柳氏家 (已結業)

琴晚帶左屋企人黎到我一直都好想試既柳氏家！我地一行5人可以叫兩款炒雞，因為屋企人都唔係好食得辣，所以我地簡左烤肉味同埋蜜糖味噌味炒雞。職員送上炒雞時有詳細講解炒雞方法同比左DIY指南我地，見到我地好迷茫又有即刻黎幫我地手👍🏻·炒雞非常多配料有椰菜、洋蔥、青椒、金菇和年糕等，雞肉亦好入味！兩盤炒雞1盤配炒飯，1盤配韓國拉麵，個人認為配炒飯好食d，飯比較有口感，而拉麵就比較淋。·烤肉&海鮮可以選擇既肉類同海鮮款式唔少，質素都唔差。另外依家做緊推廣活動，係 打左卡就可以每2個人送1碟牛護心肉（價值$128）。·自助Bar沙律菜同小蕃茄非常新鮮，而且泡菜亦醃到好入味，值得一試。飲品選擇多，雪糕亦有兩種口味。我就鐘意雲呢拿味，食落有d似白兔糖，忍唔住食左2杯😋

作為一個好中意食韓式辣炒雞既港女，呢舖癮每隔一排就會起所以間唔時都要去柳氏家止止癮！今次黎食Lunch, 好抵食架！如果唔大食呢 $79果個真係好抵食。我今次就有啲失策，眼闊肚窄，食左$128果個。不過如果比較食得既人其實都超！抵！食！事關啲雞、飯/面、年糕等等都係任食架！我就食左最傳統既柳氏家辣炒雞。佢其實仲有其他唔辣或者更辣既味，仲有啲期間限定既特別味道。如果初體驗呢就有教學點自己炒，不過店員都會教你，好易上手。等左幾分鐘就上菜啦，基本上炒10分鐘左右就食得架啦！超級熱辣辣同香呀！我呢盤雞足足叫左兩份！每盤都會跟個拉面/飯，真係公仔面黎講，韓國係最出色！加埋入去炒又入味又香口！成品睇見都感受到個種香口同熱辣辣既感覺。其實啲雞肉都好嫩滑同埋入味。仲有啲芝心同紫薯心既年糕，十分之煙un!!另外，佢每期除左炒雞外都有一款特色鍋，食完炒雞再食！今期就係食烤肉！食完炒雞叫店員換個烤肉鍋就可以出去任拎豬肉、牛肉黎烤架！仲有海鮮烤tim, 都有成十幾款野可以烤，質素就還可以啦，不過夠哂多元化

今日去到荃灣廣場食炒雞燒肉放題，估唔到炒雞同燒肉都可以混為一談，真係好特別！就係呢一間「柳氏家」一個人都只係$198，就可以任食任飲100分鐘，入座之前，店員會先請你挑選炒雞的味道，由於我們不喜歡吃辣，所以我們選擇「蜜糖味噌炒雞」！「蜜糖味噌炒雞」配年糕店員會幫忙將炒雞和其他配料放進鍋裏，等待沙漏⏳到另一邊，即2分鐘後，就可以加入八爪魚，有小份和大份可以選擇，而我們選擇了小八爪魚🐙，再等一陣，便可以請店員幫手將韓式炒飯或韓式公仔麵放進炒雞鍋內，炒完之後就食得。另外我們加了$38芝士追加，於是我哋就將芝士自行放進鍋邊，好快芝士就已經變成半溶狀態，一啖芝士一啖炒雞真係好正！食完呢一鍋唔夠仲可以無限追加招牌炒雞！不過我哋想試吓燒肉所以就冇再加雞啦！然後請店員換上燒肉的鐵板！鐵板上中附上隔油紙，真係好細心！而且員工見到我地張隔油紙花碌碌，都會主動幫你換！服務態度非常好！Fb仲有優惠附送西班牙豬梅肉，係原塊！而最後不得不介紹嘅係出邊仲有自助區，分別有沙律區、燒肉醃區、海鮮區、蔬菜區、飲品和雪糕機 ！燒肉分別有牛仔骨、牛肉片、雞胸肉、雞肉、單骨雞翼、多春魚、煙肉和煙鴨胸等等，而海鮮區有大蝦、帶子、

