柏景餐廳 (已結業)

成場自助餐，最期待的是龍蝦，等啊等、等啊等、等啊等，卒之有龍蝦出籠，排咗一陣隊，結果配給到一隻（即2個半隻）龍蝦，滿心歡喜諗住埋位慢慢歎，點知…老人家、小朋友千祈唔好食，因為韌到老人排牙咬唔到，小朋友又驚難消化…😓，又有一陣雪藏味，但情侶食就very good，因為煙韌到分唔開。其他食物如魚生、壽司也平平無奇，唯獨甜品幾好，雪糕有Movenpick，甜品甜度剛好、榴槤撻亦幾好，連我不食榴連也覺不錯。另一點就作為吾知幾多星級的酒店餐廳，居然有冷氣機滴水，比佢滴中真係掃興😅

朋友喜歡食tea set，見到這間酒店做Promotion，還可以任添就試下！Tea set鹹甜點各六款，不是太出色，喜歡這杯牛油果打成蓉再有少少辣味，上面加上蝦🦐，超好味！另外一個係巴馬火腿配鵪鶉蛋，一口食，味道好夾！甜點方面，不是太特別！但以這價錢，舒舒服服地同朋友閒聊也不失是一個好地方！服務方面就有很大進步空間，有個男職員好似遊魂咁，tea set來左餐具還未有，飲咖啡給白糖，叫他幫忙影相，無焦點，只影一張就走！

今日星期六，同兩個朋友去左食tea set但可能之前食多左，好似都冇咩tea set想食⋯之前見到呢間嘅tea set,平平地、網上book仲有8折。折後+10%都係$200/per Menu仲 講明無限添加咸點甜點⋯🤣🤣我一開始以為自己可以出去拎甜品🤣原來係雀籠嘅野食可以encore…不過食緊嗰陣，覺得食曬嗰set已經算好🙈真係一分錢一分貨，唔係話難食嘅、不過又唔係好食囉😐普通野嚟，唔好抱咁大希望就得⋯當純食一個甜品buffet🙈

鍾意食自助餐，又鍾意食泰國美食，知道柏景餐廳推出 泰‧尋味之旅自助餐，就約朋友來個自助晚餐，一解相思之苦。 先來幾款泰式沙律醒醒胃，甜酸得宜又爽脆的青木瓜沙律、甜酸鳳爪、入口柔嫩的八爪魚沙律。  原盅泰式椰子雞湯，主要是香甜的椰子味道，若增加南薑香茅青檸葉等味道，會更有風味。 泰菜離不開咖喱，這個青咖哩雞配烤餅，隔著口罩都嗅到那辣勁，雞肉則夠嫩滑，配烤餅同吃，認真惹味。 辣椒炒海鮮，怕辣的也可以試試這個，味道偏向甜辣易入口 辣椒炒龍蝦鉗，半開龍蝦鉗微微辣，滋味惹味。  想再Hot一下，辣到上頭頂，不如來碗冬蔭功湯或是地道泰式船麵。 不辣的熱盤，有燒豬頸肉配糯米飯、非常受歡迎的鹽焗鱸魚、泰式炸魚餅、蝦餅、香茅燒雞等。  燒烤區有芝士焗龍蝦、燒菠蘿、三文魚、魷魚、豬肉腸、雞翼等，我尤其喜歡龍蝦，鮮甜多膏又爽彈。  冰鎮海鮮有長腳蟹、小龍蝦、翡翠螺、凍蝦、藍青口等，肉嫩多汁，海鮮控不容錯過。  這晚刺身選擇多，有吞拿魚、三文魚、阿根庭紅蝦、北寄貝、八爪魚等 ，另有壽司及小朋友至愛的冷麵。  飲品區有龍眼冰、排毒水、天然維他命排毒水、柑桔檸檬汁等等，熱飲有咖啡及茶，無限供應。  甜品一向出色，

