柏林冰室

營業中

休息中

大角咀富榮花園/海富苑地鋪食肆都經多，午飯時間附近中學大專院校學生都幾多，到處都要搵位食飯，呢間冰室係我哋經常幫襯，探佢近近哋又易搵位，星期一到日每日都有六款午餐，五六十蚊包嘢飲唔算好平，勝在質素穩定，今日試咗墨西哥汁香煎豬扒意粉，同行朋友都係食呢個餐所以就冇影，佢嘅焗飯我都幾鍾意，焗雞豬羊都唔錯，仲有咖哩都好食，而家出面食嘢度度都貴，呢個價錢如果唔要求好高，其實已經算合格以上。如果想食好啲就行多幾步去奧海城，食個food court午餐都要七八十蚊以上，性價比可能仲冇咁高。

中午過來吃午餐，餐廳環境尚算乾淨整潔，但氣溫有點熱，冷氣不太足。坐下後點了一份午餐精選（京川雞球兩面黃）。賣相不算討好，份量也不多，但麵條煎得金黃酥脆，口感香脆可口，味道還不錯。

本身都冇咩奇望，餐牌轉咗材料，落單果陣係咪應該要講司華力腸變2粒墨丸，問佢有冇得外賣轉返個餐居然話要$100先送，真係唔會有下次！！！呢個餐咁既樣都$60 真係食2餸飯好過

早餐時間到11:30，下午茶時間到18:00。服務態度都幾好，坐低即刻比杯水你，耐心等候寫嘢，早餐配丹麥多士擦埋牛油🧈宜家仲要邊間咁好？！飲品同湯麻麻，其他都唔錯

天氣凍，唔想買餸加洗碗！今晚偷一偷懶，和太太去附近的柏林餐廳食飯！見到大大隻招牌寫住88蚊雙冬羊腩煲，咁嘅價錢和天氣真一試無妨呀！羊腩煲又平又抵食！味道夠南乳香又唔酥，份量足夠，88蚊套餐送油菜白飯和飲品，今時今日非常抵食！！個煲好多舊羊腩都連皮，皮韌肉軟，一煲都有十幾舊羊腩！南乳蓮藕炒肉片，南乳味夠，雖然材料簡單，但用黎送飯一流😜豬肉片嫩滑，加上帶著唐芹的清香！剛剛上菜香噴噴😋👍抵讚！今次食完下次偷懶又可 encall!!!😊

.柏林冰室難得有時間食早餐😌呢間第3次食lu😝$35-$41一個早餐都算抵食😆仲要係好食嘅!!早餐必叫雪菜肉絲通粉🤤🤤牛排好淋身，薯角好新鮮好脆🥹😝辣椒🌶️油好香口!!!辣椒油渣有蝦米，落辣椒油會令通粉更有口感😝😝值得一試嘅高質茶記早餐😉……….味道：🌕🌕🌕🌕🌑4/5性價比：🌕🌕🌕🌕🌑4/5衛生：🌕🌕🌕🌑🌑3/5服務：🌕🌕🌕🌕🌑4/5整體：🌕🌕🌕🌗🌑3.5/5……….

中午喺大角咀求其搵個地方食晏，入咗間柏林茶餐廳食個午餐，咁喺餐牌度叫咗個午餐A，鰻魚豬扒飯，例湯加熱奶茶，首先嚟咗個例湯，唔怪得嗰個人話茶餐廳嗰啲叫做例水，真係好似啲水一樣，跟住來杯熱奶茶都尚算ok，雖然都仲有啲苦澀味，最後嚟嗰個鰻魚豬扒飯，真係普普通通，鰻魚汁同豉油冇乜分別，豬扒明顯淋曬，啲飯過淋; 最有趣係舉頭一望，上面裝飾全部鋪滿曬成寸厚嘅灰色嘢，希望係裝飾啦！再睇下地下亦都有啲白色紙巾，希望係用嚟清潔後唔記得掃走啦！噤我就當然快快趣食完就走人啦。

