板上 (桂林街) (已結業)

板上未夠鍾check in，先在酒店附近吃個午餐吧！見店外客人多，外賣客也不小，應該不會太差。照燒雞肉飯，用了大木盒很美觀，左上角是粟米，右邊炸茄子略油膩。醬汁甜甜好下飯，雞肉比白米飯更多。另一主角是豬肉漢堡，疊成多層，豬肉是薄片炒香的，其餘材料有生菜蕃茄青失芝士。連男生張盡口一口咬也有難度。脆薯角幾香口又脆身，禁不住破例多吃幾塊。

　　閒逛深水埗期間忽然肚餓，在網上搜尋一下，不難找到板上。坐位安排輕易吸引到我，因為個人挺喜歡高枱高櫈的快餐店式設計（適合「孤家寡人」毒食 Orz）。價錢方面，比一般深水埗區內的小食貴點，但食物質素卻不只高出一點。　　單點了一個黑豚漢堡，送了一杯熱情果味特飲。特飲先到，但平平無奇，就是熱情果味飲品一般，不在此著墨；漢堡一到，我「當堂嚇一跳」，因為份量挺大的，「然後得啖笑」，因為只是漢堡的包裝紙厚身而已...... 不得不強調，漢堡份量是正常的，只是因為包裝紙的假狗讓我有種失落感而已。回正題，豚肉夠滑，醬汁跟肉亦配合，肉以外的菜都夠脆口，漢堡的整體是合性價比的，值得一試。　　唯一要抱怨的，就是整家店都十分不環保，堂食跟外賣的餐具都是一次性的，紙盒都是盪膠的，膠杯，膠叉，個別包裝的飲管，吃得有點心痛。一個人進餐已產生這麼多廢物，如果一班朋友的話，感覺更差吧。希望板上可以在這方面下一些功夫吧。

店仔細細走快餐模式。叫了2個餐。 開飯！！三格便當形式。 粟米（um...食唔出有加牛油撈或炒，亦無撈蜜糖。但幸好粟米本身清甜） 角切炸茄子 加左 木魚碎 同 燒汁。正常！燒汁雞柳！整好送飯！ 好送飯到嫌唔夠飯😂😂最後！飯！ 珍珠米！ 恰到好處！煙靭！和牛粒即叫即炒。 亦是一大驚喜。 淋得黎有牛香。😂 由於覺得好食所以覺得略嫌牛柳粒少了點。不過五六十蚊有咁嘅份量都已經接受架啦。絕對會再去啊！

同朋友行完深水埗，又係出動搵食，板上之前新開張時行過冇食過，今次可以一食。雪花一口牛應該係呢度皇牌，驟眼見起碼有7成人叫，所以我地都叫一份便知龍與鳳。雪花牛煎得岩岩好火喉，四四方方一口可吞，牛肉軟嫩，牛肉香味陣陣，以廉價牛柳粒黎講算幾優質，珍珠飯熟香煙韌，醬汁茄子味濃，粟米味道一般，宜多加牛油更好。菠蘿多多唔太重菠蘿味，乳酸甜度偏高，減少糖份會好啲。薯角炸得酥脆亦唔油膩且帶點鹹香，份量蠻夠。其實塊安格斯牛肉真係好唔錯，牛肉扎實鬆軟，肉汁多而不膩，亦大塊，生菜新鮮，不過敗筆在於麵包冇烘過，被肉汁整到腍哂，呢方面要扣分。

之前係網上見到介紹 一直都想試難得同frd落腦場 當然要試試位置唔算近地鐵  地鐵出口行去大慨15min餐廳係快餐型式  counter叫完飲食會有人送黎我叫左一口牛便當  因為係即叫即製 所以都等左陣期間透過玻璃望到師傅製作過程 衛生環境都唔差黎到即刻聞到好香既牛味首先試試牛油栗米同茹子  味道唔錯主食既一口牛 牛味足  口感嫩 煮得啱啱好 perfect池 珍珠米口感煙韌 淋上牛汁  正我個frd叫左個黑豚漢堡  我無機會試  不過食左啲薯角都唔錯結論: 食物水準高  雖然價錢以深水埗黎講唔算平  不過都值   下次去一定要試下個炒麵熱狗如果遲下開分店/ 擴大 一定支持 

