板上 (桂林街) (已結業)

好耐之前係Facebook見過有人推介過深水埗有間平價和牛便當，讚又快又正，晚餐諗唔到食咩就靈機一觸醒起佢，決定行過去試下。板上位於深水埗北河街街市附近，係深水埗C出口行大約5分鐘就到，位置好方便。小店環境唔大，只可以容納10-15人，全部都係高椅，我地去到已經係9點幾，所以無咩人唔使等🤗廚房透明度好高，坐係外面既食客可以好清晰見到入面師傅烹調食既過程，見到廚房都幾乾淨👍🏻餐廳細細，食物既選擇亦唔多，但都算包羅萬有，牛豚羊魚雞樣樣齊，仲有burger同鰻魚揀。當然要試必叫既一口牛便當啦，牛肉煎得好香應該係用牛油煎既，口感幾好唔韌，份量都算多，呢個價錢都有成十幾粒牛 略嚴飯有d少，女仔食應該岩岩好，男仔就可能會唔飽。配料有我最中意既粟米粒🌽 撈左牛油好味道😋😋 便當本身仲會包飲品，我地太晏去既關係是日跟餐特飲士多啤梨多多已經賣完，我地只可以揀奶茶咖啡汽水個d同埋有幾隻紅茶，呢隻荔枝紅茶都唔差又唔會太甜🙂仲叫左個季節限定既豚，燒汁味加埋洋蔥炒都幾香，豚既份量亦算多，但怕肥既朋友就未必中意啦，因為肥膏同肉既比例係5:5。總括黎講，都好推介呢間平民便當之選，性價比高！大家有時間不防去試下

每次經過都覺得幾吸引，但成日都係食完飯先見到今次終於去左食啦！叫左個一口牛同限定既羊個牛係即煮，冇好多調味，但好有牛味！都好juicy，同埋一粒粒，唔係啲cheap肥牛片，幾十蚊咁既質素真係抵食！個羊都幾好，不過畀牛搶哂風頭，薄身左少少，有少少膻，不過我就係鐘意食羊既膻味 個配菜金菇同粟米都好食！配埋杯特式野飲，成個餐七十蚊，我覺得物有所值！

每次放工去打網球之前都會黎呢到食個飯先。呢間最好就係多單邊位，一個人唔知食咩好又怕隔離一對對既話，可以考慮下呢到。不過坐近玻璃位朋友留意返，間唔中有阿叔阿嬸行埋黎望下你食咩😂一人便當黎講 佢都幾多款選擇。同埋每日都有特選飲品跟餐。今日我就叫左板上照燒雞估唔到佢都幾多餸，好多雞肉😍好滑又唔會太多醬油味。配菜有牛油栗米同燒茄子。感覺比去茶餐廳健康價錢又唔太貴

是晚入左深水埗買風扇，但人太多，迫完一輪之後就去附近搵野食。行經桂林街附近就見到呢間小店，從外面睇入去，入面得10幾張櫈仔，裝潢比較簡單。從餐牌睇，主要食日式丼飯同burger，仲有唔同既特飲。所以決定每樣都叫下。柚子醬油燒黑豚肉配珍珠飯豚肉數量多，起碼有六七塊，配上清清地既柚子汁，口感幾特別。栗米粒好甜，翠玉瓜好爽，正。檸水都係用新鮮檸檬沖，冇苦澀味。安格斯牛肉漢堡塊安格斯牛既大塊又好有牛既味道薯仔唔係空心架，好結實，啖啖薯味而杯香芋杯芽又唔太甜，好有香芋味呢間小店雖然細，但每樣野食都好有誠意，值得再黎

這間餐廳我經常吃，因為在附近工作，所有食物均為好味，價錢亦不算太貴，每樣主菜例如，牛肉粒、豬肉片、雞肉都有配菜如粟米粒及唔知乜瓜，都十分好味，牛肉包及薯條亦整得好好味。

位於深水埗街巿旁邊嘅新興小店，一份lunch set價錢圍起四十幾蚊。貴定平見人見智。呢班同事叫咗外賣。我就揀咗「赤味噌五花」 ，食落又幾野味喎。肉裏有少少甜味帶出食欲。而且肉嘅份量真唔少。舖晒成個飯。仲有粟米芽菜做配菜。影真開胃。仲有冰凍凍飲。唔知咩茶但小小甜勁解喝。同同事交換咗件雞肉。我覺得就遜色咗d,偏鞋… 如果再食我都會揀返五花腩或者羊。

