梁慶記

營業中

休息中

嚟咗呢間好似話有啲澳門風味嘅粉麵店食個簡單嘅晚餐🤣$79「虎蝦安格斯 喇沙湯米粉Angus Beef & Tiger Prawn with Laksa Soup with Rice Vermicelli」：麵底有「粗麵/幼麵/米粉/米線」可以揀，咁揀咗「米粉」，米粉夠晒硬，竟然做到有意大利麵 al dente 嘅效果，真係幾啱我胃口🤣；喇沙湯底幾好味😋；牛肉有2種一啲深色啲一啲淺色啲2種都幾軟熟🤣；仲有兩隻蝦🦐肉質幾結實🤣跟餐加 $11「葡式樽仔奶茶•熱」：見到嚟咗一杯「熱奶茶」，店員阿姐話「樽仔奶茶」係「杯上」嘅，都幾特別🤣$38「籠仔蒸雲吞Macau's Wonton」：用個蒸籠裝雲吞都幾得意🤣$33「籠仔腩汁菜芯 Beef Belly Sauce Flowering Cabbage」：用個蒸籠放菜心亦都係幾得意🤣；我哋仲叫咗「全走」，簡簡單單🤣$43「招牌澳門豬扒包 Signature Macau's Pork Chop Bun」：麵包外皮脆脆哋，豬扒煎香咗，少少甜少少鹹，食得幾開心🤣

是日同朋友到旺角梁慶記食下澳門米芝連推介。去到都算幾full,好彩好快有位入座。用qr code點餐，我們點了招牌蝦籽撈麵，蝦籽牛筋腩撈麵，籠仔腩汁菜芯，籠仔巨魚旦，籠仔墨魚餅，籠仔炸雲吞，籠仔豬頸肉，籠仔五花腩，凍奶蓋芝士朱古力，凍奶蓋芝士紅豆冰，凍葡式樽仔奶茶，凍檸樂。招牌蝦籽撈麵：蝦籽夠香口，撈粗麵麵質彈牙好味道蝦籽牛筋腩撈麵：除了蝦籽香外，牛筋腩入味又夠淋。籠仔腩汁菜芯：腩汁完美融入其中，菜芯鮮甜可口。籠仔巨魚旦：好有魚香味道，爽口彈牙。籠仔墨魚餅：墨魚餅香口之外，墨魚香有咬口。籠仔炸雲吞：炸得岩岩好。籠仔豬頸肉：煎得香口，豬頸肉肉質有咬口。籠仔五花腩：煎到多餘肥膏都冇晒，香口好味道又唔油膩感。豬扒包：豬扒入味煎得香口，多洋蔥更加正。凍奶蓋芝士朱古力：奶蓋芝士同朱古力比例好夾。諗起再到朱古力返返黎牛奶味又唔爭氣個廣告。朱古力香濃好味道。凍奶蓋芝士紅豆冰：紅豆夠淋，加上奶蓋芝士入紅豆冰又多一層享受。凍葡式樽仔奶茶：茶底夠香，奶茶滑身入口回香的味道。凍檸樂：解暑之選，幾片厚切檸檬加冰底再混上可樂。

坐落於繁華的旺角，澳門地道美食的絕佳之選。蓋仔安格斯牛魔王蛋撈飯：安格斯牛肉，細膩多汁。每一粒米飯與滑嫩的雞蛋一同攪拌，釋放出令人難以抗拒的香氣。籠仔墨魚餅：餅體緊實彈牙，外皮煎至金黃酥脆。搭配特製醬料，鮮美無比。葡式樽仔咖啡：小巧的玻璃瓶中，醇厚與香濃，伴隨著微微的苦澀，卻又不失回甘。極上肥牛喇沙湯米粉：選用頂級肥牛片，搭配精心熬制的辣味湯底，與細嫩的米粉完美融合。湯頭鮮辣適中，既能激發出牛肉的鮮美，又不會掩蓋住米粉的滑順口感。招牌豬扒包：外層金黃酥脆的麵包，包裹著鮮嫩多汁的豬排，每一口都是外酥裏嫩的極致體驗。豬排經過秘制醃料醃制，再經高溫油炸，鎖住了肉汁的同時也賦予了獨特的香氣。

