板上 (桂林街) (已結業)

藍妹去開深水圳陪人紋身，經過呢間板上，見到好似好吸引，又有得外賣，就決定呢間啦。—睇Menu已經覺得佢好抵，牛豬魚乜都有，漢堡都只係70蚊有找，仲要有野飲送。😱—究竟好唔好食呢？份量多唔多呢？好期待啊！開估啦！🤪—赤味噌燒豚五花‧珍珠飯一打開個飯盒，嘩，比想像中多好多呢😲伴菜有粟米同茄子。赤味噌係甜既，由於豚五花既份量都唔少，食得多其實都有少少漏。😬豚五花唔會好鞋，有少少軟骨，整體口感唔錯。因為味噌醬油足夠，所以撈飯一流，好快就食哂。兩個人食一人一半，到最後都係食剩一兩塊豚五花。😖‧珍珠飯，米粒大粒啲，黏性高，食落去會比平時既普通米林身，本身米都已經微甜，配埋豚五花食好味。😊—安格斯牛肉漢堡‧脆薯皇真係冇諗過佢個包會咁大個😱男朋友好怕食包既醬，因為好多時都係酸既，不過今次呢間唔會呢😉 肉超級厚，但都仲有肉汁，一啲都唔乾身，熟度都做得唔錯，可以見到靚靚既粉紅色。😜如果你鐘意多醬汁，可能唔太岩你，因為佢醬汁比較少，主要係肉汁為主。🤔‧薯皇又係好多舊，雖然外賣隔左段時間先食，不過都仲keep到少少脆。食完個包，再食啲薯皇，真係飽到搞唔掂，食剩唔少。😣—以為送既野飲都唔方好飲，點知都OK啵，蜜

行過門口見到裝修 型格，便去試試叫左杯 青檸梳打， 打算走之際原來可以堂食，仲見到枱有免費叉電，岩晒。我就係接近無電，正到爆。邊飲邊涼冷氣邊叉電。嘆左15分鐘就走人。因為仲有點飽無試佢啲食物

係深水埗,好多好野食就眾所周知, 呢區又地道, 有平又有貴。 但今日去食既,係間叫板上既小小店, 入到去,揀既野唔多, 有飯, 亦有漢堡, 而我揀既係飯,用既係珍珠米。呢個就係板上照燒雞既珍珠飯, 好多汁, 最驚喜就係有啲粟米有茄子。而啲雞亦好有份量, 飯就唔算多但都夠食既。野飲方面, 本身跟熱飲同埋一啲soft drink , 如果加十蚊就有啲特式啲既野飲,比如珍珠奶茶, 杯芽奶茶之類。但我見到即磨咖啡都係free就試左佢。正喎, 好味呀!40蚊食個lunch, 有埋野飲,真係算係咁。但好好味又未到既

家住深水埗，經常惠顧此餐廳的外賣自取服務，因為真心覺得好食。此店店面面積較小，座位只有吧枱和高椅，不算十分舒適，但坐著吃一頓飯也不會覺得坐得不舒服。今次點了黑豚飯和黑豚漢堡，買回家跟家人享用。等外賣的時間不算太長，玩一會兒手機便叫到我的號碼，估計大約數分鐘吧！黑豚飯除了黑豚和飯，會有兩款配菜，餐廳每隔一段時間便會改一下配菜材料。平常我光顧茶餐廳時會盡量避免點豬肉類食物，因為怕會有一陣豬臭味，但此餐廳的黑豚肉不但沒有異味，而且是十分美味。黑豚漢堡也不錯，不過感覺黑豚配飯比配漢堡更適合。每次飲品我也是點是日精選，忘了是什麼，但味道也不錯。