夜晚喺深水埗做完野, 諗唔到食乜, 喺openrice搵到呢間, 望望google,呢邊應該易泊車, 所以就揀左呢間喇。望左陣餐牌, 第一次食都係叫啲穩陣野, 叫左雪花一口牛柳粒既餐。叫完等左5分鐘就整好喇。牛柳粒又真係幾好食, 炒得好香口,又唔會過熟, 入口軟淋淋,口感幾好。另外仲有粟米,西蘭花,仲有杯柚子蜜。50幾蚊真係幾抵食

中午肚餓但又唔想食太飽,去電腦城之前諗住快速醫肚.見到呢間店有便當立刻試試~~身為牛魔王gei我揀左板上雪花一口牛.珍珠飯個set.原來佢真係便當咁上,仲有西蘭花同玉米做前菜夠曬均衡營養~~我要大讚佢真係好有心,D西蘭花上面仲有芝麻醬同蟹籽,和風出曬黎!玉米已經有牛油添!至於主角一口牛份量相當多,肉質嫩滑又多汁,D米都好好味唔會太"林"連杯蘋果綠茶都好清新 唔太甜!估唔到深水步都有D咁有heart的餐廳~我就食到大滿足~如果唔夠仲可以+$8追加小食!下次試下先~

出開去深水埗附近買電腦野，梗係要睇下有咩好西可以食下啦。網上見到呢間既lunch set好似幾抵食，個賣相又唔差，所以揀定左午餐就食呢一間。叫左雞扒便當同埋雪花一口牛。便當嘅賣相真係唔錯，雞肉唔會乾爭爭。肉嘅份量都幾多，而且有兩格係菜嚟嘅，食多左d肉都唔怕嘅，有d菜可以中和番。午餐仲要跟飲品，有杯綠茶飲都唔錯啊！另外仲叫左個一口雪花牛都唔差，一口雪花牛唔會好"un",，肉嘅份量都算多，可以舖平喺個飯上面，食完都夠飽㗎。至於味道就無話特別驚喜，穩穩陣陣。汁唔會太鹹，經過可以試下啊！

深水埗真的深不可測，店面少少郤有意想不到的味道。令人驚喜的平民日式便當，食材新鮮。現場即席鐵板燒出美味，看著都口水流。價錢經濟，味道一流，仲配上特飲，半百套餐令人驚喜! 期待下來再來，好好味！

原來這店子在網絡上已偶有宣傳，甚麽和牛燒小店，可樂餅見稱。外觀看起上來好像一間理髮店一樣，想不到這一家鐵板燒店子，內裏原來那麼多人，有不少辦公一族都會來吃午膳。羊肉的份量不算太少，反而珍珠米比較少，如果底下的米飯可以加多一點的話，相信會更加豐富。我這個羊肉便當，一邊是粟米、另一邊是茄子，糟糕了我不吃茄子的。這些羊肉，外表看起來上來好像肥牛一樣，分別就在於肥牛更加多肥膏，而這一種山羊肉，沒有那麼多肥膏，肥瘦均勻，而且將鼻子靠近來聞一聞，會嗅到很香的羊羶味。羊肉的旁邊有點紫洋蔥，可能是令到羊肉更加入味令原因。玻璃窗不太乾淨，其實不太看得清楚店員在炒甚麽。店內的全是高椅，其實不算太舒適。