喇沙肥牛米線喇沙湯底好好味，好香椰香味，小小辣又夠哂熱😍 米線佢口感好特別，好爽口又幼肥牛份量都幾多同埋都好入味，整體好夾✌🏻😍 下次黎都會叫返呢個💕💕咖喱安格斯牛魔王飯🐂係安格斯肥牛片+1隻滑蛋😍 咖喱好香，而且辣到適中😊主食加$18 有一款小食❤️我地加左2款：籠仔蒸雲吞雲吞包住哂啲肉汁，一咬落去好juicy😆墨魚餅🍥金黃色 好香脆可口😉另外樽仔奶茶好有特色，茶味香大推芝士奶蓋朱古力🍫好濃郁既朱古力～加埋綿密奶蓋，無得輸！🙈🙈

朋友鍾意食蝦籽撈麵，話這間都唔錯，就叫我過嚟試一試，八點多嚟到都幾多人好彩都有位，各自叫咗麵和小食都幾飽肚。招牌蝦籽豬扒撈麵蝦籽味濃面麵彈牙，豬扒切細份啱啱好，蝦子味都濃，所以不用醬汁都可以。安格斯牛肉蛋撈飯，蛋味道幾濃和飯一起吃不錯，牛肉口感都軟熟。叫了飯碗麵仲可以加$18有小食，叫了墨魚餅和菜心，墨魚餅十分彈牙。因為見隔籬枱食雲吞，忍唔住再嗌咗一個雲吞小食，蝦都幾爽口材料不錯。飲品就各自加錢要凍檸樂和樽仔奶茶，奶茶味道都幾濃。這裏選擇都不少，下次可以再試其他麵食。

我哋自己俾錢食呢一間位於旺角我哋自費嚟食覺得價錢適中，所以就特別嚟佢哋嘅價錢同埋價格再加上種類食物嘅質素都係成正比嘅我覺得佢哋嘅咖喱炒蛋飯好好食好入味可以揀飯嘅份量唔會食到太飽，亦都驚太少我哋亦都嗌咗滑蛋豬扒飯即叫即整熱辣辣好入味好好食佢哋仲有好多唔同類型嘅款式好似係米粉佢哋嘅喇沙米粉都係澳門嘅傳統特色勁有味道勁有質感我覺得好唔錯，佢哋亦都有好多唔同類型嘅嘢飲，我哋嗌咗荔枝抹茶同埋紅豆冰都係好大杯好抵飲好好飲嘅有興趣再嚟食

這位女侍應真是太棒了！她不僅服務周到，還總是面帶微笑，讓人感到賓至如歸。她對菜單的了解也非常專業，總能推薦適合的美食。每一次用餐都因她的出色服務而變得更加愉快，真心感謝她的付出！

梁慶記今次要介紹喺旺角嘅一間澳門米芝連推介餐廳叫「梁慶記」，中午真係好full，店員雖然好忙，都搵個方便我嘅座位比我坐，我都喺門口等咗大約20分鐘，等人食完我先可以入去，呢間餐廳門口係有一級，輪椅人士如果要入去食嘅話，記得要自備斜板！1.安格斯溫泉蛋蝦籽撈麵$89+籠仔巨魚蛋$18+奶蓋芝士紅豆冰$18（9/10）呢個安格斯溫泉蛋蝦籽撈麵個份量都幾多，安格斯牛肉唔會韌，大約都有10片安格斯牛肉，溫泉蛋同蝦籽撈住麵食都幾特別，撈麵上面勁多蝦籽，味道唔咸，仲有3舊墨魚餅，都幾好味！套餐加個籠仔巨魚蛋只需$18，平咗$10，巨魚蛋有4粒，每粒魚蛋都好爽口彈牙，正！套餐加飲品仲可以半價，我揀咗奶蓋芝士紅豆冰，那個芝士唔會好香濃，粒粒紅豆都煮熟哂，成杯紅豆冰唔會好甜，唔錯！2.極上肥牛酸辣金湯米粉（中份）（大辣）$54+凍當地檸檬水$12（8.5/10）呢碗極上肥牛酸辣金湯米粉揀咗中份嘅份量，中份份量都幾多，辣度揀咗大辣，唔算好辣，入面肥牛大約有5塊肥牛，仲有其他配料有半隻雞蛋、豆卜、生菜、芽菜同酸菜等，酸酸辣辣好唔錯！套餐加飲品仲可以半價，我揀咗凍檸檬水，檸檬得兩片，無咩檸檬味！2人總共價錢$

