柳氏家 (已結業)

柳氏家最近推出左韓式放題，可以任食60款韓國美食！！之前黎食過炒雞覺得質素唔錯，今次就黎試下新野啦😋😋-🥘晚市120分鐘韓國Buffet $258✨-除左有無限追加既單點項目：鐵板雞、烤肉、炸雞之外，自助區都有唔少選擇，例如係前菜、小食、蔬菜、甜品、飲品等～～趁單點食物未到既時候，我地去自助區拎左少少野食返埋位試下🤤🤤最值得推薦有呢幾款👇🏻👇🏻-📍辣炒五花腩🐷炒得好香！腩肉切得好薄， 調味啱啱好，肉質嫩滑～～連埋洋蔥一齊炒好香甜😋😋-📍韓國粉絲🇰🇷炒粉絲煙韌煙韌，好入味！配料有好多蔬菜絲，口感豐富❤️❤️-📍一口飯團🍙泡菜炒飯搓到圓碌碌好得意，味道都唔錯～～而單點項目既質素都好出色，我地咩都試左少少😏😏-📍柳氏家蜜糖味噌炒雞🐥今次唔洗自己動手，炒雞上枱時已經整好左，大大碟～～雞肉尚算嫩滑，配料仲有大蔥、椰菜等～～整體味道都偏重蜜糖味，推介👍🏻👍🏻📍甜辣炸雞🍗一件炸雞已經係手掌size，唔似平時咁細細件～～想試多d款式既朋友可以叫少d件數，方便share食～～炸雞比較乾身，冇咩骨～甜辣醬味道好濃，好惹味🤤🤤單點烤肉款式都好多，質素比起buffet bar好，而呢兩款我地就最鍾意❤️❤️-📍牛護心

行過荃灣廣場已經比濃濃既鐵板燒味吸引啦😋即刻衝入去食個炒辣雞先🤤店員好有禮貌地帶我地入位，仲一一講解炒辣雞既方法同推薦邊款岩我地哩啲炒辣雞初哥🤣好快食物就為我地送上啦 岩晒行街行到超攰超肚餓既我🤤店員首先幫我地炒雞，炒左個開頭先再比我地自己炒！見佢落好多泡菜同大蔥，鐵板發出滋滋既聲音，再聞到好香好惹味既鐵板燒雞味，就已經流晒口水啦🤤🤤最重推介既仲有爐邊既芝士😍😍夾埋炒辣雞到食 超。級。惹。味！大力推薦哩款食法😋😋個炒辣雞order左小辣，可能配合返韓國口味，我地食落都覺得幾辣下，要叫多杯飲品解辣先得🥵 晚市閒日$128/位 以有得食仲有得玩黎講 絕對係最抵既價錢😄😄仲可以大解冇得去韓國既鄉愁🤣🤣下次行開荃灣一定會再encore😋

#Dinner#早食早享受今日4:30就食個早晚餐, 喺荃灣食韓式辣炒雞, 一個價錢包任食辣炒雞+烤肉, 雪糕, 汽水, 咖啡任飲, 生菜包住炒辣雞真係好正, 重有少量海鮮 : 蝦, 魷魚圈, 魷魚鬚, 八爪魚仔, 扇貝肉。。 燒烤肉類除了基本野外, 最開心係有豬大腸, 牛仔骨, 辣味腩肉等等等, 食辣雞點可以無芝士, 雖然要另加$38, 但為求盡力投入韓式style , 依D係必定 order 的, 拉絲 cheese 夾埋辣雞一齊食真係當左自己去左旅行一樣😍。。我地叫左兩轉辣炒雞, 再加海鮮一同炒熟, 味道比齋燒海鮮好味好多, 尾段再食個炒拉面作結尾, 由一開始由頭到尾自己一手一腳生雞煮成熟雞, 又要去自助區夾依樣夾下個樣, 真係又好玩又好食, 以任飲任食嚟講價錢合理, 不過得90分鐘真係吾夠時間玩, 下次要再玩過😋😋

今日同朋友想食韓燒，咁就揀左呢間之前都食過幾次都好滿意，今次突然想食所以即日訂位 好彩有位，店員安排左個好好既window seat俾我地，雞好食，醬汁好食，韓燒既肉都好食店員好有禮貌，雖然先地已經夠鐘還枱，但店員都好有禮貌提醒我地，最值得讚係執枱員

