柴灣東區醫院職員飯堂

營業中

休息中

去過香港咁多間醫院入邊嘅醫院餐廳食飯，東區醫院嘅飯堂可以話係數一數二，除咗嘢食款式多之外，質素亦都好，性價比好高。呢度可以食到即叫即炒嘅炒粉麵飯，亦都有雙餸飯，佢哋咖喱飯亦都值得一試，尤其是咖喱牛腩飯。不過佢每日嘅菜式都會有變，以咖喱嚟講，有時可能係咖喱雞，魚，牛肉，所以未必一定撞到想食嘅菜式。餐廳嘅範圍好大，超級無敵多位可以坐，望出去亦都算有啲景可以睇吓，真係算係有啲享受。如果係職員嘅話仲可以享受埋優惠，真係超級抵。

這家醫院員工飯堂提供的菜色不多，剛到中午很多都已經售罄。滑蛋雞絲飯上的滑蛋煎得很嫩，雞絲也很鮮嫩，與米飯搭配得恰到好處， 但可能因為是醫院飯堂所以調味很淡。魚煎得外皮不夠酥脆，內裡肉質尚可，幸好紅咖哩拯救了這道菜，熱奶茶茶味香濃，幫我提升體溫抵抗現場令人凍到起雞皮的冷氣。醫院員工還可以享受半價優惠，而且份量很大，對於住量大的人來說非常划算。不過因為是員工飯堂，所以裝修和環境不算豪華。價格反映食物質素，不過不失。

今次寫呢篇食評，我都覺得幾特別，佢並唔係乜嘢打卡餐廳，冇乜必要我諗大家都唔想嚟，但係我覺得都有啲得意嘢可以值得講下，話說今日陪朋友去醫院睇病，醫院好多人，等咗好耐，聽講話要排好多個鐘，由於唔知要等到幾時，於是期間就去咗醫院嘅餐廳食飯，醫院嘅餐廳，價錢當然係大眾化啦，工作人員仲有好大嘅折頭添，訪客嚟講都唔貴同快餐店價錢差唔多。今次嗌咗一個四寶飯，同埋一個蜜桃素雞飯，燒味做得中規中矩啦，蜜桃素雞都幾惹味，幾好食嘅，不過可能人太手唔夠嘅關係，等嘅時間有啲耐，飯亦都有生米，整體感覺比一般快餐店爭少少，不過佢最好嘅係，每樣食物旁邊都會寫住幾多卡路里，如果注重健康，又或者要減肥嘅朋友就啱曬啦。

今日來到東區尤德夫人醫院教書，順便食個早餐，和寫食評。大部份公營醫院餐廳都是由 Asia Pacific Gathering 公司承包，餐牌上的食物九成跟外面的大家樂相似。今天叫了火腿腸仔烏冬 $34 (職員價$25.5)，凍飲加$2。 以職員餐廳嚟講，算係咁啦，唔好要求咁高。

呢度canteen嘅飯 唔算好難食，但係 個蕃茄湯真係超級勁難飲。今日喺呢度嗌咗個日式套餐🍱包括兩塊雞扒🐥、 粟米🌽、 菠蘿🍍 、蕃茄🍅 、白飯🍚、醃漬蘿蔔🥕、橙🍊 基本上個飯係正正常常冇乜嘢特別嘅， 唔算特別難食。最大問題係個蕃茄湯😲。真係好難想像個蕃茄湯，係到好似漿糊一樣😥😥😥首先個湯有一陣酸味， 番茄味好淡， 個湯好鹹， 如果質感就好黏咁樣。 好似細個做手工一罌漿糊嗰隻質地😱😱😱 。真係好難理解點樣可以整到一個湯咁難飲。🙄🙄

今日去東區醫院探病，見下午茶時間有啲得閑。所以去三樓飯堂食咗個T先。呢度係快餐店食嘅食材，見到佢有一個即叫即造既炭燒豬樓包餐HK 21 似乎幾吸引, 於是就點左呢樣，配熱鴛鴦。今次我選擇咗堂食，餐牌上講明要十分鐘左右，去到攞食物嘅時候，我問要大約等幾耐？店員居然爽快咁講唔駛等，即刻有！我仲開心左一下。太好了，居然唔洗等。跟住店員就用個膠袋裝住嘅麵包，擺落我個托盤，話呢個系呢個就豬柳包了。打開個膠袋，個豬柳包雖然係熱熱地，但係完全唔脆，無炭燒效果！有幾塊洋蔥，無咩汁，塊豬柳亦都煮得太乾，同想像既相差甚遠成個麵包，連塊肉都係乾乾地。要一路飲住飲品先至食落肚。我都知遠嘅食物質素好難要求但係如果可以俾心機少少，等病人同員工食得開心啲就好啦。