每次行經豉油街都會被一間茶餐廳吸引。吸引我既唔係連續四年米芝蓮推介既水牌。而係佢餐廳名下一句Slogan—「性價比令你留港」。今日就睇下呢間「梁慶記」葫蘆裡係賣咩藥！睇餐牌原來係一間澳門起家既麵檔黎香港開分店，主打澳門菜同葡國菜。十六浦 安格斯牛魔王咖喱飯咖喱椰香濃厚到爆，葡式咖哩果然唔可以睇小！安格斯脂肪均勻，口感嫩滑，蛋包飯煮得恰當，帶少少流心效果，真係好食到想再添飯。另外佢仲會有沙律菜伴碟，有幾條菜食，中和返真係Prefect。三盞燈 安格斯牛魔王喇沙米線喇沙湯底味道香濃有層次，食落Creamy，佢係屬於口味偏甜果隻咖哩喇沙，可以揀大、中、小辣。我就試左小辣，呢個辣度岩岩好。安格斯入口嫩滑，配喇沙湯真係好惹味。配料都有齊晒豆卜、雞蛋、芽菜、生菜。炸雲吞呢個好有驚喜，真係粉麵檔果種新鮮雲吞黎，即叫即炸，每粒都熱辣辣，真係噴晒煙！雲吞皮薄餡靚，蝦仁同肥豬肉比例岩岩好。唯獨有啲後悔…. 剩係叫左4粒，無叫到7粒！樽仔奶茶當初我以為懷舊冰室果種傳統奶茶，但飲落原來係台式茉香奶茶。茶味都淳厚，該有既層次佢都有，而且佢調得唔甜，幾合乎我口味。整體係幾高質！但你問我值唔值得「留港」？Why n

今日放工後同女朋友去咗旺角，然後俾佢個招牌吸引咗 性價比你留港，佢係一間澳門嘅食物，本着試一試個心態入去食，總共叫咗五樣食物，安格斯蛋蓋飯，豬扒包，同埋佢嘅招牌麻酸辣米線，小食再加咗魚蛋同生菜，最吸引我嘅食物係安格斯牛非常之嫩，配埋太陽蛋嘅蛋汁撈埋啲飯一齊食，真係超級邪惡，佢仲配備咗燒汁同埋咖喱汁俾你點，麻酸辣湯底個味道同我哋平時出邊食嘅米線味道略有不同，比較特別，豬扒包直頭覺得自己喺澳門食緊，大推依家比大家！經過都可以嚟試吓

100%永久blacklist 第一次要難食到寫食評👎😂見佢又話米芝蓮，門口大大個招牌，性價比留港消費，完全俾佢呃晒冇咁大個頭唔好帶咁大頂帽希望越大，失望越大，搞到我而家咁失望，要寫食評唱衰佢先得首先嘢食質素方面：d野食等勁耐，啲嘢食嚟到又凍嘅，唔單只係擺得耐擺到凍，應該係煮嘅時間都控制得唔好牛腩麵麵凍嘅，牛又乾又凍又臭嘅午餐極上肥牛飯差到我吉野家仲好過佢牛得幾片仔，生菜1細片，基本上無任何佩料，係淋左d汁係面唯獨杯野飲正常服務態度同環境：我諗佢可能人手唔夠，啲人態度又唔好，張枱又好似唔係好乾淨咁