一個簡單的早餐，為早上帶來能量！柏林冰室的蕃茄鮮牛肉通粉係我的最愛！ 蕃茄湯底夠酸同香甜，鮮牛肉好香好滑，好有牛肉味！多士同蛋都係即叫即整，由落order到送餐都好快！整埋杯香滑奶茶，好滿足呀！

🍜火腿米粉新竹米粉質地幼身 口感爽彈湯底偏鹹但比較單調 係一般茶記味道配料除咗2片火腿仲有啲生菜絲令你感覺均衡啲🤣🍳配黑松露炒蛋厚多士 (走牛油)$35同老鳳冰室一樣最突出係牛油味聞到淡淡嘅黑松露味但又唔會覺得好膩 負擔唔重

放假的早上, 準備回囡學校見老師,  所以食個早餐先, Don't stay hungry, don't stay foolish, 由於只得25分鐘時間, 只可求其選擇家附近的茶餐廳, 9:35a.m. 見有位便入, 即order, 很快到, 份量合理,  跟餐已經是厚多士, 不用加錢烘底,  沙嗲牛通粉加了生菜, 要讚, 有些少生菜, 賣相都靚好多,  感覺又健康一點, 成個牛通便因些少菜好味左,  不是享受早餐的時間, 只是要有早餐所給與的飽肚感及要快上的話,  時間便是金錢, 性價比高。

夜晚就黎10點，好多舖頭已經刪門。見到柏林仲開就試下啦價錢正常茶記價錢，大概$50一碟加野飲。星洲炒米好大碟，但無乜味。米粉好似硬咗少少。咖喱牛腩飯好多飯雖然賣相唔靚，但咖哩竟然唔錯夠辣，亦都幾多塊牛腩。

走過此店，被它的下午茶餐牌吸引目光， 28元意然可以吃到炒粉麵連飲品的下午茶！雪菜鴨絲炆米：鴨絲不多，米粉十分多，味道很不錯。炸雞髀配沙律：雖然雞髀的賣相不太好，但其實味道挺好，沙律也好味道，可惜太少，再多一點就令人更滿足了。凍奶茶和熱檸蜜也不錯。這店就是茶餐廳的格局，侍應有禮貌，路過的話可以試一下。

同朋友行過呢間餐廳，見唔洗等位就入去食個晚飯啦。終於知道點解晚餐時段唔洗等位。。。一人一個碟頭飯，我叫既係京都豬扒飯。諗著酸酸味味開胃，點知一食，哇！冇味架wo..唔係淡，係冇味。第一次食咁難食既京都豬扒，我寧願係太酸太甜，而家係冇味，點食呀？！個樣望上去好正常，炸得幾好，冇諗過咁難食。另外，杯凍檸茶係苦澀。餐廳店員態度又差，已經冇乜客架啦，仲要差態度。冇下次呀！！諗著茶記冇死架啦，都中伏。。。。

去食飯，叫一個套餐，套餐包例湯，下單後數分鐘，餐廳職員話已賣晒例湯，我問佢可以點？佢答我冇辦法，錢要照比，冇得退，因為已經order了，飯已出緊嚟，我再問佢送我一杯嘢飲吧，佢話唔可以，冇辦法。我嘅套餐錢是包例湯的，你冇唔關我事，要我比十足嘅錢，比唔足嘅套餐，這樣是不是貨不對辦，商品說明條例也抵觸了，套餐嘅錢應該包了例湯，因為單買會比套餐平，如果你冇例湯，應該一開始我下單嘅時候講，那我單點唔使比例湯錢。當時我帶着小朋友，無謂生事，只無奈。以後都唔會再去。

新店開張數月，店舖面積大，可惜空間感較低，午飯人流較多時有點擠迫。滑蛋牛肉炒河 - 味道消淡，河粉較濕笠，牛肉質地較韌。雪菜肉絲炆米 - 味道同樣偏淡，茨汁較多及笠身，米粉質地因而有欠爽口。初嚐柏林冰室，食物味道普遍較清淡。