柳氏家 (已結業)

見好耐冇同媽咪食過韓國野，經過呢間韓燒就入去試吓，唔洗等好耐就有位，自己整韓式炒雞幾好玩，配搭炒麵一流，不過好易飽，細食朋友或者女士要注意喇。媽咪就最鍾意佢既泡菜夠辣，唔敢食太多驚肥，每樣試少少都ok

本身想食某某燒肉,點知星期五晚都會加晒價,貴到吾值得食,臨急之下發現荃灣廣場的柳氏家菜式不錯,價錢都OK.就入黎試下!禁完飛等左幾分鍾就到我地入啦!!坐低之後可以喺電話掃QR code落單,不過吾算多野揀.炒雞有3款味,我地揀左柳氏家炒雞,辣辣地,味道一般!必點的烤肉:牛肋骨,牛護心肉.超鍾意佢D肉,醃到好好味!必點的炸雞:炸雞有3款味(大韓香辣炸雞、大韓柚子炸雞、三種芝士炸雞)3種口味都好正!雞外酥內軟.不過太大舊,食一舊都飽晒!自助吧有好多熟食同生的肉,燒烤配料,醬料,飲品,雪糕......係眾多熟食之中,我最愛的係辣炒年糕,食左足呎2ROUND都吾厭.臨埋單前都食多碗年糕先走人.雪糕機有牛奶味同阿薩姆紅茶味,兩隻味都幾好。不過好快溶。整體來講,先食左一次覺得幾好食想回頭之際,就見到新聞話8月底結業了!真係有點可惜.***柳氏家最後一家的荃灣廣場店，將於2022年8月31日晚上11時告別。***

知道就快結業，就要把握機會去試試，雖然係任食鐵板雞，但其實食唔到太多，因為佢每次都會跟個炒麵同埋份量固定，真係好好食，最中意係蜜糖個款，佢其他會有d 年糕條，同埋好多蔥，令到佢好香，好惹味

兩三年無食過柳氏家，睇到報導話佢就結業就同朋友一齊再嚟食。以前係食完炒雞先再韓燒，所以我地為而家都係咁，一坐低就qr code落單二人份炒雞，等咗廿分鐘先嚟，點知好似廚餘咁嘅樣真係好過份，就執笠都唔係咁樣上枱掛。一個人食都嫌少，點樣兩人份？炒雞都係柳氏家嘅賣點嚟，咁嘅賣相仲要無味道，唔夠熱，真係非常失望。其他韓燒食物都正常，五花肉係比較好。而炸雞都好juicy，但我如果只為食韓燒炸雞又無乜必要嚟依度。

個板燒炒雞加芝士，雞肉好滑好嫩，加上濃濃的芝士可以拉絲，直情勁正😍環境好好，張枱好大，唔會太嘈員工服務態度好好中午去到吾洗排隊，超好價錢合理，重要係好好食😋推薦👍🏻👍🏻

一直想試下韓國菜，就去睇下呢間韓式放題，半放題除左餐牌個D其他都可以任飲任食，放題每位唔過200就可以任飲任食包括主食既炒雞炸雞。沙律bar既野都OK冇問題（泡菜可以試下，仲有豆芽）；蔬菜bar有好多款，個人鍾意菠蘿片同埋金針菇；雪糕有牛奶味同阿薩姆奶茶味，都幾好味，不過我覺得太甜；自助區有粉麵飯可以任食，有炒麵炒飯同埋韓國年糕（有辣味可揀）；仲有肉類bar，海鮮豬雞肉都有，仲有各式腸仔同鴨胸肉。而主食份辣炒雞表面真係睇到個顏色都feel到辣味，唯一不足就係份辣炒雞係配料多過雞，但味道幾好唔錯既。以呢個價錢黎講真係好抵，其他放題可以貴到癲，得閒會有下次。

