林洪記水產

營業中

休息中

近排見有D涼涼地就想食蒸鍋，見到有人介紹去新蒲崗食蒸海鮮加打邊爐好豐富就去試試⋯⋯去到已經有人龍排隊所以去之前記得預約。望下餐牌原來都有好多選擇，加20$可以任飲罐裝飲料仲有埋支裝汽水👍5-10小朋友有兒童價但就冇海洋食😞除左蒸鍋配任食火煱餐外仲有麻辣雞煲方題或者大閘蟹配雞煲放題🦀唔想火煱咁熱氣仲可選擇叫即炒海鮮餐。我見到隔離枱叫左，賣相都幾吸引下次可以試吓先😋今次我就叫左海鮮蒸鍋加任食火鍋⋯⋯新鮮海鮮有8款每人一隻但蝦蜆可以encore 冇粥底比你但自己可以叫碗白反放落湯底自己煲，蒸完D海鮮汁令到D粥好先鮮甜👍其實食完海鮮加粥已經飽了八成再加埋火鍋猛食肥牛真係好飽☺️

朋友生日，知道朋友鍾意食海鮮，所以上網搵吓邊度有蒸海鮮食，見到呢度評分唔錯就早幾日whatsapp book左位，6點準時到達，叫左$238海鮮放題，每日加$40有半隻龍蝦🦞，加$20可以任飲，星期六每位再加$20，所以每位$318，但就不用加一，總共有9款海鮮，龍蝦🦞、聖子、青口、元貝、蠔🦪、帶子、鮑魚、花蟹🦀、大頭蝦🦐、食完呢9款海鮮之後就會有任食打邊爐，首先講下啲海鮮，望落去都好新鮮，但食落居然係完全無鮮味，聖子、帶子青口、元貝食落仲要梅梅地，好唔新鮮，隻蟹係斷晒腳，然後佢地每一款海鮮都係用同一個蒜茸汁，唯一比較好既海鮮係大頭蝦同龍蝦，另外一坐低佢叫我哋去google幫佢寫食評打卡佢會每人送一隻大閘蟹比我地，結果三隻大閘蟹，其中一隻係臭的🤮🤮🤮 最後佢只係用白開水+少少唔知咩湯就叫我地打邊爐，好彩係最後打邊爐啲野都算正常，起碼牛肉都有肉味，蔬菜🥬牛丸，雲吞、蟹柳都正常，但海鮮真係好差，蒸海鮮都係去返鍋心八仙蒸鍋食好過啦，起碼人地海鮮新鮮，每一樣海鮮都會配搭不同醬汁，總之呢間唔會有下次🥶🥶🥶

1-呢一個價錢，食物質素尚算可以2-樓面服務態度極差，冇禮貌，全場得佢一個做樓面，可能做到躁底，但係唔關客人事，我俾錢食飯係無辜的3-訂了10款海鮮珍寶盛宴，單張沒有寫限時及假期前夕+$20，單張寫小食任食，好快已經唔俾你再叫，樓面係咁催你走，明明+$20汽水啤酒任飲，樓面行過嚟叫我飲埋最後一支，22:00左右就好似趕住關門咁飲幾多關你咩事啫？（同朋友食飯傾緊偈好彩心情靚，如果唔係都想同個樓面認真傾吓偈）4-訂枱程序混亂，又話我訂錯時間，又話我遲到，之後俾返WhatsApp記錄佢睇，又唔出聲

I ordered a steam seafood buffet, which was served quickly. The seafood was quite fresh, including crab and prawns. I particularly adore flower crab. The crab paste is quite fresh and tasty. The oysters are really huge and fresh.The only issue was that I thought the mussels were a little poor and not fresh enough. However, overall, it was satisfactory.The most memorable experience is the seafood soup after steaming in the steam hot pot. It's wonderfully refreshing and sweet! We made a bowl of co

上次同屋企人去咗食海鮮放題,  估唔到咁抵食~!!個海鮮放題有真龍蝦囉! 平時食龍蝦都係食波士頓龍蝦。。。  好大隻鉗,  但價錢都唔平..今次呢度嘅龍蝦雖然唔係勁大隻,但勝在多肉又甜,  加分laaaaa 用蒸氣爐嚟蒸龍蝦,  口感上完美保留龍蝦嘅鮮甜..蒸熟之後嘅龍蝦肉質岩岩好仲係啖啖肉..我哋一家人都好鍾意食..龍蝦之外,  其他海鮮都新鮮, OK 唔錯 最後呢。。 我地食完成台都係海鮮殼,都唔太好意思咁幫手清理下, 店員都好Nice 好快手咁個黎清理, 真唔話得👍👍

極度想投訴負責留位的員工，打電話去留枱話要用what app, what app 完話ok 了，去到竟然話無訂枱，冇留位，成班人企左係度又等左陣，好彩最後都入到去食，大家一早约好，又特登坐車去食海鮮，如果因某員工的失誤而要臨時改地方多掃興，奉勸各位慶祝或聚餐的千萬不要選這間，隨時激死。

