梅丘壽司の美登利総本店 (美麗華廣場1期) (已結業)

聽過美登利好多次, 終於搵到機會同朋友去食了星期六 下午 等左一陣就有得入, 估唔到入面真係有個日本藉的女員工, 令人驚喜!TUNA SUSHI拼盤, 作為一個TUNA 愛好者, 真係忍唔住叫呢個大TUNA 最好食... 入口即溶的感覺啊另外叫左個池魚SASHIMI... 我覺得都幾抵食$90 原條上...真心幾平...而且 好好食!!! 非常新鮮!!!!個人覺得係必嗌ITEM仲點左三色拼盤, 其實係為左海膽而叫,因為單點一件海膽壽司$88, 叫呢1SET 都係$168, 哈哈都無令人失望, 海膽鮮甜, 唔夠喉添啊~而最重要的係...... 打卡一流啊 另外散叫左幾件壽司, 2個人叫咁多野食.. 真係飽到上心口整體令人滿意, 絕對會ENCORE

梅丘壽司の美登利総本店 @ 尖沙咀📍尖沙咀彌敦道132號美麗華廣場一期3樓312號舖其實我都真係幾鐘意食日本野，一到左年尾既時候就特別掛住日本，因為以往呢d時間都係日本度過今晚突然想食壽司，唯有去美登利頂住癮先比係日本，香港真係叫做排少好多時間平安夜24號大概六點拎飛，等左半個鐘就有得入座，都算可以接受範圍😊老實講，同價位，比起食千両好食好多，所以佢黎左香港之後都久唔久食美登利👍🏻佢既壽司拼盤都幾抵食，大家不妨叫一set之後再睇下有悟好食再encore

對日本過江龍的壽司店都有一定的期望, 可惜期望愈大,失望愈大這句話真的可以套用在這間餐廳。海膽：叫左兩款都係苦澀+好腥🤦🏻‍♀️係我食過最差既海膽…. 呢一點已經好失望另外,滿滿三貫$158 既飯係痴埋一舊,口感似係食緊隔夜冷飯咁🙄活北寄貝：新鮮同埋好巨型,值得試下中拖羅：新鮮,但超級薄切食物種類：壽司,熱食種類真係唔多, 想揀啲小食都揀唔到餐廳設計/環境：好有板前板長feel, 不過枱與枱之間的距離較多~另外,天氣已經凍,佢既冷氣仲凍🥶 總括整體用餐經驗不太好,未必再來了,食物質素有待改善🥲

-🦄梅丘壽司美登利總本店 -是次二訪 去咗算係近期新開張嘅尖沙咀分店我完全係衝住白子而嚟的 無辦法啦 冬季限定-當時其實人在旺角 最近個間分店一定係雅蘭中心我即刻打電話去問吓 點知佢哋得返白子壽司白子壽司已經滿足唔到我 我要食嘅係刺身所以先打電話去問吓尖沙咀分店會唔會有得到答覆話有之後 就即刻衝去食返夠本Haha-1700入座 其實呢個時間真係無人 好似得我一個♦️柚子醋漬白子 Hkd80▪️Rating🌕🌕🌕🌗🌑其實唔知點解 我總係覺得近排食嘅白子不太肥美但係美登利呢個 始終比起壽司郎嘅好得多佢80蚊一碟 其實我個人覺得抵食 因為都幾大份白子 都叫新鮮 稱佢為熱忌廉係最貼切嘅形容我都好鍾意佢哋嘅酸汁調味 雖然同是柚子醋不過 每間餐廳調配出嚟嘅味道都總係唔一樣美登利調配嘅柚子醋 都叫做合我口味 唔錯而且欣賞佢有埋昆布 爽口軟綿 唔係得白子咁寡不過唔知點解 份白子散修修咁 其實賣相一般但係勝在味道唔差 我最後都Encore叫多咗碟唔知啲師傅 侍應見到我咁 會唔會覺得我好怪🤣-♦️白子軍艦 Hkd25▪️Rating🌕🌕🌕🌑🌑-呢個唔需要多加說明 只係白子刺身嘅變奏版味道大同小異 只係睇吓你想唔想

本著期待的心情，希望可以尋回日本的鮮味，但很可惜⋯⋯完全掛不到邊。店內環境：乾淨度可以食物方面：order 的是午餐$188的壽司set, 但質素及新鮮度不足，壽司上的刺身好乾，淨睇都知道不是即時切。茶碗蒸亦老了，沒有應該的滑滑口感服務方面：所有職員的外觀及態度都不是殷切，感覺上亦沒有一般日本餐廳員工的熱誠。壽司吧內的廚師，制服不整潔之外，亦見到內襯是黃黃的⋯⋯唉！不會再來啊