好像很久沒有去皇家太平洋食自助餐了。睇翻紀錄，對上一次到訪柏景餐廳，係半年前既事，不過那時疫情緊張，我只是來外帶下午茶。再數上去，係一年前，都係因為疫情，為安全起見，變成放題形式。依家叫做稍為緩和，可以做回 『正常』既自助餐，大家自己出去睇出去攞嘢食，係開心啲既。啊！介紹番，今期主題，係泰國美食。出去巡一個圈，可以見到，食物款式真係好泰國，尤其是熱葷。凍海鮮、壽司嗰啲都有供應，但我唔係度多講，主力描述下泰式食品仲實際。吃些泰式青木瓜沙律及酸辣鳳爪打開胃口後，見有椰子雞湯，拿一盅回去與朋友分享。幾重椰味的，裡頭有雞件，亦有磨菇粒，足料。熱盤方面，十樣有八樣都是泰式，貫徹主題。泰式咖喱是必需品吧，青咖喱雞、黃咖喱牛，惹味汁醬不一定要配白飯，來幾片烤餅來伴之，也未嚐不可。泰式魚餅、蝦餅、蔗蝦及豬頸肉糯米飯都是香口的小食，岩晒重口味既筆者。另外，燒菠蘿幾乎是為在座的朋友而設。炒海鮮是熱盤中的焦點，香辣惹味的青口、大蝦、蜆肉及翡翠螺，還有炒龍蝦鉗，均是充滿泰式風情。講起泰國美食，又點可以漏左船麵呢！將Buffet既粉麵檔搖身一變成為船麵，豬骨湯及冬蔭公湯任君選擇，配料不會矜貴，牛丸、豬肉丸、紅腸

已經有一段時間沒吃自助餐了！見到柏景餐廳 Café on the PARK剛推出了 *泰 • 尋味之旅*自助餐，喜歡吃泰國菜的我即刻約好友去大快朵頤！甫踏進餐廳正是海鮮區的位置，琳琅滿目的新鮮海產盡在眼簾，涼意濃濃食慾亦隨之而來了！這夜供應的海鮮包括有青口、鮮蜆、大蝦、雪場蟹腳、龍蝦鉗及小龍蝦，共有6款選擇之多總找到合我的心意的吧！然後是沙律專區疫情關係會由師傅代勞，只要揀選自己喜歡的醬汁，師傅便會為你送上一碟新鮮的自選沙律。接下來是凍肉區內裏放滿了凍火腿、風乾火腿及莎樂美腸，配合沙律菜一同享用可增添風味。緊接着的有數款充滿泰式風情的前菜，包括有泰式青木瓜沙律、泰式鳳爪沙律、泰式八爪魚沙律，另外還有煙三文魚和冷麵，最適合這炎炎夏日享用份外開胃。來到日式專櫃師傅正在忙著為客人提供即切刺身，選擇包括有牡丹蝦、北寄貝、三文魚及吞拿魚及八爪魚等，還有數款壽司及卷物，喜歡日式美食的朋友可以盡情享用。看罷清爽冰凍菜式後緊接下來的是暖粒粒的熱葷區。這一趟有我很喜歡吃的泰式船麵，而且會是即叫即淥的很吸引呢！當中配料選擇有豬肉丸、泰式牛丸及魚蛋、紅腸、魚皮餃，而麵底則可選油麵、米粉和金邊粉等選擇，最後還

自疫情開始，都無專登走去食自助餐喇，因為覺得感染風險少少高，不過，隨着疫情緩和，加上之前去過兩次「宅渡假」，都包自助早餐，睇到酒店都做咗唔少防疫安排，啲人亦頗自律，所以，對自助餐嘅感覺都安心不少。本土個案勉勉強強算喺28日清零，豪一餐當應吓景吧！揀「柏景餐廳 」除質素外，亦因為有大嘅折扣，以及方便我哋啲美孚人，食完搭西鐵兩個站就到。因為相對小弟嚟講，都真喺好就腳，計及多年喛都嚟過好幾次，餐廳嘅環境無咩大變，但甜品擺放嘅位置就有所調動，擺得更集中。而餐廳簡約時尚，地方寬敞，座位編排得唔算密，枱與枱都隔開得一定嘅闊度。由於今期嘅主題喺 「泰•尋味之旅」，泰菜一向都幾受港人歡迎，而場地佈置都可以睇到花咗唔少心思，有唔少相應主題嘅裝飾，近正門一邊嘅佈景版，真喺見到有啲姐姐專登企晌度打卡，直情當去咗泰國一轉。上文都講過佢哋嘅自助餐經常有折扣優惠，平日成人一位收$608，預早經官網訂位並繳付全費最高去到6折呀！上文都講過依家啲酒店做自助餐，都加強咗好多防疫安排，好似呢度咁，有部份食物需由廚師服務，就算喺自取嘅，都有晒透明膠罩冚住，再者，凡出去拎食物嘅客人，都需要戴上口罩。講咗咁多，一於去片睇吓有咩

