜品種類非常多，除左中式甜品之外，仲有少量既西式甜品，更有提供小食，真係睇到眼花撩亂!! 結果我係滋味推介中揀左雪糕杯杯冰，而朋友就揀左再普通既椰汁芋頭西米糖水。凍椰汁芋頭西米糖水 ($19)本身諗住咁簡單既一款中式糖水，應該唔會有大問題，但點知原來諗錯左😣。呢度既西米糖水同大部分既糖水舖無咩分別，都係將西米預先煮好，到有柯打既時候先加入芋頭粒同椰漿。結果全碗野無芋頭味，食落只係椰汁西米糖水，而且芋頭偏硬身，並唔係粉爛既芋頭。😫我明白煲左一煲芋頭西米露食唔哂，隔夜會變到杰達達，西米又過淋，唔好食。不過一間有心做既糖水舖，如果唔想浪費但又想整得好味，我認為可以將熟芋頭加入椰汁攪成蓉後，再加入西米同芋粒，效果一定會更好。雪糕杯杯冰 ($29)佢一送上枱，心諗”中伏了”，點解實物同照片唔同既…實物水汪汪既…😨雪糕唔係牌子野，內裡有唔少冰粒，唔算好甜，綠茶味濃度中等。杯杯冰唔等於棉棉冰，其實係一堆碎冰，再沐上頗

松記糖水一向是十分街坊的糖水店，我和朋友最喜歡在深水埗閒逛後到松記吃甜品，把炎熱的感覺趕走。這間松記一向人來人往，排隊要排很久。今天我和朋友十分幸運，竟然能直接進去吃！我們叫了兩個西米露清涼一下，最後加了一個榴蓮pancake，十分美味！希望這間松記能繼續陪伴著各位街坊。

一家四口落去深水埗松記食糖水，難得今日唔需要等位，叫咗個紫薯芋圓仙草，個紫薯好特別，紅豆又唔會太硬，加埋啲忌廉奶落去，即刻變得滑咗，至於個雷沙湯圓非常好味，皮薄餡靚堅好食。可能今日人少，所以服務員態度特別貼心，價錢講真唔貴，比起而家啲糖水店真係算平。裝修過嘅總店比以前靚得多，起碼有啲時尚感，亦可能要追上潮流，所以多咗好多以前冇嘅。但每次落嚟總店食都要為搵位泊而煩惱，幸好今晚落雨泊街都唔驚抄牌。餐牌店內裝修雷沙湯圓紫薯芋圓仙草