今日朋友帶我來到深水埗lunch, 唔係去老地方開餐而係黎到市政大廈附近食西式快餐試新野, 因為係地鋪我地好易就locate到. 安格斯牛肉漢堡配薯皇 ($61)運作橫式與一般快餐店無異, 都係收銀處order俾錢然後揾位坐低等食, 見到Burger同Augus Beef 兩個美味keyword, 而且配薯皇, 都無留意其他野食就點左, 等左10分鐘左右就來了. 一個長方型盒仔裝住滿佈白芝蔴嘅麵包+鋪滿薯角已經令我食指大動, 而薯角係睇住喺炸爐即炸即起, 脆卜卜嘅程度可想而知, 外面脆, 薯仔熱辣辣, 原個薯仔連皮炸起先有咁好味, 平時M仔食嘅牙簽咁粗嘅薯條完全無得比, 每條薯角size都粗過手指公, 見到墊底吸油紙得一兩滴油, 明顯係凳走大部分油先放落黎, 好有心機. Burger清楚睇到每個layer, 醬, 生菜, 蕃茄, 洋蔥, 片裝芝士, 主角Augus, 包. 配合返個burger塊蕃茄用左成舊嘅最大個片, Angus beed煎得好香, 咬落好juicy, 每一啖都平均好好咀嚼, 完全食唔到d雜嘅肉, 塊芝士以牛肉嘅熱力熔在一起, li個餐係色香味俱全的, 質素絕不輸俾中

又來深水埗了, 從機場坐巴士出來用了整整一個多小時, 第一時間是吃東西, 特意在openrice search些不是麵的食物, 發現這間有點快餐feel的店, 就在市政大廈附近, 稍稍Google便到, 簡單門面有啲潮, 落地玻璃, 廚房係open kitchen但我見到有個大鐵板同炸爐, 所以個「open」其實係隔著玻璃, 如果得一個人吃, 可以坐正前面望著廚師炮製自己的order. 板上雪花一口牛 ($50) 甫進店便枱頭望收銀上方大電視上的Lunch menu, 食物和普通時段分別不大, 就是lunch hour價錢更實惠. 一口牛到了, 是一個四四方方的盒以紙盒分開三格, 一格是芽菜, 一格是粟米, 一格珍珠米煲成的飯面頭蓋著一粒粒剛剛從鐵板煎好的一口牛, 份量十足, 習慣先吃配菜的我, 先吃粟米, 很有地捫feel, 很清甜; 而芽菜是醃過的, 吃了很開胃. 接著是一口牛, 均勻灑上黑椒粒令牛味更突出, 外層煎得稍微的脆口, 估不到的tender, 肥膏不多, 剛剛熟, 很juicy, 最重要是不會到喉唔到肺, 而意想不到的是, 珍珠米與一口牛之間竟灑了飯素, 增加了珍珠

之前去到深水埗，想搵啲特別嘢食，就行遠d去左板上食個午餐。由於轉頭要工作嘅關係想搵啲小食。見到呢間店出左咗飯盒唔係好大盒都有啲興趣。入到去個裝修幾好，喺深水埗區黎講，佢坐落於喺街市市場附近，我擁有咁嘅裝修設計係非常突出。我同朋友一齊叫左唔同嘅飯，個照燒雞過好似係五花肉。兩個嘅味道差唔多所以有啲失望。而且份量唔係好大，出邊都做到嘅水準但係佢哋價錢就貴好多。成餐其實冇咩特別，應該都係賣樣既食物。但質素就麻麻。我諗下次都會再去，食一次夠晒。

因為今日外出工作做完嘢嘅時候咁岩走左班巴士, 而且有點肚餓所以周圍睇吓有冇小店幫襯下見到呢度見到呢間「板上」, 荔枝角分店已經試過, 味道其實一般, 見到呢間分店同荔枝角分店形式有點不同, 呢度主推嘅係小食餐, 而荔枝角分店主推嘅係以飯餐為主, 形式同感覺兩間分店都大大不同小店有下午茶, 原本只係想飲杯野飲填飽肚子, 忍唔住叫左個大板燒食可能因為時間尚早幫襯嘅人唔算好多所以坐得好舒服, 裝修設計比較簡約以簡單為主大板燒套餐 $32因為呢度採用即叫即整製作手法, 所以叫餐之後要耐心等候, 新鮮熱辣上枱嘅大阪燒賣相相當吸引, 可能因為肚子有點餓嘅關係聞起來覺得味道特別香👍🏻👍🏻 大阪燒其實以麵粉為主再配上其他食材一齊撈勻形成粉漿, 雖然係咁但外層加上適量燒汁&沙律醬, 外面脆身而且內裏多餡, 食落富好有口感. 整體食落去的確好香, 味道唔錯套餐關係所以包一杯飲品, 而今日精選飲品係蘋果綠茶, 蘋果綠茶味都唔會十分甜飲落, 整體味道都唔錯, 而且都幾夠凍. 唔錯