我爸爸嘅生日,  我哋一家人去咗食海鮮火鍋! 我爸爸平時都好鍾意食海鮮,  所以佢生日我哋就諗住帶佢嚟呢間餐廳食嘢! 我哋嚟到嗰陣,  餐廳已經坐滿咗人! 好彩我哋早有訂位,  唔使等位! 坐低之後,  就開始睇餐牌! 我哋叫咗個海鮮火鍋,  仲叫咗椒鹽瀨尿蝦! 啲海鮮嚟到嗰陣真係嚇咗我哋一跳,  真係超多嘢食！我爸爸睇到咁多海鮮,  真係笑到合唔埋嘴! 我哋先蒸咗啲海鮮,  因為心急想快D感受海鮮既口感! 海鮮真係好新鮮,  蒸完之後好鮮甜! 我哋食咗陣海鮮之後,  就開始煑啲肉類同埋蔬菜! 啲肉類都好新鮮,  食落好嫩滑! 蔬菜都好新鮮,  好清甜! 我哋慢慢食咗差唔多兩個鐘,  食到好飽! 埋單平均每人都係二百幾蚊,  我覺得真係超抵! 我爸爸食得好開心,  佢話下次都要嚟呢間餐廳食嘢, 我都係咁話!

▪️極上2小時任食海鮮蒸氣火鍋 $268 （成人） ▫️Open rice coupon $228▫️黃金時段 18:55 - 21:30▫️星期五、六、日或假期前夕另加 $20▪️小童 $198 （不包含海鮮拼盤)期待已久的蒸氣火鍋之旅卻因為糟糕的訂座安排而大打折扣，實在令人心情低落。原本在OpenRice上找到的訂位電話竟然只能透過WhatsApp另一個號碼完成，雖然一切順利，回覆也相當快速，甚至建議我們透過OpenRice購買折扣券以享更優惠的價格，並告知小朋友可以現場以現金支付。然而，當我們抵達時，接待人員卻表示找不到我們的訂位資料，只好撥打WhatsApp號碼進行確認。接電話的員工聽完後驚訝地說位置已經滿了。結果是，因為沒有預留座位，我們只好白白等待了45分鐘。在安排混亂的同時，他們還推卸責任☹️。最令人氣憤的是，原來小朋友的價格並未包含海鮮拼盤，由於購買OpenRice折扣券需要提前一天，小朋友只好支付成人原價才能享受海鮮拼盤。雖然整體食物質素尚算不錯，但服務體驗卻糟糕透頂，令人感到相當遺憾。

蒸海鮮火鍋，叫左個套餐，就有海鮮拼盤，有蟹蝦聖子帶子鮑魚蜆青口等等，然後其他配料就任食一開始就蒸左啲海鮮先，水準合格，蟹蝦都唔錯。蒸完啲精華就倒入火鍋湯底，幾鮮甜其餘火鍋配料不過不失，上菜很快加20可以任飲本餐廳最大嘅特色係book檯一開始打電話book檯佢就叫我whatsapp book咁我好聽話咁book完檯，對方都話OK但去到又冇位比我，店員話完全冇收到booking於是我咪打去whatsapp問，對方竟然回答:吓？full左牙?然後從店員和其他食客得知本餐廳一向book位混亂，whatsapp和店員是不同人管理也不會互通消息，簡直大開眼界PS最後等左半個鐘先有位另，明明有一檯遲左半個鐘，但又唔放檯，又係奇仲有，小童價係冇海鮮，所以如果小童要食海鮮要比正價

想清清地食個健康嘅海鮮大餐 ! ! 入到餐廳見到好多新鮮嘅海鮮, 睇到都流晒口水 ! ! 我哋叫咗個海鮮火鍋放題, 仲另外叫咗個濃湯花膠雞鍋 ! ! 啲海鮮排列得好整齊, 睇落好吸引, 一睇就知係新鮮嘅 ! ! 我哋用蒸氣火鍋蒸海鮮, 蒸完之後嘅海鮮, 肉質鮮嫩, 鮮味無比 ! ! 之後將一部分海鮮落去濃湯花膠雞鍋度煮 ! ! 花膠燉得岩岩好, 雞肉鮮嫩多汁, 湯底鮮甜濃郁, 真係好滋味 ! ! 海鮮之外, 我哋叫咗啲肉類同埋其他配料 ! ! 牛肉食得出係好靚, 肉質鮮嫩, 油脂分布均勻 ! ! 椒鹽瀨尿蝦金黃色嘅外觀勁吸引, 而且好大隻, 啖啖肉 ! ! 最後仲食咗個蟹黃飯 ! ! 蟹黃撈飯真係無法解釋嘅好味！蟹黃香濃, 飯粒軟熟, 簡直係人間美食 ! ! 