深水埗一向是個臥虎藏龍的地區，區內的食店真係各有特色，深受廣大市民愛戴。有一日，逛街時，搵到一間好多人排隊買午飯嘅店舖。咁好奇之下又跟風排隊啦，原來深水埗有間平價鐵板燒。雖則是平價，但我覺得該店拍得住其他高級鐵板燒店既質素。今次嘅我都係依然看看Menu 有什麼好東西吃。咁睇咗一陣，就揀咗板上雪花一口牛加珍珠飯嘅便當，再加配是日特飲啦。先講講板上雪花一口牛質素先，我覺得質素不錯，咬落牛味超濃，而且又多汁，外層有少少煎到焦黃般，口感就帶脆口。之後特飲選擇了藍莓多多，飲落酸酸甜甜，幾過癮。真係好估唔到深水埗區能夠有間咁出色嘅鐵板燒店，希望店主及廚房會繼續帶有用心為客人烹調的心，這樣我便會再回頭一嚐。。

因為男友住在深水埗，所以經常都會到板上品味又平又美味的餐點(◍ ´꒳` ◍)K小姐超喜歡板上。從以前它還在牆上畫上貓咪插畫的時候就已經很喜歡，吃飯的時候總是愛看著牆上插畫的細節，但近來板上轉了裝飾，牆壁上的貓咪已變成了金屬感較重的設計，某程度上感覺更商業化了。雖然不喜歡新裝潢，但無疑並沒有影響它們餐點的水准(❁´ω`❁)基本上店內所有美點K小姐都吃過，而最愛的就是照燒雞和燻蹄，這次就點了山賊醬燒燻蹄。一盤包含燻蹄、珍珠飯、牛油粟米&中華沙律及餐飲的餐點只需$52，我覺得性價比真心不錯。味道方面，燻蹄肉味濃，有咬口，從圖片中可看到，作為主菜，燻蹄的數量也不少，牛油粟米的牛油味不算太濃郁，略淡的口味反而能中和燻蹄醬的濃味，中華沙律不用說，因為是現成的配菜，所以很好味(⁎˃ᴗ˂⁎)也因為這一小盤中華沙律而暗暗加了分！唯一美中不足的是這杯綠色的指定餐飲—青蘋果綠茶，覺得稍微淡了點，也沒什麼青蘋果味，感覺就像是混雜了大量清水的青蘋果汁，只有一點點的酸味，K小姐喝了三分之一就沒有再喝了～除了食物質量很不錯之外，板上還有一個貼心之舉！那就是....充～電～線！！！！！天呀這真的是太體貼了(*╹▽╹*

一口牛買飯連特飲，失望2018/06/09係深水埗做完運動去食飯,經過依間板上見到餐牌到有一口牛😃見70幾蚊以為係唔錯嘅牛。當日我點五成熟嘅一口牛有啲濃之餘😠，仲有啲硬食得好唔開心😕，跟餐餐飲冇得配店中招牌台式飲品，有啲後悔行咗入黎食😧。反而同行姊姐點咗50幾蚊嘅豬手飯，好食好多，又較平又香口，下次大家光顧我都推薦大家食豬手😲😍👍，唔覺貴可以試埋珍珠奶茶，我個人覺得唔多值得期望😔。另一姐妹點了漢堡，薯條鮮炸起份量多👍，漢堡朋友話有啲油😧，食落成個包都濕😨唔及mos burgar 好食。失望地食完個唔好食嘅一口牛😱，下次再黎都係食豬手算喇😳👍👍。

成個鋪頭都行自助式，好似平時d連鎖快餐店咁，平過就食日式野。選擇唔算多，但都有牛有羊有豬有魚揀。我叫左份$58雪花一口牛便當，有部分野飲係要加錢，而我揀嘅熱檸蜜就唔洗加，好似健康d。個便當除左牛肉粒同珍珠米飯之外，仲有兩款配菜，分別係栗米同芽菜。牛肉粒有十零粒，肉質幾好，唔會𡁻唔到，飯軟硬適中，配菜味道不過不失。整體黎講係幾好，位置方便、衛生、味道ok，係個平平地食過快飯嘅好選擇，不過男仔去食就可能唔夠飽喇。

今晚上想食另頃漢堡包,所以行遠少少嚟呢間叫外賣返屋企慢慢嘆。先叫個安挌斯牛漢堡配薯角,份量十足牛肉夠肉汁,薯角炸得夠脆口,沾上酸辣酱一流!再嚟一個鰻鱼钣,鰻鱼夠厚及酱汁咸甜適中,再食炸魷鱼圈作小食,飽晒!