其實想嚟食呢間餐廳好耐，早喺佢啱啱嚟香港時，日日都好多人排隊，而且無得訂台，要食真係好難！過咗咁耐，我終於可以嚟試下啦！柳氏家依家係香港有2間分店，我今次揀咗係荃灣果間，入座前須選定套餐。揀咗烤肉味炒雞配韓國拉麵。自助區更有肉類及蔬菜選擇，一應俱全。職員上菜時會提示我哋時間嘅控制，炒到咁上下就叫佢哋嚟幫手炒埋個麵就可以食啦！雞肉醃得夠味，味道偏甜，雞肉唔會嚡口。加上拉麵熟咗啲汁更加惹味，少少辣，唔好辣嘅人士都可以接受到！蔬菜區同沙律區有多款選擇。肉類整體較多豬雞選擇。套餐會送一塊豬扒，豬扒質素唔錯，燒耐咗都唔會好乾飲品甜品類多選擇。

有一樣韓國菜式，真係係香港未食過！講緊既就係韓式辣炒雞，朋友次次去韓國都必食，話我未食過簡直係“不可原諒”，話一定要帶我食一次，帶左我黎呢間韓國大型連鎖店！餐廳價錢韓國炒雞+鐵板烤肉任食最平午市$128起+10%，今日星期一晚市前來就$198+10%。自助區包括前菜、飲品、甜品，前菜有泡菜、沙律、酸黃瓜、雞絲等等，都係正路韓式前菜。飲品就唔係罐裝係果汁機，都有咖啡機，甜品就係自助雪糕。辣炒雞有6款味道可以揀，包括柳氏家辣炒雞、炭烤味辣炒雞、烤肉味炒雞、味噌蜜蜂炒雞，仲有兩款限定味道蒜香BBQ炒雞及四川麻辣風味炒雞。第一次黎食緊係食原味柳氏家辣炒雞。年糕份量都可以揀，要左標準份。另外加+$28升級海鮮，可選小八爪魚/八爪魚，揀左後者。飯麵就揀左飯，再升級$38要惹味芝士。柳氏家辣炒雞有餐牌教你點煮，不過店員有時都會埋黎幫手，咁上下加埋八爪魚入去再炒。雞肉好入味，冇雪藏味，但我就覺得唔辣，以甜味為主，年糕好煙韌，仲有蕃薯味添，而八爪魚同炒雞亦好夾，可能迎合返香港人口味故唔辣，但都好惹味。炒飯食完之後會炒飯/麵，你中意既話亦可以食緊雞時炒埋落去，朋友教韓國食法係食淨少少雞時仲有配料一齊炒係最

晚餐.幾年前沙田店剛開的時候吃過一次味道不錯最近興起想再去.1-2)這次點的是晚餐100分鐘的炒雞套餐雞的味道有幾款但因為不吃辣果斷選了不辣的味噌蜜糖味.上菜後店員會幫忙把雞和菜鋪好並炒一會之後就要自己動手炒了不過餐廳有提供簡單教學和計時漏斗其實自己炒也不難.雞的肉質很軟味道則帶點甜甜鹹鹹並不會乾看起來雖然是粉紅色的但其實都已熟了很不錯啊.值得一提的是紫薯年糕 和 炒麵 都好好吃啊😋.3)因為最近在做推廣所以多送了一塊黑椒豬扒☺️.4-8)餐廳亦有提供沙律 丸類 其他肉類 飲品 雪糕 等等都是可以隨意吃的保證可以吃得很滿足