陪家人到醫院搞入院手續, 一等,...就等左幾個鐘.真係要暈LA努力地終於爬左去CANTEEN...食物味道都唔錯,款式多樣,叫左個兩餸飯...雞球煮得都好入味, 飯的份量都多,  價錢亦唔算話太貴,...醫院飯堂來說都算唔錯

前日(28-9-2015 Mon)追月日,同男友再去東區醫院睇佢危急o既養母,接近12點,佢親人叫我o地分批食飯,咁落o黎職員飯堂食飯,由於同男友趕o黎時,o係巴士食o左好多o野,所以唔係好餓,於是男友叫一個餐share食,佢叫o左$39.50o既煎蛋番茄免治牛肉飯,要熱檸水,而我都要杯熱檸水,要$11.00.買完等出No.,等o左一段時間至有,我o地開餐喇,飯夠多,蛋係煎到半生熟,撈埋o黎食,味道正常冇問題.而熱檸水呢,唔大杯,亦好彩啲檸檬唔澀.到4點幾,由於病房凍凍地,男友又想休息吓,於是落o黎飲杯熱o野,,佢好似都用o左$11.00要熱檸茶,我都飲一啖,呢次檸檬好澀.環境:好大好舒適.其他:呢o度o既熱水,凍水同熱茶都可以自助免費任斟,唔怪得呢o度啲o野咁貴.

4月6日, 今日同呀菲去咗東區醫院, 順路嚟食個早餐, 呢度嘅飯堂由大家樂經營, 所以都係食番平時食到嘅野~::: 餐蛋丁 + 熱奶茶 ::: $24出前一丁就冇乜質素可言, 都係加滾水烚下佢, 再落味精咁... 可讚嘅係佢隻太陽蛋同半燶餐肉~ 太陽蛋煎得幾靚, 個黃都幾新鮮, 而塊餐肉係薄咗d, 不過算煎得帶少燶幾香口~大家樂熱奶茶不嬲水準唔錯, 奶香茶濃~呢度價錢係比出面貴, 不過冇辦法, 獨市生意, 好彩都幾好味~

當我看見日曆表，使我回想起我在東區醫院裏吃午餐.....在五月二十八日時，我與媽媽一起去東區醫院覆診 ～  之後，我便跟媽媽去餐廳吃午餐。  媽媽帶我到一個陌生的餐廳，我看見有很多很多的醫護人員和病人進去吃午餐，我才發現原來這裏是所有人都可以進去吃東西的地方.....餐廳有很多人，幸好我們眼力強很快便找到一個座位吃午餐。  那裏的規矩是吃飯後要自已清理餐具才可以離開，大家都十分盡責，大家吃飯後都會自動自覺地清理餐具，所以那裏十分乾淨 ～媽咪買了三文冶，因為她不太肚餓，我叫了青瓜蕃茄熱狗和火腿米粉。  熱狗的腸仔外皮十分脆像薯片一樣脆，生菜和蕃茄也是十分之新鮮。  火腿米粉的湯十分清淡， 火腿都有很多條，米粉質地很嚡，可惜是可樂沒有汽。 整體來說全餐很好，希望下次可以吃多一次啦。

話説某日放假， 我地一班中坑同學會集齊人馬，返老還童晨早去踢波， 點知我當黑踏波車兼拗柴、 真衰運! 搞到要入東區醫院， 搞一搞拿完藥已經係到下午3:45!  成個人又痛又餓! 點都要走去職員飯堂食個茶餐頂頂肚先。我睇中 > 滷水雞脾加紅豆冰!嘩! 引死人啦 大雞脾呀!! 從色水所見雞脾是滷得入味，大啖扯開係全熟透無血水的! 非常安全可確， 最重要係夠熟! 味道真係很好入味又不太咸! 超正!紅豆冰的紅豆係腍身但又未至於係起沙果種， 比較有咬口，真係好飲。對於我呢種傷者嚟講， 呢一個茶餐真係一支窩心的強心針。