加入咗佢哋會員，有八五折，又可以用佢哋嘅四人同行一人免費嘅優惠券。結果埋單每人$219食晚餐放題. 晚餐放題都幾多人。星期日去， 6:30嘅時候基本上已經滿座。好在一早訂咗枱。有部份嘅嘢食可以喺電話掃QR code落單，有一啲熟食已經擺放左喺外面可以自己攞。仲有一啲生嘅肉同埋其他燒烤配料可以自己攞。外面有得攞嘅熟悉有炸薯角，炸墨魚卷，炒年糕，炒粉絲，人蔘雞湯，炒飯，仲有其他我都唔記得咗係咩嘅嘢。亦都有一個位置有泡菜，同生菜。外面夾得到嘅生肉有鴨胸，豬肉，雞腎，漢堡扒，午餐肉等等。雖然好似好行，但都唔錯。鍾意佢嘅午餐肉係厚切，同埋漢堡扒好好味。軟雪糕機有牛奶味同埋阿薩姆紅茶味。兩個味都唔錯。不過牛奶味多咗一啲唔知咩嘅香料味。QR code落單嘅話，有三款唔同口味嘅炸雞。揸得外面好趣，入面啲雞肉仲好多汁。件件都新鮮炸起，好好味。QR code落單嘅肉類有豬頸脊，牛舌，牛仔骨，beef skirt. 最欣賞佢哋嘅beef skirt. 好軟熟，好好味。啲嘢食來得好快。成張枱擺滿晒食物，比食物包圍，好幸福。不過當然要食得晒先好叫啦。折扣完之後每人埋單$219。仲要係星期日嘅萬事。覺得好抵。味道

啱啱食完lunch 要立即寫食評！店員超有禮貌而且細心，2人比左個卡位我，座位非常舒服，以咁嘅價錢，咁嘅服務質素，CP 值係滿分上次食係半年前，果次都ok 啦！不過今次遇到個中年男店員真係好好服務，本來經過屯門「牛角」服務不足後（$708位 2小時燒烤自助餐要我座張只放到2隻碟既超細抬，仲要係我3日前訂咗枱，全埸仲有大把位果種），我都無諗住再幫襯牛角，不過今日去行街，真係諗唔到食咩，所以食同品牌既柳氏家，叫左個差唔多最平嘅餐$89（自選燒肉）⋯其實我係諗住就算差都係唔見$89⋯另外加左$30 換另外3種牛肉，飲品，小食同軟雪糕可以任食，限時60分鐘，肉就每人只有一碟（佢另外仲有一個$158 位任食燒肉炸雞翼餐120分鐘），我覺得十分滿意，牛肉都好食嘅店員好細心，幫我scan 完會員卡之後仲提我有張coupon 快過期，問我需唔需要用左佢先2位一共食咗$158，咁嘅價錢，咁嘅服務，仲想點我經常都話除咗食物重要之外，服務同座位都係我揀食店嘅原則。

一田呢期做特價週/月， 所以行完就去左荃灣廣場附近揾食 好耐冇食過嘅「柳氏家」，今日再訪原來已經大變陣炒雞定食韓式放題$98+10% 以前就算食「定食套餐」放題 （即係除左炒雞無得無限追加外，其他出面熟食都可任食嘅放題餐）都可以自己炒啲雞食，但宜家變咗由店員炒好， 再放上鐵板上比客咁樣我哋就少左啲樂趣不過佢哋就慳左啲人手，唔洗招呼我哋之餘又唔怕啲套餐客博大霧拎出面本來比啲任食客嘅生食材講返我哋個餐一個辣炒雞🌶一個烤肉味炒雞🍖兩個都有個共同點1） 其他配料多過雞，食洋蔥🧅椰菜多過食雞2）啲雞太碎濕濕，好難夾味道上辣炒雞還好，有少少辣醬甜辣味烤肉味炒雞得甜味🥹出面啲食物仲吸引過個主餐前菜🥗大豆芽，好有麻油香黃瓜，泡菜正常生菜🥬新鮮係個辣醬個樣有啲嘔心🫣主食🍚類仲有韓國粉絲，炒什菜，宮廷炒年糕辛味♨️煮年糕，🍲清湯年糕1️⃣清湯年糕，2️⃣辛味煮年糕其實差唔多清就真係清湯，好清辛味就有少少甜辣味材料差唔多年糕，魚🐟糕，大葱，椰菜3️⃣宮廷炒年糕甜味材料有年糕，大葱，椰菜，蘿蔔絲木耳絲＞＞＞3款嘅年糕都煮得軟糯煙韌唔會淋爛，唔會未熟👍🏽4️⃣炒雜菜甜，芡汁太多，有啲杰身5️⃣韓式粉絲材料都豐富最緊要係啲粉絲入面嘅雞

柳氏家早前的制度一定要食下先吃一盤炒雞，往往以前吃完炒雞剩餘的時間很少，而且已經很飽。對我不是很喜歡吃炒雞的人來說，吸引力大減。早前因為會員有生日優惠再加上扣減積分，即管再去一試。晚市可以任食牛，選擇的種類亦多，質素亦不錯。炸雞做到外脆肉多汁，這間可以再食。