大概一年先至會食一次buffet，19歲生日約咗best friend全日出街...😶所以今日就安排一家人去食lunch buffet啦~講冷盤先 薯仔沙律好Ok 食咗小兩杯~ 青口同蜆就麻麻地 D凍蝦好唔錯！鮮甜!!長腳蟹就就就Emmm 嫌煩懶剝🙊熱蕃茄忌廉湯真係非常好飲!!! This one reli大推😋！ 我同媽咪都一致好評 飲左唔少🤣（ 外面D 都$58啦，好飲就係要飲番夠本🤫）驚喜地有香檳~咖啡都好飲👍🏻豆腐甜品一致好評😋唔會好甜✨雪糕有幾個款式 屋企人覺得太甜😶我覺得普通啦，我要咗細細球 兩三隻味btw 因為6月生日就送左個蛋糕🎂！ Wow左出聲！收穫咗Waitress一句好sweet嘅生日快樂💜Overall this is a fine buffet lunch👌🏻

端午節假期前夕🏠同朋友去咗食日式爐端燒🍡自助午餐🥩🍥🥘🦀慶祝埋佢生日🎂如果想要蛋糕 就需要同酒店提前訂😊 ➡️職員嘅服務態度好好  酒店好注重衛生 👍出去夾食物時🍽  你同個服務員講 要邊樣食物  服務員會夾去你隻碟比你  而唔係自己夾   有少少唔方便嘅係有D難預啱食物份量整體食物質素都幾好 食物夠熱♨️侍應refill食物好快👍串燒有燒冬菇🍄燒秋葵 燒茄子🍆燒蕃薯仔 燒翠玉瓜🥒 等等 👍encore左好多次蟹腳🦀另外都有酒🥂供應😋睇番酒店嘅推廣 佢會定期轉自助餐主題🍱🥘🍤🍣等客人都可以試多啲唔同款嘅菜式😊

1.推薦生日午餐。當天如果下載SinoClub 免費成為會員，可以享受買一送一，以及贈送兩倍白酒，以及半榜蛋糕。兩個人吃下來才337！你沒有看錯，真的不到350塊。神仙餐廳🍴2.服務態度很好，熱情而且很耐心。因為長者多，畢竟我們是周中去，很少年輕人會放假或者有閒情來吃個buffet. 但是服務員挺耐心服務各類客戶。分派食物的人也很開心，如果到某些攤位，恨不得分很多給你3.生鮮任吃，抵到爆。而且時間很長，從12pm到2.30pm.就怕你不吃，沒有吃不飽的4.必須強烈推蔫葡撻，很小一個，但是巨好吃😋無法拒絕.燒烤也很好吃

事隔多年無黎皇家太平洋食自助餐，見到會員又推出返生日買一送一喎，就約左個吃貨朋友一齊刷返餐勁既，餐廳環境幾闊落，座位隔得算幾開。自從早排食完某間無野食既自助餐，即刻覺得呢度自助餐食物種類豐富，沒對比沒傷害，兩人共$488 + 10% 沙律，冷盤，煙三文魚，八爪魚 🐙壽司🍣魚生刺身都幾優質，鮮味🥳中式粉麵 🍝 ，即切牛肉，選擇多。鰻魚炒飯甜甜滋味，加日式醬油炒，爐端燒 🍢 燒杏鮑菇加醬油又係正，冷凍海鮮有蝦🦐蟹腳🦀青口同螺，都算幾新鮮。有款熱盤我夾左三次，就係牛脷，厚身，好香好淋，入味！最驚喜係竟然有香檳🍾️，易入口，成件事好值回票價🥰有三款香檳。另外，我好鍾意佢地甜品果部份，因為佢係我食過自助餐入面黎講，算係比較多選擇既一間，有窩夫🧇又有幾隻口味既movenpick雪糕🍦芒果布甸，中式糕點同埋小蛋糕🍰朱古力慕絲蛋糕，好香朱古力味。伯爵茶焦糖燉蛋，蛋香帶有茶香🥰迷你葡撻，質素好，拍得住肯記！芝士撻仔，入面係半流心既芝士，好香濃既芝士味，真心有驚喜既☺️最後仲可以拎走半磅嘅生日蛋糕，因為我之後要去行街唔係返屋企，我就問侍應可否雪住轉頭返嚟拎，佢好有禮貌，影完相就幫我包返，雖然蛋糕送既，但都有貼