千里迢迢與孩子們到東區醫院進行例行覆診，日期恰恰相同但是時間卻是一個在中午，一個在下午 。先不計算候診時間，等取藥 --- oh no … 玩半日是等閒事，今次一日兩劑 ... 時間該如何消磨？縱使有多番的不願也只好．唯有走到3樓的醫院餐廳 (不想記憶的也是記憶) ，餐廳一向是由「泛亞」承包，眾所周知「泛亞」是屬大家樂集團旗下，然而大家樂的出品又真是因廚而異，唉 ~從升降機裏走出來已可見到有一班客人(包括醫護及病人)圍在水牌前，相信是工作關係吧，他們可以看兩看便火速決定到自己的需要而入內排隊買票，我們仨卻左諗右想 ... 究竟食lunch好還是等多半小時食tea好 ... !終於有了定案，他們負責找位子而我就排隊買票。 說時遲，那時快，在收銀處遠左方的麵包櫃位出現了小騷動，一群公公婆婆另外還有三數位醫護在那兒有搶攻跡象，我離隊走出去看個究竟，原來醫院餐廳有新鮮麵包出爐：鹹豬仔、芝麻包、菠蘿包、腸仔包、餐肉包、吞拿魚包 , 訪客價每個$5.50而職員價好似是每個$4，我當然老實不客氣也搶了一個腸仔包及一個吞拿魚包，之後便返回那條更加長的購票隊伍。熱奶茶配新鮮麵包真是人間美妙之事 ...

這天放假，又輪到我到醫院當值照顧老爸，因昨晚睡得不好，今午餵完老爸後，不落柴灣開飯了，走到三樓的飯堂，看裝修的色調和格局，應是由「大家樂」經營管理。所有食品和飲品都有兩個價目，一個較平的是給醫院職員，另一個給訪客。我買了一個菠蘿牛柳粒飯，連熱咖啡 $31。拿了票到櫃檯領取，是一個用紙皮封口的錫紙飯盒，看不見內容，找個座位打開一看，沒有菠蘿，有茄汁，茄肉，雞心豆和牛肉粒，與我所點的有出入，但我不想更換，隨便吃了便算。牛肉粒口感帶點韌，不會是牛柳粒，還有少少羶，雞心豆很腍，有些洋蔥和罐頭蘑菇片，伴著茄汁，可送飯，味道和感覺像回到中學時在堅道明愛飯堂吃午膳。

未夠鐘睇醫生, 先去醫院餐廳醫肚先 但咁啱兩點幾, 午餐下架, 下午茶又未上苦惱中, 見一角有麵包櫃揀咗個芝麻包+一杯杞子蘆薈花旗參個包好軟熟, 又熱, 好似新鮮出爐, 好味杞子蘆薈花旗參---唔太甜紅龍好, 仲有好多花旗參片環境乾淨企理, 幾好坐

是日到醫院有點事要做，所以午飯便在醫院的職員餐廳完成了。職員與訪客也可以在此用餐，唯一不同就是在於價錢上。職員多數都會獲得$5-$10的折扣，這也是一般職員餐廳的特色。這兒的食物款式與出面的大家樂都差不多，可是食物並不是經常也能提供。今天大家樂的其中一款主打豬扒飯便很快已經售罄了。葡汁焗火腿雞粒飯($29.50)這個飯我未有在出面的大家樂食過，所以並未能與其它分店比較。飯送上的時候會被蓋著，這樣可能會更保溫吧!葡汁的份量不算太多，但也足夠。雞粒的存在起初真是令人懷疑，後來才發覺它們坐落在飯的一角，而且是很小。火腿則滿滿地鋪在飯上，與雞粒有很大的分別。所以，基本上我只是在吃葡汁焗火腿飯。焗飯的質素更是令人失望，在旁邊的飯已經變成了飯焦，後來才知道原來在底的飯也是一堆飯焦，而且所有的飯焦都是硬到咬唔開。楊枝甘露冰(+$4.50)這杯是COOL COOL冰其中的一份子，所以冰的份量都算多。西米跟柚子的份量不多，只有數粒，但這畢竟也是快餐店，尚能接受。整杯的芒果味也算足夠，而且最後也有數粒芒果，令人滿意。職員餐廳的質素應該與外面的分店相若，但這次的焗飯真的相當令人失望。雖然楊枝甘露冰能幫它挽回