桂悅坊 (已搬遷) 新店位置

又係阿女一年一度嘅生日party. 今年個party係以狗狗為主提, 所以特別搵師傅做咗個狗狗蛋糕! 師傅手工一如以往, 做出0黎嘅蛋糕只有比想像中更好, 不用擔心貨不對版! 讚!! 蛋糕上的小狗不只是cream, 而係鮮忌廉什果蛋糕, 一點都不膩, 味道一流! 除咗蛋糕之外, 本人十分喜歡餅店提供嘅送貨服務! 就算係屋企攪party都可以輕鬆自在! p.s. 上次妹妹個Pepper Pig Party忘記share相片, 而家補番. 蛋糕上的相片係可食用嘅朱古力, 夠特別, 唔係間間餅店都有架! 0個次仲特別搵師傅做咗piglet burgers 個burger賣相特別之餘, 芝士火腿腸仔又咁晒小朋友口味! 讚!!

囡囡三年嘅tailor-made生日蛋糕都係搵佢幫手! 今年嘅蛋糕不但做出我們嘅要求, 而且比我們想像的好! 他們用心嘅服務及心思, 令我們十分滿意!除0左蛋糕, 今年我0地仲order0左mini fruit tarts同mini pizza, 質素都唔錯, 價錢就好ok! mini fruit都係 $3@, 比一般平! mini pizza就係 $3.5@, d料都好足!! 由於party當日太忙, 未有影相俾大家睇

我老闆6月2日生日，我同個同事幫他慶祝。6月1日上網search到Uncle David Bakery (Cake online) 已經感覺不錯。覺得蛋糕應該幾好食，就膽粗粗試下訂2磅黑夜濃情(Double Chocolate)俾老闆做生日。到6月2日個蛋糕攞左回公司，大家見到已經流晒口水，因為賣相好attractive。滑溜和光亮的面層朱古力，見到即刻想咬`落去。個個係度等..時不時又去睇下個蛋糕...到真係食時.....嘩...想死!!!!!!係好食到想死呀!!!! 全公司人都話超正...又滑、甜度適中同埋朱古力味香濃。所以HKD210.00, 值呀! 好嘢!!! 好食就係享受嘛...

剛過去的端午節 Uncel David 舉行了粽子義賣, 老闆將全數收益捐出幫助四川災民. 雖然我事後才知此事, 但我對此舉十分欣賞和敬佩!此店老闆亦經常為客人製做健康糕餅同麵包.推介: 無反式脂肪曲奇

又有新口味喇! 分別係朱古力無蛋曲奇同肉鬆曲奇。朱古力無蛋曲奇($20)係用麥皮花生做餡, 但無蛋黃只用蛋白, 素食者都可以食, 非常鬆脆, 好好味! 我一個人食晒一袋!!!!!!肉鬆曲奇?($25) 好新奇! 兩塊芝麻曲奇中間夾了肉鬆, 味道出其地夾, 曲奇好鬆化, 推介!另外新推出的蕃薯包好足料, 一大個蕃薯做餡, 麵包鬆軟, 絕不欺場。加油呀Uncle David, 期待你再推出更多新口味, 開更多分店, 讓更多人食到你的心思!

呢排多了好多新口味, 好幾種仲充滿台灣特色。問亞姐先知原來請了一個經驗豐富的台灣師傅。新口味包括:台式波籮包, 有5種口味但是不太凸出, 比起港式的較失色; 低糖鮑魚酥: 一般(無鮑魚架!只是外形似鮑魚咋!); 雙格蛋糕: 充滿蛋香的蛋糕俾一層薄酥皮包住, 好食! 鳳梨酥: 好食到不得了!!!!!!真係好出色! 我D朋友話仲好食過台灣(口個)D!P.S. Uncle David's 好像响Kwai Chung 開了分店, 好包之徒有福了!

