林記小食

營業中

休息中

剛食完近期話紅的X記，行去轉彎另一條街，有間隱世小食店，原來呢間網評都好高分，咁就試埋啦「林記小食」店細細，小食選擇唔多，前面有人要了10份燒賣打包雖然見到「牛肉」就想試，但剛才已食好多野，都係專一啲試「燒賣」啦一份燒賣要$12 ，係呢啲細店似乎收貴咗啲。我要了一份，佢用竹枝吉俾我原來一份有6粒，平均返一樣👌🏼又係唔辣小豉油。個樣普通啫講唔上靚，點知一啖入口….充實 好味 有口感 不是粉團呀必食真心推介

今日去完拜神，啱啱經過次次都想試嘅林記，今日唔算多人排隊，等咗大概10分鐘。順便買外賣返屋企食，買左一份腸粉，魚蛋，燒賣。返到屋企（大概半個鐘），啲腸粉燒賣魚蛋仲係好有味道，腸粉好滑，而且有彈性，一啲都冇爛！燒賣亦都好彈牙，燒賣皮亦都真材實料，見到佢哋喺店後即時做，感覺新鮮，環境亦衛生。下次想試埋紅腸，不過紅腸腐皮卷等等都要等大約10分鐘先煮好，所以今次冇買到。下次排緊隊嘅時候，睇吓可唔可以同佢哋嗌定，咁到我嘅時候就唔使等咁耐啦。

今日路過「林記小食」，被那充滿港味的招牌吸引。店鋪外觀樸實，就像香港街頭隨處可見的小食店，充滿著地道氣息。叫了份咖喱魚蛋加燒賣，簡直是味蕾的小驚喜！先說魚蛋，咬下去彈牙有勁，那是新鮮魚漿才有的質感，魚蛋本身的鮮味在濃郁的咖喱汁浸潤下，更添風味。咖喱汁調配得相當出色，香料的味道層次分明，既有薑黃的濃郁，又有辣椒的微微刺激，還夾雜著小茴香等香料的獨特香氣，並未掩蓋魚蛋的本味，反而相得益彰。燒賣也毫不遜色，豬肉與蝦肉完美融合，口感紮實，蝦的鮮甜和豬肉的醇厚在口中散開，外皮薄韌，很好地包裹住內餡。和國外一些所謂的咖喱小吃相比，港式咖喱少了些異域風情的甜膩或嗆辣，多了份熟悉的醇厚香濃。比起其他小食店，林記的咖喱汁更有自己的風格，用料也更實在。價格方面，這樣一份小食二十蚊不到，在香港來說，性價比頗高。美中不足的是，店內環境比較一般，座位稍顯擁擠，用餐時的舒適度欠佳。每次吃港式小食，都像打開了回憶的盒子。小時候放學後，總愛和同學湊錢買上一份咖喱魚蛋，一邊吃一邊嬉笑打鬧。如今再品嘗，那熟悉的味道依舊，仿佛又回到了那段單純美好的時光。林記的咖喱魚蛋和燒賣，不只是食物，更是情感的載體，承載著那些難忘的青春

之前朋友食過呢一間小食就推介我今日過嚟紅磡，見到都幾多人排隊可能係人氣嘅食店！今日就揀咗燒賣同埋魚蛋，如果要紙碗嘅話要另外加多一蚊，冇所謂，就加咗！老實講燒賣魚蛋嘅價錢唔係特別平，不過質素我係覺得唔錯嘅，燒賣都有魚肉嘅味道，唔會話好多粉，加埋餐廳嘅辣椒豉油非常好食，魚蛋嘅辣亦都非常出色，做到爽口彈牙嘅效果，唔會話係平平無奇嘅質素，位置嚟講喺觀音廟附近，唔算好近地鐵站，不過如果搭巴士嘅話就會比較方便。

好耐冇返紅磡,以前讀書經常會喺紅磡行街食嘢。喺觀音廟對面嘅小食檔，總係人頭湧湧，排晒長龍。已經好耐冇幫襯啦，今日過嚟紅磡，掛住啲燒賣。今日嚟到，人龍不變，依然好多人排緊隊，大部份人購買最熱門嘅燒賣，牛肉燒賣，腸粉同埋魚蛋。今日我買咗牛肉燒賣同埋魚肉燒賣，落咗豉油同埋少少辣油。牛肉燒賣同魚肉燒賣質地都係結實，彈牙，手打人手製作嘅肉質，果然係唔同啲！魚肉燒賣，唔會有魚腥味，同埋冇嗰浸粉嘅味道，牛肉香濃，好似食緊牛肉球咁，兩款燒賣嘅皮都好薄，沾上豉油同辣油，懷舊風味十足。