食完下午茶，好晏先肚餓，宵夜黎左呢間聲稱自己師傅係來自日本嘅日式壽司餐廳試吓先。喺手機落單，冇實體餐牌。餐牌有刺身，刺身丼飯，燒物煮物，沙律，前菜漬物，湯，壽司盛合，壽司，壽司卷，手卷細卷，兒童餐，甜品，飲品。蟹肉蟹膏沙律 $98一份 另加一呢個沙律可以揀半份或者一份。主角絕對唔係下底區區幾塊新鮮生菜，其實係上面嘅蟹膏，勁多又香滑鹹鮮，原來內有乾坤，下底收埋勁多新鮮蟹肉，上面再加少少沙律醬同蔥花。鹹香蟹膏配生菜平衡得好好，呢個沙律勁抵食。鰈魚裙邊沙律 $90 另加一鰈魚裙邊5塊，好爽脆富油脂，下底好多新鮮生菜，仲加左兩粒車厘茄切邊，再灑上蟹籽同蔥花，加埋適量柚子醋。味道好醒胃。滿滿三貫 $158 另加一滿滿三貫賣相好吸引，一客3大杯，材料多到滿瀉。海膽上面加左少少芥末，而海膽本身鮮甜滑溜又唔腥，唔知點解甜甜哋。香蔥吞拿魚腩味道就普通啲。三文魚籽都正常，上面有一片青瓜。呢個價錢唔算貴！特盛筋子壽司 $68 另加一特盛筋子壽司賣相好靚，筋子一大件，上面加左少少日式芥末。伴碟有一大塊香脆紫菜俾你包住壽司食。當然價錢唔平。活北寄貝壽司，縞參魚壽司，比目魚壽司，海螺壽司一共叫左4款共8件壽司。活

用料有質素一個人本來想食任食一間等到天荒地老一間就要二人起行行過依間幾好睇喎一個人都係去吧枱食日好肚餓於是自製大滿足吞拿魚刺生飯加個壽司盛盒有我最愛嘅海膽刺生飯四圍都係但這一家海鮮特別有質素甚至米飯都一流非一般店舖可比Edaciousness 7/10我覺得真的物有所值

一家人前來這餐廳，感覺非常差，先是門口的男人，恤衫黑褲不知是否經理了，態度差，表現毫無熱誠，令人感覺差，相信打電話來book台時聽電話的都是他的了，電話一直打都沒人接聽，聽後態度不好，急收線，無耐性解答問題，後者有一位女士長頭髮恤衫的又是態度不好的，回應問題時像是命令order式，不過有一位明顯穿著是待應穿著待應服的就非常好，態度友善，工作熱誠，回應到位，值得表揚，至於食物，質素一般，因為我們吃過沙田分店的，有一定的比較，沙田的魚生新鮮很多，總括來說，店里的服務人員已令餐廳整體分數下降，而且餐廳清潔度也欠奉，非常有改善的空間。

這間食店傳媒時常推介，講到幾正宗。終於今天中午想食壽司放飯在尖沙咀區於是試吓這一間聲稱是日本到香港開的壽司店試一試。叫了一個$138的一人定色。包住壽司的紫菜完全淋晒。壽司飯同埋魚生淡魚無味。一食完飲緊茶的時候，職員急不及待就會收起你的食盤。講真呢樣嘢我真係覺得好抗拒，我飲緊茶連口罩都未帶返就有個人喺我前邊咁近距離郁嚟郁去。結帳加埋一大約$151。雖然尖沙咀來講依個價錢唔係貴但係真係好差。我只可以講一句在大商場租貴，可能食店要維持水準及合理價錢真的很難。這間食店傳媒時常推介，講到幾正宗。終於今天中午想食壽司放飯在尖沙咀區於是試吓這一間聲稱是日本到香港開的壽司店試一試。叫了一個$138的一人定色。包住壽司的紫菜完全淋晒。壽司飯同埋魚生淡而無味。一食完飲緊茶的時候，職員急不及待就會收起你的碗碟。講真呢樣嘢我真係覺得好抗拒，我飲緊茶連口罩都未帶返就有個人喺我前邊咁近距離郁嚟郁去。我覺得非常唔衛生。總括一句唔會有下次。