同事食過話好好食 不停問我幾時再陪佢去食 好啦 今日就一行三人去試下有幾好食 我地叫左兩個板上雪花一口牛配珍珠飯 $52 配熱既柚子茶 一個板燒鯖魚配珍珠飯$43 都係飲熱既柚子茶 比完公坐低等飯 都唔算太耐 兩份牛到左先 配左栗米同中華沙律 兩樣我都鐘意食既 飯方面就真係太少啦 女仔都未必飽 唔好講男仔啦 雪花一口牛個名改到咁fancy 我梗係滿心期待嫁啦 但食落去有筋唔嫩 又未到會柴既 但有啲失望囉 同事叫既燒鯖魚都到啦 配菜同飯一樣啦 魚呢就有腥味 佢話上次黎食唔係咁 咁我諗佢水準keep唔到啦 呢個價錢 附近都食到比佢好食既午餐 所以下次唔會黎嚕

行過深水埗呢個平民區，會發現一間對比周邊環境現代化一截嘅餐廳。鋪頭面積唔笑算好大，大概可以容納到20人左右，有少少迫。餐牌種類算多，有牛有魚，仲有小食，價錢亦唔算太貴🤭叫左佢地招牌菜嘅一口牛🥩 再加件可樂餅牛粒熟嘅程度有啲不一🤔有啲嫩 又有啲老便當配菜得粟米有啲單調 但都夠甜嘅配牛嘅肉汁好淡，唔夠咸可樂餅👍🏽啖啖薯仔，有少少咖哩味，好啱中意食薯仔嘅我，但可惜入面冇乜肉碎整體而言，份糧夠，價錢合理，味道OK，值得一試

係深水埗來講，板上算係一間幾型格既餐廳。啱開張果陣食過，覺得幾好，依家再食，味道同價錢都保持到。山賊醬燒熏蹄珍珠飯熏蹄燒得乾身，出到來熱辣辣（圖係我已經整亂左d肉😂）粟米同萵筍正正常常。至於d汁，我以為佢係會淋面，點知係用杯仔，凍凍咁用來點d肉，有少少唔夾。同埋d汁有d似咸咸地既柚子汁咁（個人感覺，其實唔知山賊汁咩味）板燒鯖魚珍珠飯鯖魚火得好好，表面乾身，魚肉又未會好乾，幾好味。午餐配既係菠蘿多多，頗甜。

路經深水埗要覓食，順便想食康瑞甜品，於是就係附近覓食。見到呢間日式便當平平地就入去，48蚊就有個豚肉飯，仲有得送凍水蜜桃茶，不過天氣凍就無要lu。雖然配菜有點遜色，只有筍和粟米，不過呢勝在主菜份量多，而且豚肉的汁很開胃。下次仲想試其他便當。另外，叫左呢個唐揚炸雞，非常失望，竟然係點茄汁，唔襯之餘，d雞非常油，有少量椒鹽調味，唔點茄汁都得ge...不過$26真係幾差。整體環境都舒適，又有得叉電，合格啦。

吃了3個月才寫食評,之前還想說支持一下小店(小店總會有分加),openrice一下才發現原來不是小店啊...不過味道是不差的~會去是因為看過雜誌介紹,深水埗掃街多,要找個地方坐下來傾計是不易的,所以找這間試試看.去之前完全冇睇過openrice,只跟住雜誌地址找,原來都不算太易找,(離地鐵站近,只係招牌不太起眼)入到去看到牆上有特色的壁畫,好多details,一邊食一邊看了很久這裡是先付錢後上菜的一共點了兩個餐1是大板燒配紅茶,由於冇食過正宗大板燒,個人認為這個味道一般般,不算非常好食似章燒小丸子的味道第二個是安格斯牛漢堡配柑桔青檸,跟連鎖快餐店的味道差不多,不過薯塊是好吃的,由open kitchen睇住佢即炸杯柑桔青檸就好消暑整體來說是吃環境多於食物的.

之前配菜有，玉米+茄子 ,玉米+夏南瓜, 玉米+金菇， 現在是玉米+中華沙律 . ......中華沙律我覺得downgrade 了又cheap,新配菜真是不掂. 是後去買最好問下他們有什麼配菜,