澳門🇲🇴過江龍米芝連推介$88/2人份量超級平靚正檸茶大大杯炸雲吞即叫即炸，脆脆的，蝦肉爽雲吞🉐️大地魚湯鮮甜👍金魚雲吞👍蝦子撈麵👍👍👍滿滿的蝦子🦐 po相風乾掛面沒有梘水味，系香港真係好少有辣椒油都唔錯，少少辣大大件有骨豬扒加埋脆脆牛油豬仔包，醬汁洋蔥🧅真係好正🙌🏻旺角金星戲院隔離開咗間米之蓮餐廳，行過見到就入去試吓，剛剛下午茶時間，2個人都係$100食到飽抵食，好食，超值🤭🤭🤭

喺門口經過原來係米芝蓮餐廳，當然要試佢地的招牌蝦籽撈麵啦！撈麵都有好多配搭，有炸豬排、牛筋等等。我哋選咗安格斯溫泉蛋蝦籽撈麵$89，仲可以選粗麵或幼麵。一上檯賣相好吸引🤩，仲配有3舊墨魚餅！麵質爽口彈牙，帶濃郁的蛋香，一啲鹼水味都冇！面層鋪滿勁多蝦籽，撈勻後鮮味十足！！佢哋仲會配一碗湯汁，可以好似食沾麵咁食。其中最驚喜係墨魚餅！炸得外層勁脆！入面墨魚肉彈牙，好真材實料！仲外我叫左街頭金錢肚麵$90，份量可以選中份或大份，我呢個係有d餓（標準），再加左籠仔腩汁生菜 中份，仲試左奶蓋芝士紅豆冰（凍）。金錢肚爽口彈牙，炆得啱啱好，生菜份量適中，配埋腩汁好惹味。最suprise係奶蓋芝士紅豆冰，紅豆冰飲得多，估唔到加埋奶蓋件事正好多！奶味濃厚，紅豆軟糯，一定要試！———————————

梁慶記係澳門嘅過江龍， 梁慶記由1920年開始進駐澳門成為街頭小食， 仲兩屆米芝蓮街頭美食得獎!🏅既然佢地係香港旺角開店，一定要過嚟試吓啦!我同兩個朋友今日就嚟食Lunch:⭐澳門風味二人組餐$88(午市二人組餐 11:30~6:00)🥖豬扒包一個🍜梁慶記雲吞撈麵一碗餐仲包左兩杯飲品- 奶蓋芝士紅豆冰 $18- 當地養生胎菊花茶 雲吞雖然細細粒，但係用料十足，鮮蝦肉好彈牙!豬扒包，包身好脆口，豬扒厚肉而且肉質又好Juicy!而且個套餐份量好足，兩個人食都夠曬食!🍛蓋仔安格斯牛魔王蛋撈飯$62(中份)- 牛肉嚴選安格斯牛肩肉，係肉質同脂肪分佈得最好嘅部分，令人回味無窮!- 如果覺得中份唔夠飽，仲可以叫大份都只係加多$25(大份$87)，真係超抵食!

啲嘢係好吃。但服務勁差，送小食不兑现，首先，我外賣雲吞麵，見他apps宣傳的google贊好及寫評論可得小食一客，我寫完後给那服務员一看,那服務员說只有堂食才送，但那宣傳上並没有註明只限堂食，我都算了，费事再要求，之後等那碗雲吞麵，後來我見雲吞麵已出餐，但那服務員好像見不到一樣，不理會，繼續執筷子，後來约莫兩分鐘，才施施然去包外賣，咁都算了，我見佢包完外賣後，繼續做自己嘢，明知那是我的外賣，爱理不理的繼續放响度，我终於忍不住，上前問她那碗是否我的外賣，她說是，我便一言不發的拿了走人，這間店，枉为米芝蓮，服務差，承諾差不兑現，以後我也不會幫襯，利申，已光顧了四次，食物是合格的，但服務與宣傳氶諾绝不合格