真係未試過食到噤嬲門口攞飛排隊，拎A23號，電視show出嚟就A21。好啦，兩個號碼就排啦，點知之後企門口果個女係噤俾人入，門口條女就話呢啲係訂左位嘅。係噤話唔好意思，噤好啦，訂左位入先係啱嘅。噤我由6點半開始等，等到7點半，企門口果條女先話今晚好爆啲枱俾人訂哂，去第二度食啦你地！我立即火起，你唔係而家先知訂位有幾多掛，我企左嚮度成個鐘你先同我講今晚爆場？爆左場你又俾人攞飛？之後有個經理出嚟講，話8點有位，幫我哋留枱，好啦！我老婆話都等左噤耐，唔差在啦，去行個圈返嚟有得食啦。好！就睇下你咩料，係咪真係噤好食8點真係有位俾我哋入到去我地食任食，個雞普通到無得再普通，好啦我地仲要加芝士，原來35蚊都唔係無限加芝士。都好啦，嗱嗱臨食完雞，烤肉啦，原來係烤雞板還烤雞板，燒肉板還燒肉板，之後叫人幫我換烤板啦。拎走左個烤雞板之後，等左10分鐘都無人理我，唔問都無人拎個燒肉板過嚟。到我出去拎野食，見到都唔開胃，漢陽苑好過佢好多，啲肉雪到完全無色嘅，再唔係就出晒水，都冇乜點食過嘢咁濟，好啦照殺，諗住食飽就算我地連燒肉嘅第一啖都未食，就有人拎單嚟，話我地得返20分鐘火都嚟，成餐飯等到你，上雞等左3個字，

好懷念韓國～ 難得搵倒柳氏家呢一間韓國風味炒辣雞！吸引咗我同朋友遠赴荃灣一試！呢度有得揀任食，星期一至四晚市只係$128一位，每檯可以選兩款口味嘅雞，無限任食！如果想食埋鐵板烤肉，都係$158一位！今次同朋友揀咗加埋烤肉😋😋第一轉我哋揀咗《柳氏家辣炒雞》加爐邊芝士一份$38店員教我哋先每邊雞煎2分鐘，再兜炒雜菜4分鐘，好簡單就搞得掂但係又可以落手玩 檯上有個漏斗俾大家計時⌛️完成咗嘅炒辣雞係咪好吸引呢食到咁上下我哋就加埋炒麵～每款雞都可以揀炒麵或炒飯～ 推薦炒麵！不過我哋都認為味道唔夠辣如果辣啲就好味好多～第二轉叫咗唔辣嘅蜜糖炒雞一樣叫咗炒麵～ 另有一番風味食咗兩盤炒雞，得返30分鐘食燒肉。不過燒肉好難控制，張紙係咁燶，啲肉都好快燶，可能店員開得太大火😂 同埋啲肉嘅質素我覺得一般般～ 所以下次我哋嚟應該唔會加烤肉🥲另外出面自助區仲有沙律🥗、泡菜、生菜🥬、湯、飯、雪糕🍦等等供應，我覺得呢個價錢嚟講算係好充足～！ 不過時間只有90分鐘，炒雞又需要時間，而且上菜換口味等等都有啲慢，唔夠時間食，如果加到120分鐘就好了。

本身好鍾意食樓市㗎因為嘢食好好食，但係今次一早嚟到，好守規矩咁撳咗票等，雖然本身有嘢趕住去做，但係都好有耐性咁樣喺度等。本身已經到咗我哋A19嘅時候，竟然跳飛A21，仲要中間不斷有人插隊，向店員表示左我哋應該入先，店員竟然要我哋讓比A21嘅客人，真心嬲🤬呢一個處理方法

因為好耐冇食韓國嘢又咁岩係呢一頭就不如試吓有冇位啦星期日晚7:00拎2人枱 見得幾個號碼 見人少少照排點知淨係幾張枱都等咗好耐好耐佢不停入啲訂咗枱嘅人等極都未叫下一個號碼..😒最後等咗好耐終於入得雞方面不過不失味道唔算話好好雞亦都冇韓國嗰啲咁大 不過可以任食燒肉方面啲肉都係其實一般般 反而蔬菜都算多選擇同新鮮依個價錢$188一個人 算係咁啦叫間唔中想試吓食燒肉放題過吓癮另外要讚嘅係 生菜前菜個d 有包保鮮紙多算幾衛生！ 食都安心d !