星期三同朋友去咗柳氏家食自助餐佢哋啲食材都好新鮮佢哋仲可以用電話嚟嗌嘢食你本身睇落去以為都好少嘢食但係你只要喺電話度搵佢就會搵到有好多嘢食㗎啦佢有炸雞有佢最出名嘅炒雞同埋各式各樣嘅肉類佢哋嘅服務都好好好有禮貌

特登走入荃灣食，因為見佢係Kabu集團，但係有得1間分店，所以特登去試吓。離開荃灣地鐵站/荃灣西地鐵站 都要行大概8至10分鐘因為佢係韓燒，所以入到去都預咗有好多煙味，開晒抽油煙機，不過難免身上所有衣物連頭髮都會有陣煙味。對比牛角buffet，依度煙味濃郁啲 全部都係網上落單，Scan完QR code，見到其實牛肉剩係得西冷牛扒，牛胸肩，其他就係🐷，梅頭，五花腩……同埋有炸雞🍗，炸雞有三個味道，柚子、辛辣、醬油。：炸雞一件一件咁嗌，要幾多件食幾多件：炸雞出嚟唔會乾爭爭，仲好Juice：辛辣味，太辣啦，食唔到柚子味正常，不過唔係太突出結果最鍾意食嘅有以下幾款：1 ）出邊攞嘅- 豬大腸2 ）牛胸肩- 好係因為佢一碟兩件，唔會太多浪費3）五花腩- 好肥，不過好好味4）多春魚出邊仲有韓國粉絲、年糕、人蔘雞湯、炸餃子🥟、生菜、蒜頭🧄、辣椒🌶️、雪糕🍦、咖啡☕️、任飲任食總結：性價比超級高，$178任飲任食雖然唔係太多牛肉，不過五花腩，其他食物質素還好，如果book唔到牛角buffet，平價版都可以試吓。唯一缺點係第一間分店，特登入荃灣食，不過下次途經荃灣可以再試。

之前趁佢未關之前衝去食啲雞會係送到黎即炒，好神奇大約10分鐘就食得，仲諗住要整好耐雞夠滑、叫左辣味，都好夠味！🤓仲有配菜，蔥啊年糕啊等等，好惹味！因為任食可以再叫，可淨叫肉走配菜🤩🤩

中午lunch buffet， 都幾多人幫襯，食物嘅質素唔錯， 選擇亦都幾多， 好多嘢都幾好食，有唔同口味嘅炸雞任你order， 出面亦都可以自取小食同飲品，亦都有啲冷盤可以自取，最可惜嘅係疫情期間， 餐廳裏面嘅座位其實都坐得幾逼，同集團嘅其他餐廳就坐得冇咁迫

🍴超滿足炒辣雞+炸雞+韓燒一take過大年初二🐮 Cowing 恭祝大家團團圓圓🤗，花開富貴🌸笑口常開🤣，福星高照🌟逢年過節大家都喜歡圍爐，除了打邊爐外，韓燒也是一個不錯的選擇。想一次過吃韓燒、炸雞和炒辣雞，到柳氏家就可以一次過滿足三個願望了。入座後店員會幫忙開爐並注入圍爐蛋漿，愛吃泡菜的朋友不妨在蛋漿中加入泡菜，成為美味的泡菜蛋。🍢 客人可在自助區任取飲品、蔬菜、菇類、肉類、丸類，及海鮮類。自取款的肉類有牛仔骨、豬大腸、鴨腎芝士腸、紅腸…海鮮類有魷魚圈、小帶子和鯖魚。熟食方面有炒粉絲、炸餃子🥟和韓國人參雞湯等韓國地道小吃。炸雞類、炒雞、牛小排肉、牛胸腹、豬腩肉等則需要畫紙仔下單。🐔 炸雞都有三款口味，分別是蜜糖芥末、海苔味和甜辣味，三款味道都不錯，炸雞富肉汁，但粉漿卻稍為厚了一點，淺嚐是可以接受的。🌶🐔 猶記得以往沙田新城市分店可供客人自家炒辣雞，但現在只可以在點餐紙上下單，職員會把辣雞放在金屬盤子內供客人享用。愛吃辣的朋友必點柳氏家辣炒雞，辣醬香辣惹味，還有泡菜和年糕，越吃越開胃，讓人吃得停不下來。🍖🐔 烤肉味炒雞相對來說會失色一點，炒雞有點偏甜，所以還是推介大家吃辣的那一款會比