最近有個同事要離開公司, 為咗餞別佢, 我哋一行十幾人就嚟食海鮮大餐  呢間餐廳出名海鮮新鮮, 而且價錢公道, 所以好啱我哋呢班同事夾份食  我哋叫咗好多菜式, 有榨菜牛肉籠仔飯 &&& 無骨沙薑雞飯 &&& 清蒸紅蟹 &&& 花雕鮑魚 &&& 清蒸海斑 &&& 蟹膏蒸龍蝦等等  榨菜牛肉籠仔飯 係我每次嚟到必叫嘅菜式  鹹香嘅榨菜配上滑嫩嘅牛肉, 再伴以香噴噴嘅米飯, 簡直係極品  無骨沙薑雞飯 嘅賣相亦都非常吸引  雞肉新鮮啖啖肉  沙薑嘅味道好惹味, 食落好開胃  海鮮我哋叫清蒸紅蟹 &&& 花雕鮑魚 &&& 清蒸海斑 等等  啲海鮮真係超級新鮮, 肉質鮮甜, 啖啖都係鮮味  最令我哋讚不絕口嘅係 蟹膏蒸龍蝦  龍蝦嘅肉質彈牙, 蟹膏鮮甜無比, 係好正！

個海鮮套餐,有花蟹& 大頭蝦& 生蠔& 扇貝& 蟶子& 蝦碌& 蜆等等。啲海鮮真係超新鮮,睇都流口水。我哋先食咗花蟹。隻蟹好大隻,蟹蓋上面滿滿都係蟹膏。我哋用匙羹舀咗啲蟹膏落碟度,真係鮮甜到不得了！之後,我哋食咗啲蝦。啲蝦好大隻,蝦殼都好厚。我哋剝咗蝦殼,食咗啖蝦肉,真係彈牙爽口,鮮甜美味。啲蠔好大隻,肉質都好肥美。我哋喺蠔上面滴咗啲檸檬汁,食落更加鮮甜。啲豬紅& 田雞& 牛肉等等。用嚟蒸配合海鮮嘅味道,真係好夾。我哋另外叫咗份椒鹽瀨尿蝦。真係超巨型！成隻蝦大過我個手掌。我哋食咗啖蝦肉,真係肉質鮮甜,椒鹽味好惹味。

講到海鮮我都有唔少心得，呢間餐廳比我地既印象都唔錯， 我哋叫咗幾個招牌菜，巨型椒鹽瀨尿蝦、黃金蟹黃飯、無骨沙薑雞。巨型椒鹽瀨尿蝦真係好巨型！每隻蝦都有一隻手掌咁大，肉質鮮甜彈牙，椒鹽味好香口。我哋成家人一齊夾嚟食，好快就食晒成碟。無骨沙薑雞好正！雞肉好嫩滑，沙薑味好濃郁。我哋食完都讚不絕口。黃金蟹黃飯好特別，啲飯粒粒分明，而且好入味。蟹黃味好濃郁，同炸牛奶好夾。我哋用蟹黃飯嚟送炸牛奶，真係一流！海鮮全部都好新鮮, 點煮都係咁好食, 不過唔好過火! 

幾年前試過呢間嘅海鮮火鍋放題,一直念念不忘~~最近發現佢哋多咗咁多款新菜式,於是就約埋朋友再去食~~今次我哋叫咗佢地新推出既小菜：清蒸蟹膏蒸龍蝦、豉汁蒸海斑、清蒸紅蟹等等~~海鮮依然新鮮,新菜式好驚喜~我哋幾個朋友一齊食,每樣都試吓,真係好滿足~~最令我哋驚喜嘅係啲海鮮依然係咁新鮮,完全冇因為多咗新菜式而忽略咗海鮮嘅質素~~清蒸蟹膏蒸龍蝦係第一次試,真係超級鮮甜！蟹膏好濃厚,龍蝦肉又爽彈~~豉汁蒸海斑條魚好肥美,豉汁嘅味道好惹味~~另外既小菜清蒸紅蟹好大隻,肉質勁鮮勁甜~~

平時出面食海鮮鱔類好貴,見到呢間餐廳咁平靚正就試下,竟然冇失望！海鮮鱔片籠仔飯,仲有啲白蜆喺入面. 啲飯完全吸收咗鱔片同海鮮嘅香味,唔會過火,的確正！濃湯雲吞雞,雲吞完全入曬雞既鮮味食落係好味. 仲有就係最令我驚喜嘅呢就係豉汁蒸白鱔,竟然只係48蚊！雖然份量冇大排檔咁多,但係明顯抵食好多,而且食得出個鮮味. 黃金蟹黃飯,第一次有啖啖蟹黃既口感,本來係跟飯既,不過我就轉咗米線,配埋蟹皇汁落個米粉度. 第一次食咁好食嘅米線呀！