今晚又係突然想食韓燒🍢喳喳林約咗靚女同事去試吓依間近佢屋企嘅荃灣廣場柳氏家🐔7:00準時到達，價錢有分不同時段90分鐘任飲任食🥤🥤🍤🍤汽水🥤果汁任飲仲有指示叫客人每次要用新杯🥤非常衛生乾淨前菜🥙生菜🥬醬料🥘非常充足，食韓燒最緊要生菜🥬平時出面食韓燒每兜生菜🥬逐兜計，今次可以盡情食🤪烤肉味惡魔辣炒雞😈主菜出場🥘望落去顏色已經非常吸引🥗裏面有雞肉🐔三款年糕🍠仲可以揀用飯🍚或者麵🍜去炒其實有得食又有得玩🍴不過我都係鍾意俾人服侍多D🤪依度有專人幫你炒雞🐔服務真係一流👍🏻幾分鐘就炒好可以食🐔雞肉嫩滑就唔使講，我反而最欣賞依舊紫薯年糕🍠好好食咬開裏面仲會爆漿🥳韓國面炒得非常彈牙，辣度適中🌶🌶各類肉食任君選擇🥩🥓每一種肉類及腸仔都非常新鮮👍🏻最後到雪糕甜品🍮再飲杯咖啡提一提神☕️牛奶雪糕🍦+ m&m🍬雪糕非常滑，無講大話，去咁多次食放題，依間嘅軟雪糕係最好食😋實在忍唔住食咗兩杯🍧🍧最後一提，埋單後，我同事漏低咗搓手液，女店員沖出嚟俾返我哋，服務真係任食店之中，我預過最好的👍🏻👍🏻👍🏻👍🏻👍🏻

好掛住明洞食嘅韓國炒雞啊🇰🇷想喺香港食到呢種味道🥺 於是就去咗柳氏家試吓佢哋同卡莉醬神聯乘嘅新登場惡魔口味辣炒雞任食🤤今次我哋試咗烤肉味惡魔辣炒雞🍗食落去有好香嘅烤肉味，充滿韓式味道😍😍😍雖然話係惡魔辣但係我覺得個辣度都好適中，就算唔係好食得辣嘅朋友去食應該都完全冇問題～ 除咗呢個口味之外仲有100萬辣到惡魔辣炒雞😍 鍾意食辣嘅朋友一定要試下✨炸雞仲有加埋各種配菜🥒 有年糕，芝士年糕，同蔬菜等等，好足料❤️食完炒雞之後仲可以轉仲自助烤肉🍗 肉類同埋海鮮都有～ 出面自助區仲有各種沙律飲品甜品😚真係好滋味好抵食呀❣️店員上菜後為我哋講解製作嘅步驟，仲有因為疫情關係有提供到口罩套，真係好貼心❤️90分鐘任食鐵板炒雞X Jjang ! 鐵板烤肉套餐($158)

好耐好耐無得出國去旅行啦～一直都好念念不忘韓國既炒辣雞(;´༎ຶД༎ຶ`) 後尾男朋友話我知原來荃灣廣場有間好出名既炒雞店(⁎⁍̴̛ᴗ⁍̴̛⁎) 所以即刻就去食啦👅👅👅 個日平日去都好多人排隊 睇黎真係好出名～係一個任食既燒雞店黎 我們選的是「90分鐘任食鐵板炒雞X Jjang ! 鐵板烤肉套餐」除了可以吃不同口味的炒雞兩次之外 還可以於外面的自助區裡選不同的肉類和海鮮吃～～一於來一個肉肉之夜⁄(⁄ ⁄ ⁄ω⁄ ⁄ ⁄)⁄第一款選了烤肉味惡魔辣炒雞 佢有一隻辣椒仔 但其實係好淡淡既辣味 唔食辣既朋友都好適合食～ 幾惹味～ 另一款選了蜜糖味噌炒雞 甜甜地好好味 啲雞好嫩滑 再加上啲配菜年糕 同麵一起吃 仲要我地加埋圍爐芝士！滿足到100分！ 然後食完兩次雞其實已經好夠 所以只係食左小小烤肉雞翼個啲 加最後雪糕做結尾 完美的豐富晚餐～～～～好野短暫去左90分鐘韓國(*≧ω≦)

作為一個荃灣友，成日都會食嘅韓國🇰🇷餐廳最近依個鐵板炒辣雞放題 真係好抵食吓星期一至四午市 $98/位 任食90分鐘招牌鐵板炒雞（雞可以無限追加）另外任飲任食自助泡菜⭐️沙律🥗雪糕🍦飲品🥤另外配埋炒飯🍚 或 韓國拉麵🍜炒雞有4️⃣款口味選擇～ 鍾意食辣嘅一定要試♨️柳氏家100萬辣度惡魔辣炒雞♨️好抵食⁉️未～算～喎～只要加多$20 ($118/位)食埋燒肉放題🉐［90分鐘任食鐵板炒雞X Jjang ! 鐵板烤肉套餐］超多野都係任食🥢 厚切五花腩/ 牛肉片/ 雞翼/ 鴨胸/ 大腸⋯鮮蝦/ 帶子/ 八爪魚/ 鮮竹卷/ 芝士海鮮豆腐⋯超過10款蔬菜🥬 人蔘雞湯⋯㊙️宜家去TogetDa預訂限定惡魔口味😈 獨家送卡莉醬神現金券及辣粉🔥