次次去韓國旅行，都係食雞多，返到嚟香港，依然掛住韓國嘅風味，今日同朋友嚟到呢一度食返一餐韓國炒雞先。估唔到食韓國嘢，都可以遇到一個沙律吧，真係充滿誠意啊，沙律菜新鮮乾淨，衛生整齊，而且選擇又多， 10分窩心，有韓式泡菜，又有韓式沙律，雪糕飲品，凍嘅熱嘅，一應俱全，果然夠晒細心呀。一個大鍋裏面，已經有好多雞、菜，而且我哋另外加咗魷魚，韓式年糕，仲有炒麵，炒埋炒埋真係好大鑊啊。雞嘅份量好多，而且夠晒滑身，又夠入味，唔鍾意啖啖肉嘅，仲可以攞啲菜包住嚟食，十分之健康啊。個面朔晒啲汁，分外覺得美味。食完個炒雞唔夠飽都唔緊要，仲有第二round，就係韓式燒肉，都係以自助嘅形式架，我就好鍾意食韓牛嘅牛仔骨，仲有蝦，真係夠晒大滿足呀。

今日嚟到荃灣廣場既柳氏家，係一個韓國既美食任食場，以人頭消費，入去之前，已經要選擇好雞嘅味道，人數，年糕嘅份量，加唔加芝士。今日我哋一行四人，叫咗個蜜糖味嘅炒雞肉，因為有朋友唔太食得辣，一坐低好快就上咗一鑊大大嘅雞，要自己炒架，炒左一段時間，服務員就會過嚟將一啲八爪魚加入去，之後再將炒麵放左落去自己DIY可以自己炒。雞肉好香好滑，而且火候啱啱好，可能係我炒得好啦。哈哈，八爪魚嘅份量好多，而且入口爽脆，裏面仲有好多韓國年糕，韓國年糕裏面就包有芝士，甜甜地，入口QQ彈彈。至於飲品方便，選擇都好多，最緊要嘅仲係自助架，鍾意邊樣揀邊樣。食完韓式炒雞之後仲未完架，只係過咗一半，最重要嘅係韓國燒烤依家先正式開始，服務員會幫我地換一個鐵板，出面自助攞肉同埋蔬菜，鍾意咩就燒啲咩，真係唔同嘅人，鍾意食唔同嘅嘢，都唔會有拗撬啊。食完之後仲會有飯後甜品，雖然飯後甜品好多地方都有，但係佢嘅配料就真係選擇多不勝數，真係唔係間間都做到架。

知道韓國柳氏家嚟咗香港，一直好想去試吓，前幾日終於有時間同朋友去試吓。佢係100分鐘任食嘅。我哋揀咗蒜味炒雞，佢哋仲會幫你炒埋添，又會教你點樣炒點樣食。跟住仲可以加埋飯嚟一齊炒，大概等幾分鐘就可以食得。雞肉蒜香味好重，而且炒飯味道甜甜地，好惹味。食完炒雞之後，出邊仲有好多材料俾你食燒烤。所以建議唔好食咁多嘢嚟，如果唔係真係會好飽。另外出面仲有好多唔同嘅肉可以揀，而且味道仲香，我覺得最特別嘅係有紫薯年糕，年糕煙煙韌靱而且仲有紫薯味，所以好特別。最後出面仲有雪糕可以自己整，呢個係士多啤梨同埋雲呢拿口味嘅，味道酸酸甜甜。

大約兩年前知道沙田開左第一間「 柳氏家 」就一直都好想去食，作為韓國必食的辣炒雞，同炸雞既地位差不多吧！可惜因為沙田太遠，所以一直都冇去到。最近發現原來荃灣都開左間分店，咁就要去試下啦！ 平日夜晚的放題價錢是198一位，客人已可自選1款炒雞，味道包括原味招牌的柳氏家辣炒雞，還有炭烤味辣炒雞、烤肉味炒雞、味噌蜜糖炒雞以及兩款期間限定的蒜香BBQ炒雞同埋四川麻辣風味炒雞。第一次黎食，識食就緊係食左原味先啦。 店員會同我地講解如何炒d雞，不過我地唔係好明，所以佢都有黎幫我地炒。柳氏家辣炒雞可能因為甜甜地，所以不會覺得辣，另外還有濃厚的蒜味，好好食。配料有芝士年糕及番薯年糕，仲有椰菜、薯仔等，食落口感豐富。另外我地仲加左拉麵一起炒，雖然炒太耐變太軟，但味道是很好的。 我地仲追加左配料，大八爪魚同埋芝士。八爪魚幾新鮮同入味，不過最推薦都係芝士，加左完全係另外一個層次啊！ 其實辣炒雞如果唔夠，係可以再加的，但我地食完第一盤已經飽得7788，所以都係食自助鐵板烤肉好。自助烤肉有多款肉選擇，一旁還表示左肉味道的濃淡。另外仲有蔬菜可以拎去燒，都幾好食！ 肉類還有海鮮類蔬菜類如果係facebook打卡會送