深水埗多左好多不同種類的食物，今次揀左呢間位置並不起眼的地方試，店子不大，坐位有點迫，不過兩點去到也不用排隊，以快餐店形式買飛，坐底，之後店員為你奉上餐店！店內大部份人選擇和牛便當，雞便當及漢堡，今次我地先試兩個便當！

都係睇左香香介紹，所以專登嚟試下，門口個staff 黑口黑面，又唔講原來要攞飛，我就係咁喺度等，直至我朋友忍唔住走埋去問，先衰聲氣回應，叫左個一口牛，份量十粉樓下，不過呢個價錢都算ok啦，但跟餐杯士多啤梨多多，比藥水更難飲，啲茄子無味之餘好油淋淋，粟米都係普通嘢，另外叫個照燒雞，我相信大家可以唔洗試，雪藏雞好鞋之餘，個味道一般，加$8轉左杯金桔蜜，諗住個杯士多啤梨跟餐送嘅都預會唔好飲，點知低處未算低，成杯嘢唔甜唔酸，無乜味又唔太凍，比室溫水好小小，整體而言都唔會再試

Saw this place full several times and decided to try. The interior is very bright and clean, completely different from the hustle and bustle of Kwellin street around. I liked the graffiti on the outer wall as well.I ordered the grilled chicken meal and it arrived very fast, within 10 minutes. Chicken pieces were nice and tender. I anjoyed the corn, even though it was a general canned corn. The staff was welcoming and friendly, the food temperature was great, serving time was short. Its not a pla

這間店是因為T電視臺某個飲食節目才令我有興趣試食，節目主持安德尊和李錦聯一邊鬥氣互窒，一邊介紹街坊食店。試後感覺不錯，好像賣台灣日本鐵路飲食文化，以類似便當飯盒的容器盛載飯菜，加上一杯特飲成為套餐。主菜照燒雞和珍珠飯套餐，以類似紙盒隔着木盒盛載，盒内另有前菜茄子與粟米作配。乍看份量不多，可能吃不飽的樣子，但一吃下去便發現，餸菜比飯來得更多，要吃飽其實還可以。特飲不是普通飲料，好像是果汁混合益力多一般，味道酸酸甜甜，很易入口，用作套餐比汽水來得更好。小吃方面，大阪燒也造得很不錯，吃下去還是熱呼呼的。大阪燒內的材料很充實，配上醬汁吃就最好了。還有小食可樂餅，是甜食。以紫薯包着栗子，外層加上脆漿再放入滾油炸，都是很熱很新鮮。這間店飲品和食品都出乎意料地好味，難怪經常有很多顧客幫襯，很受歡迎呢！

本來晚飯屬意食越南菜，剛巧碰上店主旅行店舖休息一星期。正當惆悵食什麼的時候，朋友晚上建議來吃快餐，想不到店子細細都有很多人排隊。首先要去收銀處點食物及拎張存單，之後收銀員就會叫號碼安排入座。有漢堡包、一口牛、鯖魚、鰻魚、豬軟骨、燒雞、豚肉等。快餐店來說選擇尚可～板上雪花一口牛珍珠飯 - 有十粒和牛，厚度充分，肉質味道尚算香濃但咬落帶點微韌。茄子軟稔多汁，配上木魚味道不錯～粟米粒如果落多啲啲牛油味道會更好！菠蘿多多 - 乳酸味味道很出，不過丁點菠蘿味都渴不到。而且整體味道偏甜，甜度可以降低點會更好。安格斯牛肉漢堡配脆薯皇 - 份量很大。麵包沒有烘過所以咬落偏軟稔～牛肉肉味算濃肉質夠厚，而且有生菜蕃茄可以減少食肉帶來的飽滯感。薯條夠粗身薯味頗濃，熱辣辣地食挺不錯。

夜晚要練歌,五點幾想食D野(其實當晚餐)先去,係屋企附近無咩特別野食,就去呢度啦~星期六都有下午茶喎~黑豚漢堡---38蚊係意想不到咁大個,而且入面都幾多豚肉喎@@ 呢度既包無烘過,所以唔脆既,不過都唔係咩大問題,試下味道先,一啖咬落去,OK喎唔油,個燒汁唔會過甜/咸,食完成個包都真係飽,同埋食完D汁都無滴出黎,對手好乾淨~大姆指雞翼---其實係孜然單骨雞翼,好香亦幾脆,28蚊有咁多隻都算抵~~~呢度簡簡單單味道又幾好價錢又公道,諗唔到食咩都可以黎呢度GA~