🥘90分鐘任食鐵板炒雞 X Jjang!鐵板烤肉 $158✨-食肉獸又出動啦✌🏻✌🏻今次黎到荃灣既柳氏家食辣炒雞～～除左可以任食炒雞，仲可以任食燒肉，啱哂食肉獸呢🤩🤩佢地而家出左新口味，分別係「100萬辣度惡魔辣炒雞」同「烤肉味惡魔辣炒雞」🌶🌶因為驚好辣，我地就叫左比較唔辣既「烤肉味惡魔辣炒雞」～另外仲(+$38)加個圍邊芝士～～落單無耐之後，店員就會攞一大盤雞黎，仲會教我地點樣炒，炒大約8分鐘左右就食得😋😋除左有雞肉，仲有好多配料，例如年糕、大蔥、薯仔、洋蔥同金針菇等，十分豐富❣️❣️雞肉好嫩滑，味道唔算太辣，加埋芝士一齊食特別邪惡🤤🤤食完第一輪後，我地就加多左份蜜糖味噌炒雞～～味道甜甜地幾惹味，仲有隻蛋黃可以一齊炒😋😋食完炒雞就可以轉盤食燒肉～～食材方面就喺自取區度拎，都有好多選擇，牛肉、豬肉、海鮮都有得食😍😍因為食完炒雞都有d飽，所以都食唔到太多🤣🤣另外，野飲雪糕都可以任飲任食，十分抵呢👍🏻👍🏻🌟P.S. 而家去 @togetda 可以用優惠價$98/位起預訂限定惡魔口味，仲獨家送卡莉醬神現金券及辣粉🌶️🌶️大家有興趣就快d去睇睇啦🙆🏻‍♀️🙆🏻‍♀️

我愛韓食嘅愛，相信大家都知🤣真係每隔一排，都一定要食😭唔係嘅話會勁掛住！難得嚟到荃灣呢間柳氏家，食到炒雞仲有埋烤肉😍係幾正～🔥韓國鐵板雞x jiang 鐵板烤肉 hkd 138 😎呢個價錢真心唔貴😂仲要係午市任食90分鐘～仲升級左圍邊芝士 +38 😎真係極邪惡！揀咗烤肉味惡魔辣炒雞，佢比我想像中更加唔辣，所以大家怕辣嘅話我覺得呢個唔會，係有少少青椒麻嘅味道😉可以俾你揀拉麵定係飯，梗係要食拉麵啦 😬職員仲會好好，會提醒你點樣炒，大概炒8分鐘左右就食得😚佢入邊仲會有芝士年糕同埋番薯年糕😍喺韓國我都成日食㗎😞btw雞肉真係好滑！同埋好多配菜～一定要加埋芝士食😈食完一輪可以叫職員幫你轉個盤，有得燒肉喇！我覺得佢啲肥牛同埋豬腸好好味🥺🥺出邊仲有得拎埋嘢飲同甜品，真係性價比超高！掛住韓國可以嚟呢度🤪

【  #挑戰味蕾系列 】 平日食得清淡健康，間唔時都想搵下啲新意刺激同挑戰下味蕾。趁放假就同韓粉葉生去柳氏家挑機，見到佢地聯乘卡莉醬神推出新口味 - 烤肉味惡魔辣炒雞鐵板烤肉套餐， 90分鐘任食鐵板炒雞X Jjang ! 即刻去試試～自家烤肉自己炒，炒喔、炒、愈炒愈惹味，愈炒愈好味～除左秘製醃好嘅雞肉，仲有好多京蔥、紫洋蔥、金菇、紅蘿白絲..食落減膩之餘，仲冇咁罪惡感，愈炒愈香，雞肉入味嫩滑，冇想像中咁辣，下次可以再挑戰100萬度辣, 配料盡吸醬汁好邪惡喔！食完咁刺激嘅惡魔雞煲唔夠喉？仲可以出自助區免費無限享用肉類、海鮮、泡菜、沙律、飲品、甜品、雪糕，一定滿足到嗜辣同肌餓感嘅朋友。宜家去 可以優惠價$98/位起預訂限定惡魔口味, 仲獨家送卡莉醬神現金券及辣粉 ～