林香檸手打檸檬茶 (豉油街)

營業中

休息中

🌳招牌手打檸檬茶$28行過已經聞到好香嘅檸檬味🍋 原來因為佢地自設香水檸檬果園，選用特選香水檸檬 ，難怪咁特別！100%手打香水檸檬茶，用咗紅茶底，檸檬果味濃郁、酸度適中，香水檸檬嘅獨特香味，一試就愛上🥰經過黃金比例調配而成，每杯都係新鮮製造，我煲入邊仲見到有檸檬嘅碎👍🏻🌳鴨屎香檸檬茶$32鴨屎香即係烏龍茶底，呢杯選咗少甜，檸檬味會突出啲，但個人比較中意正常嘅比例🤣見到包裝寫住［一口上癮 ，人間清醒］又真係形容得幾好，夏天飲完好消暑🥵🌳白桃檸檬茶$29呢款係帶白桃味嘅檸檬茶，檸檬依然係主調，多啲果香味，又唔算太甜，比例幾好🍑🌲🌲🌲🌲🌲🌲🌲🌲🌼懶好食指數：4.8/5🌼懶住去指數：4.8/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

近排手打檸檬茶開始興起，好似當初既奶茶舖咁愈來愈多間，係呢啲天氣有時覺得飲下茶真係好過飲奶茶🤣 Fresh 啲又冇咁肥🫣 最近旺角都新開左一間——林香檸，佢哋既飲品都幾特別又多口味就買左兩款Top既試下！-🥢招牌手打檸檬茶真係望住d職員人手打檸檬再沖茶落去，令到檸檬茶更加香又唔假，佢哋既檸檬係用青檸，飲落比較清新😋 甜度冰度都叫左正常，飲佢原汁原味啱啱好！都唔會太酸，呢d天氣飲翻杯，解暑又解渴😚🥢鴨屎香檸檬茶一開始仲淋鴨屎會唔會好奇怪😂 飲落反而係比招牌手打檸檬茶既茶底更加香，略帶少少香茅味道，男朋友係咁話真係似鴨屎🤣 但無奈地我只係覺得好香🫣可能未見過唔知鴨屎咩味-見佢哋有幾款果茶即將推出都有啲期待😝 等佢岀左都要去試下！

茶同檸檬好夾，檸檬味好香，少少澀味，但係好味嗰隻問題係佢真係極多冰成杯都係冰，細細啖咁飲兩啖已經冇咗1/3杯。而且佢冰度冇得調校，已經固定好招牌手打檸檬茶$28一杯細杯（500mL嘅杯左右），最少有350mL係冰 完全唔知自己買緊冰定買緊檸檬茶不過論味道佢係好味嘅另外就係 佢有一款叫做渣男檸檬茶，冇做任何解釋，我排隊嘅時候聽到好幾個人都問呢樣嘢係咩（包括我自己都問咗）但係我覺得咁樣真係好浪費時間 大熱天時已經要排隊 仲要每個人都問嘢 雖然都理解，但係唔太明白點解唔喺餐牌寫清楚

行過旺角 路經依間好搶眼既黃色飲品店。細睇下 原來係近期大熱既手打檸檬茶店🍋 手打檸檬茶係近排興起 打低流行左幾年既珍珠奶茶店🧋 佢特別既並非一般檸檬茶 而係以香水檸檬 用人手打出味道 唔係香精整成 感覺上係似健康啲既😋🤣🤣Menu上有唔少唔同口味既手作檸檬茶，名字也相當特別🍋 有「渣男手作檸檬茶」 、「原諒檸檬茶」等等，就咁睇依啲名真係唔知咩黎 依個時候真係識英文既重要性/非社恐人士既重要性 😂😂叫左「原諒檸檬茶」（$32） （Thai Lemon Green Tea) 不得不提 泰式綠茶底都係最近大熱門。而我就第一次試 。 外表綠油油咁 有啲疑惑咁既樣係咪真係好飲😅 但飲落去 係勁清新既檸檬香 伴隨著有啲似…糯米香咁（？） 因為怕酸 所以就依左正常既甜度 事實證明係冇簡錯😋 因為依個甜度係岩岩好 但是冰度是無法少的 但因為現時天氣幾熱 所以正常冰量是ok的。 現時買飲品仲會有印仔卡 買夠一定數量仲會獲贈免費飲料

今日放工後，同朋友行街見到小紅書火紅推介嘅內地廣東打卡網紅必飲店——————林香檸💞 💕💕💕滿心期待試試網紅店，我特登叫咗1杯招牌手打檸檬茶🍋🥤，試一試招牌之手作，嘩嘩嘩嘩！飲咗一啖之後，心諗點解杯野咁甜嘅？！😰😰😰仲要係死甜嘅，茶底無黎味道，好似飲緊水咁！而且半杯都係冰，啲冰仲要唔識溶咁，嚇死人咩！🥶🥶🥶飲咗兩啖頂唔順，太甜了，放棄咗！一次貪新鮮試過就夠了，不會再回頭買多次了🥲🥲🥲👎🏻

比起另一間呢間好飲好多！檸檬多，茶味夠濃。上星期買過兩次今日去買已經推出左吸印仔飲得多就送返杯比你！New promotion good job! I have chose half sugar and taste just right!

叫咗杯渣男檸茶，半糖，青檸同茶都勁香！係真係好清新好好飲，不過轉個灣未行到百老匯戲院已經飲晒，大約飲咗三啖左右，個杯就淨返全滿嘅冰同檸檬……啲冰真係多得好誇，見到佢倒茶係落咗大約一個半至兩個shot glass咁上下份量嘅茶…..又聲稱因為手搖所以冇得少冰(間間珍奶都手搖架啦)….所以….正常嚟講就真係未必有下次….但係又想試下佢個陳皮檸檬茶，所以再能都會落搭多一次，但如果啲冰都係咁多就真係冇下次了

🍋舖面靚靚，看見「手打檸檬茶」，吸引我光顧。🍋TOP1是「招牌手打檸檬茶」，一於試試。🍋買茶時，收銀靚姐姐會主動問顧客是否需要少甜；既然試新嘢，當然揀正常甜。🍋舖面設計雖然是黃檸檬，但用料欲是青檸檬。🍋啜一口，的確享受到青檸香，但⋯🍋茶飲完全沒有茶味，完全沒有茶的回甘，只是一杯有青檸香的超甜糖水。🍋而且冰量很多，飲得快的話，還未等及冰粒溶解，已被乾掉，剩下一整杯冰粒。🍋飲檸檬茶，還是茶記好。