剛巧晚上黎到深水涉唔知食乜好 (太多選擇了)，閃電仔想食漢堡包而我又想食下飯。醒起早前見朋友介紹「板上」，一間小店內有齊飯、漢堡包以供選擇，正好解決我倆所需店內麻雀雖小，也有約十多張高椅作為堂食。點餐後，可坐在高椅透過玻璃窗見到廚房內即點煮情況。安格斯牛肉漢堡餐：把小紅劍插係漢堡中間固定，幾可愛。包裝紙幾厚身唔怕啲汁「過底」整濕手。漢堡份量頗大，男士們唔洗怕唔夠飽。板燒鯖魚飯：鉄板燒後的鯖魚也有手掌長度咁大，骨唔多。珍珠米配上伴菜及粟米，感覺冇咁熱氣。整體感覺不錯

開左呢間日式鐵板燒便當一段時間都keep住有客，見佢裡面有位坐，就入去食個快餐，起碼換下口味～裡面座位唔多，大部分都係靠牆既單人位，用膠造既高櫈坐得唔算好舒服，但都正正常常主要係食日式鐵板燒以便當形式既快餐，有8款選擇，6款係配飯，2款係漢堡飽。見過下午茶有茶餐，主要都係漢堡飽為主，晚餐應該飯既選擇多～就算堂食都係全部用返外賣用既飯盒同餐具，比較唔環保，樣樣都係用紙用膠造無得回收～赤味噌豚五花肉配珍珠飯：五花肉脂肪相間分明，切得薄有油香，重味噌味送到飯，不過可能無留意五花肉應該用少D油炒因為腩肉會出好多油，搞到D油浸曬落飯底，食完飯盒仲係好多油～肉既份量都幾多，相對飯比出面少D，女仔食係夠既～如果男仔食可以試下問多飯蒲燒鰻魚飯：鰻魚都係正常既貨色，唔係太肥美但都比得唔少，有蛋絲鋪住鰻魚，鰻魚汁亦好夠，好好送飯～飯既配菜有粟米粒同涼拌豆芽，粟米粒粒縮曬水乾曬應該擺左一日，豆芽口味清淡，應該有麻油，口味似中式～特飲：當日好似係荔枝紅茶特飲，好一般，都係飲返一般既飲品隱陣D!價錢都OK，分別係$46同$68，希望堂食既用具環保D同埋檯面乾淨D～見到檯同牆都幾多汁既漬

通常到深水埗都係食牛腩麵作午餐，有一次經過呢間新開張的餐廳，收到傳單覺得好似幾抵，而且深水埗比較少呢類食物，所以都打算搵次要試試。今次是中午一時半左右光顧，店內大約有一半座位有人，雖然店鋪空間不多，但座位安排不錯，既可容納約10-12位客人，又不會太焗促。見到便當形式上以為會有點頹，但係完全估錯左！一口牛非常好食，牛肉幾鬆軟又有肉汁。至於漢堡餐，漢堡質素幾高，味道好有層次，唔會食到一半就覺得好厭。缺點係薯角好似太多，整體上兩個餐我都會寧願減少食物的份量而價格稍微下調，因為一人一個餐已經好飽，想試下小食都唔得。（係，呢個係缺點。哈哈！）另一樣就係包裝，漢堡包張紙好厚，而便當個盒又好似有燙膠，感覺唔係咁環保，可以考慮用薄Ｄ的紙同無燙膠的紙盒（可能漢堡包餐個啡色盒會好Ｄ）

呢一間鐵板燒便當，今次已經係第二次幫襯，兩次我都係食一口牛，隔住玻璃見到廚師係鐵板燒牛肉，牛肉係即叫即整的。配菜有粟米粒，茄子，主角就係牛肉粒，係靚嘅牛肉嚟嘅，牛肉味好濃。飯係用珍珠米煮。飲品就冇乜特別。＄60來講可以試吓。