自從上次去首爾旅行食過柳氏家之後就一直面面不忘佢嘅味道。最近朋友話俾我聽佢喺荃灣廣場都開咗間分店，一有時間二話不說就走去懷念一下首爾的味道了。點餐方面，我哋聽咗店員嘅推介叫咗個炒雞Crossover鐵板烤肉放題套餐，另加左任食食海鮮同埋刺身。佢嘅放題套餐首先跟咗一個炒雞飯，之後嘅鐵板烤肉係任食的，有乜需要即管自助Bar自取，快夾妥，抵讚。另外佢出面有自助bar，飲品，甜品，雪糕，蔬菜同前菜任拎任食，值得一提嘅係佢嘅烤肉有各種不同嘅味道，有辣有唔辣，任君選擇，正！不一會兒炒雞鍋就送上了，店員送上了炒雞方法的指南，到最後再提我們加埋炒飯落去。味道方面，炒雞鮮甜美味，炒飯辣辣地又有雞味又有鑊氣，味道夠晒香濃之餘又唔覺有味精。肉類方面，我推介可以試吓佢嘅牛肋骨同埋牛肉片，牛味夠重又有口感。雞肉也是很不錯的，我們like了佢哋嘅Facebook仲可以有一片西班牙橄欖豬梅肉送，真正一次過滿足到幾個願望！太多好野食唔晒咁多野，下次一定要帶定一大個胃來再大吃一餐！

之前去韓國旅行都食過「柳氏家」，今日經過荃灣廣場，突然興起想食個炒雞。晚巿$198再加一，可以自己DIY炒雞。炒雞有幾款選擇，我們選了不辣的蒜香BBQ，炒了幾下，已聞到陣陣香味，令人垂涎欲滴，加埋椰菜絲一齊炒，差不多熟時，再加入韓國拉麵。雞肉嫩滑，同韓國時食的味道一樣。食完雞後，還可以自取燒肉、海鮮、蔬菜。服務員會幫你換另一個燒盤，讓你繼續燒其他食物。肉類有牛肉、雞肉、雞翼、豬扒、豬腩片、多春魚……海鮮有鮮蝦、青口、帶子、墨魚……雪糕也是自取，配料種類多，可自由配搭，是小孩子至愛。沙律櫃的生菜是一大片原整的，可以用來捲著燒肉一齊食。沙律菜清甜好味，包著吃能減低些小罪惡感。「柳氏家」好食又有得玩，下次一定再和家人來。