日本超強人氣嘅梅丘壽司の美登利，之所以深受大家歡迎，除咗價錢親民，更因為大部份材料都由豐州市場（前築地市場）直送，從而成為唔少人去東京時必去嘅飯堂。雖然近年無得返鄉下，但好彩美登利喺香港都開設過江龍分店，今日我就同M佬去到位於尖沙咀嘅全新分店潮聖，順便試吓三款全新嘅產品。滿滿三貫（全新產品）一坐低之後，細味嗰杯味道熟悉嘅熱茶，仲見到美登利推介嘅全新產品，一於款款都叫晒，試吓全新嘅味道啦！其中呢款滿滿三貫就絕對係大家必叫嘅選擇，三款海鮮分別係三文魚籽、吞拿魚蓉同海膽，視覺上已經非常衝擊，啲海鮮好似多到跌晒落嚟，啱晒大家打卡！至於味道上，款款都夠晒新鮮，其中三文魚籽晶瑩剔透，粒粒飽滿口感一流；至於海膽新鮮有光澤，鮮甜柔滑，甘香清甜；而吞拿魚蓉夠軟綿，油脂豐富，魚味濃郁。鰈魚裙邊沙律（全新產品）鰈魚裙邊係我嘅最愛！因為口感非常獨特，肉質爽口而油脂卻非常豐厚，所以魚香十足！平時我就食開鰈魚裙邊嘅壽司，但就估唔到原來配上沙律都非常match。首先，鰈魚裙邊嘅係背鰭同臀鰭之間嘅肉身，物以罕為矜貴，但呢碟鰈魚裙邊沙律嘅鰈魚裙邊份量非常多，有成6片，加上清新嘅沙律菜，中和番鰈魚嘅油膩感。清新卷（全新產

聽人講旅遊書成日介紹的日本品牌朋友介紹又話好食但係日本成日排長龍🥲疫情下 暫時冇得去難得依家香港有 尖沙咀新開張又唔使排長龍❤️所以試吓先🙆🏻‍♀️男朋友鍾意食三文魚🍣所以叫了三文魚盛合佢的三文魚比其他品牌長和厚身😋其實依個價錢VS魚生份量 = 不貴我最鍾意火炙魚鮨壽司😍😍😍如果可以加少少鹽就好啦食埋這份元祖原條穴子（鰻魚）壽司😙😙非常滿足雖然不是叫了好多 但係魚生份量充料 我哋是飽飽的😆😆整體都很滿意 ❤️❤️❤️ 會再嚟

應該有排都未去到日本閒時點都要搵下日本野食今次食呢間香港都開左幾間分店但地點都唔係我成日去個的今次開左係美麉華都算幾方便打開餐牌都幾多野揀都思考左一陣由於好早唔太餓都叫唔到2個set叫左>>極上吞拿魚盛合佢呢到個壽司飯煮得唔錯, 大小適中, 最緊要唔會一夾就散食到吞拿魚唔同既部位, 不過都係最鐘意食油脂最肥美既大拖羅灸燒手握壽司盛合(近排愛上左食火灸) 灸燒其中一件都係左口魚經炙燒後滲出甘甜魚油， 食落濃郁甘香，入口即溶同行有小朋友所以叫左兒童餐(兒童餐因為有年齡限制, 所以要叫侍應直接落單)另外叫左蒸蛋, 不過不失, 至少唔會冇味 仲有海膽白魚同一件貝類壽司

好好食呀！大部份都係日本人員工，好似去咗日本咁，個地址錯了～～係二期先至岩，啲茶都幾好飲，晏晝啲set因為唔係好啱食所以就食咗散叫，買單就380幾蚊～三文魚唔建議叫麻麻哋其他都好好食！

⭐️梅丘壽司の美登利総本店⭐️📍:尖沙咀彌敦道美麗華廣場一期3樓312號舖(沙田、青衣、旺角都有分店)⏰:12:00pm-10:00pm💰:人均$200-$400 (設加一)⭕️: 現金、信用卡、Alipay、微信支付👉🏻特級香蔥吞拿魚腩卷 💰85🌜絕對比到我驚喜！！無念過呢粒野咁好食！必叫！🤣好新鮮 好大粒！吞拿魚腩卷上邊鋪滿左吞拿魚蓉 幾好食🤤👉🏻三文魚三貫 💰55🌜有三文魚香 都好長身 賣相唔錯 最鐘意火炙三文魚 魚油好香 唔似普通壽司舖嘅貨色 不過三文魚唔算厚🙈 壽司飯都實淨 唔會好散👉🏻天婦羅盛合 💰78🌜雖然天婦羅蝦瘦到成枝柴咁 不過好香口 一食就知係岩岩新鮮炸出黎 熱辣辣 唔錯🤤 好鐘意食個個天婦羅紫蘇葉😂盛合裏面重有沙梭、冬菇、秋葵、 都唔錯 好新鮮🙈👉🏻滿滿三貫 💰158🌜好迷你 份量唔多 基本上幾啖就食得晒 友人話唔抵食🤣 三文魚子同吞拿魚蓉係好食既 但海膽就有少少腥 CP值唔高😂！！🌟友人話千祈唔好叫佢地既鰻魚😂好伏 但係佢哋嘅吞拿魚好出色 必叫！好新鮮！總括而言 壽司既質素唔錯 好新鮮 但係價錢就比較貴 屬於中價位 我哋人均食咗$200左右 如果友人冇會員嘅話 我