影片
電話號碼
36187827
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
員工態度勁差，野食等勁耐，催咗三四次都仲未有，次次都講就快有就嚟用，等多一陣但都係冇，特別係個肥肥地嘅女員工同個經理，叫我地體諒下，但等咗一個鐘個拼盤都未到，野食野飲已經食完大半個鐘點體諒？個女員工不停話冇得退錢，然後個經理又肯退但態度勁差。野又唔係特別好食，冇下次，唔建議嚟食。
繼續閱讀
同朋友行完山肚餓，去到愉景灣搵食咁岩見到呢間野，佢係要自助點餐，但因為有優惠券想問人點用到啦，自助用吾到，無人可以問，跟住有個人話自助吾到架，但無講點樣下單，態度10分差，企左陣問點下單，先肯講咪呢到下單，你有壓力我都有壓力，坐低左，叫佐個姐姐執枱，講左10次吾該晒，麻煩晒，竟然得到既係佢西面，喵嘴🙄🙄不過食物黎講佢係吾差既，叫咗個台灣牛肉麵同一杯荔枝紅茶。飲品因為加咗珍珠，紅豆，仙草 ，所以我走甜，味道岩岩好 。
繼續閱讀
自己出去點餐，無問題出到櫃枱前，無人，有職員行過都唔會理你。企咗幾分鐘發覺唔對路，原來有自助點餐機既，但係無人會提你架，你企啦，企到自己發現為止。點完返埋位會有人送餐，出面有壼水比你自己斟。咁我哋有細路，乾淨啲好，好自然斟水洗吓啲碗，一會，有位年輕女待應走埋黎話：「「「啲水唔係比你哋攞黎洗碗架，下次唔好喇」」」我問：「點解唔可以呢？」女待應回應：「如果再係咁，呢啲碗我哋唔會再提供架喇。同埋，我哋啲碗係乾淨架！」我無鬧佢，無話佢，不過一定會劣評呢間餐廳食物質素、環境質素都已經唔重要，因為服務質素差到唔值得去！
繼續閱讀
服務態度超級差員工有無培訓過 完全趕客晤想做可以晤做 環境又污糟 枱面無人抹唔怪得之日日經過都冇人幫襯野食又晤係做得好 點餐時間耐 出餐時間又超慢 等勁耐無咩人都可以慢到禁真係。。
繼續閱讀
暑假同小朋友入去愉景灣 行下，途中去沙灘，見到商場，跟住入內，原來有個溜冰場，應該都兩年冇來過愉景灣， 行咗個圈，見同層哩間食肆價錢最大眾化，咁就入咗去一試。這家食肆似大快x 大x樂 連鎖店咁，喺出面cashier落咗單，畀咗錢，然後等嗌number，稍後侍應生會將食物送到你嘅枱上，自助bar斟水飲。 我哋叫咗小食拼盤兩個(一個係鹵水，一個係炸物， 各$66) ，加 一杯黑糖珍珠奶，五花肉湯麵， 相比炸物拼盤 鹵水拼盤較好食，有豬手 、鹵水蛋 、同埋 雞翼，另外一個 炸物拼盤有香腸、花之丸、 鹽酥雞 。兩大一細 不須加一，二百幾蚊埋單，性價比算唔錯。 侍應生有禮貌同埋helpful，有機會再嚟，值得一試。
繼續閱讀