原來openrice 有呢間uncle david’s bakery 既資料, 果然係非一般既飲食網站, 我在麗城花園返工, 所以經常光顧呢間麵包店, 有時仲會早餐, 午餐都去買佢地既麵包或蛋糕, 無論係第二期, 還是第三期既店舖, 佢地都有自設廚房, 所有麵包和蛋糕都係出自佢地既廚房, 所以產品既新鮮程度當然高過連鎖式麵包店, 不過, 以我既觀察, 有某些麵包蛋糕, 會由第二期運往第三期, 某些又會由第三期運往第二期, 不過路程只需五分鐘, 而且全程都有用蓋蓋好, 所以不會影響產品質素!佢地既麵包都幾軟熟, 不會乾僧僧, 份量適當, 價錢亦合理, 而種類亦逐漸增多! 蛋糕類別, 例如紙包蛋糕, 蛋白蛋糕都係我既心頭好, 夠軟熟, 不甜膩, 至於凍餅既種類都有好幾款, 我只試過其中既一兩款, 例如芒果卷, 黑森林卷等, 不過, 唔算係好好, 比較普通, 味道亦只屬一般, 但銷量卻唔差, 有時收工經過, 見佢地既凍餅已賣得七七八八!另外, 佢地仲有曲奇餅, 都係佢地自家製, 幾香脆架, 我d同事好鍾意食!

估唔到麗城的Uncle David's Bakery都可以在Open Rice找到，確有點愕然，不得不讚OR編輯們的神通廣大。早餐仍然是自已顧自己，在樓下的麵包舖買。沒心水，只揀了兩件獨立包裝的蛋糕仔，扮嘆左英式Scone。蛋糕仔沒有餡，只有幾粒提子乾舖面，買牠也只貪其獨立包裝。吃一口，也不錯，幾鬆化咁，提子乾更增加口感，實在不錯。兩件鬆餅，一杯熱啡，又是一個醒神的早上。

今天買了外皮綠色的綠茶冰皮紅豆月，起初都不敢抱予厚望，但一啖咬落去，咿! 淡淡綠茶香，紅豆餡好清，一都唔甜陋，好好味呀! 我敢講呢個冰皮綠茶紅豆月係全港最出色!

今日去買'手指' (即多士條)時阿姐話我知月餅剛剛出爐, 即刻買了兩個迷你蛋黃白蓮容月食.味道清清地唔太甜好口岩我, 估唔到小店質素都拍得住大公司, 況且一盒迷你8個裝都只係$75，都好抵吖!

買左三種包....香草包....香草味淡淡的, 一般! 軟芝士法包....同菠菲既粒粒芝士面一樣....唔錯! 麥法包....焗完都幾脆!

星期日特登到這裡拜訪拜訪..果然有發現買了5元3個迷你麵包, 我選了香草軟飽, 紫米飽, 薯仔飽, 一個全麥之星($2)及橄欖油粟米方飽($6)....甘多款都好食,但我覺得薯仔飽就麻麻地...可以不試...最好食的我選橄欖油粟米方飽(不過我個人鍾意食齋飽), 我會再去試下其他飽...

今天試了新產品: 意大利香草軟飽三文治，總共有三種味道: 燒牛肉、火雞胸、火腿，全部都用意大利香草軟飽加生菜蕃茄同青瓜夾其中一種配料，我試了火雞那種，感覺好健康新鮮!

呢度個老闆好接受新事物，經常問客人有乜新Idea同意見。有一次我提議佢整合桃法飽，點知佢第二日真係整了出來，仲好好味同好受歡迎添!佢一有新產品都會免費俾客人試食好大方!這店除了有傳統麵包外重有好多創新麵包!最正推介: 蛋白蛋糕、全麥之星(即全麥曲奇)、英式山型飽(必食)!香草軟飽、橄欖油粟米方飽、麥方飽、波籮飽，墨西哥飽同鎊裝曲奇都好好味!總之呢間係一間臥虎藏龍非一般麵包店啦!