栢檔極品海南雞飯

營業中

休息中

駛車經過見到呢間小店，抱住試下嘅心態入去。叫咗一隻海南雞外賣，現場即斬，喺車上等幾分鐘就有得攞，好方便。食落真係有驚喜！雞肉滑、有雞味，仲要無骨，食完一舊即刻想食多舊！一家三口秒清左一隻海南雞，阿仔話下星期要再幫襯！值得推介 💯 （事後上網搵先發現，原來呢個品牌已經喺香港開咗20年，原來係海南雞飯老字號！）

本身天后好少黎，今日甘岩要係個頭番工。lunch time 見人多就快快手叫個外賣算，又估唔到依間海南雞都幾好。海南雞餐有餐湯同埋小菜送，都幾抵既。中湯豬骨南瓜甘筍湯，幾好味，夠濃又飲唔出係味精湯，幾好👍海南雞飯d 飯軟硬適中，本身煮既時候已經加左黃薑，紅蒜頭等香料，夠曬香。而海南雞份量都好多，件件都好大😱 肉質非常嫩滑，火候控制得好好！而佢送既有三隻醬，薑蔥蓉，甜鼓油同埋甜酸辣醬，個人比較中意甜酸辣醬，配合上海南雞既鮮嫩，認真唔錯！

前面無人，但等一大輪，等極都唔take order。終於等到落單，打算叫兩個雞飯，一個係正價和另一個係學生餐，就話要等30分鐘。叫正價，話就唔使等咁耐。問吓點解同一樣都係雞飯，但學生餐要等咁耐，就話你可以唔等。算，咁唔自在，冇幫襯走咗。唔知道味道如何，但一定不會幫襯。

食物唔掂，服務超差，喇沙完全啲湯好似水咁淡，叫佢加多少少湯好似叫佢死，好似不可一世的店員從未試過咁難食，海南雞啲雞又唔熟，講真食物唔淨係重要，服務態度最緊要，就算好食，食完都背脊骨落，何況超難食，簡直黐線點解今時今日仲有啲咁嘅人做生意？可以咁樣做？以前食水煮牛嗰間超級好，一個禮拜起碼食兩次。最慘呢間店好似有四至五人，只有一個姨姨態度正常好… ………………………………………真心就分享比天后的朋友們，知唔以前嗰間食水煮牛去咗邊度

因為下午要開會,  所以不夠時間出去食午飯,  正好一直都想試下新開嘅栢檔海南雞飯, 買完返公司慢慢食。我選了海南雞飯。回到工作室個飯都仲暖。一打開外賣盒雞和飯是分開盛載，這樣很好，有些店是把雞放在飯上面，感覺飯吸走了油份，雞肉就會比較乾，這樣分開盛載就可以令雞肉浸在黃油中，雞皮光澤，賣相都吸引多了。飯份量好多，是雞油飯，飯粒偏硬, 但我一向喜歡這種質地, 每吃一啖飯都是雞油香。雞肉好嫩滑，一點都不韌，味道不是好咸, 雞味都濃。隨盒附上3款醬汁，薑蓉，甜鼓油和甜酸辣醬，可以沾雞撈飯。我用了少少薑蓉點雞肉已經好夠味。聽店員說醬料是他們每天新鮮造的, 這一點真的很有誠意啊, 更令這個雞加分!整體雞肉加雞油飯已經好夾, 再加上那3個醬汁, 3個不同味道不同層次, 好味!

同朋友到天后買野，唔覺到十二点半，有啲肚餓，朋友睇見有間海南雞飯店，於是兩個人就入去醫肚。呢個係外賣店, 但裡面有位可以坐低食，我地叫左兩個1人套餐, 滿心期待!呢間係外賣店, 所以都係自助式, 雖然用外賣盒打包, 但都見到熱辣辣! 我當然要試下海南雞飯啦, 朋友就試個豬頸肉飯, 估唔到個一人餐都好豐富, 有雞飯, 有湯, 有菜仲有個甜品!首先，見到個湯好吸引, 好足料而且味道濃郁, 完勝外面啲餐湯!碟雞同飯份量絕夠食, 而且賣相亦可以, 雞唔係好肥, 就算雞胸都好嫩滑好有雞味, 點埋豉油同醬更加提升咗層次, 配埋油飯好夾, 仲有個Q版一口甜品, 感覺好滿足啊!朋友個豬頸肉都唔錯, 入口外皮脆而肉質都夾彈, 好入味, 餸飯一流!下次可以再來試埋其他, 我見個元蹄都好吸引, 已約好朋友明天再 encore !