間魚蛋我極力推介 我覺得系香港最好食嘅，有時我會當晚飯食，佢嘅燒賣極力推介，好好味嘅😋😋😋，佢個湯汁配其他食物都好好味，我會配螺肉，香腸，紅腸，牛柏葉，支竹卷都好好味，腸粉都好好味噶，大家可以去試下😋😋😋

路過見人小小又係童年回憶，一於幫襯支持一下小店。～蒸腸粉腸粉10 蚊有4 條，唯一要贊的係腸粉夠熱辣辣。食腸粉嘅靈魂梗係要加入大量混醬（有芝麻醬、鼓油同甜辣醬）。呢到賣嘅腸粉係齋腸，所謂味道其實已經俾啲混醬蓋灑，剩下的只有啖啖童年回憶嘅味道。。。咖哩辣魚蛋雖然已經加入大量咖哩和辣油炆煮，魚蛋入口依然帶有點點腥味、而且是軟腍腍不夠彈牙。。。完全不合格！綜合只係一間讓自己心靈開心嘅小店，食物質素雖然有待改善但並不是重點。。。

買咗一串魚蛋同一條腸仔，腸仔正常，但魚蛋腥到食唔落，咖哩汁都掩蓋唔到陣腥味，講真未食過咁難食嘅魚蛋，明明好肚餓都食唔落，唔明點解咁高評分，做好食物質素真係咁難。

好多朋友都話如果你去紅磡就一定要試吓呢林林記燒賣，我又唔覺得佢好好食， 我覺得同平時我喺街邊買嗰啲都差唔多。啲醬油同辣椒油都係麻麻哋， 冇啲人講得咁好食， 只可以話佢啲燒賣夠熱就真嘅， 路過開可以買嘅但係唔使特登去食

每次去紅磡都會去林記必吃的燒賣，腸粉。佢哋嘅燒賣係大熱門選擇，食得出係自己手造嘅，每一個都大大粒好飽滿。牛肉燒賣真的吃到牛肉的鮮味。一啖咬落去感覺到牛肉滿滿嘅口感，好滿足。魚肉燒賣口感非常之嘅鬆軟，唔會好似出邊某啲平價燒賣咬落去會有好重嘅麵粉感覺，可以好明顯咁樣食得出同平時喺超級市場買嘅急凍貨色係唔同嘅。腸粉唔係很滑那種，但食得出出米香，配上甜辣醬，很不錯。次次都要排隊，好在店員手快，好快排到。如果不帶走食，就要企係路邊食。

食過幾次,每次都係叫燒賣,我覺得林記燒賣比出面好食d,魚肉味出d.但睇你好唔好彩,今次我食嘅基本上係底度.所以個皮偏淋.醬汁就冇乜特別啦正常發揮.但唔知係咪我錯過,我覺得冇以前咁好食喇

未行到去鋪前已經見到排哂長龍但為左想食好味既魚旦我地決定排😆見到好多人都必點燒賣我地就點左魚旦 燒賣 牛肉燒賣拎到上手熱辣辣 牛肉燒賣好味果然係有啲料到 好味🧡🧡🧡值得排隊去食

林記小食款式唔多 淨係有 腸粉 牛肉 燒賣 牛柏葉 魚蛋黑椒牛丸墨魚丸 螺肉 紅腸 腐竹卷 腸仔聽聞去到紅磡必食其中一樣，所以今次試吓 話說之前一路都會排長龍，但係我哋去嗰陣時無人不過不失 價錢合理 如果經過都會再買 小店幾細心 會比塊紙皮墊住嚟篤魚蛋燒賣🟡 (咖喱)魚蛋 HKD$11細細粒 算爽口彈牙 咖哩味唔錯 辣度適中 唔會太辣🥟 燒賣 HKD$10煙韌唔可以太粉 燒賣皮幾薄但係過濕 有幾粒淋得滯豉油亦都冇乜味 唔甜又唔鹹 有少少失望📍紅磡差館里 21 號 🇭🇰

第一次黎林記，聽過幾次，今日就去試一試5點幾去到都要排隊，5-6 人度，但我掛隊的時候一直有人來，條隊無消失過個燒賣幾好食，但唔算好特別魚蛋大粒汁好好味，價錢都合理，會再去食

啱啱放補習，有D hungry 所以就去左之前去過好多次嘅林記買腸粉啦～^_^去到個時要排隊隊咁我都照排啦～到我嘅時候我話要魚蛋腸粉時，個男職員就啱啱放魚蛋入個鐵爐a，then 佢就give 個D 魚蛋俾我之後有個阿姐又啱啱放生嘅腸粉入去，過左大概1min ，佢又剪個D腸粉俾我。我個陣好懷疑is raw ga，但係最後都係攞左返屋企。yeah 返歸啦～～就立刻eat 哇～真有D raw raw wo唉，有可能太忙啦～希望下次可以good D lasoso 評分時間(滿分：)食物：衞生：有下次嘅機會率：