今個月朋友生日，她是某集團會員，來這裡慶生壽星女可以餐費全免又有一個半磅蛋糕送，又食又拎。我倆都是缺少食力之人，所以選擇一些有優惠的自助餐才著數。今年一月我自己生日中午也來這裡吃了一餐慶生餐，當時自助餐主題是「香江情懷」。今期自助餐主題是「日式爐端燒」。以為平日人流不多，原來12:00開始入場時餐廳外已排了小人龍，量體溫，掃安心出行碼，完成後待應就帶你入座，今日所見都有九成滿。雖然自助餐主題轉了，但我覺得和一月來吃時的食材差不多。爐端燒有很多蔬菜類，燒冬菇、粟米，南瓜，秋葵，茄子，翠玉瓜，小蕃薯，菠蘿等，燒的肉類較少，有雞翼、鯖魚。不過我喜歡吃蔬菜多於肉類，所以沒所謂。冷盤仍是那四款，長腳蟹、藍青口、凍蝦、大蜆。熱盤種類很多，蒸龍躉片、炒龍蝦、炸豬扒、燒鴨胸、燒雞、日式餃子、炒什菜、炒飯等。有三款點心，燒賣、牛肉燒賣、炸雲吞。湯有西湯有燉湯。沙律、冷麵、日式前菜也多樣化，分成很多款放小杯內供食客取，有粉麵檔，提供美味麵食。其他如剌身、壽司、甜品、雪糕、水果這些基本食品在自助餐是不會缺少的，這裡也供應充足。今次最喜歡的是姫松茸螺頭燉湯，炎炎夏日我家裏已少煲湯何況燉湯，這個燉湯確實不錯，姫

staycation 好處係每早一起床，落樓就有得食早餐。餐廳早上非常繁忙，大家都準時最後一刻先食早餐😂。員工帶位安排妥當，快速入坐，再簡單介紹左食物飲品位置後，就出發拎野食啦！發覺佢食物係有員工幫你拿的，大家並不需要接觸公共餐具，要什麼就只需要手指一指，一款食物一枝餐具，不會有十個味道，非常衛生，處女座表示滿意！味道方面全部食材新鮮，款式簡單但都是熱辣辣的，員工不斷加添。飲品有果汁🍹咖啡☕️茶。想讚一讚的是生果盤鮮果好清甜，廚師即開即切，我一連食左3盤啦

好耐冇去吃自助餐了，最近有時間就book柏圖景餐廳，上一次去食自助餐午餐已經係好多年前了。以往一樣食物種類多，凍海鮮方面有長腳蟹，青口，🦐⋯⋯等，麻麻哋。但熱食竟然有薑蔥炒龍蝦和遼参炆雜菌，燉湯以上三款都好好食。飲汽水果汁任飲全場都有九成滿可能有折扣嘅關係，雖然職員好少，但服務好好好有禮貌，抵讚

真心非常極之麻麻。。。選擇少，熱食款式少，魚滑但無鮮味，牛尾似是隔夜肉質，蟹拑既肉又係擦子膠咁，麵檔係車仔麵。刺身不過不失，由於是做緊日式爐端燒，龍蝦都是燒的，肉質又硬又鞋。。。嗰個鴨肝飯團，飯99%，鴨肝得1%，少得可憐，不如唔好出啦。。。另外連濕紙巾都無，如心每枱都有消毒液同濕紙巾，一心諗住一定好過如心，點知除左甜品好d外，其他野如心完勝。。。。。唯一讚既個送嗰個生日蛋糕，份量賣相味道都唔錯。如心嗰次因為唔係慶生，所以無蛋糕。