去韓國前一晚，約左朋友食晚飯，都忍不住想食韓國野，就大家方便係荃灣食，先發現除左沙田，原來荃灣都有柳氏家，即刻拍板！荃灣都有柳氏家食喇🤤去韓國前一晚，約左朋友食晚飯，都忍不住想食韓國野，就大家方便係荃灣食，先發現除左沙田，原來荃灣都有柳氏家，即刻拍板！黎柳氏家叫炒辣雞要小辣再加紫菜飯是常識吧！我地再追加左圍爐邊既芝士同辣雞同炒飯一齊食，拉絲芝士真係太正🤤呢度職員都好nice有認真介紹同幫手炒，提你幾時食得，幾時落芝士，幫你炒埋個飯，服務一流！食完仲可以叫職員換個乾淨既爐再鋪紙烤肉烤海鮮，帶子鮮蝦任你燒，食完再嘆返個乳酪就perfect喇～最貼心係會有衣物清新劑，唔怕食完成身會有味～黎柳氏家叫炒辣雞要小辣再加紫菜飯是常識吧！我地再追加左圍爐邊既芝士同辣雞同炒飯一齊食，拉絲芝士真係太正🤤呢度職員都好nice有認真介紹同幫手炒，提你幾時食得，幾時落芝士，幫你炒埋個飯，服務一流！食完仲可以叫職員換個乾淨既爐再鋪紙烤肉烤海鮮，帶子鮮蝦任你燒，食完再嘆返個乳酪就perfect喇～最貼心係會有衣物清新劑，唔怕食完成身會有味～

自從韓風吹襲香港之後我同男朋友兩個人都好鍾意食韓國嘢咁啱今日呢就好想試吓炒辣雞所以呢就同男朋友放工之後去荃灣嗰度食呢一間炒辣雞咁首先佢價錢係好平嘅$200左右呢就可以落樓一入到去嘅時候覺得成間餐廳同韓國嘅餐廳好似樣 好似返左韓國咁咁首先我哋入到去嘅時候佢有好多唔同口味俾我哋揀有原味最出名嘅辣炒雞味增蜜糖炭烤味同烤肉味而我哋去食嘅時候仲有兩隻限時推廣嘅口味!!!係四川麻辣味同埋蒜香bbq !!咁我哋就要辣炒雞同埋炒韓國拉麵一路炒嘅時候都聞到香噴噴啦因為佢韓國嘅辣一路炒嘅時候特別香所以我哋更加肚餓 哈哈店員呢就一路都好幫手協助我哋不停咁整黎食等我哋食到7788嘅時候呢佢就會幫我地鋪張紙係上面然之後就可以叫我地出去拎唔同嘅配料返嚟再燒種類都有好多雞肉牛肉片醃好咗嘅雞翼腸仔火腿之類都好多款唔同選擇 勁正既韓燒然之後另外仲有一邊係蔬菜類好健康食到最後梗係唔少得要整返杯雪糕啦佢哋有一個好大嘅雪糕機你斟自己想要嘅份量之後就可以去隔離落好多唔同嘅配料連我最鍾意嘅朱古力豆同埋棉花糖都有啊!!!兩個人加埋先係四百零蚊真係超級抵食❤️

荃灣西鐵路站A2出口，大約只有5分鐘的路程，過條馬路就到荃灣廣場。今日我放假，就來這裏行街街。這裏餐廳有很多選擇，最後選柳氏家，因爲望落環境舒服，想行街好好休息下。環境寬敞舒適，簡單別緻，感覺很乾淨衛生。我和朋友兩個人獨佔一張卡位，坐得很舒服。這裏是食韓燒放題的，價錢OK，$198，100分鐘任食。事不宜遲開始食啦！..Part 1: 炒雞雞有不同的炒雞口味可選擇，而我選的是「蜜糖味噌炒雞」。除了Standard炒雞的配料，如雞、菜及年糕，還可以選擇飯或麵。個鍋非常夠火候，所以炒得香口好吃。現場炒飯，這個「煮飯佳佳」很好玩，而且有店員幫手這佳餚是零失敗率！..Part 2a: 自選燒烤料食完炒雞雞後，店員會幫你換過新的鍋，有防燶紙，咁就更健康衛生。作為食肉獸的我當然首先去夾肉食。應有盡有，而且分了「濃」、「中」及「淡」味。也有好幾款海鮮及丸類選擇，包括元貝、蝦及魷魚等。當然少不了金菇、菜、火腿及香腸等嘅選擇啦。..Part 2b: 前茶、甜品及飲品有沙律區，除了有沙律菜外，當然少不了泡菜。飲品都有不少的選擇，有各式汽水、果汁及咖啡等。亦有昆布湯。更可以自己唧雪糕食！有三款雪糕，包括扭紋